康瑞甜品

Open Now

Now Closed

✨香港數一數二的深水埗必食Encore系列❤️康瑞甜品「特式仙草百配」❣️從小就喜歡💕煙煙un un 的口感😋👉🏻一碗有既配料有「芋圓、地瓜圓、小丸子、珍珠、 西米、 薏米、 紅豆」溝埋忌廉奶🥛👉🏻小丸子食落都有好香糯米味，QQ🤤🤤👉🏻芋圓 地瓜圓，都係食得出芋頭味同蕃薯味的‼️‼️🍠不過咬口不夠，偏軟！👉🏻仙草好軟滑 ，可以一下啜入口😘👉🏻 配搭恰到好處，集我喜愛的於一身！口感豐富，啖啖煙韌❣️不甜不膩💕👉🏻成碗野$25 ，雖然總有可以挑剔的地方，但以一碗有咁多配料來說已好抵食！👉🏻一人KO 一碗無難道🉐🤤去到深水埗兜兜轉轉都係食返佢💖______________________MUST ENCORE 系列💰$25 仍未加價！深水埗-康瑞甜品

每次經過康瑞甜品，門口都是滿滿的人龍，依間舖頭我由她在醫局街時已幫襯，雖然甜品種類唔算多，但我一個月仍是會幫襯數次。其中特式仙草百配是該店最受歡迎之作，老公每次都會叫這款甜品，這款甜品可以是凍食或是熱食，今次老公點選了凍食，當然我也有品嚐。仙草味濃但唔似一般涼粉咁帶有腥味，而且好滑，芋圓、地瓜圓、小丸子等煙韌，糖水亦不是死甜，令人回味無窮。而我就叫了一碗熱的酒釀桂花配，帶有豐富的酒釀糯米味及清新的桂花味配上蛋花、芋圓、地瓜圓、小丸子等，甜度適中，食落非常暖胃。康瑞甜品味道好，而且價錢合理，每次食完都有幸福的感覺。

$25上次食熱嘅 今次試凍嘅 👅其實啲芋圓真係唔覺特別出色 但係近近地所以買嚟食住先 😝仙草呢款反而無薑汁嗰個咁甜 食落清新好多 🤣整體嚟講都係鍾意今次呢個多啲 😚

熱仙草百搭$25好食指數:7.3/10好多人都話呢間係全港數一數二既芋圓甜品店 未夠開店時間已經有條人龍不過場面混亂好多人係隔離排巴士而人龍又唔知邊度係隊頭隊尾不過我今日係買外賣所以都唔急既落左單 等一陣就有得拎速度夠晒快 拎到去西環都仲係微暖今次叫左碗熱既燒仙草 仙草比較有口感 帶少許煙韌 而主角當然係芋圓 芋圖 地瓜圓 小丸子等 體積剛好 芋頭味同蕃薯味唔算好濃 只帶有淡淡既味 但口感好煙韌 除此之外 仲有一啲薏仁 令整體有不同層次既口感

康瑞係唯一一間會翻頭食嘅芋圓店品店，點解？因為芋圓同地瓜圓真係粒粒真材實料。食得出芋頭蕃薯味，仲會見到有蕃薯纖維同埋芋頭嘅顆粒。平時食開凍1號，但想試下新嘢，就試下佢地嘅椰汁西米掂唔掂！原來椰汁西米都唔錯喎，一碗大約有十幾粒芋圓同幾粒嘅小丸子，西米好彈牙粒粒都原原整整。唔會好似有啲舖煮到好爛，而且仲唔彈牙好gel口。椰汁底夠甜，但椰汁味未算好濃郁。丸子類全部都煙煙unun，芋圓就好似開頭講咁樣，又有蕃薯芋頭味，又食到入面嘅顆粒，真材實料，食完好滿足。總括嚟講係唔錯，但我會鍾意食1號多啲，1號多料啲夠抵食，而且豐富啲甜啲口感多啲。

如果鐘意食芋圓，一定要食呢間，我自己都係常客 😎🤤😌 。以前係舊鋪頭得幾個位，其他都係坐係街邊，都好多人幫襯。換咗新鋪後，相對地又大又舒服，就更加受歡迎。即使見到門口好多人等都唔洗擔心，因為通常一半既人係等外賣，就算要等位繁忙時間都係十幾分鐘內就有台，除非係一大班朋友一齊食要等大台。建議1號「特式仙草百搭」，凍。叫左侍應落單之後，基本上3分鐘內就有得食。見到門口有咁多人等緊堂食或者外賣，就知食物水準一定唔使擔心。份量好足，每一份材料(芋圓、地瓜圓、小丸子等）都係煮到適當軟硬度。雖然係揀咗凍嘅特色仙草百搭，但係溫度啱啱好，冬天食都唔會太凍，食完簡直有清涼（再加滋潤）嘅感覺。總括一句，所有野剛剛好 😝😝！ 如果食完飯過嚟，最好係附近行兩個圈先，因為碗糖水份量好足料。萬一真係太飽就可能揀另一款會好啲。

行完街街梗係想食糖水終於都去咗想食好耐嘅康瑞！因為實在太掛住台灣嘅芋圓睇完個餐牌就知道自己真係好三心兩意基本上全部都想食第一次黎嘅我真係犯左一個錯誤以為係要揀小丸子地瓜圓定係芋圓仲猶豫左好耐點知原來係全部都有大家記得啦唔好好似我咁最後三心兩意嘅我揀咗好鍾意食嘅酒釀桂花！好好味呀成件事係勁夾！！小丸子同芋圓嘅份量又好多！真係勁勁勁勁抵食不過最後都係因為飽得滯食唔晒sosad⋯⋯下次有機會一定要試多d！

前排凍到hihi時路過長沙灣見到呢間甜品鋪門口勁多人冒寒排隊等位，今日路過落車買個外賣走，揀咗1號特色仙草百配，芋圓，地瓜圓，小丸子，仙草極足料，隨糖水附送UCC奶油，甜度適中，只不過係$25，唔怪得咁多人排隊。

$25好耐好耐之前康瑞已經好出名 估唔到而家都仲係要排隊 🙈 呢個糖水嘅薑汁係夠薑嘅 但係就甜得濟 而丸子嘅味道我覺得唔夠突出 其實食唔出芋頭同蕃薯味 好彩煙韌程度好高 滿足到我食煙韌野嘅慾望 不過奉勸大家唔好好似我咁食飽飯仲一人要一個 因為食完裏面海量嘅芋圓真係飽到上心口 😂

jus went gym nd tried the famous taiwanese so called, black bubble sugar syrup with barley n mixed beans as its so refreshing n amazing as its not too sweet nd it contains lovely black jelly made from chinese herbs...its v cool in.summer but not suitable for winter! its nice trying..😊

今日凍冰冰，最啱食暖笠笠糖水。好似話中女先中意食中式糖水，作為壯男，我係中意食台式糖水嘅。黎到康瑞，都係點嗰幾味。唔係仙草、芋圓，就紅綠豆沙、椰汁西米露咁。今日唔知做乜，挑起條筋就想食桂花酒釀丸子。點知中左伏。桂花酒釀理所當然係會帶酒釀嘅發酵糯米酸味，但呢隻酸味同蛋花、芋圓、地瓜圓都好唔夾，好似酸酸粟粟，變壞左嘅味。反之，朋友嘅薑汁蛋花芋圓地瓜圓小丸子就無伏。芋圓同地瓜圓都有自身好香嘅芋頭同蕃薯味，食落口感chewy，超有咬口！同薑汁味道好夾之餘，仲好暖胃。In short, 下次唔好再揀桂花酒釀。

每次經過都係成個門口都係人！特別係夜晚，越夜越多人！為左要食佢，要揀咩時間無人？我就揀左下午5點幾6點，食晚飯時間，雖然無人係門口，但鋪頭入面都係9成滿坐架！！大家都推薦佢地嘅No. 1 食品：仙草百配。不場去到當然要食啦！好食！真係好食！唔算好甜，涼粉味道又唔會一大陣中藥味，最令我驚喜嘅係竽圓！老實講，以前去台灣，大家都會話台灣九份嘅竽圓好好食，去左食左半碗就想放棄，大大粒，咩味都無，一舊麵粉咁，我一直響度唸你咪我食果間整得特別差！度瑞嘅竽圓除左有口感，仲有香甜味道，佢果種口應係似竽頭整，唔係斎麵粉，而啲糖水嘅味又入到去入面，每一啖麵好好吃！友人叫左3號桂棗雪耳就好一般。

食完飯有咩做？梗係食甜品次次食康瑞都係食仙草百配，依排咁凍就試個熱既腐竹蓮子配芋圓！好暖胃無得輸呀$20邊度搵 朋友叫左椰汁紅豆芋圓好香椰汁味，紅豆唔會太爛又唔硬，岩岩好

行行下街，同朋友友講起台灣，即時想整返碗芋圓過下口癮。芋圓本身係香港都唔算常見，而有既鋪頭亦都質素平平，性價比亦都唔高。而呢間甜品鋪就係罕有地可以提供高質，性價比高既芋圓！其實之前已經試過一次，今次地方搬左，人亦都多左，要等位先入得，不過食物質素就無因為人多左而有所下降。一大碗芋圓夠足料，啖啖都係丸，並唔似出面d鋪頭，幾十蚊先得個幾粒仔，又細粒。呢間芋圓本身口感夠彈牙，又大粒，完全同台灣當地食到既有得揮，非常推薦大家一戰！

近來慶食芋圓，所以睇到廣告，就把心一橫走到深水區搵呢間前身係涼茶舖嘅甜品店試一下佢推出嘅芋圓甜品。行咗好耐，終於搵到，都算易搵嘅，因為佢喺大街旁邊 ，基本上附近嘅店舖都已經關門，就只有佢呢間有非常光猛嘅門面。外面企咗十幾二十個人，大概當時係九點，所以我同朋友決定買外賣返屋企食。買咗一凍一熱嘅仙草芋圓外賣，外賣有膠盒裝住，可能天氣太凍嘅關係，熱嘅芋圓甜品返到屋企變暖了。另外亦包咗兩盒仔甜奶，係溝咖啡飲嗰種。溝落去，味道適中，啱啱好。材料方面，有涼粉、西米、芋圓、小丸子、珍珠等等，都算幾足料，對得住25蚊呢個價！