廈門風味阿珠小吃店 (Closed)

香芋盒入面有肉碎,好正, 原來芋頭咁樣食係好正!甜芋棗就冇餡, 比較淡, 又係炸既, 但賣相個好似Q嘜川麵個d紫心蕃薯丸!(好懷念呀!)五香條有d似春卷, 但佢地有另外一種春卷, 唔記得好唔好食。廈門炒米有燒腩肉, 有魷魚, 有菜, 唔似大排檔個d, 都OK!沙茶麵有兩種"食送", 我要左蝦,魚片, 真係好多蝦, 不過較細隻, 個沙茶汁好似冇咸味, 但有少少辣!我係好少人先去, 以免有人食煙。阿姐都好好人, 會耐心咁講下d野食係咩, 鋪頭都算乾淨, 但旁邊條後巷就好恐怖。有依間咁勁既鋪頭, 估唔到土瓜灣真係臥虎藏龍!

我好耐以前幫襯過，D 野食OK，可惜出菜太慢，叫碗麵居然等左三，四個字。間舖太細，只能坐十零人，最賤就係仲有人係裡面煲煙，攪到你坐邊都要吸二手煙，所以以後再冇幫襯過。

兩年前我已幫襯過這小店，一直難忘佢的香芋盒及蠔仔炒河，可惜位置太偏遠，又唔多就腳，一直都無再來。今晚終於都男朋友無聊下，找尋這小店。男朋友事前沒試過，一點也不知道我為何這樣執著。找了很久終於都找到，真是好唔就腳...今次叫了蠔仔炒河，廈門炒米，香芋盒及炒菜心。個香芋盒真係好好味，一點也不油膩，而且好重芋味。個廈門炒米，都好特別，唔知點講好，總之好味。蠔仔炒河都好，好多蠔仔，好正，但略嫌太多油了。我地仲叫了菠蘿冰，兩罐汽水，都係70蚊埋單，仲食得好開心。咁好的質素只是這個價錢真係物超所值。但環境就一般，今日我地後面張檯有幾個『怒漢』，講野大聲都嚇死人，佢一出聲好似人地打交咁~ 次次都嚇我一跳。

沙茶麵好正! 一次過整咗兩個都仲想食, 五香條都唔錯, 牛肉羹稍為需多點牛肉而湯低是魚湯也不曾, 不過如果是清牛肉湯會正好多. 好低食呀! 希望佢開埋星期日啦!

07/23/2005 12:30和女友在屋企附近吃午飯，因唔想食得太飽所以去了老好清香食麵。這裡的特式不用多說，吃的都是潮汕美食。兩人叫了一碗蟶子麵線($20)，一碗當歸清湯牛肉麵($15)，一碟腐乳通菜($5)同一杯豆漿($4)。先上來的是蟶子麵線，湯非常清甜，蟶子雖然不大隻但肥美，不過有沙，麵線略嫌不夠腍身。牛肉麵的確有濃郁的當歸香味，但飲落o的味又唔係咁覺。牛肉灼的時間剛剛好不會韌，油麵亦唔錯，鹼水味唔重，不過當歸牛肉呢個配搭都係第一次見。腐乳通菜本來冇乜好講，但這裡的腐乳不是腐乳醬，是整磚腐乳放在碟邊，這樣的腐乳通菜又是第一次見。本來還落了五香條的單，可惜最後沒有來，下次再食過。

今日下午到土瓜灣做facial,之後走過黎買香酥盒食,$10/3個,圓碌碌,雖然系油炸,但外面一d都吾油;一咬落去,好香芋頭味,外脆內軟,正!肯定比酒樓果d炸芋角更有水準!

今晚8 點幾去左呢度食飯,叫左大腸炒米線$15---幾乾身,大腸冇腥味,略為淡左d;鴨蛋蠔餅$25---吾油膩,個餅幾有口感,不錯!五香條$8---ok,頗香脆!蟶子羹$20---蟶子非常甜,很新鮮!豆漿$4---香大豆味服務亦不錯,雖然阿姐廣東話吾多正.^^

這是一間不起眼的小舖,但內裡有很多的褔建美食,而且仲好平添!門炒粉- 眼前的門炒米和食開的完全不同,材料以椰菜,豬肉和蝦仁為主,味道不是甜酸的,亦沒有叉燒'蛋和五柳,食落別有風味~鯊魚片湯河- 湯好清,但魚片好似唔係咁新鮮,河粉不是鄰近的潮洲出品,較粗身同唔夠滑.炒蟶子- 吃慣了豉椒炒的,不妨試試這個用甜醬炒的蟶子.蟶子隻隻肥大,不過有沙,美中不足香芋盒- 外層酥皮,中層甜芋泥,內層香菇肉醬,一個精彩的配搭!再加一碟油菜同一杯豆漿都唔駛$80,抵食之選!!個沙茶麵賣相好得,又可以揀幾樣食送,一定會再黎試!!

大大碗生魚麵, 才賣15大元, 夏門炒麵線, 大大碟, 料唔係好多, 不過都係15元, 麵線配棘醬都唔錯。小吃的香芋盒就真是越食越好味, 另外五香條都精彩。煎蠔餅好多蠔仔, 連埋飲品都是79元埋單, 真是抵食。呢間店須小, 但都幾整潔,阿姐招呼都好熱誠...

平時好小會行入呢條街，之前見有人讚過呢到，就黎試下，食左:1. 雞翼蝦沙茶麵- 有少少辣,沙茶味濃,幾好食,不過食完有d 口渴2. 香芋盒- 即叫即炸有d似芋角,熱辣辣好味野食幾好,不過環境麻麻地,其他食客講野大聲同埋係講鄉下話唔知佢地講咩,又有人食煙,下次只會外賣唔會堂食!

好開心見到呢度有蠔仔米線~即時坐低整返碗。油麵(default) 改左做米粉。蠔仔都幾飽滿，米粉口感唔錯，唔會話淋哂。不過腥左少少，要落多d胡椒粉補救。整體來說都唔錯，值得一試。不過同我心目0既蠔仔米仲差一段距離。其實香港邊度有有水準0既蠔仔米食呢? 大家知道0既話麻煩話我知丫，萬分感激。

一直都想試下呢間廈門風味小店，今日特登由青衣走去土瓜灣，終於一嚐土荀凍既味道。一碗小小既o者o厘狀物體，入面清晰見到沙蟲既形狀，上面有蒜蓉，芫茜，豉油同wasabi，攪勻配料後，一啖入口，感覺好似食緊豬腳凍，沙蟲乾好爽口，但無乜特別既味，不過都算幾特別。可惜今日去到無晒蟶子，無得食，叫左廈門炒米線，沙茶麵配豬腰同粉腸，仲叫左杯波蘿石沙冰。全數$71，勁抵。米線炒得好香，仲幾乾身，唔錯。沙茶麵自覺可以再重手D，落多D沙茶醬，香D 嘛。石沙冰幾得意好味。呢度有好多鄉里幫襯，想學廈門話不妨坐多陣!

話說呢間野前身係一間"哪喳"牛什，連住鋪頭旁邊係一條好污糟既冷行，曾經目到有一隻貓咁大既老鼠係冷行同食店間被一隻狗追著，真係比錢都唔敢係到食。亦因為咁所以新店開左咁耐都未試過，但睇到之前既食評都話野食幾好，咁就試下啦！其實我唔知沙茶係點既，咁就問下阿姐，佢話好似沙爹，咁我就叫左個沙茶配豬腰同牛筋腩，同埋一個土荀凍。沙茶個湯少少辣幾香，而兩樣都ok好味。個土荀凍係好似jelly咁，用一隻小碗一分為二載住，面頭鋪左d芫茜、酸蘿蔔同生蒜蓉，中間有wasabi，底就有豉油，由於芫茜同生蒜蓉我都唔食，所以整走晒去。而咁多種味撈埋都唔知好冇食，所以半舊就淨用豉油食，另外半舊就加埋wasabi，酸蘿蔔就咁食。口感就jelly滑滑地，虫虫就爽爽地，淨豉油就比加左wasabi係好食d 。

差不多每個月都來幫趁一次,其實在北角都有一間相近似的,但味道不及此處好味.今日一行三大一細又再黎,先後叫:1)廈門炒麵線($15): 好多細配料,鮮魷,鹵肉,加雜菜,可惜唔夠香口.但易入口2)灼菜($5): 一般3)蠔仔鮮蝦沙茶麵($15): 好香口,麵質大路油麵,冇乜點,但湯底好'野'味,正4)牛肉湯($15): 鮮牛肉放湯,加薑絲同青瓜,都幾清,但無乜驚喜.埋單$50走人, 咁平又好味,仲想點?

這的確是小店，四張小長方，衹可容納16~20人。坐下來，二話不說，便問有沒有土筍凍，竟然說剛賣光了！衹好要了仔麵線湯和芋仔盒。仔麵線湯：湯底鮮味而油不算多，加入了蒜酥更香，仔鮮甜，麵線好幼好淋，但可惜仍達不到糊般滑。芋仔盒：好香口，芋泥混了菜味道一流，但油比較多。離開問店員何時有土筍凍，她說過兩天才有，她說蟲要新鮮才好？？？題外話：本週末是糧頭，便是到園藝街買心頭好之吉日。先吃臭豆腐，再買小盆栽。便再到九龍城友人店買園藝工具，竟然結業了。唔通理想和現實一定有距離？生意難做，短短三個月便結束了。