日龍和食 (Closed)

觀塘工業區黎講, 真係無乜日本餐廳, 有果d都要行好遠, 所以揀左呢間食lunch, d侍應又惡又態度極之差, 明明12點去到好多位無人, 都要你齊晒人先俾入去坐一坐底就即刻黑晒面口催人快d叫野食, 未食完就執台拎走你d食物, 仲要不停催快d埋單, 個侍應姐姐直頭粗聲粗氣叫我地埋左單先啦, 巴之閉!! 真係食到成肚氣d餐又貴, 起碼五, 六拾蚊, 仲要好難食, 定食又無前茶, 個招牌銀鱈魚又硬又燶, 真係食到成肚氣加成肚火! 從未見過咁差劣既日式餐廰, 俾氣d客受, 完全無禮貌, 好似好唔歡迎你地入去幫親咁!!!

幾十元一個lunch, 食物質素都OK的, 但湯麵是咸到要求佢比杯水來沖淡的程度, 如非這樣跟他們投訴, 他們是絕不會給客人一杯水的.食物吃完, 剛開始飲餐飲, 他們己極速執拾枱面及要我們出去埋單. 我們四個人, 到兩個人飲完時己經被叫了三次. 我們堅持飲完才走, 前後被趕了五次.隔離枱都同一命運.離開時發覺, 其實只有四個人在等位. 成間餐廳幾十張枱, 有需要硬迫我們這兩張嗎?付款時順便和收銀投訴, 她的態度似想投訴番我們多D囉.唉, 工廠區搵食艱難, 恐怕點寫衰佢都唔會影響佢的了. 希望附近快D開多D餐廳, 等我們不用再受氣啦.

1.竜田炸雞定食$48~~炸雞麻麻,因為太薄身,但個汁好正,酸酸辣辣咁.2.銀雪魚照燒定食$65~~好一般,唔值$65囉.3.日竜什錦魚生飯$65~~waitress話今日無海膽,改為帶子.上枱後發覺帶子都幾好.而其他刺身有三文魚二片,熟蝦二隻,螺,北寄貝一片,劍魚一片,吞拿魚一片,好甜的玉子二片,碗飯亦好大碗的,食唔曬.4.炒風味牛肉飯$45~~好正.好多洋蔥,個汁亦好好味.

同意之前的朋友講法,Lunch time確實好亂.但質品OK喎.1.刺身定食$58~甜蝦刺身,三文魚刺身,吞拿魚刺身,海膽及魷魚刺身,麵豉湯,白飯及飲品.2.泡菜鍋定食$48~個鍋的湯幾好,入面不是牛肉,是豚肉.仲有麵豉湯,白飯,飲品及甜品.我會再去的.

AROUND $42 切片三文魚生飯! D待應LUNCH TIME 好亂, D SET 前菜果D 比錯晒人!不過三文魚足料! 夠配飯食!

即使你2個人LUNCH ,我唸黎呢度都要BOOK !( SO 唔講唔知2個都可以BOOK )呢度都有泡菜煲食, ! 壽司定食就越黎越細件! 待應態度就差差差~

一個lunch 都要$40-50 , 唔係個個都食得到! 但偏偏工業區內,唔太多日本料理, SO 佢長做長有, 佢前身都係鴻圖道大家樂對面! 由細單位轉大單位,都FULL 場, 並不一定係好食!