撈喜 (Closed)

一入到去呢就見到嗰個開放嘅廚房，所以成間餐廳都有陣陣嘅香味，食慾大增。坐低咗之後， 服務員就同我哋講邊款受歡迎，同我哋逐款介紹，服務周到除左叫佢個豪華套餐之外，仲可以另外加28蚊要一隻好大嘅冰鎮南非鮑魚。佢原價係88蚊㗎，而家想追加都系68蚊一隻。28蚊 可以食到咁大，咁高質嘅鮑魚，好抵吖！我地叫左兩只黎食！花膠燉雞湯材料好多，一打開啲香味撲鼻而嚟呀！裡面有瘦肉粒、花膠、 杞子、紅棗、雞腳、豬肉。。。。個湯好清同甜。餐廳係主打平價可以食到花膠，又好滋潤滋補，花膠燉湯對身體好好。食晚飯又多一個好嘅選擇。

今日放假黎銅鑼灣食呢一間平價花膠，我都係見到openrice 啲評論對呢間平價花膠見都有唔少人推介所以去試下食。 夜晚嚟食都幾多人，有八九成人。好似好受歡迎咁。 我哋就叫咗一個撈起豪華套餐，係148蚊，有四個餸。 叫咗麻辣雲耳，係一個開胃菜，雲耳好爽口開胃，好好味。 而主打嘅花膠撈麵，我哋就叫咗個花膠撈麵，花膠都有好多，好滑，，而且撈麵個汁仲要係喺鮑魚味嘅，感覺好高檔！ 今次食完覺得自己用咗好少嘅價錢，食咗好多好貴嘅野，好抵！下次一定再幫襯！

因為工作關係去到筲與灣, 對於平時活動範圍主要在荃葵青區 (除了上班之外)的我來說, 簡直就是大鄉里出城!工作完結後已到吃晚飯時間!親愛的同事提議去東大街, 說那裡比較多食肆, 即管去看看有什麼好吃的!然後就發現了這一家~門外貼了餐牌, 看到有女士養顏恩物--花膠! 重點是價錢一點也不貴! (立即bling bling眼!)就去吃吧!店內位置不多, 都已經滿坐了, 我們是最後的幸運兒不用等位!坐下就看到餐紙上的必食推介! 還有羅列了很多吃花膠的好處!二話不說點花膠吧!!每款食物都很滋補養顏, 我們也睇中了不少食物呢~.招牌花膠燉雞湯 ($58)燉湯端上來是熱辣辣出晒煙! 飲到底還是熱的, 冬天飲一定勁正!盅內一撈起勁多料! 有花膠、雞腳、雞肉、杞子、紅棗等等!! 而且湯也不少, 可以分到2碗與同事share飲~每一滴湯乃日月精華所在~ 十分鮮甜! 連湯渣的肉都好腍好味!這個價錢飲到靚湯真的很抵啊! 抵過去鴻X堂買, 仲要新鮮!.冰鎮鮑魚 ($28)我們2人只叫了一隻Share食, 也不會覺得鮑魚很小隻~店員更幫我們切了一半~ 好貼心!看顏色都知鮑魚滷得好入味! 一點也不韌, 口感爽

不得不提這間位於東大街新開的小店招牌花膠撈面: 蝦籽撈粗已是很美味, 加入花膠更是佳作, 最愛它Q彈微黏的外皮, 豐富的膠原蛋白啊豐富了整道撈麵肉質軟嫩而不柴, 吃到最後一點也不剩,腍滑又滋潤的原盅燉湯:養生之選, 湯頭十分清甜, 雞肉仍然保持滑嫩, 值得一試泰式豬頸肉:剛燒好的肉, 口感類似叉燒, 肉汁被鎖實了, 入口依然嫩滑有肉汁椰子肉蓮子燉花膠:味道非常清新之餘, 仲有滋潤、清心 .... 性溫最岩身體虛弱、四肢乏力、容易攰既我我叫的是二人餐,份量剛剛好呢餐廳環境簡潔乾淨,有點家的味道還有其他菜式選擇哦

東大街出名多好食小店，我和女朋友慕名而來。女朋友一見這家撈喜有花膠食，立即心心眼，哈哈。撈喜豪華餐的食材豪，價錢倒是不豪，還很平實呢！花膠非常大片，炆煮得頗入味，而且有咬口得來很爽。冬菇也是相當厚身的。套餐的原盅燉湯有幾款雞湯可選，我們點了海參燉雞。燉湯足料得很，味道清甜滋潤！豬頸肉配上麻醬，出奇地開胃醒神。蠔油生菜看起來翠綠，十分新鮮。南非鮑魚正在做推廣，才$28 一隻！雖然賣得平，但鮑魚大隻易咬，還有少少陳皮香。兩個人飽食山珍海錯都不用 $300，值得推介的超值小店。

經過東大街，見到呢間撈喜，屬特別撈麵，貴格麵食，又有原盅燉湯，就試下。叫左豪華餐，可以加28有冰鎖南非鮑，濃郁滷水味，鮑魚好彈同好有口感，凍食更好味道。招牌花膠撈麵，花膠好大片，炆到好淋，一咬落去好好香滑滋潤感覺，骨膠原爆晒出來。麵底用上粗麵，配上鮑魚汁，彈牙之餘吸晒鮑魚汁香租，而且仲有冬菇同西蘭花。揀左海參燉雞，份量好足，湯底好清甜，火候十足，而且好保溫，飲左大半個鐘仲keep住好熱，雞肉加豬肉一啲都唔鞋，成盅湯渣食晒，正。泰式豬頸肉唔同出面餐廳，比較香脆，而且即整，熱辣辣，香噴噴，薄薄一片，入口鬆化。至於時蔬都係加左鮑魚汁，所以唔似坊間蠔油甘咸，好岩小朋友。

筲箕灣東大街，有時放假都會同朋友專程過黎掃街兼坐下電車放空一下，放慢腳步享受鬧市中的悠閒。果然今次又有新發現，店鋪新開張不久雖然位於街尾，但其實係安利魚蛋粉行多兩步就見到，所以唔算偏僻。一場黎到當然要點呢度嘅招牌菜－撈喜豪華餐。除左撈麵仲有個燉湯，小食一客及蔬菜一碟。因為同朋友兩個餐所以小食可以一次過要晒兩款雲耳同豬頸肉。燉湯揀左海參燉雞，原盅燉湯用料豐富海參，瘦肉，雞腳，杞子紅棗應有盡有。而且燉得清甜順喉，海參口感燉到有啲似蒟蒻。加上各樣材料嘅精華出晒黎，十分滋補。主角花膠撈麵份量十足，花膠有成隻手掌咁大而且煮得好入味，咬落黏口滑嫩中帶點筋度。完全感覺到每一啖都食緊骨膠原嘅滋味，食多兩啖皮膚都滑啲。加上濃郁鮑汁及蝦籽大大提升本來清淡嘅花膠同粗麵，令兩者味道更融和惹味。不得不提配料嘅冬菇厚實又入味，屬畫龍點睛之作。麻辣雲耳，每片都係完整的一隻’’耳’’可能係怕影響到花膠嘅味道，所以調味唔算重手。食落爽口帶微酸辣，作為開胃前菜恰如其分。泰式豬頸肉煎得香脆可口，沾上麻醬更覺惹味係芸芸海味中作出調節點綴。最後食埋個清甜油菜，呢餐養顏花膠宴就完滿結束了。以$148呢個價錢可以品嚐到咁足料又滋補

今晚與很久不見的朋友聚會，得悉小時候常聽到的魚翅撈麵，想不到現實中真的有一間，而且價錢亦不算貴，尚算親民，平常在茶餐廳吃一個飯也要這個價錢吧，我們點了不同的撈麵試試，除了撈麵也點了這裡的招牌燉湯，招牌美人湯 - 花膠燉雞，是足料燉湯，當真有花膠在內，不是只是有豬骨的湯，非常滋補，味道由老火煲出來當然是不錯的，若想貪心一點可點 - 古方海中寶，至尊湯王，當中有魚翅、海參、花膠等等滋補食材！而撈麵當中較為特別是麻辣豚肉撈，麻辣海鮮汁撈麵還是第一次嘗試，不太辣，對中我的胃口！而開胃系列有日式魚翅撈蕎麥麵，只有這一個是用日式芝麻醬作為醬天，在炎炎夏日吃是相當開胃的！若豪爽一點，就可以試試皇牌滋補撈 - 富貴撈，用了傳統海鮮芡汁，海參魚翅花膠撈麵吃，不得了！

趁住放假活動一下就去左港島區行下山。因為同行友人唔想咁辛苦就近近地走左趟龍脊。再係大浪灣搭車返出筲箕灣。行完山之後，當然去補充一下能量同補返啲腳骨力啦。所以聽友人建議黎左呢度，地鐵站行過黎唔使五分鐘非常就腳。平時想食靚花膠閒閒地都要3-4百蚊先有交易，但呢度百五就有找，價錢非常吸引！當然馬上要去試下⋯同朋友一齊都點了套餐。因為套餐優惠過散叫一啲，加上又十五十六唔知揀咩好，所以都唔諗咁多食完覺得佢真係完全係平，令，正之選。首先來了小食，麻辣雲耳，味道爽口彈牙，麻油味同辣味都啱啱好⋯豬頸肉都煎得香口，配上芝麻沾醬零舍開胃。之後係其中一個主角，魚翅燉雞湯，非常非常足料，飲落味道清甜不油膩。飲得出係原盅燉出來的，絕對不是妨間普通一大煲過嘅雞湯。最後主角來了，招牌花膠撈面⋯花膠炆得好軟滑，配備濃郁嘅鮑汁加上粗麵⋯簡直係食過撈麵入面數一數二正！朋友真係無介紹錯，絕對值得一食嘅撈面！

今日黎到筲箕灣食野，經過見呢間人氣鼎盛，一入去好香撈麵的味，有炆鮑魚的蠔油味，好香好香呀，當堂食慾大增。見到隔離枱d人多數叫set，咁我地照跟啦。我鍾意飲的湯，一蛊蛊的燉湯裝滿滿滿的湯料，有瘦身的海參、雞肉、雞腳、杞子、豬肉，重有女性至愛的補血紅棗。湯料多, 湯色清澈,湯好清甜, 品嚐到食材去蕪存菁的原味沙爹豬頸肉, 沙爹醬好香，重夾雜住少少炸蒜，花菇有成1.2cm,好厚身，同濃香菇味，花膠撈麵, 麵質偏腍但仍有彈性，只有撈麵，才能真正地吃出麵條的香味, 上面有蝦籽增添香氣，沾滿蠔油的花膠都厚身，口感幼滑有膠質。啖啖肉, 好有滿足感哦!

東大街有好多不錯的食肆, 餐廳設計簡約，而且有個半開放式廚房。店舖以花膠菜式為主打，有撈麵、燉湯、小食，糖水選擇。$148就有招牌花膠撈麵、原盅燉湯、泰式豬頸肉/麻辣雲耳同埋灼田園消蔬。當然佢除左套餐之外，還有其他小食、燉湯同撈麵。而且麵可以選擇粗麵、蕎麥麵同稻庭烏冬。首先一來就係熱辣辣既燉湯，我地叫左魚翅燉雞同花膠燉雞。一揭開燉盅，香氣四溢～湯料除左有我地叫既魚翅/花膠之外，重有雞腳、瘦肉、紅棗同紀子。加上佢配以一個厚身燉盅，保溫一流。接著黎左招牌花膠撈麵，黑松露花膠撈麵同泰式豬頸肉。花膠唔算厚身但完整，口較比較爽囗。再配上粗麵沾滿蝦籽，鹹香十足。之後蜜椒雞翼同生菜也上枱。蜜椒雞翼炸得好香脆，再加上蜜糖同黑椒，香口惹味。估不多簡簡單單既配襯，卻十分合拍。生菜非常爽脆，為整晚既菜式畫上完美的句號。

放假D兩日, 地鐵成人可以兒童價, 所以女朋友話去平時好少去既地方食好野佢成日話想去東大街食魚旦粉, 但我好耐之前食過, 真係我樓下果間都好食過佢, 但廿四孝男友當然咩都OK啦, 就範去到東大街, 見到好多人都排緊, 我即刻話一場黎到不如試下D間撈喜, 女朋友見到花膠梗係話OK啦, 我終於可以逃過食魚旦粉花膠對男人女人都好有效架等左15分鐘終於入到去食野, 佢個SET有花膠有湯都唔貴喎, 就叫佢黎試下先 麻辣雲耳個雲耳好爽口, 而且有唔算好重既麻辣味, 令口水分泌大增, 開胃之選燉湯湯有三款可以揀, 分別係花膠, 海參同翅, 我都係最愛花膠, 所以我都係叫花膠湯,  而且幾多豬肉, 雞肉, 雞腳, 啖湯清甜滋潤花膠撈麵D個係入到黎食都會必叫既, 上面放左好多蝦子, 撈埋個粗真係正, 花膠大隻得黎幾爽口, 冬菇非常厚肉, 用料幾靚灼田園清蔬佢係比生菜既, 用鮑汁放係菜上面特別好食食完真係覺得好好食, 唔怪得咁多人排隊, 下次要食都係早D黎, 我強烈建議東大街地標係撈喜而唔係魚旦粉囉!!!

好多個月都冇紅日啦, 難得放假去玩去食好野一向都冇去過海防博物館, 想去見識下, 乖乖既男友就帶我去去完就去傳說中好多好野食既東大街見識下經過一間係食花膠撈麵既鋪頭, 見到鋪入面好多人, 未食過呢D野, 多人應該唔會係伏, 而且價錢合理, 一於試下佢未夠六點已經坐爆晒人, 好堅咩都想試下, 所以食SET最抵招牌花膠撈麵個撈麵係粗麵黎既, 但D隻粗麵冇咩鹼水味, 幾好, 而且唔係用蠔油去撈, 估計係D鮑汁黎, 而且唔會好咸, 而且係上面放左唔少既蝦子, 增加唔少香味同口感, 而舊花膠大隻得黎幾爽口, 食完都覺得皮膚好左原盅燉湯三揀一我揀左翅的, 啖湯好清甜, 冇味精味, D個價錢有一舊翅我都已經接受, 而且仲有好多豬肉, 雞肉, 食落都唔會好鞋口, 要靚豬肉+烹調功夫好先做到咁泰式豬頸肉D個豬頸肉有驚喜, 食落係似炭火燒出黎咁, 燒得岩岩好, 又唔會燶得制, 仲有D沙嗲味, 我覺得好食過好多串燒鋪生菜食完都覺自己健康左總結黎講, 150蚊找2蚊有咁多貴價野食, 真係抵, 唔怪得咁多本地香港人會黎食, 下次放假會再黎補補佢

可能是報紙廣告效應，很多人都來嘗新，當然包括我啦！講真，其實食後都幾失望，因為我是廣東麵癡，所以對麵的口感十分苛求，當晚粗麵的感覺很糟，好像吃一團麵粉，完全沒有廣東麵的彈牙。還有，不知是否太多客人，所以材料的烹煮大多不夠火喉，除了花膠，海參和魚翅像只用開水灼熱，十分硬和沒有入味。冰鎮鮑魚（鹵水）夠大隻，亦有味道，可惜沒花心思花，又不給刀叉，吃得有點廢勁。燉湯有味道，但湯料（魚翅和鷄腳）仍未軟身，令我有點懷疑湯底是另煮，後加料稍燉。不過店舖亦有優點，就是給料十足，價錢不貴，所以希望她能花多點時間準備材料，這樣才不會浪費！

本來想到東大街去吃魚旦粉，但最後還是被這間新開不久的「撈喜」吸引住了。因為這裡有燉湯、有撈麵、有花膠、有小吃、有菜，還可以以一個套餐價（$148/位）把以上所有都吃到。花膠比預期中厚身彈牙，質素不錯，味道不多所以配上鮑魚汁很提味，再把汁拌粗麵吃都很足夠，汁中其實還加入了蝦籽，令整體增加口感又有蝦香。麵食好吃之外，燉湯也很讚！看起來清清的，但入口香濃有火喉，響螺味最出，其次是雞腳，湯中還有花膠呢！不想吃肉又不想吃辣的我在無選擇下，最後選擇了《麻辣雲耳》，應該是不錯我但我還是吃剩了。套餐還附送清菜一碟。很滿這個套餐，但如果小食方面可以多點選擇的話就更好。