御沢日本料理

晚餐時間…男朋友同我對附近米線、茶餐廳食到有啲口淡，決定試搵下新嘢食，行到商場地下見到佢所以就入左去。呢度雖然係小店，坐位都幾多，而且看似有吾少捧場客。但款式吾多，我地就是但叫左雞扒拉麵同三文魚魚生飯。前菜都係麵豉湯同涼菜，現成開水，雪櫃拎出黎，驚喜吾大。拉麵跟餐有三文魚壽司，驚喜就係呢個moment出現！看似平凡既三文魚，竟然好新鮮，油脂平均分佈，肉軟滑，好食過吾少日本餐廳。雞扒好似濕煎甘，皮吾香脆，肉係似煮熟雞肉冇味，係個醬汁幫佢提左吾少味。餃子好一般……拉麵……湯底好清，冇油甘滯，麵係超市都買到貨色，個蛋………係烚蛋…………Read More

話說馬鞍山其實真係冇咩日本野好食，商場內都被連鎖式店舖入侵，可以的話我都會盡量支持一下小店。已經幫襯過 "御沢" 幾次，由最初感覺係 "都幾抵食丫" 到最後呢次 "以後唔會再黎啦! " 明白小店要生存不易，但偷工減料也有個譜丫。跟媽咪兩母女撐檯腳，想了想不如去御沢啦；都有一段時間冇去過。晚飯時間店內的客人也寥寥無幾，店員也沒什麼表情；大家都聚精會神在看電視而已。不會忘記店內貼了 "珍惜食水" 告示，想要杯熱水也要找店員了；一般日式料理店的熱茶更不用想了。看了一下餐牌有點傻眼，魚生飯接近百完一客；加左好多價囉。媽咪點了一個 "親子魚生飯" 定食 (配餃子 + 前菜 + 味噌湯)，我單點了一個 "碎魚生飯"；另外加多了一客 "香芒燒三文魚卷"。味噌湯跟即食沖泡出來的沒什麼分別，前菜是幾粒螺肉，餃子外皮香脆和熱辣辣算是最不錯的啦。主菜上場 - "親子魚生飯" - 只有五片薄薄的三文魚和份量不算多的三文魚子，基本上連飯的份量也不算多。我的 "碎魚生飯"，繼續也是份量不多的；食完好空虛啊... 姍姍來遲的 "香芒燒三文魚卷" 忘了拍照，但味道反而不俗；一碟有八粒算是抵食的了。怎樣說呢... 魚生類吃得出是新鮮的，只是份量和價錢有點不成正比；冇記錯埋單是 HKD200。以街坊小店 + 質素來說係唔太抵食，畢竟我們點來點去也是三文魚而已。所以媽咪已經將其放入 "冇下次" list 啦... …Read More

馬鞍山既日本野唔多選擇, 見價錢都OK, 就試下哩間冇名氣既日本野可惜未食野已經大打折扣! 就係服務態度太差 (可能亦係唔敢收加一服務費既原因)!嗌佢地俾杯水, 1個求其應完就算~ 1個就覺得兩個人唔可以要3杯水等左一輪 嗌左兩次都冇反應, 咁都算, 我自己拎都OK, 點知一去拎, 就俾位女士勁大聲咁問做乜.. 話佢地會拎, 拎到埋黎仲話:剩係要杯水咋麻...勁惡囉! (係囉, 要杯水仲慢過碗麵黎) 毫無效率可言!本身間餐廳細, 食客多極有限, 都可以咁樣..到食埋碗麵, 真係可以肯定唔會再黎第2次, D湯底1D都唔掂!勁咸又多味精, 真係自己煮碗即食拉麵都好過佢 其實如果Openrice唔俾人寫負評 哩篇野唔出得街 就唔好俾哩個平台出黎囉…Read More

馬鞍山既家庭式日本餐廳已經越來越少, 御沢開左已經一段時間, 終於搵個下午茶時間落去試下~點知......大失所望.....點左一個豚肉飯, 感覺白飯, 豚肉, 醬汁好像分開放入個碗, 食落口完全唔夾, 雖然唔係難食到嘔, 但係呢個價錢夾呢個質素, 我唔再幫親第2次...:( 呢種家庭式既日本餐廳本應以'平,靚,正'招來生意, 御沢價錢又唔係特別平, 菜式又唔係特別好食, 賣相更是隨隨便便(可惜冇影相), 唉......…Read More

其實E間小型拉麵店我都光顧過好幾次. 有試過拉麵,魚生飯,餃子,等等... 每次都在午飯時光顧,因為價錢平宜仲有飲品送. 但有一個菜我自己特別喜歡!~ 窩蛋牛柳粒飯!!!今次我同朋友都order左E個牛柳粒飯, 仲有八爪魚,和螺肉~ 窩蛋牛柳粒飯- 牛柳粒好juicy同好多. 配埋洋蔥同牛肉汁.成碗飯真係好正! 八爪魚-好大隻! ($12) 螺肉-OK! ($12) 餐飲-有我喜歡我西洋菜蜜, 仲有玉露系列飲料~ 窩蛋牛柳粒飯午餐: ($34)…Read More