Zagin Soba

而間白雞湯拉麵book mark左好耐嫁啦,之前有幾次經過見到都有人排隊所以就無食到,咁岩今日去開果邊做野所以就順手試下。當日6點幾去到咁岩唔洗等位,但當我地食完走既時候出面已經有人排緊隊,建議大家都可以7點前到就唔洗排咁耐。首先個拉面一黎到一定要試下個湯先啦,食落第一個感覺係好濃好濃,但又唔會話濃得濟,感覺係岩岩好,令係feel到係煮左好長時間。跟住一定係試下佢個炸牛旁先啦,而間既炸牛旁好食,炸得好好,如果可以就咁叫一碟我都有興趣。咁到主菜個拉麵,個拉麵係我最鐘意既拉麵粗度唔係太粗既,感覺岩岩好,而且個拉麵好掛個湯,係食到好重雞湯味。總結係有D貴既,但一定係值得,好好食,一定會再食‼️🥰🥰…Read More

👍🏼抵食指數：⭐️⭐️⭐️😋好食程度：⭐️⭐️⭐️⭐️今次嚟試下日本過江龍嘅人氣雞白湯拉麵店，餐廳位處於中環半山，舖頭內裝修以和式為主，有張Bar 枱可以睇住師傅悉心炮製拉麵。當日放工去，就有位師傅滿口h笑容企係門口招客，入到去嘅時候，侍應們都好有禮貌為我安排坐位，服務態度有別於其他拉麵店，真係好似返咗日本咁。Meun 上無咩菜式可以選擇，但嚟到緊係食雞白湯拉麵啦～ #雞白湯拉麵湯底非常濃郁，白白嘅雞湯，上面有一層泡沫，相信雞湯係有發打過，濃濃雞味撲鼻，非常吸引！放係麵上嘅炸牛蒡絲，一開始以為係炸蒜絲嚟，咬落去極脆口，配合埋雞白湯真係一流。麵質軟硬適中，唔係算太硬太軟，啱啱好，而且算爽口，而雞肉唔算好厚身，口感反而就一般，但味道配合雞湯就唔錯。整體上，最精粹係碗雞白湯上，配搭所有嘢，真係上等之作！…Read More

大阪過江龍人氣雞白湯拉麵，位於中環山腰的位置，食物選擇不多，主打雞白湯底的拉麵和沾麵。雞白湯湯底濃郁絲滑不會過鹹，雞湯利用泡沫咖啡打泡法，打出一層層泡沫，豐富口感。麵質感軟硬適中，有彈性。拉麵也附有一塊叉燒和一片雞肉，炸牛蒡香脆而不發苦。經典座銀炸雞小食也不錯，皮脆肉嫩而不會油膩，優秀！-🔘 雞白湯拉麵 | hkd$148🔘 座銀炸雞 | hkd$58-🍽️ 食物 | Food: 4.5/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4.1/5-A foodie documentation of dining experience in restaurants based in Hong Kong 🇭🇰.…Read More

已經回訪左幾次，無論日本定香港食，香港店味道都有跟足日本果邊，環境令人置身日本一樣，侍應態度幾好，坐吧枱望住廚師煮野有種享受感覺雞白湯拉麵巨大塊炸牛蒡好誇張，無論就咁食定浸湯都好食，雖然炸過但佢完全無蔬菜炸完果種油膩感，食晒成舊都無問題雞白湯永遠係心目中香港NO.1，上面有層綿密泡沫，下面嘅雞湯十分濃郁，而且飲完唔會口渴，雞湯勁足料，飲得好舒服，好似食左好多隻雞咁雞肉夠嫩，好易咬開，雞味重麵質口感彈牙，日本拉麵從來唔會令人失望，有小麥香，夠掛汁會繼續回訪…Read More

座銀 Zagin Soba認識我的朋友應該知道，我對拉麵的熱愛已經達到每週必吃一兩碗的程度。難得搵到心水的拉麵店，必定係定期幫襯。座銀就係咁，我就一唔小心變左長期回頭客變成了長期回頭客雞白湯拉麵這裡的大名鼎鼎的雞白湯拉麵超驚喜，特濃的雞白湯底味道濃郁，配上香脆的炸牛蒡，層次感非常豐富。每一口都能感受到濃厚的雞湯香氣，同時師傅也處理得非常好，就算湯頭咁濃郁都唔會有雞的蘇味。搭配著滑順的麵條，真的是讓人欲罷不能，餓起上黎仲可以追加牛蒡雞肉飯，拌入剩下的拉麵湯汁。日式炸雞另外，還點了他們的日式炸雞。用的是來自九州的雞腿肉，經過醃製後炸至外層金黃酥脆，裡面卻保持著嫩滑多汁。搭配上帶酸味的鹽和青蔥，口感更是絕妙，讓人每一口都忍不住再來一塊。…Read More

有日同同事傾開香港邊度有好食嘅拉麵🍜⁡佢就首推呢間位於中環嘅座銀，主打係雞白湯⁡一路聽佢形容飲個湯底就好似索左全雞嘅精華🐣心諗係咪咁堅呀，當晚咁啱經開中環，抱住求真嘅精精去試試佢💩⁡🔻雞白湯沽麵點解唔叫拉麵？🙂‍↔️⁡因為佢哋個沾麵湯底係更加濃郁，整法亦有啲唔同⁡個湯好似整泡沫咖啡咁打到佢起泡，無論係就咁飲或者用麵掛湯都增加左綿滑口感⁡麵上到檯，會見到麵湯分開再加上炸牛蒡+蒜粒⁡第一口點都係飲飲個湯架啦🍜唔飲唔知，一飲驚喜連連⁡成個口腔即刻充斥住雞味，湯入面亦都仲有雞🐣⁡麵底建議揀粗麵，因為咁樣先掛到湯，令每一啖麵都可以沾到湯⭐️評分：4/5⁡🔻溏心蛋食拉麵唔整返隻蛋就係周身唔聚財⁡正常發揮，蛋黃冇過熟⁡⭐️評分：3/5⁡😋食物：4/5🍽️環境：4/5💰性價比：3/5👣回頭率：4/5⁡⭐️整體評分：4/5…Read More

評分：★★★★ 【雞白湯沾麵】：呢個沾麵真係唔錯，湯底好濃郁，雞味十足，唔會太鹹。湯底用咗大量雞骨熬製，味道豐富而且有層次感。麵條彈牙，浸落湯度每一口都好滿足。雞肉好嫩滑，應該係用咗低溫慢煮嘅方法，保持咗肉質嘅鮮嫩。配埋炸牛蒡，口感豐富，炸牛蒡脆口而且帶有淡淡嘅甜味，為整體味道加分不少。每一啖都食到湯底嘅濃郁同麵條嘅彈牙，真係一個享受。  【座銀炸雞】：炸雞外脆內嫩，唔會太油膩。每一啖都食到雞肉嘅鮮味，應該係用咗新鮮雞肉，炸得恰到好處。外皮炸得金黃酥脆，內裡嘅雞肉保持咗鮮嫩多汁。配埋佢哋特製嘅醬汁，酸甜適中，為炸雞增添咗一層獨特嘅風味。每一口都係一種享受，真係令人回味無窮。 【環境】：餐廳環境好舒適，裝修簡約有格調。唯一嘅缺點係冷氣有啲凍，建議帶件外套。座位安排得好寬敞，唔會覺得擠迫。  【總結】：Zagin Soba嘅食物質素不錯，雖然價錢有啲貴，但絕對值得一試。…Read More

呢間日本過江龍拉麵雖然唔近地鐵 位置唔係好方便 但成日都好多人排隊 今次就等我地試下係唔係真係咁好食啦！我地試左雞白湯同海鮮湯底拉麵 佢地有湯麵同沾麵揀 我地一行6人（其中一個係外國人） 所以都試曬 我地一致認為海鮮湯拉麵係最好味 比個個都推嘅雞白湯仲好味 海鮮湯係以雞拉麵湯底作基礎，加入研磨嘅蝦乾同魚乾一齊烹調，所以個湯底有好濃厚嘅海鮮鮮味😋除咗湯底正之外，隔離嘅牛蒡絲炸到好香脆，配埋拉麵食簡直就係perfect！炸雞都好脆好juicy 😋總括而言，嘢食同服務都一流，但價錢偏進取。價錢：海鮮雞拉麵 $148炸雞 $58…Read More

這間拉麵店已經bookmark了好久了 也看到好多人推薦雖然價位相比其他拉麵店較高 但環境 服務 質素真的沒話說主打雞白湯湯底 拉麵選擇也主要圍繞著🐔𓍯 海鮮。雞 拉麵 ($148)這碗的湯底是在雞湯的基礎上 加入蝦干和魚干熬煮的我本身就是很怕煮干拉麵的魚干味道太重但整體蝦味更突出 每條麵條都沾滿了湯汁🥹🫶🏻𓍯 雞。沾麵 ($168)這份沾麵真的是太驚艷了!!!🥹雞白湯上的泡沫和湯底 整體好creamy但湯底不會過鹹或太濃稠 我好喜歡他們的黑椒雞叉燒 好嫩！🫶🏻…Read More

貼錢買難受，廚房佬惡過黑社會。🤮🤮🤮🤮食碗麵都要受你氣，Service 衰過隔離九記 。沾麵湯咸到洗腎，肉又少，劣。唔會主動加水，唔想做咪唔好翻工囉，大聲呼喝客人，完全無禮貌。叫加水又特登大力放個杯落枱，完全係趕客走 咁既服務態度等執笠啦，影衰哂日本人個朵。紋身古惑仔去chock 雲吞麵算啦。Chef shows rude attitude with outrageous services and screaming to customers. Weird taste and saltiest chicken broth ever.The most torture customer experience ever. Welcome to suffer yourselves if you plan to visit here.…Read More

📍中環必食🍜雞白湯拉麵🍜💰: 148😋: ⭐️⭐️⭐️⭐️一入到餐廳店員會好貼心問要熱茶同凍茶🍵雞白湯拉麵湯底起哂泡，非常綿滑，而且好濃郁而配料有雞肉片，雞胸叉燒，青蔥，洋蔥同埋炸牛蒡雞肉片非常嫩滑最有驚喜嘅係炸牛蒡脆脆地好似食緊薯片浸咗雞湯之後甜甜地呢兩個口感好特別😋雞白湯沾麵💰: 168😋: ⭐️⭐️⭐️麵條用上粗麵，可以掛到雞白湯可惜麵條涼涼地，雞白湯嘅溫度又唔夠熱，好快就凍哂🆒…Read More

鍾意食拉麵嘅人🍜聽到座銀個名都一定識我自己就因為喺灣仔返工所以放工成日過中環食一直都好欣賞佢嘅雞白湯🐔無論係拉麵定係沾麵都好好食唔係度度食到，係佢店嘅一大特色覺得沾麵最好食，好香濃，同埋夠晒掛湯之前食過其他店雞沾，完全唔夠味呢度就唔會，見到師傅會控制住啲湯嘅火喉好專業所以我一個月起碼都會食佢兩三次不過近呢一兩次食覺得冇之前咁好食個湯冇以前咁掛同埋個沾麵汁唔係好夠熱唔知關唔關我去多咗日本事？😝進一步加劇咗「有比較有傷害」嘅情況🍜座銀📍中環歌賦街7號地舖#hugogor食在香港🇭🇰…Read More

喺中環諗唔到食咩，好多時都會諗起拉麵，身體就好似隨住muscle memory 咁行咗去座銀嘅方向。之前食過佢哋嘅沾麵，印象唔深，但每次都記得雞白湯拉麵係好好味，所以之後都default 去嗌雞白湯拉麵，今次都唔例外。
今次星期日六點前嚟到，啱啱好唔洗排隊就有位坐喇。
麵一到，一定會飲啖湯先。唔會太鹹，唔會太creamy太膩，但又夠入味，味道恰到好處。慢煮雞胸同豚肉麵都夠軟腍，但我個人就麻麻呢啲慢煮肉，反而炸牛蒡有驚喜。不過唔緊要啦，對我嚟講，個湯先係主角，次次食都忍唔住飲到底。
不過座銀喺拉麵嚟講真係偏貴，一碗拉麵都已經 $148，仲再加一。每次見到張單都會覺得好貴，但都會願意再去幫襯。
好味指數：🌕🌕🌕🌕🌗…Read More

座銀@上環九如坊🌟雞白湯拉麵，拉麵我覺得非常好食，係選用細嘅拉麵，而且湯底非常濃郁，充滿濃厚雞湯嘅味道，係一個奶白色嘅狀態，我覺得非常好食，而且湯底調味都唔會太鹹，適合鍾意食拉麵嘅朋友，我差唔多飲晒成個湯，而且會配炸牛蒡，餐廳喺成個配搭上都非常精緻，非常適合鍾意影相嘅朋友，係價錢有少少貴，不過日本過江龍，我覺得都要支持吓！餐廳嘅店員非常有禮貌，希望可以維持到呢一個水準好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟…Read More

附近有好幾間拉麵店，今次就決定食\ 雞白湯 / 餐牌只有三款拉麵揀：雞白湯、海鮮雞湯、雞沾麵。【雞白湯拉麵】$148拉麵有一片薄叉燒、一塊雞胸肉、炸牛蒡絲、筍乾及其他洋蔥！湯底唔會過分咸，雞味都幾出，好飲！【雞沾麵】$168雞白湯湯底真係好濃郁creamy，另外附上香蔥、洋蔥，成個湯口感都好有咬口！而沾麵就用上粗麵，彈牙之餘又可以掛到個湯～雞肉片好嫩滑，炸牛蒡都好好食！不過最可惜係沾麵湯翻叮關係好快凍哂⋯⋯【座銀炸雞】$58炸雞雖然得3件，但新鮮熱辣出爐真係好juicy!肉質嫩滑多汁！…Read More