新葉記大排檔

Open Now

Now Closed

上網見到人話好食，就同屋企人去食，整體比大排檔貴多$10或以上，份量都算夠，上菜速度正常，但好趕客，見你停晒手就開始執野，如果同fd想傾下計就唔好揀依間-炸大腸，唔算大味，不過份量算少-鵝片，ok，算多-胡椒豬肚蜆，本身係花甲但果日冇，味道ok唔算好辣，份量都夠-腐乳通菜，葉部份正常，但啲莖唔夠淋，老人家唔太岩枱同枱之間位置都夠，因為要上菜走黎走去，所以通道唔算太窄，但人好多，叫啤酒就叫左幾次先有

味道不過不失，但價錢貴，每碟碟頭太細，六個人去食，所有款式只能夾一注，即使蔬菜都係，每人只能夾一次，環境比較嘈吵，不是太理想，我估計不會再光顧，因為附近太多好嘢食。

7月5日揾食肥華，諗住帶靚媽及細仔仔，呢兩個胡椒豬肚湯粉絲，到此店飲佢嗰個，在食評上甚有好評嘅，胡椒豬肚花甲湯，無可否認，此店呢個湯嘅配料及食材，都喺得嘅，可惜就喺個主角，胡椒湯底，唔夠熱，味道偏淡，突出唔到啲胡椒味，令肥華一行三人對此湯感到失望，此湯祗值C+評分，而今晚最好味嘅食品，就喺嗰碟，鹵水鵝片及豬潤子浸時菜，此兩款食品都有A級評語，而個乾燒牛仔骨，細仔仔話味道亦可以，所以俾個A佢，至於個韮菜豬紅，主角豬紅好食，可惜啲韮菜好老又嗦得油太多，此味菜衹可俾個B分佢，值得一提，此店嘅服務員工嘅工作態度喺超越，呢類街坊平民飯店水準，員工個個待客有禮，有交流，呢種服務，肥華要俾👍👍👍給此店侍應員工

昨晚來到這間潮式大排檔，菜式非常吸引，且夠鑊氣👍🏽口味鹹淡適中，不像一般大排檔偏鹹。菜式夠晒鑊氣，出品夠快！潮式蠔餅的話，自己喜歡酥脆的！蠔仔大大隻，超肥美！點了一個燒汁鐵板茄子，茄子炸過，再用上鐵板和燒汁，口感層次豐富，推介！避風塘炒蟹，肉蟹剛剛熟，火候控制得很好！配料都很好食，給我吃光光！不點海鮮的話，價錢還可以。這間餐廳下午五時半開門，營業到凌晨兩點，宵夜推介！唯一缺點是比較嘈吵🤭 吃的是氣氛和食物，如果想好好的聊天，首先要練下中氣😂

兩個人去叫餸食飯其實有時都真係好難搞，因為好多野都想食，但係又食唔晒，不過今日竟然食到一個小食兩個餸仲加埋一個湯都真係無得頂。小食就係韭菜豬紅，呢間嘅韭菜豬紅都唔錯，D豬紅有味但係又唔無太鹹，不過D韭菜就少咗D。第一個餸就係一個例牌嘅鹵水拼盤，入面有鵝腸、紅腸、豬耳仔、墨魚、豬大腸，另加大豆牙菜墊底。佢個鹵水只屬一般，好在唔係好鹹，不過明顯地唔香。全晚最掂係個胡椒豬肚湯浸花甲，D花甲比想像之中要多，都幾鮮味。個胡椒豬肚湯除咗D豬肚唔係好新鮮之外其他的都OK，胡椒味唔會太濃，鹹酸菜嘅味都算調得適中。叫埋2碗白飯每人$170左右，收貨啦。

自己帶魚，廚房懂得運用出色廚藝，魚湯好味，蒸魚加冬菜非常出色，大滿足，另外點了避風塘茄子，潮式煎蠔餅，用了特色酱油，点出鮮味，還有值得一提是鵝片拼豆腐，鹵豆腐軟滑，必食。

好多時我都中意玩吓煮飯仔，突然間想記一D菜式就買材料煮，煮完後充滿滿足感！今次心血來潮想煮豆腐火腩，行咗三間燒味店居然搵唔到靚燒肉，連蔥都買唔到！女友熊熊 whatsapp 問 "今晚食咩呀？"熊出沒注意！"今晚唔煮飯呀！出街食啦！"連蔥都買唔到，著火中....."咁去邊間呀？""....... 葉記大排檔啦"腦海突然間閃出葉記，我相信自己嘅第六感，就冲口而出講去葉記.點咗椒鹽豆腐粒，炸豬大腸，見到隔離枱啱啱有胡椒豬肚浸大花甲上枱，大大份夠台型，於是點咗一客.正確嚟講，應該叫新葉記，連menu都轉埋，相信應該轉手鳥.椒鹽豆腐比其他餐廳更大粒，外表超脆豆腐軟滑，滿意.炸豬大腸份量比隔離楚撚記多，雖然味道係楚撚記好D,但我情願抵食夾大件.我唔太中意食豬肚，所以一件都無食，唔知道味道，湯底充滿胡椒味，飲兩啖成身滾哂.花甲名符其實，每隻都大大隻，但唔係殼大肉細，我就人到花甲命酸，枱上嘅花甲肉嫩，唉.... 對比強烈！轉咗名叫新葉記，菜式同服務都比以前更好，支持！

早排去旺角幫襯九記打冷, 簡直不知所謂! 又貴又少又唔好食! 女友熊熊食到著哂火! 自此之後, 熊熊特別留意D潮州打冷店.聽佢講, 鄰近葉記打冷好似轉咗名, 叫做新葉記!之前葉記質素一般般, 時好時差, 今次又睇睇轉手之後佢同九記邊個質素好D?點咗鵝腸併豬大腸,芝士焗雜菇伊麵,黑椒牛仔骨煲.埋單價錢都係 $334, 同上次幫襯九記居然同價, 但素質差天共地!最起碼食得飽先啦! 芝士焗雜菇伊麵食淨添! 唔係唔好味, 真係太飽食唔落! 伊麵冧中又有D彈牙, 芝士份量夠多夠香濃, 雜菇口感有點硬但尚可接受.豬大腸都係旺角標記比較冧, 鵝腸無肥膏夾本人口味, 而且爽脆, 配上潮州打冷嘅唔辣辣椒油係一絕, 新葉記嘅辣椒油係三間打冷店 (旺角標記同九記) 最辣, 蒜香味最濃, 所以好鬼矛盾, 一邊抗拒辣味, 另一邊又欣賞緊香蒜味, 臭汗不停滴! 要開著埋個 USB 風扇仔.食緊豬大腸時, 遠處響起"咋咋"聲, 當然係牛仔骨煲上枱, 齋聽聲就算唔好食都夠照啦! 雖然黑椒味唔算強但牛仔骨肉質鬆軟, 滿意.新葉記轉咗名有好轉, 又或者.... 其實係旺角九記實在太差太唔掂!

今次同朋友一齊過嚟聚餐，開頭都用咗少少時間先搵到，其實位於土瓜灣，都算就腳，朋友推介左一啲潮州滷味，海鮮，仲有一啲出邊比較少嘅食物。前菜食咗滷水鵝片，豆腐質地好好，花生亦都好入味，鵝片肥瘦適中。前菜仲有花雕鴨舌浸鮑魚，感覺到好足料，亦都浸咗好耐好入味。韭菜豬紅，個湯底好濃，同出邊食開嘅好唔同，值得一試。到主菜，有蒜蓉粉絲蒸蝦，質地彈牙，應該係新鮮蝦，蝦頭有蝦膏。仲有海南送到文昌雞，食得出唔係冰鮮雞，好有雞味，雞肉非常彈牙，唯一不足係調味唔夠。薑蔥炒蟹，都係新鮮，但係蟹肉唔夠多，幸好味道搭救。最後仲有一味盤龍鱔，估唔到呢間餐廳煮出嚟嘅食物絕對唔輸蝕比一啲大型嘅中菜館，廚師好有心機調校味道，用料非常新鮮，食呢度大家都已經好飽，但係竟然清晒，一次好完美嘅飲食體驗。

羊腩煲味道正宗，選用俄羅斯羊冇臊味，羊肉多過馬蹄支竹，。鹵水醇厚唔太咸，鵝肝香滑，要預訂。剁椒魚頭中上，夠新鮮，火喉啱啱好。可自來海鮮，煮功唔錯，好過去西貢，下次買隻龍蝦試下