東京食堂 (Closed)

東京食堂位置較隱閉，要走入內街先搵到餐牌種類唔多不過主菜做得相當出色，性價比亦高串燒味道不錯不過平均三十幾蚊一串份量較少，價錢亦相對較貴牛肉壽喜燒賣相精美份量多，比較抵食，牛肉足足有成6-7塊，蔬菜量同種類亦多，十分合適2人享用唯一美中不足嘅係現成拎出嚟唔係熱鍋裡面燒住，令到生蛋無法熟透，但生蛋又唔係分開上，無得用傳統食法牛肉沾著蛋汁食用鰻魚炒飯食到啖啖鰻魚肉，應該真係放咗好多落去，而且鰻魚汁香濃，必點主食之一鰻魚

同朋友黎到尖沙咀， 搵到呢間黃店 ，好似幾抵食名符其實隱世小店，搵左勁耐，原來係條巷仔入面座位得好少，好似坐左係個舊樓既天井咁小店環境唔計較得咁多，服務都ok既好大條鰻魚，百幾蚊，有湯、中華沙律同珍珠飯好抵食鰻魚肥美厚身，鰻魚汁好好送飯另外再叫左個大阪燒，係香港真係未食過咁好食既大阪燒現整，足料，醬汁夠，又多椰菜三個女仔食兩份已經飽曬了總結，鰻魚飯值得一試，推介

親子丼 $54雞肉🐣去骨雞件連皮有六、七舊處理得幾好無雪味❄️肉質嫩滑唔韌唔柴👍🏻食落仲有少少肉汁可惜雞肉唔算太入味😫 雞蛋🍳份量唔多存在感比較低🤔 洋蔥🧅淋甜帶少少爽脆唔錯👏🏻 菇味道正常 白飯🍚親子丼既醬汁都淋埋落去啲飯到但白飯依然粒粒分明口感頗為煙韌😻好在醬汁味道唔會過鹹不過食完之後都少少口乾🤫 麵豉湯唔算太鹹👌🏻浮係面既係雞脾菇整體而言，親子丼唔算太有驚喜正常水平👩🏻‍🍳

以前成日笑人講咩隱世咩極邪惡，呢一年就真係發現好多隱世嘅小店，啲嘢食真係邪惡到你唔信！舖位細細嘅東京食堂，食物真係超水準！不過排隊要排好耐，好食就唔緊要啦😝 😋 全條蒲燒鰻魚一品料理 $128 由於好細間舖，所以可以睇到條條鰻魚經過熊熊烈火百度高溫去燒，仲睇到廚師燒鰻魚好鬼死認真嘅樣🥰 條鰻魚幾肥美，性價比都幾高！有飯有湯有中華沙律仲有蕃茄仔再加海量粟米粒，真係大滿足😚  😋 蟹肉忌廉薯餅 $28 細細塊炸得幾香，外脆內軟，入面有濃濃嘅蟹味，讚！ ⭐️評分⭐️（5⭐️為滿分）味道 ⭐️⭐️⭐️⭐️⭐️ 環境 ⭐️⭐️⭐️ 抵食 ⭐️⭐️⭐️⭐️

同朋友食飯覺得唔夠喉就係和你eat個app到搵下尖沙咀有無串燒食 之後就搵到呢間東京食堂 點知佢係係一個大廈入口巷仔裹面 （X公廁附近） 見到個地理位置同個店面真係有種日式隱世美食店既感覺*睇google map朋友怕食串燒食到個身有味所以就坐左露天坐位因為我地已經食左正餐 所以主打食串燒小食🍢~蒜香雜菌炒野菜 ($36)少鹹 不過好香蒜味同香料味 如果配埋碗白飯就岩啦🙊雞泡魚乾 ($48)竟然48蚊就食到咁大塊魚乾 其他餐廳閒閒地都要7/80蚊先食到 完全係佛心價錢🙆🏻‍♀️鐵板牛舌 ($46)呢個牛舌係一粒粒 而唔係平時一片片咁既 食落好有咬口多汁 🤤推燒菠蘿 ($20) 必點!!!菠蘿上面有一層焦糖 咬落去嗰下仲會爆汁 真係好好食!😻😻😻下次黎要試下鰻魚飯同壽喜燒😋

今次黎到openrice多好評嘅東京食堂試食。星期六嘅1點黎到，已經要等位，舖頭唔大，大約坐得10個人左右。環境唔錯上網睇過，估計星期一至五有個餐牌平少少，而我地星期六lunch都係貴餐牌。不過價錢相差無幾，事不宜遲，即刻試食。首先黎咗個荔板梳打，味道好好，第一啖飲落去，有好強烈嘅荔枝味，喺咁熱嘅天氣飲返杯真係一絕呀👍👍接著黎嘅係牛肉壽喜燒，再加珍珠白飯，牛肉比較上似肥牛，搞暈隻蛋，將牛肉沾蛋汁黎食，確實好味，湯汁比較清淡，但更加可以食到牛肉嘅味道，而啲菇類亦都索晒啲牛味同湯汁，不錯不錯🤟🏻半條蒲燒鰻魚+醬湯巑岐烏冬，鰻魚燒得恰到好處，咬落去好軟綿綿嘅感覺，個鰻魚汁都配合得好好，連女友食咗都有好高評價，而烏冬就比較普通，湯汁清淡。再叫個小食，鐵板牛舌試試，味道算不錯，但某啲部份比較un，而且份量唔多，相對之前叫嘅食物就比較低分少少。總結：鰻魚真係值得一試，香港少見嘅品質，超推介👍牛肉壽喜燒都好味，大家黎試試啦

呢間係名符其實嘅隱世小店，要入去巷仔先搵到，有少少難搵，座位唔係好多，不過上菜都快，所以座位流轉率都高。炸生蠔蠔好新鮮多汁啊蟹肉忌廉薯餅口感好creamy, 有淡淡嘅蟹肉味, 唔算好濃郁, 算係幾特別嘅, 不過食完就覺得有啲飽啦！鰻魚定食見到唔少人推介鰻魚，所以我都試一試先，今次試咗半條，鰻魚個口感好滑嫩，醬料口味都剛剛好，好好食！升級為定食加$20, 有湯、中華沙律同珍珠飯，正常表現啦！佢有個叫貓飯，個名好有趣，不過今次就冇試啦。如果唔想升做為定食都可以啊，留返個胃，試多幾樣仲開心。

網上說這裡又平又好食，CP值高，就來試試。這次星期六來，價錢極不親民，入內才知道沒有lunch set，一個主食要75元起，加飯、湯和中華沙律要另加$30，平均每人要100多元。雖然味道正常，餸的份量不少，但飯不多，cp值很低。以後不會再於星期六去。好想試試饅魚飯，但去到才知道價錢差一大截，最後叫了豚肉煮和牛肉煮，味道有點像連鎖店的餐廳，不過不失。店舖格局很小，坐滿人，只有8個坐位，疫情下每枱只隔10cm，人與人坐得很近。

放假的午餐去左尖沙咀搵食！東京食堂呢間小店係我目標之一！今日就黎會一會佢！呢間野個位置有d估佢唔到！我第一次走入呢座大廈入面！去到見到個環境，心裡面不禁嘩左聲.....真係好細既小店，而且都算幾日式下！又諗起鄉下.......我叫左親子丼$54好食的！但跟我想要的親子丼不同！呢度既加左菇落去，雞肉都滑，汁既味道唔太濃，加左蔥係上面令到整體更好味！定食既麵豉湯好好飲！蜂蜜紅茶$18幾好飲！和風豚肉飯$48豚肉好香，望落好似煮得老左，但食落就好滑又爽口！唔錯唔錯！蟹肉忌廉薯餅$$12炸得好好！不過食落真係好忌廉架！頂唔順忌廉既唔好叫呀😂明太子釀雞翼$16讚呀！！個餡做得好好！整體黎講性價比高！價錢平、食物好！有下次！

超隱世日式街坊小店 🙆🏻‍♀️⁣隱世嘅程度係喺條大街度行左三四次先搵到條小巷轉入去搵到間餐廳 🙈 餐牌大部份都係日本家庭式小菜同埋串燒 價錢已尖沙咀來講都算頗合理 💛 舖頭座位唔多如果想食就要早啲嚟啦 🌟⁣⁣/牛肉壽喜燒/⁣肥牛洋蔥蘑菇真係一個冇得輸嘅組合 壽喜燒嘅汁亦調得啱啱好送飯一流 ⁣⁣/貓飯/⁣喺呢度好有特色嘅飯 加咗鰹魚醬油同牛油 🧈個人覺得份量唔係好多如果再多啲可以攞晒成個飯就好啦 🤪 紫菜木魚片為個飯生色不少 不過加埋呢啲配料 醬汁就更加顯得不多所以會有少少乾既感覺 🙈 ⁣⁣/雞軟骨/⁣加埋雞皮一齊去燒 雞油香十足好好食 🥰⁣⁣/鹽燒牛舌/⁣自己鍾意切得大塊啲嘅牛舌 可以食到佢既口感 🤣 呢到就切得細了一點 不過都要讚下調味係做得唔錯既 👍🏻

比起大大間餐廳，我更喜歡充滿人情味嘅小店，就喺尖沙咀鬧市中有間自成一角嘅寧靜小店，座位數雖然唔多但都吸引咗唔少食客排隊入座。老細最自信嘅就係佢哋嘅蒲燒饅魚，叫咗半條小試牛刀，真係燒得好香表面仲要微焦，肉質鮮嫩肥美，好味到下次想食成條，仲有啲粟米估唔到又幾香！而碗飯我就選擇升級做貓飯，木魚片加鼓油同紫菜已經令成碗飯生色不少，咁重魚味我真以為自己係隻貓。而個豚肉份量好大，豬肉同香菇都煮到好入味，拎嚟配飯食係一流嫁。至於煎餃子最正係個汁，佢哋仲有餃子雞翼添，係高熱量之選！

< 東京食堂 >呢間位於佐敦尖沙咀既餐廳人氣都十分高！加上係黃店💛價錢又唔算貴真係平日午餐都要排一陣隊啊🤣🤣呢間餐廳有少少難搵，記得見到嘉華大廈要穿入去啊！————————————————- 原條蒲燒鰻魚飯 $112 -真係好大條啊！見到師傅用火槍燒到著晒火🔥咁既價錢真係好抵！🥰佢都幾肥美厚肉，有少少骨，但係食落口又唔覺🤣無腥味👍🏻如果個皮黏身仲正嘻嘻😜個汁唔會太鹹或甜剛剛好，送飯一流！————————————————- 牛肉壽喜燒 $54 -呢個壽喜燒就唔係用鍋上既，變相唔會好熱，影左陣就凍左😯不過裡面真係好足料！牛肉份量幾多，唔難咬或者鞋～仲有洋蔥啊菇啊等等😀個人認為呢個相對上冇咁甜，咁嘅價錢真係好抵好抵————————————————- 蜂蜜紅茶 +$4 -小編可能第一啖飲得太多蜂蜜🤣🤣搞到第二啖開始較為淡😅記得攪拌好先飲啊！————————————————- 荔枝紅茶 +$4 -呢杯就真係相對上淡d~ 飲到淡淡荔枝味～如果鍾意濃味d甜d既就可能覺得差咁d————————————————總括黎講呢度真係幾抵！兩個人share食平均$100都唔洗！本身小編想食貓飯同

🐻朋友今次話想食尼間日式料理，搵佢都搵左一段時間，原來佢係一個好似唐樓既出入口既裡面 🤣 店鋪既位置真係好有趣 🤪 坐位得好少，店內外加埋6張枱左右，今次同朋友坐係bar枱位🤗今次order左「醬油豚肉煮」、「牛肉壽喜燒」加錢有埋定食set，仲轉埋「貓飯」添 😛 另外，再加埋「蒜香雜菌炒野菜」、「蜜糖雞翼」、「芝士免治雞肉棒」、「柚子梳打」同埋「荔枝紅茶」😍😍😍推介/ 意見‼️✨整體來說食物，感受到製作既用心，🐻食既「醬油豚肉煮」洋蔥鮮甜再加上爽口豚肉，配埋「貓飯」食係正既，即係鰹魚豉油、牛油、紫菜加木魚片既飯唷 😛✨比較有驚喜係「蜜糖雞翼」，即叫即燒，蜜糖仲令🐻諗起BBQ唷 🥰✨見到比較多人試蒲燒鰻魚，眼見都好吸引，等下次皮膚好點就再試🤤🤤價錢‼️$78「醬油豚肉煮」$78「牛肉壽喜燒」$30「額外定食」$20「珍珠米升級貓飯」$68「蒜香雜菌炒野菜」$22「蜜糖雞翼」$20「芝士免治雞肉棒」$24「柚子梳打」$18「荔枝紅茶」

東京食堂位置尖沙咀偏僻既地方 在柯士甸大廈裡，要仔細留意先會看見 十分隱世!!店舖比較細及店舖內入面位置不算多，店外門口也會放置兩張枱。我們大約夜晚7點左右來到，已經有很多人排隊讓我愈來愈期待他們的美食黯然銷魚飯($108)上網看到這個好吸引，亦是受歡迎食物之一。這間店最出名是鰻魚，我和友人也是鰻魚的愛好者。鰻魚表面得好香，魚肉也算厚身嫩滑， 不會一夾就散開 色澤也很好 燒汁入味 再加上流心太陽蛋，是日本正宗鰻魚飯的味道。蟹肉忌廉薯餅( $28)我是被名字吸引的 所以再追加左這小食蟹肉忌廉薯餅是即叫即整，所以要耐心等候店員送上枱已經見到新鮮滾熱辣，薯餅炸得香脆，薯餅入面混合蟹肉和忌廉，蟹肉忌廉一向也是很夾的食物，簡單是美味之選總結:想去的朋友們記得早少少來到，因為我們7點左右來到已需要排隊。到我們結帳後，人龍變得更多，大家記得要預時間!食物有水準，是日本正宗美味 高質隱世日式小店

疫情下, 超想食大阪燒的我唯有到隱世小店食大阪燒止下癮。上次黎已經好想叫, 不過叫左全條鰻魚飯。今次帶男友假日到小店食大阪燒同牛肉壽喜燒。 我男友一直好鐘意甜甜壽喜燒湯底，不過不失，有水準既！但係湯底如果有一個耐熱的器皿去盛載住會好d! 因為一涷左 ，就差少少嚕。主角當然係大阪燒啦麵粉比較多既 不過勝在豚肉夠香 脆身 啖啖都好正, 如果可以有超多木魚就好🤣回頭率100%😛