斗斗滋味小廚 (嘉悅) (Closed)

別人介紹可以試下呢間，都OK。可能咁岩我叫正個頹飯。。。環境望落OK，有所期望系普通茶餐廳水準就滿足。豆腐斑腩飯飯多系好事既。。。但太多，有少少硬。最期待個斑腩念住淡淡肉，點知斑腩個脆皮好多粉硬卜卜內𥚃肉少，似食粉多過食魚，肉少自然無乜味，系靠個汁有味咯，似系咁易淋個汁上去，條蔥都好味過個脆皮，豆腐正常。總括，午餐似Canteen。。不過下次試下叫另一個餐可能好D？都成50蚊，不如去對面食個4十幾既。…Read More

雖然呢度係食台灣嘢，但係今晚同家人嚟到，只係想食幾個小菜生炒骨有水準，包住排骨嘅粉漿同醬汁食落係脆嘅，入面嘅肉醃得入味加上三色椒，洋蔥，菠蘿一齊炒勝瓜外面醮咗粉，入面食落口感好奇怪，似係食緊空心嘅棉花，唔似平時食開咁juicy牛肉片嫩滑，加埋雲耳一齊炒，有少少香味，但都係清淡之選雲吞雞入面嘅雲吞係用好多加工肉去包成個餡，個人唔太喜歡雞就有足足半隻，同娃娃菜一齊煲，湯飲落都幾甜啲蜆幾大隻，蛋白都好多不過食落有啲沙，清洗吐沙唔夠乾淨蜆肉有鮮味，蛋都蒸得滑溜，算係不過不失啦…Read More

將軍澳都食到有質數嘅酸菜魚喇！魚係鯇魚，好大條多肉。湯入面除左有酸菜，仲有豆卜，芽菜同木耳。不過份量明顯比以前黎食小左。我地點左小辣，味道吾錯，酸酸辣辣👍 另外都可以叫 d火煱料打邊爐，但可惜選擇吾多，多 d款揀會開心 d。我地三個人，另外再叫左碟午餐肉同蔬菜併盤，其實都已經好飽。不過有樣野佢地真係要改善同處理，就係個爐面頭嘅黑色塗層甩晒，但我地就一路滾住黎食，感覺極吾良好🤢 但吾計哩樣，佢嘅食物質素係 ok嘅。佢地除左火鍋仲有小炒可以選擇。…Read More

搵朋友食LUNCH近近哋就去咗斗斗，呢到中午大多係叫餸食飯，有好多學生同地盤工友開餐。我哋叫咗海南雞飯同尖椒咕嚕肉，嚟到果然好茶餐，大大碟飯。試咗FD啲咕嚕肉幾好味，相比下啲雞就小小失色了，不過只係中午醫兩餐又唔洗太高要求o既。…Read More

經常幫襯，由於自己食唔到辣，三杯雞同蜆肉黃花魚湯成為我至愛三杯雞煲仔🥘上，夠入味！仲有至愛既九層塔蜆肉黃花魚湯🥣，飲落無味精，蜆好新鮮，係連殻既，每隻蜆肉都5蚊銀咁大粒，唔係出面果d細細粒蜆仔，黃花魚成條上，湯底有埋豆腐同冬菇，正！如果食得辣，佢有個麻辣蟹🦀煲，家人表示蟹好新鮮，而且可以另加生菜/午餐肉之類，當打邊爐都得另外叫小菜係贈送飲品🍹的，涷飲當然加3元。免收加一。呢間店係將軍澳站少有既小炒店，好食，不過就響商場後面，少d人知道，真心希望佢做得長🙏🏻…Read More

個位唔太顯眼，係俾佢個烤魚吸引左😜😜揀左酸辣烤魚優惠菜拼盆好抵！份量都多！有生菜，金菇，豆腐，同薯粉😋😋😋😋酸辣湯底好味！酸同辣都好平均，冇話搶左大家既味。忍唔住係咁飲😜😜😜魚唔算大條，但都幾滑。有三種魚揀！唔食得辣既人記得嗌唔辣或者揀小辣呀，佢都加幾多青辣椒。嗌左碟醉雞，酒味重，但唔入味，好似酒還酒，雞還雞咁。甜醋小排骨，好味既，份量都多，但冇乜特別，唔會特別出色，冇乜鑊氣。🤦🏽‍♀️…Read More

無論一個人想hea 食，或一家人暢食，呢間都值得推介!!個人推介必食煲仔飯話説得自己一個，見屋企附近有間新開小店，即管入去試試!!店鋪地方不大，但尚算整齊企理。雖然未必能即時招呼，但員工服務有禮殷切。一個人食飯其實好難，但呢度竟然有~~煲仔飯~~~佢既煲仔飯唔係太多餸(幾十蚊想人地比幾多你丫!!)，但一個人食已經足夠，而且d 料仲要幾新鮮!至于點解我會推介。。。。佢竟然做到煲仔飯嘅最高境界------有飯焦，雖然唔少店都做到有飯焦，但要做到脆口但唔硬，則唔係間間做到!!但由于即整，趕時間者免去。。。如果中意食餸唔食飯，咁就建議要加碟餸la…Read More

好正！晚市可以優惠價配飯或擔擔麵！餐廳環境良好，亦會有茶上。地點在將軍澳至善街9號嘉悅商埸。＄18可以教你玩蛋蛋麵擔擔麵。主菜就係呢個麻辣烤魚+花甲. 見到好多人都買就自己都排啦，食落魚肉豐富，麻辣夠入味，店員亦可以查詢辣度。是本人推介。價錢唔貴，但質素好高，建議大家都可以黎食。我哋食咗兩小時，店員都沒有催促我們，餸菜時間亦都會好快，地點方便！原本諗住食一個晚餐沒太大期望，但結果其實都係好好食，我哋都會再返嚟食！…Read More

呢間餐廳開左唔係好耐，一直都好想試下，今日心血來潮就入左試下啦，主要都係小菜類、川菜等⋯我地三人行，叫左份麻辣花甲烤魚，加左份什菜盤，因為驚唔夠飽仲加左肉燥飯同擔擔麵添⋯見唔見到d花甲大大隻呀仲好鬼鮮甜添仲有鍋裡面仲有芽菜、金菇、青瓜、蓮藕得配菜，個蓮藕好讚呀！勁爽口！個鍋有得揀辣度（大、中、小）我地唔係好食到，所以叫左小辣，都差點接受唔到，哈哈！如果食唔到辣既你就要留意下啦！另外加既什菜盤（$30）埋單都係$307，平均每人$100左右總結呢間店既材料都好新鮮，值得一試，不過可能地點既影響，見閒日晚上都唔係坐滿，所以唔駛等位架，大家如果經開附近都可以試試👍🏻👍🏻…Read More

今日突然想食四川烤魚，又唔想去其他區，剛好見到呢間新開嘅餐廳就入去試下。一行兩人walk in, 剛好有最後兩張枱，唔使等，yeah! 如果響Popcorn果邊食晚飯實排哂長龍有排等。點了這個酸菜魚走辣，有專用烤魚爐。非常足料，條魚超大條，但魚骨比較多，若果啖啖肉就仲正！做優惠的$30什菜盤，好抵食！條魚同盤菜俾兩個人食份量都太多了，最後要打包。見隔離枱點小菜，又有潡湯，下次會試吓。整體都不錯，下次會再來。…Read More

夜晚5個人嚟呢間新新哋嘅舖頭食首先叫咗個麻辣煮蜆蟹用料都幾豐富，除咗大大隻蟹，唔少蜆肉之外，仲有蔥，金菇，豆卜，青瓜，蓮藕，木耳等等，吸盡麻辣湯底嘅精華配咗個幾平幾抵食嘅蔬菜籃，有生菜，金菇，豆腐同薯粉見個個嚟餐張檯面上都有呢碟脆皮炸大腸茶樹菇回鍋肉好正，炒得好香得嚟，油完全俾啲菇索哂，令啲菇好入味生炒骨，有好多洋蔥，菠蘿較少炸粉夠薄，啖啖肉幾正肉燥炒飯好有鑊氣，雖然並唔係平時嘅台式肉燥飯，但係炒埋一齊令個飯同肉融為一體，帶少少鹹香好好食之前嚟食呢條乾煎黃花魚好正，連骨都差啲食埋但係今次調味太鹹搞到好似食緊鹹魚咁蟹煲嘅蟹好多膏好香，但可惜嘅係啲肉唔較新鮮，所以食完啲膏就棄，真係有啲浪費同可惜…Read More

今日來到這裏食晏，两口子點了肉燥豬軟骨飯，同埋豬扒擔擔麵，味道都幾正宗，肉燥很有台灣的味道，豬軟骨都很入味，夠軟但如果可以炆到連啲軟骨都化埋，就會好好了，希望會改進一下。豬扒夠冧加炸得好脆，擔擔麵唔太辣有花生醬味唔錯，個麵都好滑。下次會再試下其他小菜味道如何。…Read More

今天路過這邊，發垷有新餐廳。本著冒險精神，於是來試試。店門張貼了餐牌，讓大家參考一下。內裡明亮的裝潢，看來很乾淨。就座後，點了三款小菜。不過其中二款小菜都是蒸的，需要等一段時間。豉汁蒸白鱔　一小碟蒸鱔呈上。豉汁蒸煮的金錢鱔，魚肉看來尚算凹凸有緻。以豆豉味為主，豉油不多，不覺得死鹹。鱔魚肉不算霉，但不算最新鮮，即是欠缺鮮魚那種特有的酸味。土魷蒸肉餅　以肉餅為主（半肥瘦），土魷不多。脹卜卜的肉餅，軟綿綿，不起膠，也不鬆散。啤水？溝蛋白？　就因為軟綿綿，無需太多牙力。幸好豉油份量不多，不太鹹，單食也覺得很好味。蒜蓉炒油麥菜十分翠綠，十分反光，不過十分新鮮，十分爽脆，十分好吃。茶酒  晚市小菜可配中湯或飲品，大家都想飲熱奶茶。不知道這裡的水吧是用了什麼種類的奶，植脂奶？三花／黑白淡奶？還是選擇鍊奶比較保險。BODY REPORT ：　雖然這几款小菜是有點油，但可能剛好不算太鹹（鹽份不高），事後無需狂飲水。…Read More