Yum Yum Goose & Co. (Provident Centre) (Closed)

今日行完北角outlet ，諗住喺附近食少少嘢，最新就係隔離和富商場，呢個商場最近啱啱翻新過都未去過。見有一間餐廳食滷水鵝，又好似好耐無食過鹵水喎，一於就揀佢啦。 呢度最出名係獅頭鵝，當然要叫番個啦，我揀咗個金牌滷水鵝片飯，一上檯就有驚喜，起初我以為得鵝片，原來仲有其他配料滷水蛋、菜、豆卜、酸菜，感覺好豐富。 滷水用咗獨門嘅草本滷料配方，滷水味足夠，唔會太鹹，鵝肉夠實淨，食落有質感，而且唔會太肥膩，每一片都切得啱啱好，厚薄適中，食落陣陣鵝香味，如果驚食得多會膩可以點少少醋。 跟餐奉送咖啡☕、茶或加$9有例湯。 鍾意食仲可以斬埋料，有88折，仲有加$1🤑換購禮遇。…Read More

之前路過中環見到都多人排隊，所以一直冇諗住去試，點知今日去北角見到間舖居然冇乜人，梗係入去試吓啦🤣抵食二人餐，$224我哋見單點一份鵝肉要一百幾，但係套餐包多個時菜，兩款好大份嘅小食，兩盅燉湯同埋飯都係二百零，仲可以加8蚊加杯凍飲，抵呀。湯佢碗湯好正，真係燉出嚟㗎，而且飲得出唔係味精湯。唔知湯係咪日日唔同，嗰晚就係茶樹菇湯，好清，好好飲。鹵水鵝肉肉好滑好嫩呀，以為鵝肉會好肥，點知完全唔會呀，皮下面冇乜脂肪，所以連皮我都照食🤣至於點食先係最好味？我就鍾意加醋食，勁勁勁好味呀，大家一定要試，而朋友就特登要咗少少辣椒油，話好夾喎，睇嚟唔同人口味真係唔同。小食--豬手、紅腸因為我就唔係好食內臟，所以我揀咗豬手同紅腸。豬手份量都好多呀，煮得好淋，不過可能豬手大舊啲，我覺得鹵水汁唔夠入味，所以我加咗枱面嘅鹵水汁食，都好唔錯。紅腸就正正常常啦🤣三色檸樂好特別嘅嘢飲，一次過滿足三個願望，檸檬、青檸同咸檸，正呀，最正係可以揀埋冇糖可樂🤣🤣🤣又瘦咗啲啦😆…Read More

路過這邊, 本想去地鐵特惠站DO兩蚊. 小米就剛好發現這家滷水鵝店的下午茶餐附送紅豆冰, 反正自己也肚餓了, 我倆就在此來個豐富的下午茶吧! 在3點半時段, 客人不多, 感覺地方很大很舒適. 下單後, 職員奉上一杯熱水! 身為香港人, 當然知道這杯熱水的用途啦!        滷水雞髀及滷蛋配紅豆冰        小米點的下午茶餐.  有雞髀和最重要的~紅~豆~冰!!!!  看著奄尖的小米只食雞髀肉唔食雞皮, 食呀食! 來到紅豆冰, 小米如獲珍寶, 一匙一匙的慢慢DAP, 就連底部的紅豆都不放過呢!     滷水包仔豆腐     每件18個大洋, 當然比街市豆腐檔几蚊件貴. 但包仔豆腐又炸又滷, 工夫不少喔! 自己無需花時間處理, 所以18蚊係值!  外層炸過金黃色脆皮, 令包仔豆腐容易掛汁. 滷水味不太濃, 没有蓋過包仔豆腐原本的豆味. 豆腐配酸中帶甜的蒜泥白醋汁, 更美味.   然而最重要的一點, 豆腐軟綿綿無需太多牙力就可以享用, 是我喜歡的口感.      招牌滷水鵝肉飯    職員表示下午茶時段的份量跟午餐的份量一樣. 真身: 大公雞碗盛著鵝件, 還有<含先菜>鹹酸菜, 豬肉條, 豆卜和菜心. 鵝肉有肥有瘦, 鋪滿整個碗面, 唯有先將其放到滷水包仔豆腐那邊, 再處理其他配料.     在白飯裡往下翻, 翻至底部, 鵝汁&滷水汁都沉在下方, 變成啡色飯.  個人覺得 : 燒味滷味墊底的飯一定要夠乾爽. 因為飯面的肉類滲出的油脂或肉汁, 可能會令白飯變軟變腍. 如果飯夠乾身, 來到最後一口, 也可保持飯粒原有的輪廓.  第一口的啡色飯, 滲著淡淡的滷水味, 因為鵝件早被移走, 鵝油還未滲至底部.  來到滷水鵝肉了! 淡淡的滷水味没有蓋過鵝肉原味, 然後再沾蒜泥白醋汁, 可以同時享受酸甜鹹香. 間中以鵝肉配<含先菜>, 一口又一口, 就把整碗鵝肉飯都消滅了!       時令鵝骨湯    在鵝肉專門店, 當然要來一碗鵝骨湯. 鵝肉可以配粉麵飯, 而鵝腸鵝腎鵝肝鵝掌鵝翼鵝頭鵝頸, 總之拆出有肉的部份皆可作為小吃; 餘下大量的鵝骨就要物盡其用, 用來熬湯. 鵝骨加入小蘑菇龍眼杞子慢慢煮慢慢燉, 没有滷水或五香粉調味, 反而更似豬骨湯.     下次想試滷水鵝肝撈公和鵝片飯.   食飽飽後, 過去超級市場那邊的地鐵特惠站DO兩蚊, 在北角MTR入閘就可以平2蚊.   BODY REPORT : 事後無需狂飲水! …Read More

呢度標榜滷汁日日用新鮮滷料調製，唔會隔夜，當晚見買外賣嘅客比較多，原來外賣自取有88折，仲有$1優惠，唔怪得坐低一陣，未夠七點半，鵝片已沽清，好彩我哋早少少入座咋~金牌滷水鵝肉 $138鵝肉肉質香嫩，大小切得均勻，唔會覺得油膩墨魚 $52招牌小食當中，最鍾意就係橙色墨魚，爽口惹味，店員好細心，可能見我相機食先，上菜時提點「墨魚要趁熱食呀」滷水豬手飯 $60 無骨滷水豬手，切成薄片，肉嫩軟腍，底層嘅鹹酸菜爽脆開胃；精選套餐本身係配飯，可以改配米粉、河粉或瀨粉，仲包埋熱飲…Read More

日日香鵝肉飯店. 傳統33年潮洲老品牌2019年在香港開設分店日日香鵝肉飯店主打鹵水獅頭鵝潮式鹵水美食朋友推介既滷水專門店今日試左2款,一款係鵝皇飯,一款係滷腩片各式滷水可配飯或粉麵 午市下午茶抵食滷水腩片份量都唔少,十幾片厚切滷得入味軟嫩,層層肥瘦分明配以滷水蛋半隻,滷肉卷片,酸菜,豆卜份量非常足料抵食,配湯麵會好食好多因為本身滷味係凍食既,配熱湯食味道更突出滷水香濃不油膩,無傳統個種咸到入舌底既濃瀨粉爽滑份量大碗追加煮菜一碟,菜芯夠甜加滷水汁伴食鵝皇飯,滷水鵝片配鵝蛋,滷鵝腸,鵝肝 腎豆卜,酸菜 鵝片切得薄身,油份唔多,甘香嫩滑滷得入味,鵝肉鮮嫩,鵝腸爽脆鮮味無腥味味道同傳統比較係比較清淡加點滷汁同辣椒醋食味道會更突出有層次鵝肝鵝腎都好新鮮,味道濃郁!唯一可能香港人食唔慣係唔夠熱所以我建議配湯麵食會最好日日香鵝肉飯店中環威靈頓街50號華威大廈地下B號舖 北角和富道21-53號和富地庫B15-16號舖#canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie…Read More

近排接左個新 Job，所以間唔中就要過嚟北角開會。今日喺附近搞完 function，先去港鐵特惠站拍卡，然後再約埋老公一齊開餐。本來想去 food court 搵食，點知喺地庫轉角位見到新開左間「日日香鵝肉飯店」。之前喺中環分店買過外賣，鵝肉水準唔錯，肉質鮮嫩軟腍，配上秘製滷水汁，鵝味更為突出。反正未試過堂食，一於坐低慢慢歎。飯店裝潢簡樸清雅，座位間隔寬敞，坐得十分舒服。點左個滷水雙拼飯 ($80)、鵝掌翼 ($128)、菜遠湯米 ($22)、熱奶茶 (跟餐) 同 柚子蜜 ($18)。雙拼飯可於鵝肉、鵝腎、鵝腸、墨魚、紅腸…..中任選兩款，揀咗豬手同腩肉，豬手滷得相當入味，外皮爽彈，肉質軟腍，咬下啖啖肉，非常滋味。腩肉食味亦一流，沒過份油膩的感覺，具咬勁之餘，又腍滑惹味。米飯軟硬適中，配埋滷蛋，酸中帶微辣的潮式咸酸菜、菜心等一起吃，口感很豐富。鵝掌翼包兩掌一翼，鵝掌肥大、皮厚而軟，味道鮮嫩有嚼勁；而鵝翼品質亦甚佳，骨肉相連，入口肉滑汁香，用來配柔韌富彈性的米粉吃，滋味無窮。套餐奉送咖啡或茶，奶茶熱度十足，入口香濃幼滑；另外散點的柚子蜜，味道亦唔錯，入口暖笠笠，健康得嚟又解膩。…Read More

😋午餐食滷水鵝飯真係一件好幸福嘅事，今次係北角和富試咗一間裝修得幾靚嘅潮州嘢，相當滿意！😋午市套餐都幾多嘢揀，我就貪心啲要個雙拼滷水鵝肉拼墨魚，試下佢咩料先🤓一嚟到首先個賣相靚仔，鵝肉同墨魚份量都比得好多，仲有三大條菜心，有半隻雞蛋同小小豆卜等等，夠晒多料😎鵝肉好香偏嫰，調味濃郁，肥瘦適中，高質👍🏻墨魚正正常常夠彈牙，整體食物水準唔錯！整埋杯凍奶茶都係中上水準，滿意😚😋間餐廳喺和富都算偏靜，好啱中午想慢活下嘅朋友們，埋單$78，性價比不俗值得一推😋另外想提一提好多人話咩鵝肉有毒呢啲說法其實係錯，鵝係其中一種最有營養嘅肉類，富含蛋白質、維他命Ａ、Ｂ、鐵質等等，仲要好多不飽和脂肪酸，對心血管有益～而煮法上滷水係會健康過燒鵝小小嘅🤣…Read More

自從去年三、四月左右在中環鬧市及銅鑼灣核心區商場開業後，「日日香」陸續擴張分店，執筆時已有六間，另外還有兩間在準備中。今日在和富中心商場內見到「日日香」的最新分店，興之所致，再加上外賣有八八折；決定斬料加餸。北角分店位於翻新後的和富中心商場，樓底矮，小店也沒有什麼裝修，除了門面較為光鮮，同一間普通潮州滷水外賣店分別不大，與中環威靈頓街的地舖總店有相當明顯分別。唯一相同之處就是滷水檔同樣設在店舖門口，以吸引客人注目。透過大大塊玻璃見到了一隻隻巨型潮州獅頭滷水鵝，砧板枱面上又擺滿了一碟碟滷水美食，引人垂涎三尺，超大隻滷水鵝翼尤其吸引。定價較一般潮州滷水外賣店貴，但仍然較名牌潮州酒家便宜一點。無論係上庄抑或下庄，經典獅頭鵝(1/4隻)（$218）同一價錢。下庄肉多，鵝皮腍滑，又已經切走多餘脂肪，餘下的鵝脂厚薄剛剛好，可增添鵝皮香氣。鵝肉軟滑、冇渣，又有咬口及鵝香；只略嫌滷水鹹香味道唔夠濃郁。鵝翼(隻)（$50）定價偏貴，但又的確非常大隻。師傅斬鵝翼的技巧很細心，有高級酒樓影子。先將翼尖及中翼斬開；然後再將中翼斬開兩截，每截再破開兩段，變成單骨鵝翼 ⋯⋯ 食起上嚟就會更方便！鵝翼的鵝皮腍滑中帶爽口、煙韌，較鵝身的鵝皮更好食；又由於鵝翼肉薄，較鵝身肉更香、更嫰滑、更有彈性。作為潮汕滷水鵝專門店，味道在平均水平之上是理所當然的；一如之前在中環分店的幫襯經驗，唔覺得「日日香」特別出色。不過，今次外賣就附送了份量較多的滷水汁，味道亦較濃郁，好過上次中環分店的碟頭滷水鵝飯，但亦似乎需要控制出品質素的穩定性。…Read More

北角和富中心商場最近開咗間「日日香」鵝肉飯店，雖然嗰名唔係咁老嚟，叫「日日香」😅😬😬😬，但係佢主打招牌鵝肉飯，今日去咗一試下個午市套餐，可能剛剛開及位置不起眼，人客比預期少。我哋叫左個鵝片飯及豬手瀨粉，好味道！份量足，D伴碟酸菜我最like！（你哋可以睇吓D相）D 待應也好好傾！所以，我想係度推介下「日日香」🦾🦾🦾疫情真係會影響生意，希望向多啲人推介下有心機做既食店🥳🥳尤其係北角友，記得黎試吓。ps 原來佢係其他區有幾多間分店，重好多不錯既食評，…Read More