斗斗滋味小廚 (嘉悅) (Closed)

去將軍澳搵朋友午餐。朋友帶我嚟呢間斗斗。地方幾乾淨濶閣！佢介紹話口水雞飯好正。每人一份賣相唔錯，又大份我果碟仲係肶位。雞夠滑而雞皮唔會過肥及過厚.醬汁方面偏酸，而口水汁好夠麻 帶蒜味 .大約屬於中辣程度 朋友是麻辣人士十分喜歡.但對我來講有啲辣.不過又真係辣得好過癮.但係咁先至好好送飯.雖然係白飯唔係油飯.凍檸茶夠凍夠濃.茶味十足午市$50 我等兩點後平$10連飲品，埋單凍飲$43，呢個價錢真係冇得輸完全係衝擊味蕾嘅一餐另外見到佢細叫咗個倉魚套餐.好似幾好.人地食緊唔方便影相.過幾日會嚟開呢頭或者會試下…Read More

價錢親民，食物質素不錯，店員服務不錯，座位闊落，衛生情況理想。整體滿意，會再幫襯及介推。韮黃肉絲炒拉麵：肉絲好大條，份量足，有味道但偏淡（我喜歡的，最怕味道重食完好口渴），不錯，再加上只是$48，未完，仲要包熱飲，非常親民。杯熱奶茶不錯，解到我的奶茶魂。糖醋魚柳飯：份量足，白飯軟硬適中，魚柳炸得外脆內軟，稍稍可惜是腍魚柳（明白只售$50，成本控制，理解）糖醋汁甜酸度足稍偏甜，算合格。在將南區有如此店家，實在太好。會再幫襯👍🏻…Read More

今日路過見到新開張早餐，於是入黎試吓。環境相當舒服，點左個沙牛辛辣麵呢度啲沙嗲牛肉絕對有口感😋😋值得推介一下～～～（由於小弟太肚餓唔記得左影反張相🙄🙄）…Read More

其實呢間餐廳都開咗好一段時間，不過從來都冇落過去食。話說近排某日收到張傳單，話有優惠，跟住仲有啲相又好似好吸引咁，所以今日走咗去試吓😁叫左個三人餐，揀咗以下嘅餸😬口水雞 - 唔算好辣，味道幾好，整體來講都幾好食😋😋😋金湯酸菜魚 - 就係比呢個餸吸引咗落去食😆酸度對我黎講剛剛好👍🏻辣度對我黎講亦剛剛好👍🏻👍🏻我就覺得好好食😋😋😋😋😋👍🏻👍🏻👍🏻$2 一隻乳鴿 ，乾身咗少少🤏 整體可以接受咕嚕蝦 - 本身好鍾意食咕嚕嘢🤣😋😋😋😋👍🏻👍🏻👍🏻…Read More

呢間餐廳開左咁耐都未食過 最近放寬番限聚令 見到又送鮑魚又送乳鴿 就同左屋企人去試 價錢都唔平 至於味道方面就不過不失咁啦贈送優惠可以揀鮑魚或者乳鴿 我地兩款都試左醉鮑魚口感都煙韌 唔會咬到牙較軟 但嫌酒味太重變左苦澀味乳鴿做到皮脆肉嫩 調味都唔錯 比較推薦小菜方面炒土豆絲都幾爽口 但味道比較清淡 椒鹽排骨同炒腰花都係普普通通 下次可以試其他款酸菜魚係餐廳招牌菜 我地覺得係成餐飯入面最好食酸味岩岩好 入面都好多魚塊 幾滑身 仲有土豆粉 口感Q彈 總括最推薦酸菜魚 近排有優惠都可以一試 …Read More

住係呢附近，咁啱去惠康買嘢嘅時候就見到呢間餐廳有送乳鴿同醉鮑魚嘅活動，返屋企即刻同家人講，星期五就攞黎試下啦。我哋一家四口，送咗兩隻醉鮑魚同一隻乳鴿，都要讚下隻乳鴿，皮非常香脆且不油膩，仲係新鮮出爐熱辣辣嘅，超級好味，我哋食完又自己嗌多咗一碟。 醉鮑魚我自己就麻麻哋（因為我唔鍾意飲酒），但係我爸就話鮑魚肉質爽口彈牙，酒味同鮑魚味嘅結合都相當唔錯。 終於到重點主角啦，呢個「金湯酸菜鱸魚」，我係一個特別鍾意食川菜嘅人，香港幾乎所有川菜館我都有去過，本身抱住試下嘅心態嗌咗呢盤酸菜魚，點知竟然有驚喜。 首先個湯頭已經好濃郁，加埋爽脆嘅酸菜，仲有土豆粉係下面，淨係飲碗湯食啲配菜都覺得飽。雪白嘅魚肉柔嫩鮮美，俾酸湯浸到入味，一口魚肉一啖湯，唇齒留香 最後一碟就係呢個「醉鵝肝」啦，本身佢攞上來嘅時候，我仲覺得有小小食唔落口…賣相不及前幾道菜咁精緻。但係唔食又嘥，惟有試下咯。點知竟然好食到我食晒整盤，我前面都提過我唔鍾意飲酒，但係呢個醉鵝肝絕對打破咗我嘅界線，雖然去賣相麻麻哋，但係「人不可貌相」，醉鵝肝嘅口感極為豐富，甜味香醇嘅酒配埋肥美醇厚嘅鵝肝，係前所未有嘅味覺體驗。整體甜味居多，食鵝肝好似食緊雪糕，佢慢慢係嘴裡面融化，帶出咗陣陣醇香，讓你食到唔停口呀。 總體而言呢間餐廳值得一試，惟有下次如果擺盤靚啲嘅話會更好…Read More

跟幾個好耐無見的朋友gathering 下🍻，大家都唔想搭車去咁遠🚆 ，便近近地在將軍澳附近食, search 下搵到間食酸菜魚, 中式小菜的餐廳， 到左之後, 原來佢地送食客鮑魚、 乳鴿，咁我地叫左酸菜魚、椒鹽豬扒、酸辣湯、炒土豆絲、 炒椰菜和鼓油皇煎蝦，食物方面都可以, 酸菜魚好滑, 不會太酸，曾在其他地方食過酸菜魚但係味道煮得好酸，令人唔想食落去; 至於椒鹽豬扒、  炒土豆絲、 炒椰菜正常無特別驚喜; 酸辣湯好味😋都有幾多料; 鼓油皇煎蝦幾大隻同入味。 特別提一提鮑魚、 乳鴿, 雖然是送唔洗錢，但是不敷衍， 鮑魚新鮮， 乳鴿好味，皮唔會乾; 整體食物方面都有7.5分以上，當然都有進步空間 ，下次都會同屋企人來食。…Read More

網上見到呢間斗斗滋味小廚做緊限聚優惠，Happy Friday，當然第一時間約D埋朋友去試下！一坐底，靚仔店員已經問我地想要飽魚/乳鴿，因為做緊免費贈送，叫我地可以慢慢再叫野食，留左俾我地先，服務幾好，抵讚我地岩岩好4個人，送左4隻醉飽魚(2選1)，夠入味，幾彈牙！泡椒鳳爪：夠酸夠辣，好開胃醉鵝肝：朋友鐘意食鵝肝嘅話好正，我就1塊起2塊，係幾好食嘅，但太肥膩主角黎喇！就係呢個金湯酸菜魚，食過真係返唔到轉頭，色香味俱全，香+辣+麻+酸都好平均，唔會話只得酸/辣，越食越想食，見到都流口水酸辣湯：同酸菜魚一樣咁出色椒鹽排骨：切得太大舊，味道OK，夠野味炒土豆絲：清淡左少少，可能之前D野食重口味最後唔夠喉，叫多2隻乳鴿餸下啤酒，皮夠脆，估計都係即叫即炸總結：整體黎講呢間斗斗滋味小廚食物質素屬於中上，特別係川味辣野，真係好惹味，價錢雖然唔算平，但食物質素幾好，對得住個價錢同店員吹水時發現原來之前轉過廚師，改左新餐牌，新主廚以前係酒店做過，難怪食品咁有水準…Read More

最近約左幾個TKO friends 去佢地地頭食野，咁啱之前食過一間叫【斗斗—滋味小廚】既餐廳，都算幾好食，今次幫我慶生，所以我話事再去呢間食。剛好限聚令放寬左，4人一台啱啱fit晒，仲記得上次食過2道好正既菜 (醉鵝肝同豉油王中蝦)，今次係必食推介。去到門口，原來佢地做緊個推廣，無論幾多人幫襯都有野送，而且人人有份咁話。坐低第一時間點菜；因為醉鵝肝手快有、手慢無。點好晒等上菜之餘，原來一人一份的免費菜都唔錯喎，竟然係每人1隻醉鮑魚或半隻乳鴿任揀。一向對送既野無乜好大期望，今次完全改觀，竟然送既菜式都好正！今晚點了唔算好多野，都係廚師推介金湯酸菜魚、炒腰花同我最鐘意既鵝肝同蝦，一輪衝鋒之後，所有好野完美到肚，最後都忍唔住叫多2隻乳鴿，因為個個都覺得好好食。之後問番餐廳經理，個推廣會搞到幾時？想帶屋企人來試下，但佢話只係搞一個星期。不過會再有推廣在中秋節，叫我地提前book定位，話錯過左係我地既損失喎。…Read More

同屋企人一行四人嚟試下附近一間食酸菜魚餐廳，我叫咗幾個惹味小菜，一碟招牌酸菜魚，樣樣都好好食。我特別鍾意食酸菜魚同醬爆豬腰，我仔仔鍾意食椒鹽豬排皮蛋豆腐，爸爸鍾意食醉鵝肝，我丈夫就樣樣都喜歡！最開心係有咖啡，奶茶飲！…Read More

味道：傳統川菜味道 很不錯價錢：偏貴份量：太少了 性價比低缺點：夜晚上菜速度非常慢總結：味道好 價格高 不值得再來如果可以調整份量 多請幾個大廚 應該會再來 但現在不會再來了…Read More

呢間餐廳竟然可以令我有衝動申請account去寫食評，因為我真係唔知點解會無負評！酸菜烤魚，條魚硬到好似石頭咁，浸耐少少、煲耐少少之後，一夾落去就散哂！以為D肉會軟身左同滑番，點知放入口都係硬，口感好差！另外仲叫左碟肥牛，望落雪到好硬不過諗住放入鍋到熟左就會冇事，點知熟左拎出黎放入口，好似食緊橡膠咁！唯一中規中矩只係得金菇、土豆片等等呢D配菜！仲要一D都唔平！憑咩？？？真係未試過有咁差既食野體驗，勸大家唔好試！不可一不可再！Blacklisted！…Read More

紅燒牛肉麵的牛肉，硬過石頭，如果你以為佢係台灣牛肉麵咁諗，你一定要放棄，呢個係好似隔夜嘅牛肉咬唔落去嘅牛肉乾。另外佢有味餸叫做蒜蓉粉絲蒸大蜆138元，來到之後嚇了一跳，因為最大嗰隻蜆嘅蜆肉都唔過大一個兩毫子， 而且唔新鮮蒸過龍。乾鍋田雞108 元- 裏面數極都係得八嚿乾曬嘅田雞，一啲都唔鮮嫩, 個鍋大部分係畀蓮藕片蓋過,真係見到就嬲。…Read More

北菇雲耳蒸渭雞（$88）將軍澳南的新屋苑已經全部入伙，大部份屋苑基座均有幾個鋪位，但差不多全部租給了食肆、地產代理或幼兒園；很明顯迎合市場需求 - 要購物就要去到將軍澳站上蓋及旁邊的三個大商場，屋企樓下就是開餐及方便小朋友上學的地方。上兩個星期幫襯了對面另一個屋苑樓下的泰國菜館，今晚就試試「斗斗滋味小廚」。格局有點似街坊小菜館，但空間較為寬敞，裝修亦更光鮮乾淨；始終餐廳剛剛開業不久，加上位於新近落成屋苑的附設商場內，一定較傳統舊區地舖的街坊小菜館企理。打開餐牌才知道可能揀錯了地方，原來餐廳主打重慶雞煲及重慶烤魚，以四川菜風味為主，餐牌內亦有為數不少的四川麻辣口味冷盤及主菜；食完鐵盤烤魚之後，亦可以追加多款簡單火鍋配料，與坊間其他雞煲專門店或烤魚專門店的出品模式相同。再看清楚餐牌封面的餐廳名字，原來尚有「臺式」兩個細字，到底餐廳主打台灣菜抑或四川菜？好彩餐廳同時照顧了大部份港人口味，亦有十多款廣東風味小炒，否則當晚要另外搵其他地方開餐。北菇雲耳蒸渭雞（$88）賣相麻麻，北菇及雲耳全部黑黯黯。如果可以採用略帶花紋的花菇，又或者將北菇片開，露出北菇較淺色的內層，效果會較理想。撇除賣相，味道在平均水準之上；北菇菇香雖然普通，但口感爽滑；雞肉即使雞味唔夠，但肉質嫰滑。蛋白花雕蒸大蜆（$128）蜆肉新鮮，夠大隻、亦唔韌。最好味當然是蒸蛋白，滑溜、全無氣孔，又完全填充在蜆殼內；加上大蜆的鹹鮮充分滲入蛋白，用來撈飯實在一流！這碟菜式其實正蛋白才是主角！兩款廣東小菜味道中規中矩，較預期好味；不過，定價亦較其他街坊小菜館進取，與普通酒樓差不多。既然如此，為什麼不光顧環境較佳、服務較好的正規廣東酒樓？所以，下次如果再來「斗斗」，除非要在將軍澳區食重慶雞煲或重慶烤魚。…Read More

平時食酸菜魚都係去九龍城...今日去將軍澳走走,, 加上天氣有D涼,(唔知係唔係將軍澳特別 涼), 想食D熱野.. ... 一見有酸菜魚走左去TRY TRY.  我地一行四人.. 點左酸菜魚，配菜多（味道不錯，酸酸辣辣，可能叫左少辣，下次叫中的應該更好味）, 加左D滑牛, 牛都好多, 牛有牛味(這句好肺)... 之後又加左優惠菜拼盆, 份量都多... 底食.  又加多左萵苣同薯粉.（叫回來的，無特別）.  四個人，　有叫下ＢＥＥＲ。　都係４５０左右，　真係幾平，　一定會回頭ＥＡＴ。…Read More