New Creation Restaurant (Closed)

是日一個人返左外家探爸爸媽咪，不過無同佢地食飯就走左啦，一個人浪漫下，食飽飽等老公黎接我~叫左個「雪菜火鴨絲炆米」($60)，黎到好大碟，我一個人都食唔晒。炒得十分香，而且係無燶味既，濕濕地地，配料加左D青椒﹑洋蔥等，炒起上黎更加好味! 個味咸咸地，味道對我而言，岩岩好!合格!!! 火鴨絲都多，不過火鴨皮比肉多，咁岩我就係中意食皮，D火鴨皮脆卜卜的，又香又油，塊塊皮都超大的!!!好滋味!呢個炆米無配餐飲，我自己叫左杯凍檸茶，夠甜，檸檬又唔澀，冰就多左DD，下次可以叫少冰~…Read More

行山行到攰見到間茶餐廳就好快行入去，新年搵野食的選擇不多，點知今次唔好彩搵到間捉蟲了。呢間餐廳大就夠大，位都多，仲未坐滿的。人攰坐低緊係想慢慢睇下有咩食。只不過類似老細的男人見我地未落單，就行過嚟潤我地簡好野食未。一句話說辣著我地，就算限時坐的餐廳都唔會咁趕問你落得單未喇，而家食野幾時變左快餐呢？我地無咩心機簡左啲野食。新年餐牌加價係正常，但餐肉加煎蛋要$42蚊，食水都太深了吧？炒蛋多士($22)，我嗌呢個時老闆以為我玩野，好笑的是個餐牌是你地的，睇清楚先落單啦。呢個話就話多士，只係烘下就算，無牛油也太隨便了吧？我只可以話隻蛋有蛋味，普通過普通。練奶多士($12)，同一樣多士加蛋就多十蚊，如果你肚餓食咩都唔會難食，飽肚就得。椒鹽豬扒飯($58)，朋友話好鹹，鹹到要用水沖下先食到，廚師重手左。菠蘿生炒骨飯($58)，有個小插曲，員工睇錯單整左個炒飯出嚟，仲打算叫我地接受，明明我地唔趕時間無催單，所以朋友話慢慢等個生炒骨飯。個飯都幾足料，但汁就比較多，但反而欣賞佢用新鮮菠蘿去炒。西多士($24好似)，唔夠脆，但唔燶都算合格，味道還好，如果加埋有花生醬就更有心思了。呢間茶餐廳的裝修係有心機，但金玉其外，有個「太有性格的老細」唔見得係好事。有得揀都唔想幫襯佢，食野想開心同舒服，唔係嚟受氣，而且味道唔算特別好，所以完全無賣點。食物味道同印象都係個人主觀，但兩樣都做得唔好，就等於俾錢買難受。…Read More

有左之後，最中意返外家，因為阿媽一定會煲落湯，又會同我分享下陀B心得~:):)今晚唔想阿媽太辛苦，我地一家出去食飯~近近地落樓下飯堂開飯啦! 新創發餐廳已經開左好耐，起碼都有十幾年，未嫁前平均每2星期我就同阿媽黎食飯，今日都想回味下~「玉子豆腐火腩煲」，唔係用一般既豆腐，餐廳用玉子豆腐，感覺比較特別。玉子豆腐好滑，明顯炸過少少，因為外面有層脆脆既皮，但係缺點係十分十分十分之咸!!!!可能因為火腩又咸，煲個汁又係咸，煮既時候玉子豆腐吸收晒D汁導致好咸，最尾有幾舊我都食唔到…至於火腩，佢屬於肥既火腩，比一般火腩咸，而且每舊都有肥膏，我食左2舊都怕肥無再食了~「金銀蛋白菜仔」本身想食莧菜，但係無就叫左白菜仔。呢個湯浸菜既咸道適中，不過面度有D油浮面就扣左D分，白菜仔煮既時間岩岩好，唔太林，肉碎就咸左少少，金銀蛋既份量都岩岩好，皮蛋方面我就厭佢散得濟，夾上手好易散晒。…Read More

家在西沙路一帶，回到家附近又不想回家食飯的熱點，除西貢外，就是馬鞍山這一個新市鎮。雖然，好多人認為，馬鞍山是一個美食荒地，就算有人找到好食的，合自己胃口的，放到網上，總會收到無情的批評。不過，寫個人飲食 Blog，主要都是說自己的飲食經歷，讚的，當然是讚自己認為好食的食物啦。在馬鞍山市中心食茶餐，除了街市之外，我另一首選就是位於新港城三期的《新創發餐廳》，我喜歡的最主要原因，是因為門口可以泊到車，店內也可以看到車。當然，食物出品好也是令我經常回頭的主要原因。這一次，是加班日的晚餐，回到馬鞍山才決定食，因旁邊的西餐廳已經過了 last order 時間，想食扒的我就心中不二，又回來《新創發》。一坐低，手指直指那鐵板扒餐，而餐湯我選了羅宋湯。羅宋湯的酸味同甜點不相伯仲，料足夠，也有可口的牛肉味牛肉粒，加少少宵椒，把辛口感稍為增強，很美味...商湯雖未算一流，但其好味道，足以令我說好。鐵板扒，是T骨牛扒，不用100元食到T骨牛扒，相信只有茶餐廳能做得到，只不過，食的牛肉，不要期望是什麼美國安格斯或澳洲和牛罷了。不過，就算是本地牛肉，雪藏的巴西牛肉，都有應有的肉好味道，當然，最重要沒有用鬆肉粉，'拿" 到冇晒味，(真不明白為何小時候會接受到港式腍牛扒。)這肉扒，牛肉味道夠，雖然要全熟地食，但絕對不會太鞋口，而且牛扒有足夠的脂肪，令人感受到肉的肥美，再者，肉汁及燒汁經過牛扒，滲入在底層的薯條之內，令喜歡食鐵板的你我，感到小滿足。跟餐除有薯菜之外，另有意粉，也可以叫飯。份量之巨，也許連那些划艇運動員都未必食得晒。意粉味道雖好，有蕃茄味，但一看就知道是茶餐廳式的全熟全發脹意粉。我吃了幾口放棄，但不是因為不好食，是因為我已經太飽。奶茶，夠晒濃香滑，奶味夠，濃濃香香，是一個我會叫好的奶茶。堂姐夫幾乎每天都來早餐，除了方便泊車外，為的，就是這一杯奶茶。《新創發餐廳》，未必是區內最好味的茶餐廳，但勝在多元化，可以說是乜都有得食。而且開得夠夜，太晚回到馬鞍山，這兒可以說是一個宵夜好地方啊。…Read More

去完街，又唔想返屋企煮飯，又唔想食貴野。選擇好自然就是屋企樓下既茶餐廳。可是，我住的是圍村，基本上是沒有東西吃的，就算隔離村有茶餐廳，但他們都不做夜市，而且晚上的路，是不好走的。所以，我同太太二人，就簡單快捷地，在馬鞍山市中心選茶餐廳，我們就選中了這一家《新創發》。晚上的簡單餐，我同太太都是一人一份餐算數，不過，跟餐的例湯，一定有肉，所以我要飲下兩大碗，而是日的湯，是最簡單的西洋菜湯煲豬骨。味道好嗎? 一般的茶餐廳例湯冇話好唔好，飲得過同夠熱就得。太太食的，就是如常的羅漢齋炒麵，有豆腐有菜有菇，算是用盡了食材。另外，麵餅煎得夠香脆，而且夠味道，茶餐廳的炒粉麵，夠鑊氣，夠味道，夠材料，好少會不好食。凍，我來了一客臘味煲仔飯，材料十足，出來的飯亦十分之香噴噴，內裡的髏腸臘肉雖未算是最好的品質，但夾在煲仔飯一起熱乎乎的上檯，飯亦沾有臘味的香肉汁，是一個既簡單又精彩的晚飯。煲仔熱辣辣，我決定來一大支啤酒，感覺奇爽。簡單晚餐，簡而味美，這就是一眾屋企樓下茶仔的好處。…Read More

夜晚睇完戲，商場餐廳早就closed,但好肚餓，就諗起新創發。佢既價錢其實有啲偏貴，如果講份量，甘既價錢吾算抵食，但都算宵夜好選擇。叫左腩筋墨魚丸，牛腩幾香，但牛筋太腍，食落口感有啲似竹笙。本身好鍾意食墨魚丸，呢次就食到墨魚肉係入面，味道幾香濃，好味！ 下次再食！…Read More

本來想去隔離大師傅 (http://www.openrice.com/restaurant/sr2.htm?shopid=41337) 點知執左!!!我明明十二月先去過, 咁快就執左, D野仲要幾好食架嘛... :(今日係初四, 仲有好多食店未開... 周圍好似得呢間開左, 就走入去喇...同其他茶餐廳一樣, 佢有牛腩粉 炒飯炒粉麵見到餐牌突然有幾樣越南粉就點左個順化雜錦辣粉 $28佢個價錢貴過一般牛腩粉 ($25) 諗住係好野啦點知到點菜果一刻已經feel到唔對路個伙記問我要米粉定米線下?? 乜唔係越南粉 (pho)咩??? 是但啦... 叫米粉啦之後老公點個豬扒包 $20伙記諗到唔諗就話無豬扒包點知另一伙記行過聽到, 同佢講係有豬扒包 我地先成功點到 :(豬扒包好正常 唔係特別好食亦唔難食我個越南粉就異常失望個湯底除左得辣味係無其他味 我要自己加魚露先食得落配料有蛋絲, 魚蛋絲, 芽菜同魷魚... 十分奇怪既配搭 :(呢餐食得超唔滿足 過隔離間bakery買件pizza再食過 …Read More

食過4次呢度既羊腩煲, 次次水準都咁好, 真係抵讚!!佢地用嫩滑既羊仔腩, 食落比起老羊口感好很多!! 個汁又唔會好似大排檔果D咸到苦,我最愛既支竹都幾多,仲有厚冬菇,唐芹, 成個配搭都好好我次次都差不多成完D餸料之後, 會另叫一個烏冬, 放入煲中索埋D湯! 正呀!!試過出深水保諗住試下地道羊腩煲, 問個呀姐幾錢佢話細既1百90幾, 大既唔只...幾寸呀,呢間新創發餐廳 細羊腩煲 都係 1百10幾, 大既 $160左右另外試過佢既焗豬扒飯都幾好…Read More

係馬鞍山住左十幾年,第一次黎呢間野到食,因為隔離間面店冇開,咪懷著一試無妨GE心態食下囉一開始睇到個餐牌,嘩個個餐都要50蚊左右-.-覺得好似好貴,不過都冇計,叫左個咖哩牛仔骨飯囉,唔想次次都咖哩雞咁悶=.=飯黎到個陣,發覺原來份量都幾多下@_@D牛仔骨有6-7大件,仲有幾舊薯仔~飯都好多下啦味道方面,咖哩好香,辣度適中,牛仔骨都幾林,薯仔有薯味HAHA...至於凍檸茶都OK架.總括黎講,係貴左D,但味道真係唔錯!…Read More

九月上旬‧晴十二小時，夜行，三十公里，是今晚的餐牌。不是說笑的，就在起行之前來這裡先吃點東西，加點能源，就來這裡吃個下午茶。叉燒米，加個火腿奄列，乘三。叉燒一般，米粉很腍，奄列反而煎得不錯，脆口又香口，而咖啡則不香又薄身，還可更好。但就吃得飽飽，很不錯。出發。…Read More

家姐想試喱到d鐵板餐好耐,因為佢個fd話好食本身上次黎,但係冇位好啦所以今日黎試,差d又搵唔到位喱碗真係極品,超級勁爆難飲,飲左啖就頂唔順罐頭都好飲佢勁多倍成碗野都係麵粉味再加一d...鞋櫃味真係好想問下佢地喱碗係咩黎喱個湯都ok既,不過幾咸飲品正常個味ok既,不過太咸咸咸x_x…Read More

繼續需要係深圳上班, 駒車到關口前, 總愛在外食返個早餐先. 這一天, 就近的, 停係馬鞍山的一個有利車友的位置. 實行食飽先上路.簡單同千篇一律的港式早餐. 當然是公仔麵啦. 是日點選的, 就是極簡單的豬扒煎蛋公仔麵.普通的湯麵, 煎到半乾的豬扒. 好的是, 蛋是半熟黃. 蛋汁流出來, 滑滑的蛋汁混入麵條之中. 這樣的口感是一流的. 豬扒雖然是乾了點, 但乾身的觀感是因為他們把多餘的油, 完完全全的滴乾, 肉質, 肉汁, 是有的, 食落, 同湯面上沒有太多的油, 也令人食得開心的原因.奶茶, 濃濃的奶油味應該要感謝黑白淡奶. 濃濃的茶, 香滑的奶, 夠提神. 精神一振之後, 也是開始新一天的時候了.…Read More

牛腩不錯，但有時略差，小菜快又大碟，油多了一點，凍鮮奶美味，服務非常好，晚上泊出面，極安全快捷方便，公仔麵平凡一盤，早餐中午餐普通，晚餐扒餐抵食大件，中湯西湯嘗可高水準，白飯質量好且份量大，洗手間差勁…Read More

牛什冼得乾淨無異味，味道唔錯。 湯底味道唔錯， 唔會太油或太多味精，不過老細一定係潮洲人， 因為落冬菜好重手。 河份都算ok無乜特別。 呢到無服務可言，全程到俾錢都無人講個一句野。…Read More

馬鞍山又係一個好難搵一間高水準食店的地方...今次到呢間店環境.尚算乾淨..店員只是落單的時侯要接觸過.效率都快..服務態度都沒有令人客不安..我點左..凍華田.雞翼薯條....雖然不是出色之作味道.絕對可以接受...凍華田...不是黑白淡奶冲.近來有一隻淡奶我覺得味道有點怪,但末知是何種牌子...呢杯華田有點偏甜...問題不大雞翼薯條,雞翼唔錯無油,炸得夠脆,肉質夠滑,而薯條就一般.味道似薯溶,太林....味道,環境不出眾....但絕對接受到...值得俾個ok…Read More