文華饕記 (Closed)

今日又要係番工時間出街食飯，時間比較充裕就行遠少少去食飯，今次就黎到區內算幾出名既文華餐記黎茶餐廳就梗係食d 好食但又唔健康既野啦😂😂叫左個文華雞扒飯 $55，簡單黎講就姐係蔥油雞扒飯雞扒成個手掌咁大塊，又夠juicy 同多肉汁蔥油都夠多，略微嫌多左少少，令個扒鹹左少少，但整體都幾好，拎黎撈飯就唔驚到最後變淨係扒白飯咁😂😂整體來講唔錯，價錢以灣仔區黎講算相宜，想簡單食茶餐廳，文華餐記係你既選擇❗️

星期六晚7點多來到，得幾枱客，唔係太多人，可以坐卡位。叫左兩個晚市小菜share食，$68包湯同飯。落左單好快就黎咗兩大碗湯，熱辣辣，正常茶記味道，又唔會話好重味精。小菜就叫左豉椒炒蜆同椒鹽多春魚。多春魚份量幾多下，好耐冇食過，夠惹味。個蜆既份量亦算足料，平時出街食都預左殼多過肉，但呢間又唔會。同埋D蜆冇沙，豉椒汁又好送飯，唔錯唔錯。美中不足係D飯略為細碗，如果可以叫多飯就好喇!總括黎講就係正常茶記水準，以銅鑼灣一帶黎講，價錢都幾抵食!

掃黃是常識吧，今日點了果占多士及熱檸茶，係08:39落單，竟然要08:59先送齊。整咩多士咁巴閉要20分鐘，唔通黃店就大曬想起係灣仔另一間茶記黃店，老闆娘真係用心跟每個食客，唔會好似呢間咁員工做碌木咁企係到。好又講下食物質素，品嚐下呢份「20分鐘果醬多士」係咩來頭。一食落去，林既......好似冇氣油炸鬼咁，一咬係冇力，好在有pat果醬渣，唔係成碟都唔知點食落去。至於杯熱檸茶，持平地講，茶餐廳質素，冇野好挑剔既。

今日下午12點半左右同媽媽兩個人去食，一心諗住支持黃店媽媽叫左午餐，我岩岩訓醒所以就叫左個特餐。等左一陣媽媽既餐已經到左，叫左媽媽先食唔好等，但係愈等愈唔對路，因為遲過我地入座既人都已經食緊啦，同枱仲有1個哥哥既特餐都未到等左半個鐘，媽媽既午餐都食完啦，我個餐都仲未到如果lunch time要等半個鐘仲要係特餐，我真係覺得唔可以接受囉。仲有你個餐冇嚟，仲夠膽死收我$18既咖啡錢。我諗我會支持其他黃店都唔會再揀你囉，掰掰

五一黃金週連放四天假，沒法旅行也可以用心品嘗香港特色美食，振興經濟，多互相本地小店。這家冰室已經吃過好幾次，每次水準都十分有保，合乎好吃份量夠乾淨企理又有人情味。今次要次挑戰巨型生炸雞髀，製作雖然需時，但水準十足。體積大當然不再講，雞髀新鮮由生炸至熟，肉質得以保存，鮮嫩多汁，下午茶套餐更配有炸薯角及清新沙律，非常抵食。雞髀配上凍檸茶是必然的，茶膽濃度適中，不會過於苦澀，一解雞髀油膩。下午茶以這價錢絕對超值

疫症之下好耐冇出去食飯，返工多數叫外賣，但今日公司要裝修只好出去食了，要出去食就更係搵黃店，同事想去文華饕記，想起曾經幫襯過一次，就係佢剛開業時，但果時可能剛開店好多野食都冇同味道一般，今次再去，又會如何呢~? 餐廳面積頗大，有兩層，裝潢是港味茶記風貌，內堂貼有大量文宣，下午茶時段去，因疫症之下好多位封左，好少人，我地3人坐卡位，十分闊絡，仲有搓手液清潔，好窩心呢。 下午茶餐牌，聽店員講有個爐壞左，有部分食物冇得供應，唔緊要既，反正想食果個有。 輕盈豬扒炒即食麵，$36。 輕盈豬扒炒即食麵，豬扒有幾件，不過係細細件，因為話明輕盈，豬扒太腍欠缺咬口，味道普通，個炒即食麵份量頗多，都幾入味，芽菜多增添爽口，正常水準。 齋啡，醒神。 比之前改善左好多，食物正常水準，價格合理，店員幾好人，下次lunch又多一個選擇呢，支持小店。

上個星期因為出席左婚宴，而婚宴上面有一個人確診左肺炎，由於極度擔心之下，於是今朝就去咗政府嘅診所睇症。睇完醫生之後見時間尚早，就決定喺附近食個早餐先餐廳好有港式嘅風格，早餐當然係食返個港式嘅早餐，價錢灣仔區來講算平首先有炒滑蛋同奶油豬仔包，蛋炒得一般，感覺較多油，不過豬仔包就好脆，加埋煉奶一齊食完全係最佳組合之後有沙嗲牛肉公仔麵，牛肉幾重沙嗲味，不過菜有少少硬同公仔麵未煮得夠腍，再加上麵既份量唔太夠，所以食完都唔係好飽咁埋單連熱飲都係$33，真係幾抵，好經典既港式早餐

3個水吧哥哥D口罩帶下巴仲一路沖嘢煮嘢一路大大聲講嘢睇怕要疫情過後先敢再幫襯目測4-5枱客有3枱都要催單，而我剩係叫麥皮都要2-3個字...慢到不得了食物味道正常大小都算適中不過諗起製作過程就...😰

收銀的那女員工，經常錯單，如叫麵，變米線！叫奶茶，變檸茶！外賣勁勁勁遲出，15分鐘前打去order，去到舖攞，都仲要等多5-10mins！之前早餐，叫左個早餐A要麵，變左米線，而且啲米線硬㗎！唉！想支持你地，但可否做好少少？

好少黎到灣仔區既我,咁岩經過呢一邊,就試下呢間黃店茶餐廳,因為聽聞好出名,成日排長龍,好難食到架,今次竟然唔洗等就有位,簡直係驚喜。歡迎黎到超級黃店 文華饕記，今次介紹既係文華雞扒飯，香脆內軟有雞味，黑椒與香蔥既演奏交織出華麗絕倫既深黃交響樂曲，仲有我最愛的港式凍鴛鴦，好味到小妹神魂癲倒開心死文華饕詩 上聯：疫症源頭是關口 逆境根源林特首呢間茶餐廳真係幾好食,難得唔需要排隊,服務又好有禮貌,大家快D去支持下啦

呢日黎個港式風味,食個靚早餐再返工文華饕記呢間餐廳好大,有兩層,早餐時段黎到都幾多客人簡簡單單嗌左個通粉+火腿+仿鮑魚片,煎雙蛋配多士烘底,再加多杯凍豆漿上菜速度ok,咁多客人黎講算係OK店員都夠主動黎落單同埋follow你嗌左野食未通粉口感唔錯,有少少彈口,湯底唔太咸,雙蛋煎得靚多士烘得脆卜卜,夠熱夠溫度最後食得好飽,性價比都算係幾高價錢係灣仔區黎講算平,都ok抵食!有機會ge話下次黎食午市睇下味道如何先

今日晚上去完街，去了灣仔文華饕記食晚飯...從出面睇，同普通既茶記冇咩分別...入到去就梗係睇menu嗌野食...我今次嗌了個沙拉骨食，同凍奶茶。等了10min左右，碟餸就到了。沙拉骨個味道大致同一般茶記差不多，但就較香口一點...反而最普通既白飯就有點失手，較硬同埋冇咩米香...成個餐最欣賞既係杯凍奶茶奶同茶個比例剛好，有茶味之餘有點奶香（好似講緊廢話😂）...總括而言，個餐算正常水準，係個飯有點失色...奶茶正

咁啱喺灣仔出沒，就喺附近搵間黃店食個下午茶先😚 文華出咗名深黃，未入去已經見到大量文宣餐廳一入到去就提供酒精比我地消毒，齊心抗疫🙌🏼值得一讚啦！下午茶時段都有八成滿，餐牌都係正常茶記菜式，唔算好有新意😹嗌咗個常餐同一份西多上菜速度好快，幾分鐘就上哂野食常餐雪菜米好足料，用新竹米粉夠咬口，太陽蛋岩岩好，蒜蓉多士就正常啦，整體都唔錯，$48配飲品，喺灣仔都算平啦反而西多就可以讚下，佢好厚身，有夾花生醬，麵包鬆軟塊牛油仲要好厚身，雖然好肥仔，但星期六就當獎勵下自己啦，唔洗10分鐘就已經食哂

2019年未必是所有香港人充滿苦澀味的一年,但對於我來說,一定是人生最難忘及激動的一年。相信有不少同路人與我有相同的感受,正正因為這個理由,香港有很多店舖陸續加入黃色經濟圈,店外出現一條又一條無盡的隊伍,一嘗黃店的「味道」。「味道」除了來自食物本身、廚師的技巧、店舖的裝潢，原來還可以來自店主的心態。這種帶有濃濃人情味的感受,是其他店舖不可能提供的。這次光顧的正是黃到發癲的「文華饕記」。由外而內都散發出同路人的味道,門外一塊碎裂的玻璃令人想起過去半年以來的傷痛,門內門外牆上的連豬PEPE高登公仔貼圖,不就是我們一直以來合作的手足嗎?不分尊卑出身,卻為相同的訴求而奮鬥。這種集體回憶是永遠無法忘記的。這次點了茶餐廳最常見的咖哩牛腩飯和凍央,在結合上述多個因素後,這餐飯比我過往任何茶記好味,有幸獨身不用排隊首次品嚐,實在是本人之福。希望手足勿忘還有許多背後默默付出,卻苦苦撐扎的小黃店,黃色經濟圈需要我們每一位微小的力量築建而成才能永垂不朽。謝謝手足,一起加油。

平日夜晚，full house, 好彩也不用等位，侍應態度非常親切，友善，有效率。當紅炸子雞($98), 炸子雞半隻, 包一碗飯同飲品，不設加一， 灣仔區來說都非常抵食，皮脆肉嫩，有酒樓質素水準，雖然有少少鹽塗得不算很平均， 但係啖啖肉，啲皮炸到好脆，就算怕肥，所有皮都食曬。四季豆炒牛柳粒($98)， 包一碗飯及飲品。四季豆同芥蘭都售罄，改為油麥菜，意想不到的夾，還有雜菇，成碟餸好夠鑊氣，同大排檔一樣feel。 坐對面嘅朋友仔見到都忍唔住叫一樣餸。話說第一碗飯，有啲凍，同伙計講咗，即刻幫我換另一碗，態度仲好好。 見我哋兩個人得一碗飯，因為第二個餸仲未到，主動畀另一碗飯，抵食價錢，親切服務，久違了的香港人情味。