Tak Lee Chiu Chow Restaurant

今日同兩個朋友岀街食飯，約咗去西環徳利食打冷，我同朋友都係第一次過來食，舖頭不大不細但環境都算舒服，坐低後就當然先叫支藍妹啤啤佢，啤酒非常冰凍，爽到爆！！然後就叫裡面嘅哥哥仔介紹有乜好嘢食，結果推介咗幾味，其中三個餸真心覺得好味要推介下，就係牛丸湯，燻豬頭肉季豆，潮式大白菜，哩三味真係好好食，特別係燻豬頭肉，送啤酒就真係無得頂，最衰我朋友不太喜歡食潮州魚飯，等下次帶屋企人來先叫條試下，最後食完埋單先3百幾，非常滿足…Read More

最近我們常在西環出沒，周圍搵食。走到這家潮州菜館，自然就停下腳步。因為最近愛上了打冷！平日的晚上，店內食客 8成滿了，都是一家大細的。很多都是街坊，因為聽得出店員同食客好熟。不過，對我們兩個第一次光顧的食客，難免有點冷淡。似大排檔款式經營的菜館，大都是這樣的。滷水雜拼盆(小) HKD 130.00有點小貴，但是，都幾好味！所有食物都滷得不錯，很入味。雖然分不清哪樣打哪樣，但就是每樣都挺好味。份量也多，很多不同的菜拼為一碟。要說到最好吃，是粉腸，好甘香，新鮮滷製而成。椒鹽鮮魷 HKD 76.00好大碟的鮮魷！份量感十足，我們兩個人食，真的有點吃不消。但是這碟椒鹽鮮魷真的很不錯，新鮮炸出來，熱辣辣！食落口，粉漿調過味，岩岩好！內裡的鮮魷好新鮮，綿軟軟的，好好味！又香口，又惹味，我們都多食了幾口飯！最後要講一講，辣椒油好好味！夠辣！有機會真想買番樽擺屋企！這次覓食到西環，走到這家店，也算是不錯！有個大發現！…Read More

今日喺一大班人，諗緊食乜好，突然又想起西環的老子號德利，一於開車過海。韮菜豬紅，豬紅既入味，又不鬆散和太結實，質感很不錯。潮州蝦棗，外面炸得金黃色，皮脆，內里彈牙，最重要是沒有太油腻的感覺。滷水鵝片，鵝肉嫩，又入味，亦不會韌，味道剛好。蠔仔餅份量大，鬆脆好味，用料足，一定要試。蠔仔粥，用料足，蠔仔夠多之外，米也不會少，加少許白胡椒粉更香口。白烚烏頭魚，鹽焗烏頭食得多，今次嚟個白烚的，魚肉鮮甜，完全唔會覺得腥，再配上小店特制汁料，可以選擇去試一試。反沙芋頭，之前已經喺度食過幾次，基本上都係為咗佢而嚟。今次的，是食店的改量版，為了減少膩的感覺，加入薑絲，如果你不喜歡，下單時可告知不要放薑絲。…Read More

大學期中放假之前，南風妹梗系要同朋友仔食翻餐飯仔啦~上次試過坤記煲仔菜，翻屋企噶路上留意到呢間潮州菜館，決定今次就試呢間啦！ 七點幾到，有四五臺人，未坐滿，南風妹同朋友仔就揀左一張四人圓臺，店主好快就摞左筷子碗玻璃杯熱茶塑料盆，都幾有鄉下住家feel喔。大家自己動手洗完碗，點餸：滷水三拼（豬頭肉、墨魚片、紅腸）、魚香茄子煲、腐乳炒通菜、蠔仔烙、菜脯肉鬆煎蛋。 滷水三拼暖笠笠，底下墊芽菜，豬頭肉膠原蛋白煮到入曬味，一點都唔滯，連南風妹見肥肉必揀走噶人，都食左兩件。 蠔仔烙很結實噶蠔仔蛋餅，唔似出面D炸到松松pao pao，好似食薯片咁，呢個蠔仔烙就真系好扎實喔，而且點左峴蚧，好鮮味！ 菜脯肉鬆煎蛋一向系南風妹噶心頭好，咸香干身，好送飯！南風妹可能食左有一件半啊。 茄子煲一上來，吱吱聲，連隔離臺阿姨叔叔都嘩曬，“好少有咁靚噶茄子煲，下次試下！”南風妹偷笑，急急夾來吃嚕~ 腐乳炒通菜分量好足，而且乾淨新鮮，翠綠翠綠咁噶色，有小小紅辣椒絲，睇到都開胃。 食曬D餸，大家竟然仲未夠喉，后叫一碗豬肚湯先算完滿。 找數都不過280，人均70，真系抵！…Read More

餐廳環境比較細小, 所以先訂位會比較著數...小店食物味道 OK, 但每碟份量較少, 不過單價只是40 多元, 對我們來說是件好事, 因為可以多選幾款小菜胡椒咸菜豬肚湯: 味濃, 不過如果可以再辣一點, 應該會更好飲椒絲腐乳通菜: 大咸了... 可能是空口食的關係, 加碗飯可能會好點.蒜蓉四季豆: 清清地, 味道適中... 椒鹽沙鯭: 一碟只得5 - 6 條, 但炸得脆香, 骨都食埋...鹵水鵝片: 一般而已, 80 蚊一碟份量就較少了... 墊底的豆腐非常嫩滑鹵水豬耳墨魚: 不是太過特別, 合格而已啫啫雞煲: 竟然入面有魚肚... 雞件亦很入味, 好味之選沙嗲牛河: 打冷必然之選, 而且仲好好味... 但細碟了些少, 一個人可以把它殺掉, 攪到大家唔敢點食臘味糯米飯: 普普通通仲有一樣唔記得啦...8 個人食, 每人埋單只需 50 零蚊... 今時今日仲係邊度搵 ???…Read More