日昇車仔麵 (Closed)

星期五早上看過飲x男女的友記車仔麵故事,趁去郵政局之便,也走來這裡吃個車仔麵當午餐。選擇沒有友記那麼多,但一般的車仔餸也不會缺少;劃紙仔的點了蘿蔔、勁辣魚蛋、魚皮餃、豬腸米粉,今次還要加點辣用來自虐!!加了辣的湯底很刺激,舌尖開始有點火燒感覺,爽!!米粉幼滑中帶點爽口,不是軟趴趴之流,不錯;蘿蔔雖未至於很香甜但已沒有上次那苦味,有進步!!只是體積好像縮小了;魚皮餃外皮很Q,肉餡也沒有腥味,ok;豬腸切得有點幼細,吃起來沒有那麼那麼爽,味道較淡不算好吃、勁辣魚蛋最初漏了單,要找阿姐才加回給我,魚蛋又是變小了,質感有點實更加合自己的口味。幫我寫單和加回魚蛋給我的阿姐態度不錯,不過仍未及老闆娘的有禮,收錢時多謝前多謝後,還跟我鞠躬!!真的受不起呢~~~~

我以前住葵芳，日昇真的算係我唯一叫係我掛住既食品店，咁細間，ｌｕｎｃｈ日日都爆人，好受歡迎！但早前聽個老闆講因為，因為加租，所以ｃｌｏｓｅ左，最近聽見佢係另一邊開返，所以專登去食，ｄ老闆仲係度，冇變到，仲大間左同乾淨左好多，至於食物方便都冇變，ｄ麵都仲係好好，唔會好似出面ｄ車仔麵咁淋哂，同埋佢ｄ汁好得！特別係加辣，又夠辣，又夠味，因為佢ｄ辣唔係普通出面食個ｄ辣椒油個ｄ，應該係自己調較出黎，同埋ｄ野食又好入味，冇食咁耐都仲係咁好食，我每都叫肥牛，雞翼，ｄ肥牛佢應該係煮到８－９成熟，之後放落碗湯度，黎到我台黎就岩岩好，唔會難趙，ｄ雞翼因為我鍾意食，同埋都幾入味，仲有多數都會叫公仔麵或河粉同埋大碗，一定飽！服務都幾好，唔會話發皮氣，有時少人都會走黎傾下計！我有時間會返去再食～哈哈～

星期五突然好想食車仔麵,之前睇過其他食友食評,雖然由公司行到呢度都唔近,為左食野就唔理咁多。經過小公園之後,街市對面就係呢間車仔麵店,門口有張外賣特快檯,自己圈好食物之後交比店員就得;今次收我張單可能係老闆娘添。老闆娘見我唔要辣,問我加腩汁好唔好?不過食落又唔係太覺有腩汁味道,如果有都係因為腩汁好淡....米粉份量足夠,唔係一pat pat/碎濕濕之流;魚蛋好大粒但好淋,食落好粉雷雷,個人唔太鐘意呢個口感;豬腸切得稍薄,無左應有個種煙un口感,味道好淡不過勝在無乜肥膏同好乾淨;炆冬菇份量好足,都有好幾隻花菇仔,味道夠濃都有菇味,但其中有d好似未發透,有少少硬;蘿蔔夠淋身但苦苦地,呢樣可以改進一下就好喇。下次試下其他餸先,加d辣汁應該好味好多,今次真係幾淡口,係自己決定錯誤!!

今日放工約咗個friend係葵芳行街，行完街諗住係葵涌廣場或新麵會食嘢，點知個friend話噚日係office收到張單張話有間車仔麵原本係葵涌廣場開開，而家係另處重開，個friend話d同事以前食過d辣汁好正，話我實鍾意，因為我勁鍾意食辣，但車仔麵就好少食。同佢離開葵涌廣場，行咗十分鐘就到呢間日昇，我同事叫咗個招牌麵，我就試咗個一品麵，我一見到碗麵嚇死我！超大碗，但係都係$25，賣相都幾good架，d餸仲有成十多款，有菜啦、牛腩、雞翼尖、冬菇、蘿白、豬皮、豆卜、豬紅、魷魚、紅腸…..我都唔知有冇數漏。我最鍾意佢d辣汁香味好濃起碼用上多種香料煮成，唔似出面只用沙茶醬或一般沙嗲醬，我叫咗加大辣，果然冇失望夠辣又夠香，除咗辣汁原來雞翼尖都超好味，我好鍾意趙骨，d雞尖有香滑趙起嚟好有口感和骨香，我阿媽實鍾意，因為佢同我一樣鍾意趙骨，另外豬紅都幾好，有豬紅香味和夠滑，我食過有d舗頭d豬紅煮得太耐好鞋；我個friend碗招牌麵就鍾意食佢d牛腩，雞翼尖同豬大腸，話時話，佢d大腸唔肥而且幾有胡椒香。我同個friend食完碗麵飲埋杯嘢都已經飽到唔行得，如果男仔食都好夠。ps: 我好鬼鍾意佢個厠所，一d都

同事話佢搬嚟呢度,猛話幾好食咪同佢試吓囉.食過車仔麪叫咗豬紅,豬皮,蘿白,墨丸,蝦條米線加杯奶茶. 豬紅好似被胡椒粉鹽水浸熟咁有d怪怪地嘅霉味豬皮一陣油"行"除蘿白苦苦地墨丸個心唔熱2條蝦條冇蝦味食落霉霉地米線成塊咁好淋總之得個冇味湯叫做熱成碗麪好唔妥又唔新鮮囉我同事果碗唔記得佢食咩但也有同感總之完全係毫無水準可言大失所望不過杯奶茶就不過不失噃服務就一般.最奇怪係我2人全程實則食得好少之前冇食其他食物(差不多每人每碗食唔倒4分1,奶茶飲曬)不過未行到公司大家都覺非常非常口乾每人返去飲曬幾杯水如果食曬碗麪我地實變水袋?????做多幾次機排水都補唔番葵涌大把選擇,一定冇下次!

呢間店無喺葵涌廣場做之後，一直喺葵芳都食唔到有水準嘅車仔麵！原來佢靜靜地喺呢度開返，都係朋友話我知先知道咋！今日行完街，即刻去啦！依然見到老闆笑面迎人，其餘侍應都係舊人，有熟識感覺！店舖比之前大好多，又乾淨、又光猛，唔似以前喺條行入面，啲人一食煙，真係煙霧迷漫！而且坐位亦寬敞，比以前坐得舒服！一場嚟到，梗係要食返佢哋啲手本名典！不過一次叫唔哂，只叫了蘿蔔、豬紅、墨魚丸、貢丸、蝦條、米線啦！呢度啲墨魚丸唔會太林，唔似出面嗰啲咁粉。貢丸亦好有香味，我每次都例必會叫！豬紅就辣辣地，雖然我唔食辣，不過可以接受，味道真係正！友人就叫了油麵、魷魚、雞翼尖、豬皮、黑椒牛筋丸，佢話啲魷魚好爽，雞翼尖好入味，豬皮燜得好好食咁話！我梗係唔執輸，試吓佢嗰啲啦，平時我唔食豬皮，因為出面嗰啲林林地，無口感，不過呢度啲豬皮就好爽脆喇！以咁嘅價錢，食到啲有質素嘅食物，足見老闆係對食物有要求嘅人！而家賣埋奶茶、咖啡添，車仔麵都有奶茶、咖啡飲，都幾特別噃！所以我叫咗杯奶茶試吓，幾香！都有茶味！幾似茶餐廳嗰啲啦！整體上食物能保持水準！抵食！