忠記粥品 (北角道)

Open Now

Now Closed

相信港島人對忠記粥品唔陌生，至少我係😆灣仔、銅鑼灣、北角都有唔舒服想食粥就會諗起佢，多過乜乜粥品粥底棉，飯粒開曬花咁，配料又多今次食鹹瘦肉粥同炸兩鹹瘦肉絲啖啖有，食曬啲粥仲有少少係底，真係好足料！食完唔會覺得好多味精要飲水炸兩自己一個食，有啲多，又唔記得落甜麻醬🤦‍♀️🤦‍♀️雖然佢未必係💛店，但都係一間善心嘅店每次經過都見到寫住邊位善長捐幾多碗粥、幾時派真係希望可以更多人加入做善長，更多有需要嘅人受惠

一向鍾意寫出名嘅嘢食會寫，唔出名都寫，新開又寫、舊店鋪都寫總值得閒食就寫。今次哩間粥舖真係冇得頂！服務好、熱情、照顧周到❤️我訂完後發覺想坐底食，佢即刻做比我。熱辣辣，新鮮滾熱辣，見你行埋個位準備坐，佢即刻走嚟抹多次消毒食得好放心。碗粥其實份量好大碗㗎，成人絕對夠食！裏面d料好足添😉

［忠記粥品 (北角道) (北角)］地址：北角北角道2號地舖推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：8⭐️服務（10⭐️滿）：7⭐️地點（10⭐️滿）：6⭐️皮蛋豬紅粥 （$21）食碗皮蛋豬紅粥，加個油炸鬼外賣做宵夜。臨瞓前暖下肚，又瞓得好啲。😋啲米煮得好綿，開晒花。最重要嘅係唔覺佢有落到味精，食到原本嘅皮蛋味同豬紅味，而且仲有少少薑絲，唔怕啲豬紅話腥。油炸鬼$9/1條，返到屋企焗返熱佢，整到佢一粒粒，放嗰啲粥度👍🏻

最近食得太豐富,個胃有D頂唔順,今日休息一日 走左去食粥店懷舊生滾粥 豬紅肉碎粥 油器一件 炸兩一碟 瘦肉魷魚粥自選配料任搭,滾一滾神仙企不穩油器每日新鮮炸起,食時仍香脆熱辣夠飽肚 食粥一定要加返件先夠飽炸兩上既粉腸皮夠香夠薄有米香,加少少麻醬甜醬已好美味,仲要夠脆口生滾粥最大特點係食材既味道會係猛火下迫出味,粥米開曬花,棉香順滑 瘦肉魷魚料夠多評分7/10消費$80忠記粥品北角北角道2號地舖

懷舊生滾粥！今次黎到北角，咁岩經過見到有間舊舖既粥店就入去試吓！竟然發現仲有好難得既舊式生滾粥！1️⃣生滾豬潤粥 $29今次試咗個豬潤生滾粥，雖然仲有少少一舊舊粉粉，唔係話全部綿綿既質地，但個豬潤既份量都覺得補返曬，仲要塊塊都係厚身大大塊，一啲都唔怕蝕抵咁！個粥底個味本身都好味，所以整體都好味！💟總結：性價比超高！$29 有碗生滾粥！好過去集團式經營咩都機器做既果間！

最近開始返夜校，上完堂大部份餐廳都已經過咗last order時間，難得搵到間老字號粥品店，梗係要嚟醫吓個肚🔸狀元及第粥（$29）生滾及第粥粥底厚身綿滑，竭度恰到好處，大大碗真材實料，有豬潤、豬肝、豬粉腸等新鮮食材，咬落爽口甘香冇腥味，內臟好明顯有嚴格清洗過，絕對係心機之作🔸叉燒腸粉（$18）即叫即製足料腸粉，腸粉皮嫩滑得嚟又唔會一夾就散，雖然只係十幾蚊生意，但店主製作用心，絕不欺場，喺疫情嚴峻嘅情況下，更會定期派粥俾有需要嘅長者，咁有愛嘅小店一定要多多支持

呢排打算食得清淡啲，於是去買粥食，今次就食左個皮蛋瘦肉粥同埋艇仔粥，雞蛋腸粉同埋炸兩。皮蛋瘦肉粥（$21）入面有半隻皮蛋左右，份量都算ok，都有好多瘦肉，啲料都算足，粥都唔會太稀。雞蛋腸粉（$18）第一次食雞蛋腸粉，唔知係咪腸粉壞左，食食下覺得有啲臭。雞蛋腸粉入面夾住隻蛋，口感普通，蛋有啲薄，而且食唔到蛋味，唔會再叫。炸兩（$13） 之前食過幾次，但係今次味道比較差，腸粉唔知係咪壞左，食食下都覺得有啲臭，不過有油炸鬼中和返所以臭味都未太明顯，但係有啲失望。

每次天氣一轉，我就會氣管敏感唔舒服，呢個時候食粥就係最好既選擇。😷呢間位於北角既街坊小店就係我近期心水。呢度既粥品類繁多，各種生滾粥一應俱全，更可雙併。今次我叫左個外賣魚腩粥+牛脷酥。🥢魚腩粥-我食粥就最怕太稀，但呢間既粥好杰身綿滑，啱我。-魚腩份量都唔少，魚肉嫩滑唔會過熟，調味適中，清清淡淡，唔會令到個胃有負擔。🥣🥢牛脷酥-炸物當中我最愛帶點甜味既牛脷酥，口感紮實，唔會食到一口粉味，雖然凍左，但配上熱辣辣既咸粥同食，好味又暖胃。👍🏠 忠記粥品🛤️ 北角北角道2號地舖📍 港鐵北角站B1出口，步行約6分鐘

今天來到北角忠記粥品，外賣了兩個粥回家和媽媽分享。這店的粥品種類比較多，各種生滾粥、碎牛、艇仔、豬紅、皮旦廋肉粥一應俱全。喜歡的話，更可選擇雙拼。～艇仔粥這店的粥底較杰，但米亦是綿綿的。艇仔粥的材料一般，包括了爽口的小魷魚鬚和豬皮，還有牛肉碎。～豬紅碎牛粥個人覺得雙拼較豐富，能滿足兩個慾望，滿足感大增。疫情關係，還是將碎牛肉浸在粥底內長些時間好些，感覺較安全。豬紅已煮熟，所以便可立即享用。現在香港吃到豬紅的地方已不多，難得傳粥店亦可保留這食材。

腸粉12蚊 都幾滑 同埋夠多佢係本身整定 成碟倒出黎不過食落好似都幾油 立立令咁😂記得提佢比豉油 佢地成日都唔記得豆漿普通 本身expect好濃豆味 不過都..😂叫就叫熱豆漿 但佢都係暖既膠壺倒出黎

來到春映街街市買菜前，我一定走入呢間粥鋪吃碗艇仔粥，一入來見到D油炸鬼剛剛拿出來，即刻叫埋碟炸兩，一夾入口咬落去卜卜脆，呢種感覺只有D油炸鬼新鮮炸起才有此效果。艇仔粥嗰粥底和用料也不錯，不過覺得魷魚少左D，但見價錢整體算實惠，都算是不錯的一餐。

今日嚟到北角附近做嘢 ，就順便喺度食埋飯，先返去😊難得嚟到東區， 見到有間舖頭人流湧湧，原來係忠記粥品。呢間粥店出名抵食 ，今次我都試下去北角分店啦 ！今日我叫咗一個炸兩同埋艇仔粥😋炸兩~ 係個皮厚左小小 ，但睇得出係用心之作，即叫即包，中間油炸鬼都仲係脆👍， 另外我好鍾意甜醬麻擺喺枱面裝，咁我呢個鍾意食醬嘅人，就可以係咁加，真心覺得店家好大方🤩艇仔粥~ 呢個絕對係推介， 粥底好綿好滑， 材料有 水魷 碎牛肉 豬皮， 啖啖粥都有好多材料，絕對係 童叟無欺！總括十幾蚊個炸兩和廿幾蚊 一個咁多材料嘅粥👍 絕對係糧尾之選！ 除咗裝修有點舊之外，呢個性價比真係好高！

糧尾飯堂，又平又好食‼️CP值爆棚💓煎蛋腸粉又滑又好食，皮嘅厚度岩岩好✌🏻豬紅粥粥底綿綿又好足，豬紅又正😚😚本身我好唔中意食棕，但呢個啲飯好有口感，令我食完又食😍仲有牛脷穌都十分推介 (掛住食唔記得影🙈)但個度就坐得幾唔舒服同態度麻麻，但食物一流🤤

今天在北角，下午茶想吃甜品又想吃腸粉。便走到恒生銀行後面的忠記，下午食客不太多，即刻找到位坐。要了碗熱綠豆沙（$14）大熱天氣可以下火，清熱解暑，另加一碟淨腸粉（$11）。不到三分鐘，食物已上枱。綠豆沙雖然沒有沙的口感，綠豆粒粒都軟熟，不會太甜味道適中。 腸粉豉油較少，必須加醬吃，甜醬麻醬走不了。腸粉不夠熱，質地入口有微微嚡口，不夠滑溜。

前日返工之前突然間好想食粥，於是上網搵左呢間喺屋企附近嘅，即管去試試。揀咗豬紅碎肉粥及叉燒腸。粥底都算幾綿，豬紅爽滑，牛肉份量多，正常冇乜特別。至於腸粉就夠薄夠滑，叉燒都唔算「鞋」，都不錯都不錯吖。而店舖嘅環境都算乾淨。下次有機會都可以再嚟試吓，因為見到人哋食啲糭都好似好正咁！