新港酒樓

Open Now

Now Closed

北角新港宴會廳，唔知點解openrice 個名少左幾隻字，算係一間幾有地道feel嘅舊式酒樓。今次叫咗燒肉蝦餃、粉果、叉燒腸、鳳爪、龍躉飯、鵪鶉蛋燒賣、煎韭菜餃同紅棗糕，整體嚟講都幾抵食，性價比高。.燒肉蝦餃個皮幾薄，蝦肉彈牙，加埋燒肉有啲鹹香，唔錯。粉果、叉燒腸都幾滑，叉燒餡同粉果餡都夠多，唔會好乾。龍躉飯係少見嘅點心飯，龍躉魚肉滑滑哋。米飯都幾香。鵪鶉蛋燒賣睇落幾靚，每粒燒賣頂住隻鵪鶉蛋，肉餡都幾實淨。煎韭菜餃煎得夠脆，韭菜味幾濃。腐皮卷都幾好食，不過有少少油。紅棗糕甜度啱啱好，唔會太膩，食完幾舒服。.總結嚟講，新港宴會廳點心水準中上，價錢合理，地方夠大，招呼都算快，雖然冇咩驚喜，但係飲茶食飯都幾舒服，性價比高，值得一試。

傳統酒樓係香港比比皆是，水準大都是中等以上，但唔知點解呢，會賣蛋散既酒樓就愈來愈少呢間北角新港宴會廳，個蛋散整得好食喎！入口鬆化，無油膩感，甜度適中！另外，佢啲炸物都整得好食呀！可以一試！

5月6日揾食肥華同靚媽，晨早七點二十分左右，就到咗北角呢間酒楼飲早茶，在點心紙上，見到一碟特價，山竹牛肉球，衹須拾弍個八銀錢一碟，於是就叫咗，一碟嚟食，估唔咁低廉嘅價錢，此店並冇將貨就價，呢碟山竹牛肉球，可說是貨真價實，味道和質量都有A級水平，唔食就真喺走寶。而此店其他食品，蜜汁义燒包，北菰棉花雞都喺B+評級食物，而個香煎魚餅及柴魚花生粥，就有B級嘅評語，至於個碟滑雞絲粉卷，就令人失望，粉皮好削，配料味道平平，衹喺一個C級點心質素。不過此店侍應員工，和環境都oK在北角揾酒楼用餐，此店都喺一間，不錯嘅選擇

同朋友行經北角又好想飲茶環境裝修幾傳統叫咗幾款點心蝦餃，外皮好薄，啲蝦好新鮮燒賣，入邊有好多豬肉同香菇，幾好味叉燒包，好軟熟，個餡有幾惹味！叉燒腸，腸粉好腍，叉燒份量都好多牛肉球，鴨腳扎，正常發揮！整體都唔錯！

普普通通家人食餐飯，落左單超過一個鐘都冇餸來。地方係夠大算易搵位，但如果冇足夠嘅人手就唔好做甘大個場啦！等到天荒地老都未冇飯食。食左一肚氣。食既野不算好食，試過中午飲茶吖籠牛肉丸都未熟。質素唔好人手又唔夠，叫人點再幫襯！唔怪之得樓下龍晏排餐死樓上新港冇乜人了

呢個位置昹酒樓改過幾次名，但裝修格局以至食物都基本一樣。入到去就是好舊式茶樓既感覺，之前食過好多次，點心炒粉面都是舊式茶樓既味道。而家都水滾茶靚，算不上服務親切，但相當快手，即是舊式茶樓既感覺。今次午餐只點了一碟燒鵝切雞飯，但亦好有舊式茶樓風格和味道，還好好彩有燒鵝脾食，碟頭好大，2個人分都夠食。而之前試過其他點心都好味。 想要舊式風味，價錢相宜，又唔算舊既酒樓。 最後，埋單可用八達通，可以唔使現金，都算係舊式風格帶點新科技。