新合成燒臘飯店

Open Now

Now Closed

今日途經佐敦，行過這間 "新合成燒臘飯店"，裡面有堂食，也可以外賣。店舖門口嘅廚窗掛住多種燒味，令人食指帶動嘅燒味，所以買咗幾個雙拼飯盒與好友一齊分享。明爐蜜汁叉燒油雞雙拼飯    $35半肥瘦叉燒唔係誇張，但啲叉燒真係食過認為最好味，夠鬆軟，入口滿滿油香，肥得嚟唔會膩，加埋啲麥牙糖燒到焦焦地，又香又甜  ;  獨特潮洲秘方製成嘅豉油雞，調味料香濃，油雞嘅雞肉好軟滑，很好味，配搭鬆軟白飯，好滿足！燒鵝蜜汁叉燒雙拼飯    $50燒鵝外皮燒得脆口又不失鵝油嘅香濃，鵝肉嫩滑醃得入味但唔咸  ;  白飯鬆軟，粒粒分明，食起嚟有飯香 ;  半肥瘦叉燒咬落去係鬆化，真係從未食過這樣嘅質素，好美味。切雞蜜汁叉燒雙拼飯    $35切雞外皮顏色亮麗，做到皮爽肉嫩，入口滑嘟嘟，內殻又夠味道，香味散發出來  ;  叉燒帶點甜，有玫瑰露香，食半肥瘦始終係最好食，肥瘦相間，肉入口肥而不膩  ;  食過呢幾款，覺得款款都咁有水準，下次試吓燒肉同燒排骨。每個燒臘飯加送紙包飲品，口感清涼，順喉解渴。

每次唔知夜晚煮咩餸好嘅時候,燒味一定係我最佳嘅選擇.今日經過佐敦一帶見到呢間燒蠟店雖然店鋪唔算好大,但人流都幾多.望入去兒地嘅燒味充滿光澤好吸引咁就買左返屋企試下.叉燒叉燒每件都好厚身叉燒呈半肥瘦充滿光澤肉質好嫩腍而且充滿肉汁蜜汁香甜濃稠 令叉燒更惹味一啖叉燒再配一搭白飯 絕配! 油雞油雞都好有驚喜!雞皮薄唔會過肥膩雞肉質地結實彈牙質感好滑唔會過乾柴淋上特製豉油後味道香甜且鹹香最欣賞係雞胸肉入口同樣嫩滑

中秋節一家人一齊食飯，想斬料加餸，見到呢間燒臘舖做緊孖寶$110，分別可以選擇兩款燒味，加上好多街坊買，一於去試吓～孖寶可以揀半隻燒鴨，半斤叉燒，半斤燒腩仔，半隻白切雞，半隻豉油雞，我哋叫咗半隻豉油雞同埋半斤叉燒叉燒蜜味香濃，燒到焦香，半肥瘦，肉質嫩滑，又唔會太肥，好食🤤豉油雞色水夠，皮滑肉嫩，唔會太鹹，味道恰到好處，送飯一流，另外仲有薑蓉跟外賣之外，舖頭仲有堂食，見佢啲飲餐價錢都好經濟實惠😝😝

中秋快到了，來到節日都會斬嚿大叉燒、買番隻肥雞加料。今日行經廣東道，見到間燒臘飯店中的燒味非常吸引，都忍不住上前看看。他們的明爐燒味更有2款自選優惠，揀啱2款真係最抵食！其中叉燒半肥瘦，被豐富的蜜糖包住，非常吸引。貴妃雞半隻/叉燒半斤叉燒半斤他們以明爐烤煮，令叉燒的味道鮮甜，帶有濃郁的糖醬味道，外皮微微焦香，肉質緊實，咬勁十足。貴妃雞半隻貴妃雞雞皮的充滿黃油，雞肉嫩身細嫩，鮮味十足，油而不膩，美味可口。

做孝順女回家梗係加餸啦～買燒味簡單又方便但普通燒味滿足唔到屋企班老饕所以今次又去燒味關注組搵靈感揀左間位於佐敦嘅新合成燒味瓹窿瓹罅搵美食！新合成燒味無華美外表都係舊式燒味鋪嘅樣外面放滿燒味吸引食客一面係燒味檔一面就係堂食餐桌我揀左推薦嘅叉燒同燒鴨價錢唔貴本身$70半斤叉燒我驚食唔晒要$50都肯照俾我老店人情味～叉燒顏色唔太深唔會過度上色叉燒入口鬆軟唔痴牙食得出唔係用雪藏肉有蜜香味唔怪得有關注組推薦啦～$70半隻燒鴨幾抵食師傅刀功唔錯切到啲位可以無乜骨👍鴨皮焦香肥膏唔多鴨肉甘香唔膻正！爸爸媽媽又好滿意中秋晚飯大家都飲飽食足！

今晚迎月夜，約了去朋友屋企聚餐，當然唔會兩手空空，決定買啲燒味加餸。友人家在佐敦一帶，行至附近有燒味店，買了兩款：叉燒和油雞。打開盒蓋，叉燒散發着香氣。蜜汁包裹叉燒，另外層呈現光澤和散發濃郁香甜氣味。肉質鬆軟，又不失咬口。肉汁與叉燒蜜汁在舌尖上混和，好味好味。油雞色澤明亮，醬香濃郁，另人唾涎。表皮潤澤油亮，肉質鮮嫩又多汁，鹹中帶著少許甜香嘅味道，啖啖肉，正。大夥兒一邊𣈱飲，一邊當小吃，好開心嘅聚會啊！

玫瑰鼓油雞  雞肉口感夠哂嫩滑厚實，Q彈多汁，肥瘦岩岩好，仲散發淡淡既醬油香味，油雞色澤夠哂明亮，係最傳統既港式燒味之一，送飯必點之一。而且夾埋佢個蔥油，食起黎更香，唔該俾多碗白飯~古法叉燒半肥瘦  醬油味濃口感厚實，甜咸岩岩好，入口滿滿甘香香甜，唔會鞋口，仲有D會有小小燶邊，好味<3走之前見到老闆仲會自己係到燒乳豬，我都係第一次親身咁近距離見到，熊熊火光，睇住隻乳豬燒到滴哂油，真係買小見小了。鋪頭企理，而且選擇都好多，想叫外賣 / 堂食都好方便~

同屋企人做節，過時過節就諗住買啲燒味返屋企加餸。見到啲叉燒同燒味都幾唔錯，價錢都正常，咁就買番啲同屋企人一齊食。買咗半斤蜜汁叉燒同埋半斤燒肉。價錢都合理，最緊要係夠足稱！蜜汁叉燒都燒得幾入味，我今次揀咗瘦叉燒，瘦叉燒都唔會好韌，仲燒得幾香，食落都唔錯喎。另外燒肉值得一讚嘅係，燒肉皮拎到返屋企仲係好脆，咬落仲係好趣卜卜，媽咪都大贊好香口，燒肉亦都燒得啱啱好唔會黐牙。夾吓夾吓好快食晒😆😆😆等我下次再買去其他燒味返屋企加餸先。

行過佐敦見到好多人排隊買燒味！原來香港仲有啲傳統有堂食嘅燒臘飯店，價錢仲好實惠。✨古法叉燒（半斤）$60肥瘦均勻，表面燒得香又唔會燶。肉質好腍好嫩。我地一餐食唔晒，第二日翻叮都係咁軟腍。✨燒腩仔（半斤）$60做到爆皮效果，口感卜卜脆。軟腍易咬又唔會太肥。估唔到呢個價錢有咁靚嘅燒腩仔。唔怪得咁多街坊排隊買！佢哋而家仲做緊優惠，孖寶 4選2 $110🔸古法叉燒（半斤）+ 燒腩仔（半斤）🔸明爐燒鴨（半隻）🔸貴妃雞（半隻）🔸豉油雞（半隻）📍新合成燒臘飯店 (佐敦)佐敦廣東道589號B1-B2號舖

今日晏咗出去食晚飯，特別想食燒味，見到一間小店仲未收鋪，所以就幫襯啦！！呢間燒味舖嘅價錢非常之親民，我哋心大心細咩都想試吓，老闆非常之友善就話三拼幾樣正既比我地！👍👍三拼有：叉燒油雞燒鵝，全部都係我鍾意食㗎🥰🥰 叉燒肥瘦適中，再加埋啲叉燒嘅醬汁昇華叉燒嘅味道。油雞一定唔少得啲蔥油😝😝最期待嘅燒鵝，呢度嘅燒鵝唔係好肥我鍾意呀，油脂同燒鵝幾香☺️☺️本來佢哋都準備想收鋪，但都叫我哋慢慢食，唔駛怕！好好人呀！有機會嘅話我會再番黎試下，如果唔想堂食，其實都可以外賣，另外好多款嘅嘢飲。😆

傳統港式燒味店係香港非常受歡迎嘅一種餐廳，佢以烹調燒味菜式聞名。喺傳統港式燒味店入邊，你會見到各式各樣嘅美味燒味，包括叉燒、燒肉、燒鴨同埋燒雞等等。每一款燒味都有獨特嘅風味同熟練嘅烹調技巧。燒鴨港式燒鴨以其獨特的風味而聞名，成為香港美食文化的重要一環。燒鴨的外皮金黃酥脆，肉質鮮美又不失滋味燒鴨：港式燒鴨以其獨特的風味而聞名，成為香港美食文化的重要一環。燒鴨的外皮金黃酥脆，肉質鮮嫩多汁，帶著淡淡的甜味。燒鴨的烤皮通常有一層薄薄的脆皮，下面則是嫩滑的鴨肉，肉質鮮美又不失滋味。叉燒叉燒是一種用豬肉製作並用特殊醬汁醃製的燒肉。它具有亮紅色的外皮，有著甜香的氣味和口感。的肉質鮮嫩多汁，肉與脂肪的比例恰到好處，入口即化，吃起來非常滋味。它可以作為主食或加入其他菜式中，讓整道菜更加美味

今日國慶假期🥳 當然四處走走，有間在佐敦屹立40多年的新合成燒臘飯店，味道有水準，我欣賞其維持傳統做法，新鮮出爐燒味，乳豬、叉燒等！另一方面注入新鮮感覺，因為餐廳大膽推出換腩承諾﹕於購買時起計6個小時內，如果燒腩仔豬皮不脆，可免費更換的，所以有信心保證喔！有見及此，我當然點了脆燒肉和古法叉燒！果然有驚喜，燒肉外脆肉汁嫩滑，口感好好👍 古法叉燒嚴選秘製的醬汁帶有焦香感，好惹味！新合成燒臘飯店地址：佐敦廣東道589號B1-B2號舖

來香港旅遊的話，佐敦附近一帶有不少景點，如廣東道玉器街、廟街夜市及西九文化區。其中這間廣東燒臘店主打正宗地道的港式燒味，設有不少堂食座位。店內所有燒味均每日新鮮製作，掛滿林林總總的惹味燒臘。玫瑰豉油雞 - $60/半隻油亮有光澤的油雞，以玫瑰露酒及豉油浸製而成好入味，滲出鮮香味美的雞味及醬香，帶淡淡清香的花香；雪白肉厚的雞肉嫩滑多汁，毫不油膩。燒腩仔 - $60/半斤油花豐富的燒腩仔肥瘦兼備，不會太肥，亦不會太乾柴，恰到好處；金黃酥脆的豬皮鹹香且不油膩，肉質軟腍鮮味。

放工回家途中經過佐敦，順便斬料加菜。於是去了這間在佐敦屹立40多年的新合成燒臘飯店。餐廳主打傳統港式燒味的家庭式經營小店，店主都很友善，而且見到有派福飯，值得支持。買咗兩盒燒味返屋企加餸🥰半肥瘦叉燒以豬脢肉切出的前三塊豬肉入饌，第一塊帶有爽口質感，第二塊則帶口感腍滑，第三塊則肥瘦適中。秘制醬汁味道咸甜適中，再放入爐中烤至面層帶有焦香感，吃起來份外香脆惹味。燒鴨就肉質扎實，鴨皮有鴨油香味，整體味道均勻。另外價錢相當平易近人，值得下次再幫襯。

✨油雞拼燒腩仔點左個例牌 份量十足仲好lucky 地比左雞髀油雞 雞皮爽彈 肉質嫩滑 豉油味香濃帶甜 好入味 燒腩仔 啱啱出爐 仲熱辣辣皮酥脆鬆化 腩仔肥瘦相間肉質鬆軟 帶油脂甘香 肥美可口 送飯一流✨例湯十蚊碗 以為得一碗仔 點知有一大碗睇都知落足料去煲 勁多料湯料有豬肉 雞腳同青紅蘿蔔等味道好鮮甜 好飽都要飲晒佢😋✨白飯店員叔叔問要唔要加鼓油汁 當然好啦白飯 有米香 軟硬適中 飯粒分明加埋啲汁 好快清晒😆總結：食物唔錯 份量足環境正常 服務好 人情味滿滿價錢合理 性價比高 抵食難怪有唔少街坊幫襯