Choi Fook Eky's Banquet (Closed)

又過咗一個禮拜啦，星期六去湊女日，通常我哋都會去食個下午茶，再返屋企瞓下晏覺！今日阿女話想嘆茶，就近近地去咗大埔彩福酒樓飲茶，一如以往，彩福嘅點心真係唔會令你失望，我地點左最出名嘅招牌點心流沙包同埋香煎白飯魚！仲有其他唔同類型嘅點心，鳳爪，鮑魚燒賣，腸粉一定唔會令你失望！但講到尾，我都係最鍾意佢嘅芒果布甸，好彩呢碟布甸有兩條魚，我同亞女先唔使爭，一人一條剛剛好，再加多啲椰汁糕，今餐嘅下午茶先至叫做圓滿！下次飲下午茶，都要黎返彩福先😍😍😍😍…Read More

數年前仍住在大埔的我，每隔一段時間仍然會與家人到大埔閒逛. 這天要陪家人到大埔覆診，中午時段就來到沒時間限制的酒樓午膳. 位於寶湖花園的彩福欣宴，是一間面積相當大的酒家，酒樓樓底都頗高，配有水晶吊燈，都幾華麗; 而且店內餐桌相當多，枱與枱也有適當距離，我們坐得幾舒適~酒家有多款得獎點心，更連續五件獲獎，當然要點來一試!原隻鮑魚燒賣皇 ($35) 一籠三件超巨型的鮑魚燒賣皇，用上鮮味十足且有嚼勁的鮑魚、配以爽口蝦肉弄成的燒賣皇，是必點之選~ 龍皇野菌腸 ($30) 嫩滑的腸粉捲着鬆脆可口的野菌春卷，當中的野菌爽脆有咬口，喜歡吃炸物的我很滿意!!濃湯浸通菜 ($35) 盡可能多吃蔬菜，故此午餐來一碟濃湯浸通菜，通菜相當大碟，我們每人分到2小碗，而且濃湯味道不會過鹹，也不錯. 鯪魚肉煎虎皮椒 ($25) 煎得香口不油膩的鯪魚肉煎虎皮椒，也算是健康之選!杏片千層糕 ($20) 蒸得乾爽的杏片千層糕，甜度淡淡的，鬆軟可口. 懷舊芝麻卷 ($18) 一客6件的芝麻卷，冰凍又吃好，而且充滿芝麻香，即使多飽也要留肚吃甜品. 紅豆桂花糕 ($18) 小巧的紅豆桂花糕，可以一口一件，當中有淡淡的桂花香，配以香甜軟稔的紅豆，一連吃兩款甜品令我很滿足!吃到飽飽，就是時候到大埔中心逛街la~ 大埔寶湖道3號寶湖花園商場2樓27663788…Read More

邊度有得食88元/斤龍蝦？終於盼到彩褔88元/斤龍蝦節，專登揀阿女唔返來食飯果日去食，你唔好以為我涼薄，唔預阿女冇佢心；因為我知道阿女去到彩褔都係會點海蝦唔食龍蝦 ,既然係咁今次我哋就自己去食，下次先同佢去食海蝦，ok ！今年龍蝦節較上年優惠：無記錯上年98元/斤，今年就88元/斤，一隻起都係98元，認真抵食，一人一隻開邊伴上湯或蒜蓉，真係冇得輸；食時愛用刀叉慢慢品嚐，特別滋味；再食埋我致愛嘅原隻椰皇燉燕窩，真是大滿足。…Read More

臨近母親節要同屋企人食餐好嘅，不過咁多人食飯，可以選擇嘅地點唔多，第一時間就諗到食中菜睇睇佢D餐牌，選擇好多，有單叫一款餸，又有套餐可以揀。片皮鴨兩食呢個餸幾抵食，因為見住佢片左好多鴨肉出嚟將D肉點少少醬，加埋青瓜同蔥包住，咬落D皮好脆，仲有肉汁同油香味。我地另一食揀左苦瓜，鴨肉唔係索左太多苦味，怕苦嘅我都覺得OK。海皇櫻花蝦炒飯個飯炒得乾身，除左櫻花蝦仲有其他海鮮，份量十足！清蒸沙巴龍躉斑呢個魚好新鮮，魚肉夠滑，呢個價錢可以食到呢款魚算係幾抵食杭州小排骨呢個有D似糖醋骨，肉質偏肥少少食落甜甜酸酸幾開胃燒汁京蔥野菌炒海參海參同野菌都係比較淡口嘅食物，配左個燒汁同京蔥，味道就香好多，京蔥少少爽脆，海參夠滑，口感十足甜品叫左個椰皇燉燕窩，面頭有燕窩，食落係好滑嘅燉蛋，加上有椰汁嘅甜味，食完呢個甜品係完美嘅一餐…Read More

就快到母親節 今日同屋企人嚟到大埔區同屋企人提早慶祝母親節 媽媽提議去彩福~~因為上次經過見到佢嘅龍蝦做緊優惠龍蝦伊面可以揀蒜蓉湯底或者芝士~~我哋就揀咗芝士 芝士味非常之香濃 仲有啖啖的忌廉味 還要值得一讚嘅係食龍蝦根本唔使用手同埋用鉗 非常方便 用刀叉已經可以起晒啲肉另外我哋仲叫咗一款孖寶餐套餐包括香蒜惹味大海蝦 同埋雲耳蒸龍躉斑頭腩套餐兩個餸加埋都只係$218分量亦都唔係少 海蝦同個餸名一樣非常之惹味 而龍躉本身冇諗過咁多肉啲肉都好香滑 非常抵食…Read More

上星期家庭聚會，打算去坐得舒服少少嘅餐廳，家人就訂左呢間酒樓晚飯其實我不嬲都覺得喺酒樓食小菜會好過係大排檔，一黎坐得舒服啲，二黎其實價錢並唔會相差好多，有時候酒樓做嘅優惠甚至會比大排檔小菜館更平就好似呢隻加拿大龍蝦而家做緊$88一斤優惠，叫咗兩隻再加伊面底都只不過係$200左右，而且肉質非常彈牙新鮮，喺其他大排檔根本食唔到呢個質素另外都叫咗佢哋嘅燒腩仔，皮脆肉嫩，根本比得上一啲用燒味做招牌菜嘅餐廳另外都叫咗呢個椒鹽蝦，同樣地都係新鮮，肉質彈牙用嚟送飯真係一流四個人食飯，又龍蝦有海鮮，又坐左差唔多兩個鐘都只係$700左右…Read More

今日同幾位舊同事食晚餐，之前在其他分店食過彩福，甚具質素，今次就到大埔分店再試試。脆皮南乳雞南乳味十分香濃，皮脆而雞肉嫩滑，水準之上的作品。櫻花蝦海鮮炒飯雖然賣相同餐牌有少少不一樣，但味道出色，飯粒分明而不乾身，亦不會很油，重要的是，有很多蝦和帶子，份量十足，性價比極高。咕嚕肉酸甜菜式一向是我們至愛，這裡的咕嚕肉粉漿很簿，炸得香脆，夾著配菜一起吃，很開胃。蒜蓉蒸蟶子因為同事想食海鮮，所以今次特意點了蟶子，好新鮮，上碟時熱呼呼，正！後來侍應姐姐推介我們食龍蝦，表示是必點菜式之一，但我們已經食到好飽，唯有下次先再試~…Read More

同男朋友一家人黎食飯，打電話嚟Book枱，但職員話只可到場禁飛仔。一嚟到，估唔到人好多，要等差唔多成二十幾張枱，如果佢哋可以改成電話預約就好啦。等左好耐終於有得食，for婚宴嘅場地係唔同啲，個場啲燈好Grand，都幾靚。嘢食方面，我哋本身想食片皮鴨或者燒鵝，但估唔到我哋八點坐低，呢兩樣嘢都已經賣晒，實在太誇張，下次有機會一定要試。最後我哋叫咗佢個得獎流沙包，果然好出色，餡好豐富，又夠香又夠流沙，好味！我哋仲叫咗一條清蒸龍躉，等左成40分鐘，不過條魚好新鮮。至於個西芹腰果炒蝦球，清清地，男友媽媽好鍾意。…Read More

數年前於大埔返教會，經常在此飲茶，幾年沒來，上星期經過發現今非昔比，裝修得很華麗，於是今天就特地來吃晚飯。取了枱號進入酒樓，經過一條又長又濶的走廊，兩邊裝上很多鏡子，感覺有如荷里活影星踏上紅地毯一樣🤣，氣派非凡😍，燈飾及整體顔色亦令人感到舒𣈱，枱距濶落👍坐下來侍應就說現在龍蝦做特價，於是我們留意到差不多每枱也在吃龍蝦。所以我們也決定試試，再加兩客小菜及甜品。上湯龍蝦🦞$99加淮山麵底$30龍蝦味道鮮甜，肉質爽嫩彈牙，淮山麵質感也很爽滑😋燒汁杏菇炆豆卜豆腐煲$82非常足料，豆腐香滑，煲底還有些菜膽巧手煎焗新會陳皮豚肉粒$92很特別的一道菜，味道香濃楊枝甘露$23足料又好味😋紅豆桂花糕$18靚靚心型的❤️，面和底層都是薄薄的啫喱，中間則全是紅豆再灑上桂花，口感豐富實在😋…Read More