Chao Chao (Closed)

今日難得嚟到紅磡返工 突然好想食越南菜 然後搵到呢一間越南菜試下嚕🤤見到餐牌冇珍多冰但係又好想飲喎 侍應就話其實有既 然後就幫我落單啦 真係好 哈哈😄食親越南菜就一定要嗌柚子大蝦沙律 呢一間越南餐廳整得算唔錯味道同份量都幾好幾開胃不過呢一個豬頸肉金邊粉就有點失色湯底冇咩味 但豬頸肉還可以接受🤔…Read More

同朋友相約食晚飯，搵左個中間點，再搵到呢間越南餐廳！環境一流，光線方面好有情調，唔會太逼，太嘈。揀左個海鮮船河，用料豐富！好多海鮮，麵份量都叫多。晚餐價錢比午餐貴小小，但仍然送野飲，好多特色飲品都唔洗加錢！揀左咸梅可樂，好特別好開胃！食完野同朋友傾左好耐都冇趕走我哋，10分抵讚！一定會再來！…Read More

絕少到訪黃埔，現在通車方便極多。有一層貌似food court，但每間餐廳也是獨立佈置，但又能在同一層挑選你喜愛的種類。生牛肉河越南的no.1 必吃，河粉幼滑但牛肉比想像中熟。洋蔥、芫茜等香料份量可再多一點，令香氣大爆發。軟殼蟹米紙卷米紙卷也算是越南菜式的頭幾位。新鮮青瓜、粉絲，令油炸的軟殼蟹減少油膩感。醮上特色醬汁，簡直是越食越開胃。有店員細心奉上熱水及定時加添，在忙碌的工作也能兼顧實在值得加許。不過，有一位穿西裝長期在收銀台的店員，態度並不友善。在查詢或回答上禮貌久奉。除了這點之外，其他也是很不錯。…Read More

約咗表哥想傾下遲D旅行的事，所以就專登出去左黃埔, 就大家方便。既然大家食咩菜都無所謂, 越南菜都啱我哋喎, 如是者就揀左去早安越南。 餐廳內裡裝修走摩登路線，配上柔和燈光，加上紅色大大隻字寫住PHO 與如牆上的飲品樽/酒樽等等, 餐廳尾一幅巨型牆畫，正正越南少男攞住支是拉差, 不失越南風情。最稱心係枱櫈排得唔算逼，讓人坐得舒服。 晚餐套餐有眾多選擇，有飯有粉, 我地兩款都叫左, 再加一個小食及一碟菜, 兩個人就夠晒食。香茅豬扒湯河 揀「香茅豬扒湯河」純粹係因為大家都係食肉獸, 湯底下滑溜河粉多, 份量足, 而且豬扒炸得金黃，並且已經切成一件件方便食用，咬落去覺得勁鬆化, 唔油又加上香茅味十足, 不錯。此外，個牛骨湯底濃而不膩，深而不濁, 整體食味唔錯。 紅酒牛尾飯 咪睇佢細細碗，其實牛尾的份量都唔少，最緊要炆得夠正，D牛尾燉得肉軟鬆潤，有肉香而又骨肉分離 ，而且，個汁底香濃，配飯食得過癮。  熱桂花香蜜和椰汁三色冰 兩個飯餐都配飲品, 分別叫了熱桂花香蜜和椰汁三色冰, 熱桂花香蜜瀰漫着甜蜜的桂花香, 暖暖潤潤！椰汁三色冰粉條軟滑、椰漿香甜超濃郁，確實是消暑良伴。馬拉盞炒蓮藕苗 鍾意濃味嘅人就arm 晒! 快炒蓮藕苗口感爽脆, 夠晒香辣惹味！  越色焗蟹蓋 釀蟹蓋味道鮮甜甘香，蟹肉多, 也不會焗得過乾, 味道濃郁又不油膩 總結一下，餐廳環境好，整體食味有水準，以黃埔地區而言，定價唔算高，而且呢到都算方便傾！整體印象不錯!…Read More

早安越南係一間好多人食既越南餐廳😛位置係黃埔地鐵站一上就係 好方便生牛肉湯河😛牛肉好有鮮味😘而且佢地半生熟既狀態令到個牛肉更加soft ,我地兩個都好鍾意食,而且佢個湯有越南風味好鮮,用黎襯牛肉岩岩好!要埋個炸蝦餅😀佢個炸蝦餅好香口而且打得好彈牙而且佢好大塊!啖啖肉阿好正 而且佢配左我地最鍾意既泰式辣醬 酸酸甜甜咁好香味之後提議左要個出名既海南雞 ,雞肉香滑阿,佢全隻雞都好厚身,而且好特別既係佢既醬汁都係相對酸酸地,好開胃阿!!另外串燒都好香口,各款有兩串🙈牛肉同雞肉既感覺唔同,牛肉味比較濃 點左個有花生係入面既醬好match ,但估唔到既係雞肉串都好好食😛因為佢雖然light d 但燒得香口都好好食下次再黎encore ❤…Read More

黎開黃埔幫家姐湊bb, 就同男朋友去搵好野食有一間叫早安越南既東南亞風味見到覺得好吸引🤤🤤咁我地首先要左個好抵既combo set 有一碗生牛肉湯河 加埋一杯我最鍾意既龍眼冰😍先幾十蚊真係好抵 👍👍💕生牛肉同河粉既份量好多 😘男朋友連d 湯都飲埋龍眼冰唔係好甜而且有勁多正正既龍眼肉🤗之後我地額外嗌左個撈檬😙見到佢地放低左成枝酸汁比我地自己diy 真係好幸福😎我地配左個豬頸肉,好大碟😛成個小菜咁多梗係唔小得串燒啦,佢有一個好正既醬汁😘有香香既花生味,而且串燒好juicy 🙋牛肉同雞肉都燒得好香又熱辣辣哈哈因為我突然想食海南雞就嗌左個例牌🤗點知好有驚喜佢地好滑既雞肉, 點左小小醬料之後覺得好香,而且隻雞既油脂都好香肥美😘另外要左個香口既炸蝦餅😛用黎點泰式辣醬,真係好正😍脆卜卜又有d 甜甜小辣味😎…Read More

二訪早安，皆因自己都幾中意食越南野，而且呢間近屋企，位置寬闊又大，同屋企人食番個簡單晚餐最好不過😋。1⃣越式炒金邊粉 + 龍眼冰 💰80酸甜既蕃茄味既金邊粉，有扎肉、蛋、洋蔥同蝦炒埋一齊，色澤係幾唔錯，偏濕潤。龍眼冰清甜解渴，都幾多龍眼肉。2⃣火車頭湯河粉+椰汁三色冰 💰88呢個火車頭簡直係大雜燴，有生牛肉、牛腩、牛丸、牛柏葉同牛孖筋。味道清清地，帶出牛鮮味。覺得唔夠惹味自己可以加辣醬。多配料就岩哂我呢d三心兩意既人🤣🤣。三色冰正正常常又唔會太甜。-3⃣蒜蓉牛油雞翼 💰71 蒜香牛油炸雞翼，其實都幾肥膩。不過新鮮炸起熱辣辣，蒜香牛油香確實抵擋唔到，而且大大隻。不過略厭雞翼味比調味料遮左原有既香嫩味。…Read More

最近成日大魚大肉，好想食番D清清地嘅野食。如果想食清D，越南菜係唔錯嘅選擇。冇呢個小社區有唔少連鎖餐廳，早安越南喺地鐵站一出黎嘅一間商場裏面，位置便利好易搵。餐廳以沙發卡位為主，座位都幾舒適。清清地叫咗一個越式春卷湯矇粉($61)，除咗夢粉之外可以選擇河粉或者金邊粉。湯底非常清淡而且冇油，清得黎又有淡淡嘅牛肉香味。配埋香茅葉、芫荽蔥同埋炸蒜等等嘅香料，已經非常夠味。炸春卷熱辣辣外皮酥脆鬆軟。上湯浸時蔬($56) 可以選擇生菜、通菜或者西蘭花。青咖喱豬頸肉煲配白飯($120)青咖喱唔辣啱晒唔食得辣嘅朋友，裏面除咗豬頸肉之外仲有茄子、秋葵、洋蔥等等嘅配料，份量都算多。必須要讚嘅係呢度嘅服務態度一流，侍應經常過嚟幫我地斟水，而且態度非常有禮。:)…Read More

嚟到紅磡揾野食 朋友就話想食越南菜 見到有網評都吾錯 於是就嚟試一試佢🥰今日我地6.幾嚟 估吾到都有幾枱客人食緊 睇嚟呢度都幾多人食！ 睇完dinner menu我地就食左越式海鮮蝦膏炒飯 青咖啡雞扒飯 同兩個小食個炒飯乾身 飯粒分明 仲有一片片蝦膏同兩隻大蝦 分量都吾少😋青咖啡雞扒飯 咖哩微溫 但味道相對淡 帶有點辣炸蝦餅 好爽牙 炸得啱啱好 配埋酸辣醬好正！串燒我地叫左兩雞 一豬一牛 全部都醃得啱啱好 好惹味！個dinner set仲免費配兩杯野飲添 我地就叫左桂花香蜜同洛神花茶 我同朋友都好中意😋…Read More

同女朋友拍完拖拖搭船去咗黃埔，太肚餓嘅關係一落船馬上周圍搵餐廳，上到去黃埔美食坊人山人海。難得見到呢間餐廳仲有座位就馬上walk-in.好耐都冇食越南泰國嘢，一時之間都揀唔到食咩好，餐牌嘅選擇十分多。不過價錢都算比想像中便宜，而且裝修好有特色，座位舒服，服務員態度都好好。諗左一陣就先點4串串燒，二豬二牛。太肚餓嘅關係，等唔切相機食先，豬肉串燒好香口，食得出係新鮮燒起仲要脆邊，好食過之前九龍城食嘅唔少餐廳。牛肉有啲難咬，不過醬汁搭救一樣好食。另外仲叫咗碟菠蘿海鮮炒飯同埋鹹魚炒椰菜苗，份量都比想像中大，足料！炒飯炒得好乾身，有機會都想試埋其他炒飯。最令我驚喜嘅係佢哋嘅沙冰，我哋點左一杯奇異果一杯香蕉沙冰。沙冰磨得非常幼細，口感一流，而且生果味道非常突出，係用新鮮生果整，好有誠意，價錢又抵，值得大家一試。…Read More

黃埔左好多餐廳選擇，見今日紅磡撞站炒左東鐵線，一於就喺紅磡搵下有乜嘢食。同女朋友就決定咗嚟呢間早安越南，見到佢Menu個 set dinner都唔貴，平均$6,70左右就已經有唔錯嘅選擇，我哋就嗌咗一個青咖喱豬頸肉飯，然後再另外加咗兩個小食，分別係越式軟殻米紙卷同埋蝦多士。另外跟叉做free左一杯嘢飲我哋嗌咗龍眼冰。請假呢比較啱香港人口味，椰奶味偏重而且微辣，豬頸肉好好食！而且量多！蝦多士不過不失，配沙律醬食，如果蝦滑多啲就正🤤軟殻蟹米紙卷好足料，粒粒都好飽滿，而且米紙唔厚，幾清爽的，不錯👍🏻…Read More

You will notice this chic stylish decoration Vietnamese resty when you walk pass Whampoa Gourmet Place. So we got attracted and they didn't let us down. Vietnamese Pepper with Clam $128Beautiful recipe added in the fennel and peppers.. It brings in the natural sweetness to the soup. Glass noodles chosen here isn't just a regular Chinesey of sort. It has a very good texture and absorbing the soup very well . It's kinda someone between Korean chap chae and Chinese vermicelli. Not only the main clam itself is delicious , the side glass noodles was absolutely gorgeous too . Worth trying.Vietnamese Mixed Platter $91(Steamed Vietnamese Rice Paper Dumplings / Lemon Grass Chicken Wing / Spring Roll)Perfect sharing among two . Spring roll is my favourite  . Crispy without too much grease and get a piece of each variety . Vietnamese Boneless Hainan Chicken (Regular) $86Super tender , tasty plus it's boneless. very reasonable price . What a cute pair of chill sauce. Pretty arty . …Read More

今天和老公去黃埔看電影，還未到開場的時間，便到樓下的美食廣場走一圈，看看有什麼好吃。走到美食廣場比較中間的位置，有一間越南菜館叫早安越南，我被門口的廣告牌吸引了「北海道十勝和牛湯河」，最後決定在此吃點東西。我點了一個北海道十勝和牛湯河，我老公點了一個香茅豬頸肉飯。首先要讚一下服務，服務態度很好，餐廳內的客人不少但上菜時間非常快，大約5至10分鐘便上菜了，我也感到有點驚訝。首先那個北海道十勝和牛湯河，半生熟和牛好香滑，有種入口便溶化的感覺，湯河很滑有口感。香茅豬扒煎得剛剛好，肉汁鮮美而且爽口。我們很快便可以完成晚餐準備去看電影了。…Read More

自從poly畢業之後都無去過黃埔 今晚去食飯 同以前一樣有咁多選擇😆 我地去左超多食肆既黃埔天地美食坊 每次去旅行前我地都會係香港食下個種菜式先 所以今次就食左越南菜啦😂 呢到裝修都幾有特式 我特別鍾意佢地有霓虹燈寫住PHO既廚房😊呢到食物選擇好多 淨係set dinner已經有18個option😱 我地揀左峴港酸辣海鮮湯黑粉絲同越式海鮮蝦膏炒飯😋 峴港酸辣海鮮湯黑粉絲酸辣度係固定既 味道都幾岩我地 唔係好辣 好惹味 入面既海鮮有蝦 魷魚 青口 帶子 就好似海鮮冬陰功加粉絲 粉絲好彈牙 吸埋d湯好正👍🏻越式海鮮蝦膏炒飯既海鮮都係差不多 唯獨係加左蝦膏 見到一片片蝦膏既炒飯真係令人好興奮😆 飯粒炒得夠乾身 粒粒分明帶金黃色 味道不錯👅我地仲揀左2個小食 分別係炸蝦餅同蒜蓉牛油雞翼🤤 炸蝦餅份量好多 唔會好熱氣 蝦餅好彈牙😋 蒜蓉牛油雞翼新鮮炸起熱辣辣 面頭鋪滿炸蒜蓉 每啖都係牛油既香味😍Set dinner仲包埋飲品 我地飲左椰汁三色冰同龍眼冰 2杯都唔會好甜 而且仲唔駛加錢 好抵食丫🌟…Read More

今朝係附近玩完之後，想食越南野，所以就黎左呢間餐廳到食野。咁岩呢個時間係lunch time，所以有lunch menu，點都會抵食過單嗌既。我就叫左一個越式炒金邊粉加龍眼冰，總共係77蚊。呢個金邊粉唔知係咪因爲係越式，所以同我想像中既有d唔同。個粉既顏色好紅，不過就一d都唔辣，有少少酸。口感唔錯，佢唔會炒到好濕。不過料就少左d，得d札肉、蛋同兩隻蝦，感覺上寡左d，但味道都唔錯既。個龍眼冰就正常發揮啦，唔係太甜，龍眼肉都幾多。不過係個粉咁少料，同埋碟粉唔係太大碟既情況下，要77蚊我就覺得貴左d囉。…Read More