Happy Lamb Hot Pot (Tai Hung Fai (Tsuen Wan) Centre) (Closed)

朋友介紹話之前去過快樂小羊旺角分店食，服務態度好，食物高質，搞到我都心郁郁，咁啱見過荃灣大鴻輝都有，原本有啲擔心唔同分店會唔會未必有咁好:)，但見到有啲好抵嘅二人套餐，就都係決定去試試佢，我哋星期六晚七點幾八點去到，出奇嘅係竟然唔使排隊，即刻可以入座，勁開心🥳，一行入去，見到個環境完全唔係平時打邊爐嗰啲咁逼嘅環境，係好大好闊落好舒服嘅環境，職員安排佐我哋坐二人位，張桌好大，我同朋友嘅距離遠左好多，之後我哋叫咗二人餐，有張點餐紙俾我哋剔，佢係每個類別選兩款，鴨血凍豆腐嗰啲可以任叫，仲送埋海鮮拼盤，如果唔够食仲可以半價加嘢，再特價加啤酒🍻，職員好好咁建議我哋唔好加住，因為份量都多，超抵讚，上菜速度超快，見到個海鮮拼盤超靚超靚，一份牛一份羊放埋一齊又係擺得好靚，真係見到都心情好好👍，重點係仲要超好食，特別係牛肉串同埋蔥油餅，超級好食，好想再叫，但真係飽到痴線，凈係再加佐兩碟鴨血就算，最後仲要有埋心型甜品🍮，埋單一人三百蚊到，真係抵到爛，一定一定會再嚟食…Read More

環境服務都唔錯，最重要係羊肉美味無窮，試左幾種羊肉，無論賣相及質素都很出色，令我更想下次再黎品嘗頂級的羊肉。今次有85折，湯底又免費，真的喜出望外，回味無窮！如果喜歡羊肉的，一定要黎試！我回再來的！…Read More

幫襯過3間快樂小羊🐑分店，係呢間有$238套餐，送海鮮🦀🦐拼盤，加上有短訊優惠10月前啤酒任飲🍻，埋單每人都係$260，絕對係超值抵食！👍🏻😋可能係同座大廈競爭大嘅關係，不過就算冇咗啤酒任飲都係抵食！環境優雅，侍應服務好，食物質素都非常好，8人一枱坐大枱，有3拼鍋湯底，多人聚會推介👍🏻👍🏻…Read More

今次係我第一次黎快樂小羊咁啱我見到樓下有職員派傳單就想去睇睇啦一上到去見到出面有職員介紹晚市套餐價錢同優惠嗰個套餐做緊$238@1位！我地4個入食各款肉類野食各一款！肉類2位一盤，4位就俾2盤我地👍份量夠👍👍仲有送埋海鮮拼盤入面鮑魚蟶子蝦🙌🏻仲要3-4人份量真係好抵食!我朋友見到套餐入面啤酒做緊特價丫🤣🤣即刻落單啤啤佢😄之後我朋友同我講佢唔夠食仲想嗌其他野食之後問問職員同我哋講原來佢後邊仲有其他可以嗌呀野食仲要係半價丫🤣我朋友叫左肉同菜黎食🤣食到滿載而歸先走🙂真心好抵食✌️份量夠👍又好食👍👍下次我會在帶朋友上黎食✌️…Read More

見到一直做緊單點嘅快樂小羊出左套餐，就決定試個套餐抵唔抵食，上到去啲員工好細心咁同我哋介紹，原來個套餐每位238嘅價錢，仲包埋個海鮮拼盤仲要係二人份量，成日個套餐啲份量都幾多架，即使個價錢抵左好多，但個質素都keep到，真係真心推薦…Read More

揀咗兩個湯底 一個麻辣 一個番茄湯底，兩個都好味精 重越煲越濃🤢🤢 個麻辣湯底仲衰，冇辣味冇麻味得蒜頭味 原來成個鍋底都係蒜頭 成煲湯底越煲越臭🤮🤮好彩啲牛肉都ok好食 係貴咗啲個油炸鬼墨魚膠 得5mm咁薄 咁講唔知有墨魚膠😂😂😂火鍋醬料得豉油 辣椒 蒜茸 蔥 冇乜選擇🤷🏻‍♀️🤷🏻‍♀️最好笑係 個爐煲極都唔滾，後尾仲要成個爐換咗🤣🤣🤣打咗咁多年邊爐 第一次要成個爐換 成個鍋底都係完整嘅蒜頭🤢🤢🤢…Read More

由朋友介紹到這家開業不算很久的火鍋店，使用Openrice程式訂座有85折並送湯底。 這裡給我的第一個印象是地方寛闊，樓底高，光線充足而視野開揚。 先點湯底，我們同時選了三款湯底，包括麻辣、蕃茄及清湯。食物選擇亦十分豐富，當然有馳名的羊肉、牛肉、丸類、海鮮、蔬菜和麵類等。點菜後不一會兒，湯底和食物已很快送上，我作重點介紹吧。 湯底的麻辣出奇地不算太辣，即使怕辣的朋友亦可容易入口。蕃茄湯底愈煮愈濃味，酸甜開胃。清湯有明目的杞子，味道鹹淡適中，亦不會有一大陣味精的味道。 配料方面，我們試了以下食物: 滑嫰太陽卷 ($188) 我們當然點了最出名的羊肉，它們每一片大小厚薄切得幾乎一模一樣，非常整齊地排列好，賣相很吸引。把羊肉放入鍋中灼大約數秒鐘已熟透，肉質鮮嫰可口，肉味濃郁。 美國牛肩胛 ($218) 大約有八大件，帶點雪花，同樣輕輕一灼至變色已可享用。牛肉細嫰，肉汁豐富。 鬼馬墨魚滑 ($88) 原來它是釀有墨魚滑的油炸鬼，很有新意。 凍豆腐 ($32) 一碟有12件，放在湯內像海棉一樣，把湯底的鮮味吸收，豆腐豆味濃，十分甜美。 脆肉鯇魚 ($108) 只需灼一會便可享用，肉質夠爽脆。 綠蔬成蔭 ($98) 又是一道擺盤精美的配料，一片嫰綠。有生菜、皇帝菜、紹菜和菠菜，菜葉相當新鮮。 快樂涮涮牛舌 ($168) 同樣放得像一朵花一樣美觀，牛舌不算堅韌，肉質不錯，肉味亦充足。 蒙式羊小排 ($188) 這個是鐵板燒羊排，一陣濃烈的香氣撲進鼻腔。入口帶點香辣，怕辣的朋友可能受不了。羊肉味道豐腴，充滿蒙古風味。 手工滑三拼 (蝦滑、墨魚滑及羊肉滑) ($118) 第一次遇見三種手工滑，蝦滑和墨魚滑彈牙爽口，蝦肉和墨魚味濃郁，而羊肉滑還是第一次試，味道比前者更濃。 其他食物有響鈴($56)一份八條，麵類點了稻庭烏冬，$48有兩個，較有特色的是淮山麵，腍身而彈牙，是健康之選，而自製土豆粉外表像河粉，但相當煙韌。 飽餐一頓後，店員送來免費甜品，是心形的奶凍，亦很有心思。…Read More

今日係我姊妹生日原本先定旺角店因為旺角太多人啦無位😂旺角店啲員工就推介我哋去荃灣店，佢話荃灣店而家做緊免費鍋底👏咁我哋就轉咗去荃灣快樂小羊。我哋都係第一次去荃灣店可能係新開嘅原因入到去都幾乾淨幾企理，七點零鐘得嗰個二十零張枱可能佢哋冇賣廣告。因為我哋食開快樂小羊店唔需要多介紹一開波就叫一個黃金羊王在嚟過吉祥三寶，燒羊串燒羊架呢啲梗係走唔甩啦，可能我係快樂小羊嘅fans食落去啲嘢食同旺角店一樣都係咁正但係我心諗服務ok環境ok食品一流就係唔明點解咁少人，旺角店平日都要排隊。所以我決定幫荃灣店賣下廣告最值得一試就係佢個鐵板A4和牛仲有員工主動幫我哋燒最後總送啲心心甜品畀我，我以為係我姊妹生日先至有得送甜品原來唔係員工話所有客人都有得送😀打後我都會去荃灣店因為真係好…Read More

呢間有曬牛肉豬肉羊肉三款，仲有各款海鮮同埋串燒可以食，我有個朋友佢唔鍾意食羊佢淨係鍾意食牛，咁但係因為我本身係一個好鍾意食樣嘅人，所以我哋咁啱見到嗰陣時候佢新開咁我哋諗住上去睇吓Menu有冇其他可以試吓，上到嚟我哋嗌左個吉祥三寶，咁就有黑毛豬同埋羊仲有牛嘅，點解咁記得呢。因為啲服務員專登同我哋介紹返邊款係羊邊款係牛邊款係豬，因為就咁睇完全分唔出，但係佢哋非常之有耐心咁樣同我哋介紹返💕💕 so sweet💕💕如果湯底嘅話我再推介第一定就係蕃茄湯💕💕我真係超鍾意佢哋個番茄湯 一個字正！💕…Read More

訂過幾次幾次都話Full，今次終於訂倒入房，一於試試佢，一上到去間房已經開好曬冷氣電視！正...首先就梗係侍應妹妹，可愛風趣坐多陣啲(豬朋狗友)到齊，就嗱嗱淋開波，入房就一人一鍋都仲要有得鴛鴦鍋(最愛清湯酸辣湯)， 呢個真係冇得輸。黎到戲肉啦，第一時間就梗係牛小排啦，依舊一樣咁靚咁正配埋酸辣湯真係冇得輸，今次仲叫咗象拔蚌(又真係幾爽口)，仲有個叫XX羊王，都係冇得輸！最後整多幾粒必食既雲吞！完...滿足...原來呢間野有和牛，下次一定要試下啲和牛。彈：樓下啲Lift真係會等死人，雖然5樓係可以行樓梯，但係咁嘅天氣係會死人㗎！讚：水準依然無變keep倒，坐房係唔同啲招呼係貼心啲！讚...…Read More

第一次黎食，估唔到有驚喜！原來呢度嘅湯底係唔洗點豉油，原本就好夠味！咁我地就叫左個清湯加麻辣，清湯湯底好香藥材味，但麻辣就唔係好辣，得個香字員工就推介話想食辣啲嘅，可以揀酸辣。特別推介呢度嘅和牛，攞嚟烚吓烚吓又得，有個爐比你煎都得，真係好香！咁呢度嘅服務都幾好，環境都唔錯！…Read More

今次朋友約埋一齊黎慶祝…book左呢間…第一次食…btw...我真係覺得有驚喜…原因係大鴻輝係放題嘅天堂…不過質素就真係好參差…呢間嘢夠膽死唔做放題做單點…環境：入門口就嚇親…裝修係幾靚…以為間店會成陣打邊爐味…完全冇個陣up味…原諒我見識少我覺得好神奇…座位係超闊落嘅…唔係好似其他餐廳咁用到盡啲空間～我地其中有幾位朋友都係肥仔…佢地都覺得坐落一啲都唔辛苦…香港地真係想揾間坐得自在嘅餐廳唔容易…我真係幾欣賞呢件事…坐好就嗌嘢食啦諗住…侍應話係掃qr code落單…連鍋底都係qr code 落…個侍應都好識做…先幫我地落左鍋底滾住等點餐…叫左個三格鍋…清湯+蕃茄+酸辣...清湯係個侍應推介…係真係幾唔錯…食物：象拔蚌刺身…燒羊串…豬牛羊拼盤…羊肉大拼盤…牛小排…a4和牛…仲有其他…食物上枱個陣…我除左嘩…嘩…嘩之外…我用唔到其他形容詞…擺盤係真係好靚好誇…食物質素係真係唔錯…a4和牛勁香…有人會即時煎…象拔蚌刺身係鮮甜爽脆識食就明…羊肉唔羶…但燒羊串羶唔太岩我…其他我地都覺得幾好嘢飲：芒果沙冰…荔枝沙冰…汽水…啤酒我返啅左芒果沙冰…甜度適中…打住邊爐飲係一絕…仲要大大杯…服務態度我認為係ok嘅…係有禮貌嘅放低肉類有講係乜～不過我地都冇留意…最尾佢地送左幾杯甜品俾我地…我就太飽冇食…價錢齋睇價錢唔平…但佢地有做折扣…折完平均一個都係四百多…我哋一行7個人…cp值黎講係勁高…照計放題嘅價錢加埋一其實差唔多…但呢度食物質素係冇得輸…埋完單仲送左幾張卷俾我地總括：會返啅…Read More

成班同事間唔中都會一齊食飯，今晚就揀咗去荃灣食，佢哋話想試吓快樂小羊，因為佢哋見我喺旺角食過，我覺得幾好味，所以就試吓荃灣分店。上到去等位等咗好耐，差唔多要30分鐘，最慘出面等位得三張櫈，搞到企咗好耐。嚟到呢度一定要食燒羊肉串，咬落去多汁而好林，加上嗰啲香料，搭埋一齊味道非常好。燒羊架，呢個比燒羊肉串更加好味，因為佢多咗一份油香味，肉同脂肪嘅比例啱啱好，燒出嚟特別嘢味。另外打邊爐嗰啲牛肉肥瘦均勻，食落好有牛肉香味，而且賣相10分好，羊肉片打邊爐都唔錯，完全唔會有蘇味。另外仲有個燒牛，佢拎塊鐵板比你自己慢慢燒，控制個火候，本身自己唔鍾意食太熟嘅牛肉，所以覺得非常好，加上牛肉肉質嫩滑。雖然價錢唔平，六個人食咗三千幾蚊，但係都會再幫襯，但係會去返旺角旗艦店，因為比較大，坐得比較舒服。…Read More

在荃灣打邊爐已經打了很多年估唔到大鴻輝裏面竟然有一間單點 個名就怪怪地有少少大陸 入到去環境都唔錯服務還可以啲肉及嘢食賣相擺設都幾誇張食落去口感還可以仲有啲串燒嘢食落去都好有feel三個人食埋單千幾折埋幾舊水價錢比我想像中平仲派啲心心甜品畀我哋感覺都幾窩心值得推介畀荃灣友…Read More

店內位置寬躺，服務員態度也很好，非常熱情，食物方面主打牛和羊，特色烤羊串，烤羊排，食物種類也很多，海鮮，丸類，滑類，面食，熟食等，他們湯底也很很多種，湯底味道也很足，很推薦來吃…Read More