Sing Yin Cantonese Dining (Closed)

如果要數最常來做婚宴司儀嘅場地，W hotel定必係其中頭三位，是一間我很喜歡嘅型格酒店，同事同事都非常幫忙，變得相熟～ 最近再來，為既係品嘗黃師傅所準備既盛宴～ 先來既係3款前菜— 「冰煙藤椒蟶子、炭燒西班牙黑豚肉叉燒、桂花蜜汁香煎金蠔」，係一道頗有記憶點嘅前菜，除咗鮑魚有吸睛既煙霧效果之外，味道上亦屬中上！是夜飲到既係「蜜瓜天籽蘭花燉花膠湯」，用上大大件花膠，湯頭亦都相當甜，很喜歡相信「海鮮汁脆皮釀遼參」乃係功夫菜，將遼參炸得金黃恰到好處，令整件遼參有豐富既口感，海鮮汁乃錦上添花～「蔥香芥末炒澳洲和牛粒」嘅芥末味道都頗重，亦屬平穩之作是夜既MVP定必係「窩燒帶子脆紅米飯」，顏色吸睛，米飯粒粒分明，從飯中可見脆米既蹤跡，即使已經有8分飽，但吃着吃着 依然將整個小鍋吃清光一式兩款嘅甜品— 「黑糖桃膠薑汁奶凍、金箔新疆棗皇糕」，前者奶香十足，齒頰間樓有薑汁嘅香氣； 後者則甚為Q彈～ …Read More

好友約到W酒店內的星宴中菜廳食午餐，原來現在正推出這個由中餐總廚(黃偉成師傅)精心製作的「至臻品味套餐」。入餐廳前見到在大堂有座Snapio照相亭，友人立時興奮的叫着要一起拍照，大家也興致勃勃的影了一張貼紙相作留念。套餐包前菜三味、燉湯、三款主菜及甜品，共八道菜；價錢$888/位，另加10%服務費。首先是仙氣十足的三道前菜，包括冰煙滕椒蟶子、炭燒西班牙黑豚肉叉燒 及 桂花蜜汁香煎金蠔。首先品嚐這味「冰煙滕椒蟶子」，原來在底層玻璃杯中放入了乾冰及水，增添了不少仙氣，打咭一流；蟶子口感柔嫩爽甜，微辣中帶著淡淡的滕椒麻香味，是一道非常開胃的菜式。之後是「炭燒西班牙黑豚肉叉燒」，採用優質的西班牙黑豚肉，外層燒至焦香，味道濃郁，肉質嫩滑多汁，外焦內軟。最後是「桂花蜜汁香煎金蠔」，大大隻的汕尾金蠔，肉質鮮嫩豐腴，帶著鮮美蠔汁；外層煎至微脆，吃落爽嫩鮮甜，加上甜美的桂花蜜汁，搭配非常到位。這味「蜜瓜天籽蘭花燉花膠湯」，採用昂貴的天籽蘭花，據說它非常珍貴及很有藥用價值，素有“千金草”的稱號；金黃色的外型，味道甘醇，散發着淡淡的幽香；配上口感十足的厚身花膠及軟腍清甜的蜜瓜，真是滋補又有益。這味「海鮮汁脆皮釀遼參」有點似最近在華食過的大烏參；外層炸至酥脆，和日式天婦羅有點相似，但稍為薄身；在遼參中釀入豬肉和蝦仁，配上味道清甜的蟹肉海鮮醬汁，食落香脆爽嫩多汁。之後這味「蔥香芥末炒澳洲和牛粒」，就因我們不吃牛肉，大廚特意把牛肉改成黑毛豬肉，認真貼心；豚肉外層炒至焦香內軟，淋上芥末醬汁，令味道更顯惹味，而蔥香也增添了不少鮮味，底層香脆的銀魚盞更是非常美味。最後一味主菜係「窩燒帶子脆紅米飯」，大家本已吃到非常滿足，正考慮是否要打包；但當品嚐到用紅菜頭汁煮成的米飯，混合炸香的脆米，再配上帶子，叉燒及梅菜的菜弍時，那香脆惹味的口感，實在令人忍不住一口接一口的吃着，非常美味。甜品是的「黑糖桃膠薑汁奶凍」和濃郁且傳統的「金箔新彊棗皇糕」。兩款也做得非常出色，尤其喜歡前者，奶凍冰涼口感嫩滑，加上桃膠和黑糖及薑子醬，甜味與辛辣味在口腔內形成鮮明的對比，味道濃郁多汁，令人留下深刻印象。星宴中餐廳地址: 尖沙咀柯士甸道西1號港鐵九龍站香港W酒店1樓電話: 37172848…Read More

三年時間許多事也變遷不少！就如這天再到的餐廳大廚亦已變換了掌舵人，饞嘴的我就跟好友一起去嘆了頓至臻品味的午餐。這天我們要去的正是W Hong Kong內的星宴久別重逢餐廳的感覺依舊是那麼型格。我們今天要來品嚐黃偉成師傅的「至臻品味」套餐，總共有八道菜非常豐富千萬要留肚才好去享受喔。率先上檯是仙氣滿滿的三道前菜！包括冰煙滕椒蟶子、炭燒西班牙黑豚肉叉燒及桂花蜜汁香煎金蠔。先品嚐烽煙四起的冰煙滕椒蟶子！鮮甜的蟶子口感非常爽脆，帶著幽幽的清香滕椒氣味加上點點刺激的辣度，是一道非常醒神又鮮美的前菜。接力的是炭燒西班牙黑豚肉叉燒！肥瘦均勻的西班牙黑豚肉叉燒入口很腍滑，鹹甜的味道調得均衡好吸引。最後有我至愛的桂花蜜汁香煎金蠔！黃師傅用上潮汕的金蠔個子非常飽滿肥美，配上幽香的桂花和蜜糖來烹調，吃下既甘香且甜美味道非常可人。繼續來迎接蜜瓜天籽蘭花燉花膠湯！金黃色的天籽蘭花散發著淡雅的幽香，加上咬感十足的厚身花膠和清甜蜜瓜喝下感覺非常滋補潤喉。第五道菜我們得到的是海鮮汁脆皮釀遼參！端來的時候香氣撲鼻惹人垂涎。原條遼參讓入了豬肉和蝦仁裹上輕酥的炸衣吃下口感十足，配上師傅烹調的濃郁海鮮汁一起品嚐，仙氣榮繞口腔之中吃得我非常愜意。最後一份主菜本是蔥香芥末炒澳洲和牛粒，餐廳貼心地為不吃牛的我微調了一下。黃師傅為我換成蔥香炒黑毛豬肉！富有咬口的黑毛豬肉肉香好迷人，墊底的菇菌亦絕非省油燈超級入味可口，那個香脆的銀魚盞絕對是這道菜錦上添花之作。此時此刻其實我已經飽到一個點！單尾這個窩燒帶子脆紅米飯本想放棄，但吃了一口之後竟然好吃到忍不住將它吃光光。米飯的紅色原來用上紅菜頭汁來烹煮，賣相耀眼之餘更添上鮮甜味道，配合香口脆米、帶子、叉燒及梅菜吃下非常惹味，是叫人印象深刻回味無窮的一個米飯。甜品我們得到黑糖桃膠薑汁奶凍和金泊新彊棗皇糕。金泊新彊棗皇糕紅白相隔賣精緻，吃下口感煙靭不黏牙帶上陣陣紅棗和椰汁香氣甜美可人。黑糖桃膠薑汁奶凍有著令人神魂顛倒的味道，醇香的黑糖桃膠口感十足甜而不膩，但我更愛薑味濃郁的滑溜奶凍，這甜點吃罷齒頰留香真的回味無窮。至臻品味套餐收費為$888/位！品嚐到總共8道黃師傅精心炮製的菜式，非常豐盛絕對值回票價。…Read More

雖則在外國生活過，但無可否認我是有個中菜胃，久唔久就想吃番頓中餐。對上一次到訪星宴係疫情前，這幾年世界變化有幾大唔使我多講，呢度既行政總廚當然亦有更換過，所以我就當新餐廳來試的心情就是了。見有個總廚推介的套餐，咁梗係食呢個套餐啦！唔通連總廚都唔信咩！頭盤分別是縢椒蟶子、叉燒，以及香煎金蠔，蟶子以小小的玻璃器皿盛起，乾冰做出煙冒效果，相機/手機食先既年代，做什麼菜系都需要顧及視覺享受。再講，蟶子火侯控制到家，爽脆不韌，滲出淡淡的麻香，確是個好開始。叉燒採用西班牙黑毛豬，厚切，微微燶邊，看上去是偏瘦，不過肉質是鬆化的。金蠔體型比想像中要大，加上桂花蜜汁之香甜，好吃。套餐總離不開湯品，蜜瓜天籽蘭都是好東西，湯頭清甜到一個點，再加件厚大的花膠，入口煙韌，膠性豐富。吃罷花膠，喝光湯水，著實已飽了一截。接著來是海鮮汁脆皮釀遼參，厚厚的遼參披著薄薄的黃金聖衣，咬落鬆脆，遼參爽身，再結合釀在裡頭的豬肉及蝦仁彈牙，口感層次豐富，沾上海鮮汁同吃，別有一番風味。另一主菜係芥末澳洲和牛粒，牛肉粒鬆化是必然，淋上芥末汁多一份刺激感，再配上些什菇作點綴，整件事變得和諧。不過我最喜歡還是墊底的脆魚盞，香口好食。吃至此時，飽了九成，好在米飯份量不是太誇。起初見餐牌寫著紅米飯，以為是健康但不好吃的那款。原來我錯晒，師傅是以紅菜頭汁熟成米飯，好看得來又多一份新鮮的甜味，混合埋脆米，配上帶子，叉燒粒及梅菜，呢個飯真係再飽都可以全清掉。甜品並不複雜，層次分明的棗皇糕，與及辣味十足的黑糖桃膠薑汁奶凍，已經令胃甜大感滿意。…Read More

早排經常食自助餐，實在好豐富，減肥計劃恐怕又是天方夜譚，今次食得精緻一點，同朋友試試W Hotel 中菜廳星宴行政總廚黃偉成師傅的菜色。餐前送上的漬冬瓜粒酸酸甜甜的好開胃，原來是用上了橙汁去泡浸，好啱我。Chef Simon Wong's Degustation Menu黃偉成師傅至臻品味套餐STARTER冰煙滕椒蟶子Ice-smoked Razor Clams with Sichuan Peppercorns視覺效果一流，陣陣以乾冰營造出仙氣縈繞的感覺，選用新鮮蟶子碎上，加入了滕椒，多添一份辛勁。炭燒西班牙黑豚肉叉燒Barbecue Iberico Pork叉燒烤得恰到好處，鬆軟有嚼口，蜜味不會過重。桂花蜜汁香煎金蠔Pan-fried Semi-dried Oyster with Osmanthus Honey很久沒吃過如此具水準的金蠔了。金蠔肉質柔韌富彈性，煎香後蘸上桂花蜜，甜美可口，放上少許桂花，望落更添觀賞性。SOUP蜜瓜天籽蘭花燉花膠湯Double-boiled Fish Maw Soup with Melon and Orchid Seeds甜美清潤的湯水，湯色清澈但好夠火喉。MAIN海鮮汁脆皮釀遼參Braised Crispy Kanto Sea Cucumber Stuffed with Pork and Shrimp in Superior Seafood Sauce以禪衣式手法處理遼參，薄薄的一層脆漿，完美地包裹著，內裡釀入了蝦膠，令口感更佳，而置底的蟹黃沾上了更是滋味。蔥香芥末炒澳洲和牛粒Wok-fried Australian Wagyu Beef with Scallion in Wasabi Sauce和牛粒很常見，爆炒亦很多時會遇上，但以中日元素夾雜就好少見， 既有蔥油的香味，又有芥末的辛勁，正好平衡了油膩的感覺，不錯，但最精彩係置底的金盞其實係由銀魚仔壓成。窩燒帶子脆紅米飯Fried Beetroot Crisp Rice with Scallop in a Clay Pot店方名物，以紅菜頭泡浸過的米，煮好後混入脆米及帶子，不單令色彩繽紛，口感更是層次分明，既有嚼口，又有帶子幼嫩的質感，美味。DESSERT黑糖桃膠薑汁奶凍、金箔新疆棗皇糕Milk Pudding with Peach Gum and Brown Sugar in Ginger Sauce,Steamed Xinjiang Red Date Pudding很喜歡奶凍的薑味好重手，質感亦好輕滑，配上甜美的黑糖以及健康的桃膠，滿意了。棗皇糕咬落好Q彈，棗味好突出。…Read More

W HOTEL中菜廳 星宴，今日是我第一次到訪由前菜到主菜、湯品到甜品每一樣都好精緻🥢是大廚黃偉成師傅精心炮製，入廚超過30年的他，質素當然是無可置疑！無論味道、材料和配搭，以至擺盤，都絕不馬虎！前菜的冰煙藤椒蟶子，藤椒的麻香不會搶鏡！從來酒店炮製的叉燒都係高質，今次都唔例外！炭燒黑毛豬肉叉燒啖啖肉，唔會太肥。桂花蜜汁香煎金蠔是傳統做法，原來好多餐廳已經冇做，金蠔煎封後帶有蜜糖香！湯品的蜜瓜天籽蘭花燉花膠湯花膠好厚肉，用上天籽蘭花這個食材能平胃氣，加上蜜瓜，飲落鮮甜又養顏。主菜海鮮汁脆皮釀遼參，這樣高貴的食材配上彈牙的蝦肉，以蟹肉芡汁伴碟，好鮮味♥️邊個話中菜唔用得刀叉？好似食牛扒一樣，遼參又勁厚肉！葱香芥末炒澳洲和牛粒炸葱蒜這些香口的料頭，配什麼都沒有錯！更何況是高質的食材和牛？要讚火喉控制得好，有獲氣之餘和牛不會過火，仲好嫩滑！尤其喜歡窩燒帶子脆紅米飯，用上紅菜頭汁浸過的米，沒有腦海的草青味。加入了脆米，和帶子的肉，兩者截然不同的口感，剛剛成為一大對比！甜品的黑糖桃膠薑汁奶凍香滑無比，份量令人特別滿足！棗王糕煙煙韌韌唔會過甜！今日的盛宴$888/pp，以酒店級中菜、高質食材來評絕對值得一試。…Read More

適逢母親節兼母親生日月，帶她去了W酒店星宴，一嘗有水準的中菜𝐂𝐡𝐞𝐟 𝐒𝐢𝐦𝐨𝐧 𝐖𝐨𝐧𝐠'𝐬 𝐃𝐞𝐠𝐮𝐬𝐭𝐚𝐭𝐢𝐨𝐧 𝐌𝐞𝐧𝐮✨黃偉成師傅至臻品味套餐✨$𝟖𝟖𝟖/位 包括餐酒🍷（紅/白酒一杯）𝐒𝐓𝐀𝐑𝐓𝐄𝐑冰煙滕椒蟶子💨𝗜𝗰𝗲-𝘀𝗺𝗼𝗸𝗲𝗱 𝗥𝗮𝘇𝗼𝗿 𝗖𝗹𝗮𝗺𝘀 𝘄𝗶𝘁𝗵 𝗦𝗶𝗰𝗵𝘂𝗮𝗻 𝗣𝗲𝗽𝗽𝗲𝗿𝗰𝗼𝗿𝗻𝘀蟶子口感柔嫩帶彈性，滕椒的辛辣令舌頭都麻了🌶️𝘛𝘩𝘦 𝘳𝘢𝘻𝘰𝘳 𝘤𝘭𝘢𝘮𝘴 𝘢𝘳𝘦 𝘵𝘦𝘯𝘥𝘦𝘳 𝘢𝘴 𝘦𝘹𝘱𝘦𝘤𝘵𝘦𝘥. 𝘛𝘩𝘦 𝘯𝘶𝘮𝘣𝘪𝘯𝘨 𝘢𝘯𝘥 𝘴𝘱𝘪𝘤𝘺 𝘯𝘰𝘵𝘦𝘴 𝘰𝘧 𝘚𝘪𝘤𝘩𝘶𝘢𝘯 𝘱𝘦𝘱𝘱𝘦𝘳𝘤𝘰𝘳𝘯𝘴 𝘪𝘯𝘥𝘦𝘦𝘥 𝘵𝘪𝘤𝘬𝘭𝘦 𝘮𝘺 𝘵𝘰𝘯𝘨𝘶𝘦!炭燒西班牙黑豚肉叉燒𝗕𝗮𝗿𝗯𝗲𝗰𝘂𝗲 𝗜𝗯𝗲𝗿𝗶𝗰𝗼 𝗣𝗼𝗿𝗸外皮充滿光澤，滑嫩多汁，味道濃郁又香甜𝘛𝘩𝘦 𝘮𝘦𝘢𝘵𝘺 𝘤𝘩𝘢𝘳 𝘴𝘪𝘶 𝘩𝘢𝘴 𝘢 𝘳𝘪𝘤𝘩 𝘵𝘢𝘴𝘵𝘦, 𝘢 𝘫𝘶𝘪𝘤𝘺 𝘵𝘦𝘹𝘵𝘶𝘳𝘦 𝘢𝘯𝘥 𝘢𝘯 𝘢𝘱𝘱𝘦𝘵𝘪𝘴𝘪𝘯𝘨 𝘴𝘩𝘦𝘦𝘯.桂花蜜汁香煎金蠔𝗣𝗮𝗻-𝗳𝗿𝗶𝗲𝗱 𝗦𝗲𝗺𝗶-𝗱𝗿𝗶𝗲𝗱 𝗢𝘆𝘀𝘁𝗲𝗿 𝘄𝗶𝘁𝗵 𝗢𝘀𝗺𝗮𝗻𝘁𝗵𝘂𝘀 𝗛𝗼𝗻𝗲𝘆煎至外焦內潤，雙重口感，與桂花蜜汁非常配合𝘛𝘩𝘦 𝘴𝘸𝘦𝘦𝘵 𝘴𝘢𝘶𝘤𝘦 𝘨𝘰𝘦𝘴 𝘨𝘳𝘦𝘢𝘵 𝘸𝘪𝘵𝘩 𝘤𝘳𝘪𝘴𝘱𝘺 𝘢𝘯𝘥 𝘵𝘦𝘯𝘥𝘦𝘳 𝘰𝘺𝘴𝘵𝘦𝘳𝘴.𝐒𝐎𝐔𝐏蜜瓜天籽蘭花燉花膠湯🍈𝗗𝗼𝘂𝗯𝗹𝗲-𝗯𝗼𝗶𝗹𝗲𝗱 𝗙𝗶𝘀𝗵 𝗠𝗮𝘄 𝗦𝗼𝘂𝗽 𝘄𝗶𝘁𝗵 𝗠𝗲𝗹𝗼𝗻 𝗮𝗻𝗱 𝗢𝗿𝗰𝗵𝗶𝗱 𝗦𝗲𝗲𝗱𝘀蜜瓜的甜味全融入到湯之中，清甜無比，花膠相當厚身，有彈性又微爽，還有鮑片、蜜瓜及瑤柱絲𝘛𝘩𝘪𝘤𝘬 𝘧𝘪𝘴𝘩 𝘮𝘢𝘸 𝘩𝘢𝘴 𝘢𝘯 𝘦𝘭𝘢𝘴𝘵𝘪𝘤 𝘵𝘦𝘹𝘵𝘶𝘳𝘦, 𝘸𝘩𝘪𝘭𝘦 𝘮𝘦𝘭𝘰𝘯 𝘢𝘥𝘥𝘴 𝘢 𝘯𝘢𝘵𝘶𝘳𝘢𝘭 𝘢𝘯𝘥 𝘳𝘦𝘧𝘳𝘦𝘴𝘩𝘪𝘯𝘨 𝘴𝘸𝘦𝘦𝘵𝘯𝘦𝘴𝘴.𝐌𝐀𝐈𝐍海鮮汁脆皮釀遼參𝗕𝗿𝗮𝗶𝘀𝗲𝗱 𝗖𝗿𝗶𝘀𝗽𝘆 𝗞𝗮𝗻𝘁𝗼 𝗦𝗲𝗮 𝗖𝘂𝗰𝘂𝗺𝗯𝗲𝗿 𝗦𝘁𝘂𝗳𝗳𝗲𝗱 𝘄𝗶𝘁𝗵 𝗣𝗼𝗿𝗸 𝗮𝗻𝗱 𝗦𝗵𝗿𝗶𝗺𝗽 𝗶𝗻 𝗦𝗲𝗮𝗳𝗼𝗼𝗱 𝗦𝗮𝘂𝗰𝗲烹調方式創新，海參外層被金黃酥脆的麵皮包裹，裡面很軟稔，還釀了豬肉和蝦仁，鹹味與口感十足，最後燴上充滿滑嫩蟹肉的海鮮汁，但仍保持到外皮脆度，媽媽吃到舔舔脷！𝘚𝘦𝘢 𝘤𝘶𝘤𝘶𝘮𝘣𝘦𝘳 𝘪𝘴 𝘤𝘰𝘰𝘬𝘦𝘥 𝘵𝘰 𝘢 𝘵𝘦𝘯𝘥𝘦𝘳-𝘤𝘳𝘪𝘴𝘱 𝘵𝘦𝘹𝘵𝘶𝘳𝘦. 𝘍𝘪𝘭𝘭𝘦𝘥 𝘸𝘪𝘵𝘩 𝘱𝘰𝘳𝘬 𝘢𝘯𝘥 𝘴𝘩𝘳𝘪𝘮𝘱 𝘧𝘰𝘳 𝘢 𝘱𝘦𝘳𝘧𝘦𝘤𝘵 𝘣𝘭𝘦𝘯𝘥 𝘰𝘧 𝘧𝘭𝘢𝘷𝘰𝘳𝘴.蔥香芥末炒澳洲和牛粒𝗪𝗼𝗸-𝗳𝗿𝗶𝗲𝗱 𝗔𝘂𝘀𝘁𝗿𝗮𝗹𝗶𝗮𝗻 𝗪𝗮𝗴𝘆𝘂 𝗕𝗲𝗲𝗳 𝘄𝗶𝘁𝗵 𝗦𝗰𝗮𝗹𝗹𝗶𝗼𝗻 𝗶𝗻 𝗪𝗮𝘀𝗮𝗯𝗶 𝗦𝗮𝘂𝗰𝗲和牛粒非常軟稔，芥末和蔥香增添辣味與鮮味𝘋𝘳𝘪𝘻𝘻𝘭𝘦𝘥 𝘸𝘪𝘵𝘩 𝘸𝘢𝘴𝘢𝘣𝘪 𝘴𝘢𝘶𝘤𝘦, 𝘵𝘩𝘦 𝘵𝘦𝘯𝘥𝘦𝘳 𝘸𝘢𝘨𝘺𝘶 𝘣𝘦𝘦𝘧 𝘩𝘢𝘴 𝘸𝘰𝘬 𝘩𝘦𝘪.窩燒帶子脆紅米飯♥️𝗙𝗿𝗶𝗲𝗱 𝗕𝗲𝗲𝘁𝗿𝗼𝗼𝘁 𝗖𝗿𝗶𝘀𝗽 𝗥𝗶𝗰𝗲 𝘄𝗶𝘁𝗵 𝗦𝗰𝗮𝗹𝗹𝗼𝗽 𝗶𝗻 𝗮 𝗖𝗹𝗮𝘆 𝗣𝗼𝘁別看外觀就以為很辣，紅米飯這麼紅的秘密是用上紅菜頭汁熟成！飯粒炒得粒粒分明，配料亦相當豐富，有海量帶子、叉燒及梅菜，再混合炸香的脆米，超美味𝘛𝘩𝘦 𝘣𝘦𝘦𝘵𝘳𝘰𝘰𝘵-𝘪𝘯𝘧𝘶𝘴𝘦𝘥 𝘳𝘪𝘤𝘦 𝘱𝘳𝘦𝘴𝘦𝘯𝘵𝘴 𝘢 𝘷𝘪𝘣𝘳𝘢𝘯𝘵 𝘤𝘰𝘭𝘰𝘳. 𝘐𝘵 𝘢𝘭𝘴𝘰 𝘰𝘧𝘧𝘦𝘳𝘴 𝘢 𝘳𝘪𝘤𝘩 𝘧𝘭𝘢𝘷𝘰𝘶𝘳 𝘱𝘳𝘰𝘧𝘪𝘭𝘦 𝘸𝘪𝘵𝘩 𝘤𝘳𝘪𝘴𝘱𝘺 𝘳𝘪𝘤𝘦, 𝘴𝘤𝘢𝘭𝘭𝘰𝘱𝘴, 𝘣𝘢𝘳𝘣𝘦𝘤𝘶𝘦𝘥 𝘱𝘰𝘳𝘬, 𝘢𝘯𝘥 𝘱𝘳𝘦𝘴𝘦𝘳𝘷𝘦𝘥 𝘷𝘦𝘨𝘦𝘵𝘢𝘣𝘭𝘦𝘴.𝐃𝐄𝐒𝐒𝐄𝐑𝐓黑糖桃膠薑汁奶凍、金箔新彊棗皇糕𝗠𝗶𝗹𝗸 𝗣𝘂𝗱𝗱𝗶𝗻𝗴 𝘄𝗶𝘁𝗵 𝗣𝗲𝗮𝗰𝗵 𝗚𝘂𝗺 𝗮𝗻𝗱 𝗕𝗿𝗼𝘄𝗻 𝗦𝘂𝗴𝗮𝗿 𝗶𝗻 𝗚𝗶𝗻𝗴𝗲𝗿 𝗦𝗮𝘂𝗰𝗲, 𝗦𝘁𝗲𝗮𝗺𝗲𝗱 𝗫𝗶𝗻𝗷𝗶𝗮𝗻𝗴 𝗥𝗲𝗱 𝗗𝗮𝘁𝗲 𝗣𝘂𝗱𝗱𝗶𝗻𝗴奶凍口感滑嫩，對比一般甜奶凍，薑汁的辛辣令整道甜品更有記憶點，也可以解膩𝘛𝘩𝘦 𝘴𝘱𝘪𝘤𝘺 𝘨𝘪𝘯𝘨𝘦𝘳 𝘴𝘢𝘶𝘤𝘦 𝘣𝘢𝘭𝘢𝘯𝘤𝘦𝘴 𝘵𝘩𝘦 𝘴𝘸𝘦𝘦𝘵𝘯𝘦𝘴𝘴 𝘰𝘧 𝘱𝘦𝘢𝘤𝘩 𝘨𝘶𝘮 𝘢𝘯𝘥 𝘣𝘳𝘰𝘸𝘯 𝘴𝘶𝘨𝘢𝘳.棗皇糕軟糯度正合我心，紅棗味清甜濃郁𝘚𝘵𝘦𝘢𝘮𝘦𝘥 𝘵𝘰 𝘱𝘦𝘳𝘧𝘦𝘤𝘵𝘪𝘰𝘯, 𝘵𝘩𝘦 𝘱𝘶𝘥𝘥𝘪𝘯𝘨 𝘱𝘳𝘦𝘴𝘦𝘯𝘵𝘴 𝘢 𝘳𝘪𝘤𝘩 𝘴𝘸𝘦𝘦𝘵𝘯𝘦𝘴𝘴 𝘢𝘯𝘥 𝘨𝘭𝘶𝘵𝘪𝘯𝘰𝘶𝘴 𝘵𝘦𝘹𝘵𝘶𝘳𝘦…Read More

-星宴中餐廳 🥢位於香港W酒店 全新推出至臻品味套餐 係由酒店中餐總廚黃偉成精心炮製 曾於多家高級酒店品牌工作 並擁有超過 30 年廚藝經驗中意周遊列國既佢 累積左唔少唔同菜系既知識 所以佢既烹飪特色係創造出具有創新性既廣東菜 由佢所選用看似唔合拍既食材 創造出和諧驚喜既味道 去到擺碟 可以睇得出佢既創意同對細節既講究!今次呢個創新既廣東菜選用當造食材製作而成 用料上乘每一道都好有水準 真心好味 值得一試❤️🥢黃師傅至臻品味套餐 ($888/pp)+ 包括餐酒 - 紅或白酒一杯餐前小食🍡橙汁冬瓜粒 - 冰涼爽口 酸酸甜甜好開胃前菜🥢冰煙滕椒蟶子 由乾冰襯托下既蟶子 非常打卡 同時不失味美蟶子新鮮肉厚 口感柔嫩彈牙 當中既鹹鮮味 同滕椒既辛辣+麻木感 非常夾 夠晒開胃🥢炭燒西班牙黑豚肉叉燒叉燒燒至外焦香內軟腍 炭烤香味突出味道濃郁可口 而且肉質滑嫩 肉汁豐富 🥢桂花蜜汁香煎金蠔⭐⭐⭐⭐⭐ 當晚最愛既其中一道金蠔煎至外焦內軟熟又鹹香 口感嫩嫩脆脆的 配香甜既桂花蜜汁 真心超好味!湯品🥣蜜瓜天籽蘭花燉花膠湯個人幾中意呢個養生滋補既湯品 用上厚身花膠 富有彈性爽脆 配搭清甜蜜瓜同天籽蘭花 仲帶有淡雅既花香餘韻主菜🥢海鮮汁脆皮釀遼參呢個係黃師傅既招牌菜之一 - 將釀左豬肉和蝦仁既海參炸至外層金黃酥脆內軟 遼參爽滑彈牙 加入大量蟹肉既海鮮醬汁鮮美順滑 將成隻碟食得乾乾淨淨!🥢蔥香芥末炒澳洲和牛粒想講個澳洲和牛肉既5成熟控制得真係剛剛好!!濃郁軟腍 配上芥末醬汁同炸蔥 增添鮮味🍚窩燒帶子脆紅米飯⭐⭐⭐⭐⭐呢個完全比想象中好味特別之處係用紅菜頭汁煮成 炒得粒粒分明又乾身亦增添一份清甜味 混合炸香左既脆米 同帶子 + 叉燒 + 梅菜 味道同口感層次非常豐富 食多碗都冇難度😍甜品🍮黑糖桃膠薑汁奶凍比起意式奶凍 更中意呢個加左薑汁既中式奶凍 口感細滑 另外加入左桃膠 黑糖既甜味形成對比 唔怕會甜到膩 🥰🍮金泊新彊棗皇糕 呢款傳統中式糕點亦都係正中我心用上新疆紅棗製成 蒸至軟糯軟糯 濃郁清甜紅棗味~…Read More

// 𝙀𝙭𝙦𝙪𝙞𝙨𝙞𝙩𝙚 𝙖𝙣𝙙 𝙈𝙤𝙙𝙚𝙧𝙣 𝙏𝙖𝙠𝙚 𝙤𝙣 𝘾𝙖𝙣𝙩𝙤𝙣𝙚𝙨𝙚 𝘾𝙡𝙖𝙨𝙨𝙞𝙘𝙨 𝙖𝙩 𝙒 𝙃𝙤𝙣𝙜 𝙆𝙤𝙣𝙜 - 𝙎𝙞𝙣𝙜 𝙔𝙞𝙣 𝘾𝙖𝙣𝙩𝙤𝙣𝙚𝙨𝙚 𝘿𝙞𝙣𝙞𝙣𝙜 🍴 //-Well-situated right next to the elegant entrance of W Hong Kong, 𝐒𝐢𝐧𝐠 𝐘𝐢𝐧 is a top-notch Cantonese dining restaurant helmed by multiple award-winning Executive Chinese Chef Simon Wong, showcasing his authentic Cantonese culinary expertise with exclusive yet traditional delicacies.-☞ 𝐂𝐡𝐞𝐟 𝐒𝐢𝐦𝐨𝐧’𝐬 𝐒𝐞𝐚 𝐨𝐟 𝐅𝐥𝐚𝐯𝐨𝐫𝐬 𝐌𝐞𝐧𝐮 - 𝐇𝐊$𝟏𝟒𝟖𝟎 𝐩𝐞𝐫 𝐩𝐞𝐫𝐬𝐨𝐧Exclusively curated by Chef Simon Wong in featuring 6-courses of sea offerings and quality seasonal produce; the menu kickstarts with Sing Yin Deluxe Combination Platter, highlighting 𝐃𝐞𝐞𝐩-𝐟𝐫𝐢𝐞𝐝 𝐂𝐨𝐝 𝐅𝐢𝐬𝐡 𝐂𝐮𝐛𝐞𝐬 𝐰𝐢𝐭𝐡 𝐂𝐫𝐢𝐬𝐩𝐲 𝐆𝐚𝐫𝐥𝐢𝐜, 𝐇𝐨𝐧𝐞𝐲-𝐠𝐥𝐚𝐳𝐞𝐝 𝐁𝐚𝐫𝐛𝐞𝐜𝐮𝐞 𝐒𝐩𝐚𝐧𝐢𝐬𝐡 𝐈𝐛𝐞𝐫𝐢𝐜𝐨 𝐏𝐨𝐫𝐤, and 𝐏𝐚𝐧-𝐟𝐫𝐢𝐞𝐝 𝐒𝐜𝐚𝐥𝐥𝐨𝐩 𝐰𝐢𝐭𝐡 𝐁𝐥𝐚𝐜𝐤 𝐓𝐫𝐮𝐟𝐟𝐥𝐞 𝐒𝐚𝐮𝐜𝐞; then followed by 𝐃𝐨𝐮𝐛𝐥𝐞-𝐛𝐨𝐢𝐥𝐞𝐝 𝐒𝐞𝐚 𝐂𝐮𝐜𝐮𝐦𝐛𝐞𝐫 𝐒𝐨𝐮𝐩 𝐰𝐢𝐭𝐡 𝐂𝐨𝐧𝐩𝐨𝐲, 𝐘𝐞𝐥𝐥𝐨𝐰 𝐅𝐮𝐧𝐠𝐮𝐬 𝐚𝐧𝐝 𝐌𝐚𝐭𝐬𝐮𝐭𝐚𝐤𝐞 𝐌𝐮𝐬𝐡𝐫𝐨𝐨𝐦, a hearty yet nourishing soup to indulge-in before savoring the main course.-The main courses were 𝐁𝐚𝐤𝐞𝐝 𝐋𝐨𝐛𝐬𝐭𝐞𝐫 𝐰𝐢𝐭𝐡 𝐌𝐢𝐱𝐞𝐝 𝐂𝐡𝐞𝐞𝐬𝐞 𝐚𝐧𝐝 𝐀𝐧𝐠𝐞𝐥 𝐇𝐚𝐢𝐫 𝐒𝐩𝐚𝐠𝐡𝐞𝐭𝐭𝐢, highlighting its delectable cheesy flavors with the tenderly succulent lobster; 𝐁𝐫𝐚𝐢𝐬𝐞𝐝 𝐒𝐨𝐮𝐭𝐡 𝐀𝐟𝐫𝐢𝐜𝐚𝐧 𝐃𝐫𝐢𝐞𝐝 𝐀𝐛𝐚𝐥𝐨𝐧𝐞 𝐢𝐧 𝐒𝐮𝐩𝐫𝐞𝐦𝐞 𝐎𝐲𝐬𝐭𝐞𝐫 𝐒𝐚𝐮𝐜𝐞 (𝟐𝟓 𝐇𝐞𝐚𝐝) 𝐰𝐢𝐭𝐡 𝐁𝐫𝐚𝐢𝐬𝐞𝐝 𝐆𝐨𝐨𝐬𝐞 𝐖𝐞𝐛, a signature dish in savoring the dried abalone’s distinct sweet taste and firm texture along with the gelatinous flavors from the braised goose web; and a seasonal dish 𝐏𝐨𝐚𝐜𝐡𝐞𝐝 𝐕𝐞𝐠𝐞𝐭𝐚𝐛𝐥𝐞𝐬 𝐰𝐢𝐭𝐡 𝐖𝐨𝐥𝐟𝐛𝐞𝐫𝐫𝐲 𝐚𝐧𝐝 𝐋𝐢𝐥𝐲 𝐁𝐮𝐥𝐛 𝐢𝐧 𝐅𝐢𝐬𝐡 𝐛𝐫𝐨𝐭𝐡.-Topping off the meal with a classic 𝐅𝐫𝐞𝐬𝐡𝐥𝐲 𝐆𝐫𝐨𝐮𝐧𝐝 𝐖𝐚𝐥𝐧𝐮𝐭 𝐂𝐫𝐞𝐚𝐦 as the dessert, an authentic local sweet treat made with earthy walnuts for a delicately toasty and nutty flavor.-// 𝟏𝟎% 𝐒𝐞𝐫𝐯𝐢𝐜𝐞 𝐂𝐡𝐚𝐫𝐠𝐞 🔝 //ʙs-ᴛᴀᴅ-ǫᴘᴡɪ-ᴡᴛs-sᴄɴ…Read More

嚟到W Hotel中菜廳食咗場享受味蕾嘅宴會。首先「高湯原隻帶子鮮蟹肉瑤柱灌湯餃」真係夠水準，湯底鮮甜得嚟帶子瑤柱都係咁彈牙，一啖咬落去仲得個"嘩"聲滿足！「西班牙黑豚叉燒酥」外皮酥脆啲啲啱口，啖啖肉感嚟，十分過癮。再嚟「XO醬炒腸粉」，呢個係老闆幾有料，XO醬香濃帶勁，腸粉弹牙滑溜，一絲不苟嘅齊心做法，真係讓人回味無窮。仲有「合桃酥」真係驚喜，甜而不膩，合桃味道香濃之餘，仲有啲啲蔓越莓嘅酸甜感，好滋味啊👍。不過，唔推介嗰兩款點心，「柚子露筍鮮蝦帶子餃」同「龍蝦湯鮮竹卷」，口味就算喇，冇乜特別之處，可能有啲濕潤不算太爽口😕。最後勁讚餐廳服務，友善得嚟體貼，令整體體驗提升好多。總之，呢餐飯食完真係心情靚晒，滿腹滿心喜悅！🥰🍽🎉…Read More

疫情前最欣賞下午茶點心放題,疫情後再同幾個朋友食晚飯,問門口個帶位阿姐會唔會仲有放題,極不耐煩答我哋唔會做唔會搞,諗住問下啫,唔使咁激動🙄服務態度👎食物一般…Read More

呢間係W酒店入邊嘅酒樓食過幾次覺得質素方面都幾好食蝦餃味道都幾好，同埋環境嘅財位係幾舒服，但服務麻麻地，唔似酒店，總之就係覺得啲服務員嘅質素完全唔似一間酒店，但係又未至於遲酒樓囉，似一間冇乜服務嘅餐廳…Read More

同另一伴識星宴set lunch 已經係4月尾既事，隔咗成個月先打返食評Set lunch 食既嘢係感覺唔錯一開頭有點心三件， 其中一個係蟹餃，有好多蟹肉好味，另一個係菇菌餃之後有叉燒酥，都好鬆化再有炆牛面頰，嗰肉好淋，都幾好食最中意係呢個羊肚菌、大粒瑤柱既湯。睇落好清，但好入味好好飲最後仲有個糯米飯，好夠味，又唔會好濕，有少少臘味。不過呢個飯就唔係好夠食，幾啖就完。份量可以多返小小就好啦！ 下次來可能會散叫再order返個飯刮品有mango杏仁凍，杏仁味好出另外叫咗個陳皮紅豆沙煎堆，不過無影相超好食，陳皮味好出，煎得香口唔油。有機會再來！…Read More

星宴最近推岀多款由新任行政總廚設計嘅新菜式：四寶燉夏威夷萬壽果、手拆鮮蟹肉燕窩盞配魚子醬、蟹汁脆皮釀關東遼參等，均令人眼前一亮▪️四寶燉夏威夷萬壽果 $368/位全晚最鍾意嘅一道！以夏威夷木瓜為器皿，加入四款菇菌、蝦、蟹肉等材料燉製。湯清而不油，帶蝦蟹鮮味跟木瓜甜味，難得蝦肉可以保持到爽彈口感，蟹肉更鮮味十足。不過重點都係超香甜嘅木瓜！軟腍得黎又唔爛，保持到微爽嘅口感，毫無苦澀味~ 最後挖到超乾淨，一啲果肉都無淨▪️手拆鮮蟹肉燕窩盞配魚子醬 $498/位賣相超精緻嘅燕窩盞！香脆嘅外殼裝滿蟹肉炒鮮奶，軟滑富奶香蟹鮮。蟹肉上舖左唔少燕窩，更有魚籽醬提鮮增添鹹味。每一啖都好奢華好美顏▪️蟹汁脆皮釀關東遼參 $498/位師傳好有心思咁為遼參披左一層脆皮，一切咔咔聲超香脆！遼參爽滑彈牙，中間釀左鮮彈嘅蝦同豬肉。醬汁亦毫不馬虎，加左唔少蟹肉，鮮得黎唔鹹，輕鬆清晒啲汁▪️桂花雪梨脆鱔球 $468/例鱔球外層酥脆，肉質軟滑有彈性，魚味重無腥味。一條細骨都無，啖啖肉超爽！配埋酸酸甜甜嘅桂花醬，開胃唔膩，調味恰到好處▪️鮮竹笙蒸千葉豆腐 $328豆腐切得好薄，入口軟滑濃豆味。▪️梅菜帶子炒脆紅米飯 $398/例紅米飯無想像中咁硬喎！飯粒分明，乾身有鑊氣。配埋梅菜、蔥、脆米、軟腍肉粒、帶子，口感幾豐富。▪️蛋白粟子露 $68/位一打開個蓋就聞到超香粟子味！粟子露無平時嘅芝麻糊咁杰，但又做到好濃嘅栗子味，亦無一般嘅咁甜咁膩。更有入口即化粟子蓉同蛋白增添口感香氣。▪️桂花糖脆麻花 $68/8件桂花麻花相當鬆脆，口感唔會好實好硬。食落香口唔膩，甜度唔會太高，唯獨桂花香氣偏淡。整體嚟講，真心被「四寶燉夏威夷萬壽果」驚艶到。基本上今次嗌嘅每一道都幾有水準，帶長輩黎慶祝絕不失禮。不過記得帶夠銀兩，始終用料上乘 價錢唔會好親民。…Read More

W Hotel 設計前衛。估唔到中菜廳星宴，不論是傳統菜式或新設計菜式都十分出色。點了網友推介的荔枝紅茶，泡多次後依然有味。點了金魚餃，外觀真如金魚一樣，而味道十分鮮味，充滿蟹肉。荔枝柴燒雞，皮脆肉嫰，充滿煙薰味。柚子鱔魚，魚肉彈牙加埋清新柚子汁，應該會是我的必點菜式了。點心menu上的款式不少，應該要來幾次先可以試到不同款式。座位舒適，五星酒店服務不會有疑問吧，當然是好。但星宴位於酒店地下，沒有什麼景觀。…Read More