BLESSED ALLEY

今晚外賣既選擇係位於Airside L5 Food Muse內嘅幸福巷子，「黯然銷魂飯」真係令人一試難忘。主角叉燒煎得焦香鬆化，肉質嫩滑得嚟毫不乾柴，每一啖都食得出用心。配搭上燶邊煎蛋，蛋香撲鼻，蛋黃味道十足，混合飯食簡直係極致享受。最加分係佢特製嘅豉油汁，鹹香適中，滲透到每粒飯之中，完美地帶出整個叉燒飯嘅精髓。即使講到健康飲食，呢款餐品都唔馬虎，保留咗傳統風味同時又唔會過於油膩，係個非常吸引嘅選擇。整體來講，呢個黯然銷魂飯真係做得出色，味道與賣相兼備，係會想一試再試、翻食再翻食嘅心水之選。相信堂食既話, 配合埋食物既溫度會再有更好既享受…Read More

週末喺啟德Airside幫手擺市集，忙碌嘅Lunch Time終於有機會試吓附近嘅 幸福巷子。呢間餐廳主打港式風味，位於Airside food court 內。今次我點咗叉燒牛舌蔥油飯
呢碟蔥油飯一上枱，香噴噴嘅蔥油味即刻令人胃口大開！叉燒烤得香脆可口，外層微焦帶有炭香，咬落去啖啖肉香，完全唔油膩。牛舌就係另一個驚喜，煮得嫩滑多汁，入口軟嫩得來又有咬口，配上蔥油嘅濃香，味道層次好豐富。飯粒吸收咗蔥油嘅香氣，粒粒分明，女仔嘅飯量黎講份量啱啱好，食完覺得滿足又唔會太脹。不過如果係男仔，特別係食量大嘅，可能會覺得稍為唔夠飽。整體嚟講，呢碟飯真是一個好味嘅港式風味體驗，簡單嘅材料整出唔簡單嘅滋味。…Read More

今日2/1同同事食飯，諗住試下個黯然銷魂飯同板燒雞扒麵，去到收銀員落單時，又無問我地係堂食定係外賣，order 時間係11:55，第一次問大概等餐約有15分鐘，我地再問問員工個餐有未，個員工話你地個個板燒雞扒麵個塊雞扒即叫即煎係要d時間嫁啦！（語氣已經唔好）咁我再比左5分鐘再等…但係等到12:15分時再問（第二次）仲話未有！我地又繼續企係到等！見其他個d number後過我地嘅都已經拎左！第三次我再追，個員工問我地個number係幾多號嘅時候，原來已經整好左，不過係外賣上！最後我地足足等到12:20先有食，唯有即刻坐底食捚先走！做飲食業服務態度真係咁差？客人第二次追嘅時候，個員工係咪應該都要諗下係咪有咩問題發生，去跟進下呢？今時今日嘅服務態度？…Read More

食物有質素但係收銀員工態度非常差，基本禮貌都冇。非繁忙時間同佢打招呼，點完餐講唔該，佢哋基本上都係唔會俾反應，耷低頭，一隻字都唔講，最多指一指個八達通，示意我要俾錢……Read More

離過三次叫外賣三次都愛理不理咁樣低聲呀係落單佢先理 所以之後就唔想幫襯每次落單嗰位化咗妝嘅女士就好似係一個苦差咁樣 好似唉唔好煩住我啦咁樣 客觀而論啲嘢真係幾好食嘅 點解要咁樣差嘅服務態度呢爭少少咋嘛做好啲佢囉…Read More