康瑞甜品

Open Now

Now Closed

康瑞一定係香港最平靚正芋圓！！超級多芋圓 仙草滑捋捋而且甜度岩岩好！次次係油尖旺附近食完嘢想食堂水首選一定係佢就算無咗堂食都要叫外賣每次都係合埋眼落單1️⃣號冬天叫熱嘅 夏天叫凍嘅～

每次經過深水埗都想試吓，今次終於食到啦😚門口有個洗手盤可以洗手幾搞笑😂估唔到平日下午都幾多客，同埋真係好平🤣，好多款都30蚊有找.特式仙草百配 $27 (芋圓、地瓜圓、小丸子🍡)非常足料嘅一碗糖水，食極都有咁🤣芋圓好煙韌，QQ彈彈，口感好好，見到牆身poster仲寫係手工製作，幾有心思。仙草好滑，糖水整體唔會死甜，食完唔會頸渴。.酒釀桂花配芋圓、地瓜圓、小丸子🌼 $27食落清香，陣陣桂花味，清甜又唔會腬，仲有啲蛋花，感覺好fresh😚

今日下午冇嘢做，行下行下行到深水埗的康瑞，可能午餐没有喝奶茶咖啡，突然間非常想吃 dessert, 行咗入康瑞。坐抵打開餐牌，大致上他有24種甜品，有熱有凍，也有滋味小食啫哩和糖不甩。康瑞主打甜品加台式芋圓、地瓜圓和小丸子，每樣丸子都QQ彈弹的。今次叫咗養生紫米露配丸子，traditional 得來又有新意，可選熱或凍，雖然天氣熱，但店内冷氣凍，要了熱的。果然保持水準，不很甜，紫米香滑有層次，丸子Q彈，爽爽的，真的好味，連不爱吃甜品的我，也說like👍👍👍，最後還買多兩個外賣一支清肝茶回家慢慢歎下😎😎😎。A gentle reminder, 康瑞下午3pm才開門營業，唔好咁早去呀！平日會少人些，星期六、日拍拖男女會多些。

由以前涼茶鋪食到而家，依然好味🥰真係爆CP 值。以前食康瑞排粒幾鐘都試過，真係好顛。但康瑞真係好正，價錢唔貴，份量又多，好貼地。對我黎講仲有個優點，就係可以走甜。每次例牌就係特式仙草百配，芋圓、地瓜圓、西米、丸子、仙草🫰🏻🫰🏻一次過滿足曬幾個願望，一碗先廿幾蚊，邊度搵♥️

✅深水埗名物 特式仙草百配我已經幫襯呢度勁多次 永遠對 "仙草百配" 念念不忘🍡🥣$26 特式仙草百配配料有仙草 芋圓 地瓜圓 小丸子 薏米 西米 珍珠聽到甘多配料已經知道勁足料三色芋圓口感煙韌 仙草份量多 而且係我食過最滑溜既仙草 質感係唔會好硬一大舊 糖水唔會好甜 主要係食材本身既甜味及奶味仙草連同其他配料一齊食 層次感非常豐富$26既出色仙草芋圓 性價比極高我想講 未食過既請去試! 係必食 唔會令大家失望康瑞甜品 📍深水埗荔枝角道323號地舖💰人均$30❎加一

仙草芋圓 百吃不厭𐂐.·˖*𖠠•𖠠•𖠠香港有許多間的台式仙草甜品店但嚐遍多間還是對康瑞最深刻印象由最舊舖到之後的荔枝角店舖此間多年依舊都居位於心中no.1的甜品位置每次都點最鐘愛的特式仙草百配材料滿滿的 仙草芋圓地瓜圓小丸子冬天熱食暖肚飽足暑天凍食爽快心涼⁽⁽ଘ( ˊᵕˋ )ଓ⁾⁾𓇠𖤥 康瑞甜品༶ 特式仙草百配𓇠

八點都未夠 深水埗荔枝角道成條街啲舖頭差不多收哂咁濟真係俾 #林奠 #清零 興幸 從遠處已經見到仲有 @hongs_dessert 開著燈 20 #養生紫米露 $22有凍有熱可選擇 打開蓋已經聞到好香紫米味～夠哂足料 仲有陣陣椰奶香 又唔會好甜👍🏻25 #貴妃楊枝甘露 配 #芋圓 #地瓜圓 #小丸子 $37楊枝甘露夠足料 芒果🥭大大舊夠香甜🙅🏻‍♀️唔係浸過糖水 配埋芋圓、小丸子 雖然好似有少少唔match 🤣不過芋圓、地瓜圓好QQ 可惜今次得好少兩、三粒 其他都係小丸子🥲等外賣時發現佢地除咗 #糖水 仲有 #涼茶 #潤腸去濕茶 #清肝解毒茶 #無糖五花茶 只做外賣 每枝應該500ml $12 枝下次經過可以試吓先😉=====================#懲罰 #黃色經濟圈 #良心糖水 #yellow糖水 #yellowssp #yellow深水埗 #yellow涼茶 #良心涼茶 #yellow芋圓 #hker #hkig #hongkongfood #香港加油 #食好西😋 #互推互追互讚 #nofilter OP: Ms.NgGoogle Local Guide Pls follo

那天週末，我請兩位好姊妹先到深水埗傳統老字號竹昇麵店 <劉森記麵家>食 weekend lunch！ 然後，讓其中一位帶我們到深水埗福華街買揮春！之後，她建議去深水埗荔枝角道那間甜品店 <康瑞甜品>！當我們一行3人踏進店子，已經是下午 5:40， 趁禁晚市 6:00 後堂食前，搶閘食甜品！ 幸好！不用等位，可直接入座！供應：甜品、特式飲品、滋味小食店方很配合大家時間，上得好快！特式仙草百配 $26 (暖)可選擇：凍/ 暖配料包括：媲美豆腐花般軟滑不留口的仙草、甜美軟綿的紅豆、有輕微嚼勁的薏米、軟糯略帶煙韌的芋圓、地瓜圓 (蕃薯圓)、小丸子、晶瑩剔透而大大粒的西米、煙韌的珍珠...等！好足料又絕不欺場！堅抵食！ 店方已為我們加上花奶，保持其風味！暖暖地容易入口，況且，當日凍凍地，嘆碗暖笠笠糖水最適合不過！

嫩滑淨仙草 $21仙草滑捋捋份量都好多夠凍 帶微微茶甘味唔會有啲奇怪味特式仙草百配 $26配料有紅豆 薏米 西米 珍珠同埋小丸子 聽哂啲配料都覺得飽飽哋🤣雖然只係$26 但份量絕對唔欺場！紅豆薏米煮得軟綿 幾乎唔需要點咬主角三色芋圓就係經典嘅蕃薯 紫薯同埋芋頭口感唔算特別煙韌 偏向軟但都有咬口少扣分係上枱前店員已經幫你落咗花奶味道都會偏甜 如果唔想咁甜可以落單時同佢講走花奶。養生紫米露配丸子 $26雖然特式仙草百配係佢哋嘅招牌但呢款更加啱我口味🤤紫米露軟糯香甜 粒粒紫米配西米口感十足！甜度亦較上面糖水底低

夜晚突然間口痕，經過康瑞，當然要入去食佢嘅招牌實不相暪，已經曾經到訪呢度好多次，雖然坐低入邊食又靚又大碗，但係拎走其實都係一個唔錯嘅選擇分量冇少到，所有嘢都好足料，溫馨提示：如果好耐先返到去嘅話就唔好要熱，因為啲仙草會溶咗所以今次都唔例外要咗凍果然冇令我失望，仙草份量好多，成個糖水唔會好甜，主要係有紅豆大喜所有甜味，薏米冇怪味有咬口，芋圓都有好多粒，仲有其他小丸子都好好咬假如夜晚經過再次口痕，都一定會再買來食

深水埗一直都有唔少甜品店，但係一提到芋圓，就一定會諗起康瑞！一黎到見到門口超多人，好彩大多數都係買外賣咋！餐廳雖然唔大，但都有唔少位置，所以等左5分鐘就入得！✨酒釀桂花配芋圓酒釀有少少酒香，仲有濃濃既桂花既清香，非常舒適，入口有少少發酵既酸味，味道甘醇，加埋蛋花真係錦上添花～除左芋圓，仲有番薯圓、紫薯圓，全部好軟熟，而且仲帶有本身食材既味道，食得出係每日新鮮手製，不過size比平時既芋圓偏細～✨桂棗雪耳配芋圓超中意呢個！一碗入面有好多雪耳，而且煲到軟硬適中，仲食到紅棗同桂圓肉，飲落味道清甜之餘，仲感到好滋潤，超級適合秋冬飲架～

平安夜深水埗鋸完扒買埋糖水回家食。不錯幾好味！外賣等得不耐。糖水唔太甜，芋圓份量都幾多，又煙韌，但無咩味。特色仙草內有芋圓、西米、紅豆、薏米、黑白珍珠。紫米有芋圓+黑白珍珠。兩款都唔錯，喜歡不太甜。

𓂅特式仙草百配 (芋圓，地瓜圓，小丸子)仙草非常滑，味道好出，而芋圓同地瓜圓口感煙韌，愈嚼味道愈出，唔會過甜，好喜歡呢種食到食物原始味道嘅感覺！小丸子正正常常，唔會糊口！除左列出嘅配料，仲有珍珠，薏米，口感十足！𓂅香滑腐竹蓮子配 (芋圓，地瓜圓，小丸子)呢一個可以選擇配小丸子定雞蛋，今次揀左配小丸子，腐竹蓮子底清甜，腐竹唔係煮到融曬，係片片分明咁，食落幾滑身價格相宜，食物質素唔會將價就貨，味道好純粹好順喉！非常推介！

今晚又嚟到深水埗馳名嘅康瑞甜品，即使咩事都冇無阻呢度嘅客似雲來~ 今次來到我都係嗌最出名嘅仙草百配，仙草同芋圓小丸子等嘅配料比例恰到好處，滋潤可口👍 呢款招牌先做法配只有凍同暖兩種選擇。另外我朋友嗌咗嘅桂花配，一樣都係有水準，酒釀香氣配上蛋花，絕對係清甜清新之選！😋另外今次我仲試埋佢哋嘅糖不甩，令人印象深刻嘅軟糯口感搭配十分香口嘅花生椰絲粉~ 以上都係72蚊埋單，十分抵食！😝

👉🏽特色仙草百配叫左凍熱各一碗，個人黎講係比較鍾意凍！因為好似感覺上多啲紅豆同薏米！同埋凍食仙草比較涼啲同滑啲😙😙 一向康瑞既仙草百配都係鎖店之寶！係必食！而次次食都冇令我失望，薏米好多，芋圓好多粒架！！！真係勁足料(⁎⁍̴̛ᴗ⁍̴̛⁎)但美中不足係仙草唔夠多，可以再多啲🤪🤪🤪🤪👉🏽糖不甩啲糖不甩入面有花生/芝麻涵，唔係去到好流心但都有小小流質既感覺😋😋😋而出面除左有糖同花生，仲有椰絲！！！！所以真係好香架😙😙 覺得20蚊黎講真係算係幾值，但2個人食6粒真係唔夠架！！！！真係要人頭6粒先得架！！！