Choi Fook Delight Banquet

家中老人聚餐，提前兩個星期電話訂位，話不可以訂位，8點開始只能walk in, 今日提前來到，話有宴會所以要等2個鐘！問為何不提前告知？無回覆。又問等散檯不可以嗎？答散檯都有booking！！極度憤怒！！店大欺客嗎？！！！…Read More

北角呢間酒樓勁多街坊食，閒日都坐滿晒，充滿熱鬧的聲音兩個人食咗三道菜🥢🐮沙嗲粉絲金菇滑牛煲💰$108啲牛又真係好滑又大塊，好入味；金菇粉絲一樣多，汁好夠，熱鍋上保持到熱辣辣，冬天必叫一個煲👍🏻🧄蒜茸炒豆苗💰$108秋冬推介嘅其中一款，我哋乜菜都鐘意食，豆苗少食啲所以出街多數食豆苗，清清哋蒜茸炒都好夠味，豆苗幼嫩🥔金薯燒汁牛柳粒💰$120酒樓又係必食薯仔牛柳粒，呢到嘅特別啲，牛係炸過嘅，出面有炸粉，食落有啲顛倒我平時食嘅味道口感咁🚩彩福喜宴 (北角)📍北角英皇道255號國都廣場3樓…Read More

常来这里吃饭，经常是座无虚席，如果没定位，还吃不上呢，所以人多的地方一定有他的优势。经常换菜式就是一大优点，今天吃了杂菌石头豆腐煲，非常出色的制作。豆腐煲上桌的时候，还是热腾翻滚的，在鍋裡吱吱响，香味四溢，豆付外面是焦黄，里面是雪白嫩滑，伴以不同的菌类如冬菇，杏鲍菇，还有几片生菜，这个菜式健康又好吃，用来下饭，更是美味，而且价钱也不贵，98块钱一大锅。 除了豆付，再點一个荤菜，蒸石斑鱼，就是健康又美味的一个晚餐。…Read More

本人是這家酒樓多年以來常客雖然職員有時比較冷漠，但因為位置方便鄰近屋企，食物質素有保證，週末或有親戚訪港亦會介紹他們。但今晚食完後一肚氣！是日一早已訂位 （知道Walk in未必有位，常常爆場），一大班親朋戚友高高興興去到。當想叫最出名的片皮鴨時，侍應說已經賣完，想食要訂定（心諗冇辦法啦，自己冇提早預訂）之後想落單，附近幾位侍應見到我哋舉手但扮睇唔到！然後終於有位侍應過嚟落單，落單後一心諗住等上菜，過咗一陣間侍應回頭說其中一道菜 油雞已賣哂，問我哋介唔介意轉其他雞，開頭我哋話唔介意，他便轉身去廚房下單但之後我哋醒起叫嘅油雞係特價菜，問返侍應嘅時候佢話轉左其他雞就沒有特價（咁如果我哋冇問咪收多咗我哋錢！？)家人: 點解你唔講轉左其他雞會收多咗錢？侍應: 係咁㗎啦，其他雞係其他價錢 (語氣理直氣壯）我:🤯咁我哋其他餸都唔要啦，因為我哋想要食嘅菜式你哋無，落單前又唔講清楚賣哂，改咗菜式唔同價錢亦都冇同我哋講清楚侍應此時就叫男經理過來男經理: 唔好意思，今日就係冇油雞，嗰位話有嘅職員，聽日唔會再見到佢。我可以送甜品我: 送甜品係冇用，我哋唔介意俾原價，但係你哋應該要預告定俾我哋知男經理：明白嘅，但係廚房已經接咗單煮緊，我送半隻燒雞俾你啦，唔好意思我: 好啦咁此時經理態度尚可接受食完成餐飯叫侍應可以上甜品的時候，男經理氣沖沖聲大夾惡行過來，向着我長輩用福建話（可能聽到我哋講福建話）說：我已經送半隻燒雞，不能再送甜品。我只係打份工已經賠了錢送燒雞，大家都係福建人，做人不能這樣，之後就走咗去此時我的面口已經🤬🤬🤬但現場都是長輩，長輩諗住息事寧人就算，多一事不如少一事最後叫埋單時，幾個侍應繼續行行企企，見到我哋舉手都繼續扮睇唔到！其實解釋返已經送咗半隻燒雞代替咗甜品咪得囉，使唔使咁凶狠呢？使唔使講祖宗呢？誰大誰惡誰正確？今時今日咁嘅服務態度係完全不能接受，啲語氣仲難聽過講粗口希望管理層能夠正視問題！見到網上已經有好多人留言投訴職員態度，尤其是男經理。今日親身經歷真係俾錢買難受，集團式經營的酒樓員工(甚至經理級)持有這種服務態度，真的令我另眼相看！其實北角/炮台山有好多食肆選擇，行前少少過對面馬路已經有間酒樓。奉勸大家如果真的要光顧這間酒樓1.一定要預約位置和菜式2.要有高尚情操忍受俾人長期忽視3.菜單上有嘅菜式唔一定會有，就算落咗單都唔一定食到…Read More

星期日，family Day 一行八人，最好緊係去飲茶啦。香港復常可惜市面人手唔夠，所以掃碼點餐開始普及。其實我個人認為數碼點餐幾方便！唔使叫極都冇人嚟落單！又唔會落錯單（因為但係自己落嘅，錯都係自己）椰皇燉燕窩～清香椰皇燉蛋白，又滑又香，再配上燕窩養顏！而且不會太甜。👍🏻脆皮燒腩仔～做得很好，不但皮脆，肉的部份肥瘦均勻，入口即化！旋風流心黃全包和蜜汁叉燒包～味道不錯👍🏻大人小朋友都喜愛。老少咸宜。腸粉類則退步了，腸粉皮不夠滑。不推薦！沙薑大雞腳～味道可以的，但可惜肉質比較淋。…Read More

本人乃這酒樓常客，但今午對於收銀處員工態度惡劣，實在忍無可忍，今午原本叫咗「菜遠肉絲湯米」，部長轉頭嚟話「無雪菜」先至知落錯單。後來嚟啱咗2碗「菜遠肉𢇁湯米」。到「埋單」，我無留意單據項目下，照舊找數。後嚟發覺單據項目「肉絲湯米（加雪菜）」仍未改返「菜遠肉絲湯米」，懷疑價錢唔同，於是搵部長向收銀員查詢，對方拒絕改單。本人即時去收銀處查問，對方態度惡劣，堅拒改單並聲稱唔怕任何人投訴，佢點都會無事🥹😅⋯⋯這是否今天應有的服務態度？一間公司能否進步是要繼續聘用這種員工？難道全香港無人可以做到收銀員或無人可以替代如此劣質的員工？一間公司的聲譽非一朝一夕所得，只要有一個半個劣質的員工，已可以影響公司形象。希望有關管理層會跟進改善…Read More

本人極少post投訴🤬😓，但係今次忍無可忍，😳😤，本人不介意科技，亦有學習嘅態度同精神，但係，對於收錢唔提供適當服務嘅收費場所，極度需要投訴fist 👊✊🤬洒家要求80幾歲老人家掃二維碼點餐，侍應亦都冇提供任何協助，🤬🤬🤬🤬😨😨😨強迫人哋唔做啲唔識做嘅嘢，但又唔教人地喎，又想收錢，😵🤬🤬搵咗幾個侍應，都唔肯幫手，經理又唔理服務慢，😡😡😡😡服務態度超差😡😕😠…Read More

今日同屋企人去咗呢一間喺炮台山國都廣場嘅酒樓食飯，喺炮台山地鐵站行過去大概5分鐘，都非常方便，之前經過都見到呢一間酒樓嘅招牌，但係都係第一次去光顧 我哋訂咗7:00pm, 夜晚酒樓都唔係太多人比較好食嘅會推薦佢嘅白切雞，白切雞我哋叫咗一隻，賣相都幾靚仔，點埋佢嘅薑蓉食都唔錯，雞嘅口感都做到幾滑身，唔會有太鞋嘅感覺 我哋仲叫咗上湯芝士龍蝦伊麵，屋企人想食西澳龍蝦，龍蝦非常爽口彈牙，食得出非常新鮮，伊麵亦都有濃厚嘅芝士味，再加埋啖啖龍蝦實在冇得輸！…Read More

好耐無嚟呢間飲早茶，今日帶老公嚟試吓，入單全自動化，沒有點心紙參考，唔係太方便，尤其唔係太啱唔識用手機落單的老人家嚟飲！埋單時，因為趕時間我帶埋張單去櫃檯自己埋單，櫃檯職員話唔俾我埋單，佢話我一定要坐返去張枱度慢慢等，我話我趕時間，唔想入返去慢慢等，响櫃檯等咗幾分鐘，個職員都堅持唔肯比我响櫃檯埋單，最後真係等到火都嚟埋😡😡😡，才肯比我簽帳走人！既然為咗精簡人手，都自動化入單，點解埋單一定要坐喺張枱度慢慢等？已經解釋咗話好趕時間，啲職員為咗唔想孭鑊，完全唔肯變通，真係食到成肚氣！😡😡😡…Read More

千奇唔好去辦宴席更何況婚宴，失禮曬自己d客人整個用餐過程十分之差我叫想要加水，個阿姐見到我舉手過左黎。我話唔好意思 我想要加水。 個阿姐話 妖。就咁走左⋯亦無叫其他同事協助。無啦啦去食飯 叫人加水比人 妖。難道加水唔應該叫佢地？叫樓面黎查詢晚市d套餐。可能我叫左幾次。因為唔知叫咩餐好，想要樓面比意見。佢就話我不如諗清楚先叫佢。非常之沒有禮貌。d樓面 全部都扮睇唔到d客舉手⋯毫無服務可言。非常差體驗⋯⋯⋯⋯⋯。…Read More

健康嘅飲食 ，是包括每個星期食兩次魚， 不懂在家蒸魚怎麼辦， 唯有去酒樓食。 這裏就提供了又平又靚的蒸魚， 每次食都保持水準， 一斤幾的石斑魚， 只是158元， 蒸得又嫩又滑， 加上蔥絲椒絲，淋上蒸魚豉油， 條魚鰭仲凍篤企， 證明非常新鮮， 切開魚肉白雪雪 ，見到就流口水， 兩個人食一條魚 ，非常滿足， 通常都食到汁都撈埋， 魚汁撈飯係好好味的 。當然還少不了要一碟蔬菜， 今日就揀咗南乳溫公齋 ，一煲齋菜， 數埋有十種八種食材， 營養豐富又好味， 最啱模範夫妻😜享用 ，埋單都係三百幾蚊， 輕輕鬆鬆瀟瀟灑灑又一餐。🥰🥰…Read More

今朝同家人飲茶，婆婆想食咸水角，所以同個男伙記（原來是經理）講再後加一碟咸水角，大家都聽到佢都覆述左一次。後來卻來了紅棗糕，我地好正常咁同番佢講話可能落錯單，但那個經理卻一路行一路很晦氣地講“紅棗糕又話係咸水角！！”頂！你落錯唔怪你，本末倒置屈人就唔得啦！唔好意思都無句，自己攪錯仲要屈人講錯！態度極劣！想搵經理講番，原來佢係經理！仲要“得啦得啦咪同你改番囉！”敷衍之極, 態度極差！飲餐茶仲要受你氣！有冇攪錯？其後仲要其他員工幫佢來道歉！離晒譜！其實其他員工係好好的，唯獨是這個所謂的經理破壞氣氛。…Read More

今天放假，因為少去砲台山，約了親友飲茶， 上網尋找一下，發覺該區唔多酒樓，呢一間嘅食評唔錯，都叫新開， 而且很近砲台山地鐵站B出口，行大約六分鐘左右就到 ，好易揾，不過冇得訂位，但都唔係等好耐， 我們 12:15 noon 到，等咗十五分鐘左右已經有位。 😚接待處左邊有樓梯上，原來右邊都有𨋢，如果行動不便，記得搭右邊嘅𨋢上一層，就去到酒樓，入邊環境唔錯，幾光猛乾淨，樓底高所以聲音就唔算太嘈。😊 叫咗幾款得獎名菜，價錢唔算太貴。其他點心呢個得獎名菜 ⇒ 資深海王千絲春卷，味道唔錯，千絲好鬆化 ，不過有啲油。個蝦餃好食，皮薄蝦又彈牙👍 另一個得獎名菜 ⇒ 旋風黃金流沙包 ，真係好流沙，啲皮又軟熟 ，唔係太甜，我本身對呢啲奶皇包麻麻，都覺得佢唔錯。 反而另外個得獎名菜 ⇒ 潮州粉果就麻麻。潮州糯米卷，皮薄輭同個餡味道做得唔錯。金錢肚味道幾好，可惜個白蘿蔔就實同冇味。呢個鴛鴦煎糕， 可以一次過食兩款糕。 芋頭糕有一粒粒芋頭係裡面，好食。🤗腸粉D皮都好薄。呢個蛋散見好多人叫，都好鬆化。間茶樓整體食物都做得唔錯，D侍應生都有禮貌同勤快收拾那些已食完的碟和蒸籠。😊我哋喺門口等緊，碰到一個不認識的女街坊，佢同我哋講，北角最好食呢間酒樓。😆…Read More

星期日心血來潮，午餐去左飲茶去過呢間幾次，發覺北角無乜地方係企理既飲茶選擇，最後因為試過尖東果間，感覺唔錯就試左第一次蝦腸：腸粉好滑一件一隻蝦，精緻好食的粉果：細細粒皮薄，比係出面食既，係好味的蝦餃：有竹筍，正常，唔難食的燒賣：肥瘦適中，幾好食上湯腐皮卷：好食，次次都有嗌棉花雞（特價點心）：幾好食，但佢唔精緻佢地啲點心菜式有分特價同main menu ，當中質素是感覺到差別的，main menu 好食好多最後埋單$300，間唔中一次，自己帶埋茶葉，傾下計，家庭可以聯誼一下…Read More

每天都出街食飯，對食物總有一些偏好，在這裡我特別喜歡蝦子生根豆腐煲。一來喜歡豆製品的味道，豆腐，豆幹，枝竹，生根，豆卜都是我喜歡的範圍，二來豆腐是健康食品，三來豆腐的煮法千變萬化，點樣搭配都得。😘蝦子生根豆腐煲好大一煲，熱氣騰騰上台，香香的蝦子鋪在生根和豆腐面，下面是翠綠的小唐菜，味道調得剛好，不會太鹹，雖然是素菜，但黃豆營養豐富，不比肉差，加上有蝦子，營養和味道都很豐富，是我每次來食飯都必點的菜式。…Read More