強記大排檔

蝦仁炒滑蛋: 滑蛋都算滑, 份量仲好多, 加埋D 九黃食, 好味,又5會咸。蝦大大隻, 不過通常係雪蝦所以無鮮味魚頭煲: 魚頭好少肉, 都係「損」骨多, 入面仲有燒肉, 豆卜果D, 一般般。黑椒牛柳粒: 配菜仲多過牛肉, 麻麻…Read More

食大排檔，实会諗起深水埗，特登走咗去耀東街諗住食好嘢…通常有期望就梗係失望嘅…………今次都唔例外！食咗个橡皮椒鹽百福豆腐，唔知点解，个皮唔係脆皮…粉漿加得太……………多嘞，老細！對唔住食物都要嘞，食咗两舊，成碟留返俾佢！麻辣海蜇鴨舌，中規中矩得嚟……啲麻辣辟唔到啲雪藏鴨腥味！夾硬都係食得一半！稍为見得下人嘅係燒汁鱔片同豉油王蝦碌，但都只可以講係行貨水平。总括嚟講，應該唔会再幇襯！加上就嚟拆到佢舖头，更加後会冇期！拜拜！…Read More

強記專門只是賣一些早餐下午茶類食物只係有三文治、菠蘿包、粉面坐低服务員我點揮手點叫都無反應同啲熟客傾完計先過黎睇下我叫左個腿蛋治推介炒蛋類食物，因為都好足料奶茶麻麻，叫杯少甜，嚟左杯無糖，照飲，但其實好淡衛生就一般吧價錢就真係平民之選，扺食…Read More

原本想話揸電單車落愛文新，經過強記，見到大把位泊車，又在吉枱，即刻轉場落強記.當年日日中午落深水埗搵布搵皮搵成衣物料買拉鍊，有時間的話，會落強記食個麵，抖一抖，依家深水埗布行物料店執咗唔少，開咗唔少餐廳，變哂嚕！點咗三款小菜，黑椒牛仔骨，煎釀三寶同蒜蓉蒜鮮魷.黑椒牛仔骨：失望，煮得過火，搞到牛肉入口太老，另外，油過多！太肥膩！煎釀三寶：三寶用茄子，青椒，辣椒，嘩！辣椒勁辣呀！~~>_<~~ 另外都係過份多油！蒜蓉蒸鮮魷：超讚，蒜蓉足夠，再加上火喉掌握得準，鮮魷蒸得啱啱好唔會老，推介！…Read More

強記大排檔，係位於深水埗基隆街嘅一間大排檔。有港式風味㗎，座位係放置係街邊行人路上。喺香港咁嘅配置已經買少見少，好有特色。一大早去到，已經坐咗好多人喺度食緊早餐。即刻搵個靚位立即坐低。餐蛋麵，熱奶茶唔該。…Read More

8點都未到, 已經話呢樣無果樣無, 起碼海鮮咩都無, 連豬頸肉都無, 犀利。鹽焗雞: 朋友話呢度出名, 又真係上菜都仲熱GE, 雞肉滑, 連雞胸都唔鞋, 唔使點醬都夠哂味, 係好食GE。鮮魷炒菜心: 得呢樣海鮮有咋, 喧都炒得幾好GE, 唔會UN, 唔會林, 又唔怕咸。咕嚕雞球: 似雞柳多D, 炸粉唔多, OK黑椒牛柳粒: D 牛肉都幾肥.... 但有 「渣」, 味道正常,但牛肉粒好少...大部分都係椒小炒王: 大部分都係腰果/西芹/椒, 味道OK GE京都骨: 呢碟出奇地啖啖肉, 其實即係炆豬扒, 肉質OK GE, 個汁都唔錯, 唔會咸咸蛋蒸肉餅: 熱辣辣, 大大個咸蛋, 肉餅唔多粉, 肥瘦適中, 味道剛好, 又幾好食WORBTW, 呢度上菜真係勁慢, 等左勁耐先有第一碟, 食完一碟仲要等好耐先來下一碟汽水又係好多都無, 得2款揀....…Read More

一心諗住食蘇媽，可惜有太多人等位，唯有去附近大排檔炒幾味啦，坐街邊我ok架，不過一把風扇都無，越食越熱，仲要滴住汗食煲😥，之後又見到有幾隻小強遊走😰，真係要趕快食完閃人先得，下次真係咪搞我！豉椒炒蜆 $78👍🏻👍🏻👍🏻==========有鑊氣，蜆非常入味，九成蜆有蜆肉，不過價錢好似貴咗dd椒鹽鮮魷 $82👍🏻👍🏻==========炸漿薄，鮮魷新鮮彈牙，略嫌唔夠大隻同咸咗dd咸魚雞粒豆腐煲 $65👎🏻👎🏻👎🏻👎🏻👎🏻===============無煲仔風味，芡汁太杰，又無咸魚味，成煲只得幾粒細過豆豉嘅咸魚，用不知所謂形容最貼切！白飯x1, 可樂x1二人共消費：$240…Read More

近幾年好鐘意食強記，大排檔嘅感覺真係好地道。每一次都會點一個三餸公仔麵，加一個菠蘿油，今次都唔例外。首先睇落個湯咁唔似出前一丁我已經嚇一嚇，好在係一場誤會，只係啲味精粉係個碗底未撈混。但舊鮮牛真係好失望，雖然佢冇煮老哂，但係成塊肉只係食到腌味，啲泡打粉仲多到好似coat左係面咁。😞另外杯奶茶一啲都唔滑，鞋拾拾......菠蘿油仲衰，竟然個包一啲都唔熱，啲牛油完全溶唔到😫今日見唔到平時嘅老闆同埋姨姨，餐牌同餐具都換哂，唔知係咪易手呢🤔 如果下次見唔返老闆，我都係唔再食啦😞…Read More

香港地，大排檔買少見少。呢檔，夠鑊氣，份量大。生炒骨：即炸。唔係預早炸定等上菜。豉椒炒蜆：正常，無特別驚喜。醬爆生腸：比想像中好食，唔係求求祈祈煮埋一碟，用心做。見到隔離台碟蒸鱔同雞，都好想叫。…Read More

香港地道味道講真食大排檔豉椒炒蜆 唔少得佢個豉椒炒蜆鑊氣夠可惜啲蜆唔係隻隻開口淨係食 個 青椒洋葱都好好味送啤酒最啱豉汁生腸 真係一流有咬口 又夠鑊氣下次真係要試過第二隻 兩樣餸 同一樣味不過送酒嘅話都唔錯嘅但係粉絲雜菜煲啲菜就好老煮得唔好食反而金銀蛋 菜心係幾甜講真你唔會覺得大排檔有幾乾淨但係佢個廁所係真心乾淨同埋夥記服務都算唔錯舊式地道香港人情味最重要食客之間有交流感覺上好似返咗70年代嘅冬菇亭呢啲經驗真係幾得意…Read More

朋友由外國返香港探親，好想去大排檔食一餐懷舊一番，經過周圍打聽之後，先揾到深水埗仍有大排檔存在，就一於帶朋友到大排檔晚膳。大排檔位於基隆街/南昌街交界，只有一檔仍然營業，所有枱椅都擺在行人路上，好有懷舊feel。菜單上嘅小菜選擇好多，價錢約在$70-80左右。我哋隨便叫咗幾個傳統小菜試下，希望唔會失望喇。豉椒炒大蜆豉汁幾好味，不過大蜆有啲沙，仲好多隻冇肉。京都肉排肉擺上枱上枱好隨便，可能呢啲就係大排檔style掛。肉排肉質好爽，醬汁甜酸度調校得很好。椒鹽九肚魚九肚魚炸得香脆，加上炒得好香嘅椒鹽，非常惹味。西芹炒鮮魷這個小菜做得比較平凡，冇乜嘢突出。薑蔥魚腩煲魚腩好新鮮，材料份量唔錯，加上炒得好香嘅薑葱，送飯一流。煎釀三寶三寶係茄子、青椒同紅椒，紅椒好辣，唔食得辣嘅人要小心考慮才好order。總括來說，小菜味道唔錯，不過食物上桌很隨便，整體都好油膩，而且坐嘅嘅地方是路邊， 食完要即走，不過間唔中去試下亦無妨。…Read More

儘管天氣有點兒炎熱，但是由於胃口非常一般，而且晚上又需要留肚去吃，所以這次專程來了強記大排檔。這是排檔的確甚具特色，門面又是綠色，排檔的鐵皮又是綠色，但是在排檔的旁邊，竟然有數個綠色垃圾桶，還有石油氣罐；而在另一邊，就已經是餐桌了，各種工具，都放在附近的位置。在食客合吃麵的位置附近，旁邊還有一間布匹店，附近經過的，也有不少南亞人士，真是文化共融。到此類排檔須集幾種元素（1）不太肚餓；（2）天氣不太炎熱；（3）準時外出吃午餐。當然，環境唔會太好，更甚者是，餐桌可能放不平，但是你不要理，至少麵條不會倒瀉，放得在桌子上，你吃得到，那就可以了吧。原來兩餸麵，只需要＄25，還包熱飲，坊間有多少飲料店，一杯台式飲料，動輒索價2-30多元。這兒有一個出前一丁，還配兩款配料，實屬非常之划算。出前一丁，非常之大碗，好像比起在家裏煮個出前一丁，麵條還要多。豬扒，雖然只是兩小片，但以這個價錢來說，還算不錯吧。雞翼，亦都有兩大隻，炸過煎過，外皮脆，再放到湯中，也不錯。好像沒有平時在家中煮出前一丁那種麻油香，麵條也不算彈牙，但是大大碗，其實也夠飽。奶茶的味道亦相當不錯，濃烈茶味，也不會令你覺得澀口的感覺，很久也沒有喝過這麼濃香的奶茶，再加一點煉奶在底下，夠甜，而且不會「確喉」。車後面的男子所說，即時加了冰凍奶茶，味道也不覺得特別淡，下次，如果夏日炎炎的時候，試一試凍奶茶，也是不錯選擇。在深水埗，即使你付三、四十塊上茶餐廳，茶餐廳的服務也有些極差，多付錢吃頹飯，還要給人家呼喝。但是這個大排檔，店員非常親切，唔該前、謝謝後；靚仔一句、爺爺一句。…Read More

這天帶太座來這大排檔因為佢只聽我講過佢的茶同多士有幾得, 但從未同佢來過, 就趁這天同佢來體驗一下, 我們兩個人叫了一個餐蛋麵餐$25+$2=$27因為叫咗凍檸檬茶, 另一個多士餐$18餐蛋麵係好屋企煮出來的感覺, 而$25已經係用到清仔嘅麵, 雖然唔係乜野日本版又或者特別口味, 只係原味, 但老友佢只係做緊25蚊, 咁重唔係友情價係乜? 無話好似某些茶記咁要清仔就要加三加四蚊咁現實, 如果唔加就食大光麵啦!甚至連大光麵都唔用一於用市場上最平嗰隻, 這並不是要說明茶記多麼不近人情而只係講番現在重有人(老闆)願意付出而唔去計較那蠅頭小利, 始終直接受惠的係客人, 而長時間幫襯咪就係達到最終雙贏的局面, 下下乜都要計即時睇係無蝕本但只要稍有再平易一點的店鋪出現客人自然流失後不會再回頭, 講返呢度嘅茶始終如一夠茶味, 除咗茶葉配方正確之外, 沖茶嘅溫度同茶袋內的份量完全係時間磨練出來的結果, 所以這裡的茶即使落冰都不會唔見咗d茶味, 雖然這裡並沒有什麼金茶皇的稱號, 亦從來沒有貼過什麼名人來過用膳同老闆拍照留念嘅照片貼在店內, 就是這份平凡這份不計較的氣量吸引到我, 吸引到我來一探究竟? 有趣的是早上來的時候會見到好多時有好些印度人來買走奶茶一杯或者幾杯但他們會特別強調–多糖,多糖! 因為我們的多糖跟他們的多糖始終係有一段距離!太座亦相當滿意佢嘅凍檸檬茶,這裡的多士內餡無論是奶油或者奶醬, 個奶永遠都係流住流住咁嘅狀態, 可能有客人會唔喜歡咁, 因為會滴留到手指頭上, 但個人覺得咁証明貨真價實, 流出來比流唔到出來的好, 唔清楚這茶檔做了多久但只知道近幾年佢地有放暑假呢回事, 一年飲到幾多次我自己無刻意数過,但他們還會做多幾多年? ! 我估計未必超過十年, 因為靈魂人物只有一個, 能有機會經過又或者某日起身想去飲杯茶的話就去吧!…Read More

薑蔥魚腩煲: 等左好耐, 好似係漏單, 入面都唔係魚腩黎....係魚塊.... 搞到我地呢D 唔中意食骨GE 人, 都唔知點算, 不過個煲幾大, 有好多大大件魚塊, D 魚炸過, 再炆, 我覺得咸得滯....豉椒炒蜆: 都幾大碟, 口味好濃, 我覺得咸, D 蜆又唔算好細, 都有肉食。本人對大排檔食物就好一般, 黎呢度食都是食佢GE大排檔風味。坐在露天位, 仲要馬路旁, 飲下啤酒, OK GE。耐唔耐,係要參透下HK地道文化,哈~…Read More

深夜放工，口痕要搵野食下，以往成行成市既大排檔只淨低一兩間。雖然呢度出名既唔係豬手麵，但太耐無食，叫黎試下。呢度既豬手比較爽口彈牙，同平時食過煮到好滑好軟身既口感唔同。但爽都有爽既特別口感，加上較多肉，幾好食依家宵夜仲有幾多大排檔?全部變哂餐廳，連鎖店，比起有街邊熟食檔既時候，食宵夜既氣氛同感覺失色不少。…Read More