新喜海鮮酒家 (Closed)

上個月,晚上後去試下火煱任食,好平,每人70走得,d食物都唔錯,d招呼又唔錯.之前試過9:00後特價小菜.兩人兩送.埋單100有找,一般去趁酒樓晚飯+1+花生.一定要120元以上,呢度唔駛,抵食,但好少人,咁攪法,又要摺.佢d招呼唔錯食物都唔錯,要多d去,否則又少一個選擇.因為真係唔like附近嘉賓d招呼同漢寶食物貴.(漢寶飲茶就唔錯,但比新喜貴dd)

偉恆昌的"君悅軒"走後,現址由"新喜海鮮酒家"頂上.素來不會主動在此等酒家晚飯,飲茶就沒大問題.尤其是在下午特價時段,同班長者爭位飲下午茶.反而樂在其中.下午特價時段點心$3.8起,燒味瀨粉都係$10有找.廚房飯唔使$20.茶芥$4位.所以這個時段的人流,不遜其他黃金時間.照例一盅普餌,拿著點心紙,好似填六合彩飛般.向著特價點心係咁畫,畫,畫.畫出幾味來.拿住部iPOD,與世隔絕,同檯的長者高談闊論也充耳不聞.手持份馬經嘆下茶.挺寫意的.等了一會,點心魚貫地上桌,又再叫到一桌都係.蒸蘿蔔糕的蘿蔔成份一半一半,還是粉味多過蘿蔔味.最平這個,$3.8.鮮竹卷,山竹牛肉這些大路貨色.蘿蔔餃是蘿蔔絲酥餅的粉果版.用蘿蔔絲作餡,用潮州粉果皮包之.只是個粉果皮又厚,又黐口.感覺麻麻.反而個粟米黃金球,黃金球用墨魚打成膠,爽口又彈牙.埋單$37,你敢話貴嗎?如果真係一盅兩件,十皮有找.可惜,我唔係.