Video
Payment Methods
Other Info
Alcoholic Drinks
Outdoor Seating
TV Broadcast
Above information is for reference only. Please check details with the restaurant.
今晚收工经过不经意意間到有賣串燒，岩岩肚饿咪嚸d野来试下，老细人都算热情，一黎就招呼坐低慢慢嚸，嚸左雞中亦，五花腩，台式香肠，雞軟骨，韭菜同茄子，价钱都還算便，味道都OK。
continue reading
上星期和朋友聚會去了德源怎料已易手，於是穩陣起見叫了大排檔必叫小菜，小炒王、椒鹽鮮魷、中式牛仔骨，煎封倉魚等首先小炒王沒有蝦乾碟頭細從來不知小炒王有芽菜，椒鹽鲜魷用上萬年油，中式牛仔骨五成熟，煎倉魚有苦味又膿，最吊鬼是水煮牛肉真的用水煮一點也不辣，不知所謂！
continue reading
現今公共屋苑下大多被集團式餐廳取締, 想搵返小時候回憶既地方真係買少見少, 幸好友人家下仲有稱為冬菇亭既食店早午市有早餐午餐車仔麵, 晚餐就小炒火鍋星期六早上坐係戶外, 去食個早餐A火腿通粉大大碗, 個湯底有D甜, 有味. 落少少胡椒粉更加惹味煎雙蛋, 2隻半生熟蛋, 煮得岩岩好, 蛋邊有少少燶, 好有家既感覺, 牛油方包軟熟, 用一隻蛋夾黎食, 另一隻就咁啪入口, 妙
continue reading
這大排檔，趴B經常去幫襯！但估唔到佢而家竟然連大閘蟹都有得食，重要係「任食」架！午間就係車仔麵，但晚間就搖身一變，可以打住邊爐，「任食」大閘蟹！今晚趴B就喺晚上 8 點半到了麻醉館食蟹！因為上上個星期六先開始，時間又唔早唔晏，所以一去到就可以入去坐啦！一坐低，伙計就好快地 set 好晒野，重送上一人兩隻蟹！我地今次就選了「花膠魚肚大閘蟹鍋」湯底！個湯底非常足料，真係有成隻大閘蟹喺入面架！最重點係，薑茶都任飲架，重免收加一！老闆可能見趴B太可愛了~~XD 隨後竟然送上「蟹粉炒烏冬」，可能趴B重細，口味比較輕，感覺牛油味略重，不過趴B都覺得好好食！多謝老闆 ^^之後我地就二話不說不停食蟹，完全唔得閒打邊爐~~XD 重有埋足夠工具食蟹，爽呀！薑茶又長飲長有，感覺淨食蟹都抵！打邊爐的配料都唔錯，丸類全都係真丸！牛肉同羊肉都唔錯！希望老闆下次可以加設雞件、山根同響鈴啦～～ｘｄ 老闆非常樂意聽意見，一聽到朋友話想要雞件，已一口答應~~~^^餐廳環境：🍼🍼（滿分為🍼🍼🍼🍼🍼）有冷氣空間，無冷氣都有大風扇，但始終係大排檔，所以餐廳環境就睇個人喜好了~~員工態度：🍼🍼🍼🍼🍼（滿分為🍼🍼🍼🍼🍼）首次有5個🍼🍼🍼🍼🍼，態度好欣勤，亦都好有禮貌！食物品質：🍼🍼🍼（滿分為🍼🍼🍼🍼🍼）蟹膏足夠，任食唔嬲，丸類又係真丸，正！如果加埋雞件、山根同響鈴就好啦～～～～價錢評分：🍼🍼🍼（滿分為🍼🍼🍼🍼🍼）抵！趴B總評分：🍼🍼🍼（滿分為🍼🍼🍼🍼🍼）
continue reading
最近喜歡去到兒時居住的屋邨行下，到舊朋友家中坐坐，再來到這個充滿童年回憶的大排檔吃宵夜，由於已經十一點半，晚飯小菜實在吃不下，所有去到大排檔的另一邊，在德源吃粉麵好了！很久沒來，原來它除了提供潮式粉麵，現在還多了公仔麵套餐、三文治及咖啡奶茶，要生存確實要求變。但我們對它的口味卻沒變，點了以往最常吃的雲吞米，魚皮和郊外油菜。雖然就快夜深，但食客卻不絕，很快差不多坐滿了，大家都喜愛在這兒吃宵夜似的，眼見伙計同食客打成一遍，便知道他們都是熟客。我們等了不久，食物便來了。雲吞有五粒，份量正常，每粒都很有肉感，絕不彈口，味道跟以往吃到的差不多，應該都是那位婆婆（老闆的母親）包製的，不過今天不見她在。湯底卻很一般，沒有當年的質素，或許潮式粉麵已不再是它的主打了。至於魚皮和郊外油菜都不錯。賣單的時候我主動去到車仔檔付錢，看見老闆多了不少白髮，他收錢後帶著微笑跟我說聲「多謝」，我也點了一點頭，心中突然想到搵食艱難的道理，希望大家繼續支持它！
continue reading