慢時光 (Closed)

嘢食內容又錯又難食！叫炸雞變雞翼。。。小籠包變泡菜餃子。。。煲仔飯係臘腸白飯，章魚小丸子係炸粉團，無章魚係裏面。。。牛肉薯餅喺特惠牌三角薯餅。。。炸燒賣無啦啦變魚蛋。。。花枝丸冇出現過。。。完全嘥錢，嘥時間心機。。。。請問餐廳你地幾時執笠呀？！可以嘅話希望比100個負評欺騙感情嘅餐廳，不知所謂！材料垃圾，炸嘢已經唔需要咩技巧，都可以整到一Pat野咁，希望大家千其千其唔好幫襯。冇誠意都算，完全當消費者白癡！

超級伏店鹽酥雞—黑過包青天塊面 —味道鹹過鹹魚韓式泡菜辣炒年糕 —年糕質地堅硬 —味道臭屎味 —份量四五粒（多咗一堆公仔麵）章魚小丸子 —味道正常 —質地鬆散似漿糊咁大個未寫過食評，但呢間餐廳真係令我大開眼界

事源琴晚肚餓想食宵夜 就叫左呢間foodpanda啦 叫左total 3樣野 芝士炸雞 椒鹽燒賣同章魚燒撈麵 黎到開盒果下我差d想掉曬佢落垃圾桶首先個芝士炸雞, 一開盒係一堆炸粉雞&雞鎚 得幾粒芝士仔 不過算 畢竟佢都係叫做炸雞 係佢只係捉字蝨同hea左少少之後到椒鹽燒賣, 唔好話椒鹽呀 鹽都冇粒 d燒賣同炸粉團冇分別 最後個章魚燒撈麵就西利 大家記住係章魚燒呀 黎到居然係炸墨丸 你老闆 詐騙黎架禍姐係食物質素差都算啦 仲要唔老實 呢間野絕對唔會再翻兜以下附上foodpanda收據同實物圖 絕對冇做佢

夜媽媽係外賣平台叫宵夜，無乜選擇之下見到呢間野幾多選擇就想試下佢。結果得出黎既總結係：活係世上從來未食過如此難食既野！難食到我要係openrice寫人生第一次既食評，呢間垃圾，所謂既生滾粥 米都未煲得開 水都無多滴 最只可以稱佢為爛飯⋯⋯⋯雞粥既雞竟然係煮粟米雞粒飯嗰種雞粒⋯😓而佢所謂既小籠包 層皮厚過餃子 粒肉得五毫子咁大粒⋯所謂既煲仔飯 無味既 只係白飯加幾粒臘腸 你無睇錯 係幾粒！好得人驚！完全係難食到嘔！食左幾啖掉晒！價錢又唔係平，中左大伏！真係千其唔好幫襯，唔好倒錢落海！

#臘味滑雞煲仔飯 8.5/10$43.5 （半價後）人懶 又唔想煮唔想洗 所以嗌外賣..嗌過兩次 兩次啲煲仔飯都好足料好大份又有蕉底 30幾蚊黎講真係會encore再encore....而且黎到次次都仲係好熱 而且啲飯係一粒粒唔係爛晒果啲...扣分係佢個豉油..咸咗啲..如果換做甜豉油會更好..啲雞係滑嘅都有骨，雞分量都唔少，唔係剩係得臘味臘腸咁樣...#芋泥肉鬆吐司 7.5/10$35（半價後）以為份野得芋泥同肉鬆..點知入面有埋手工麻糬做餡..原本想嗌埋架 但驚食唔晒就廢時浪費..真心驚喜！食落芋泥係有一粒粒 唔死甜 扣分係佢個方包，如果厚啲會好好多囉...利申：係綠色果間外賣平台先有半價...下次影埋相，但次次太餓都無影底幾大兜😂

經過見新開，睇下有咩糖水食，叫左個椰汁仙草芋圓西米露，番到屋企食，味道勁淡，已經叫椰汁都可以淡到無甜味！！！芋圓都算大粒，仙草都算多！但唔會再幫襯囉！價錢仲要唔平！！