平發潮洲館

Open Now

Now Closed

早兩個星期肥雞去咗長沙灣嘅潮州打冷館食晚 叫做平發潮州打冷館 今次除咗係喺舖頭買餸食飯之外 仲喺出面買海鮮加料 首先買咗個蒜蓉雜菜粉絲煲 一邊有菜心芥蘭 粉絲索曬啲湯汁入味 入面仲有唔同嘅海鮮例如八爪魚蝦米 蜆等 幾重海鮮味 買咗個椒鹽排骨 呢個排骨係即炸嘅 啖啖肉 香口 肥雞嗌咗個小炒王 但係佢啲菜竟然唔係用九菜 而係用大蔥嘅莖 冇咗韭菜嗰隻香味 肥雞真係好失望 之後到我哋買料加餸嘅環節我哋買咗條龍躉攞嚟蒜蓉 清蒸肉呢就一定新鮮㗎啦 今次佢都冇正到過咗火猴 所以都幾滑 買咗幾斤蝦一啲攞嚟清蒸 一啲就攞嚟豉油王炒 用豉油王炒嗰啲好香口唔會特別太濃味 令肥雞食完一隻又一隻 相對清蒸嗰啲呢就要點豉油食佢嘅本身肉嘅鮮味 肥雞再嗌咗個韭菜豬紅反而呢一個就比較失色啦 豬紅冇咩味 再嗌咗個 方魚粥 味道有啲似淡味的鹹魚 加埋芫茜蔥 成個湯底都好香

食完個西班牙菜開胃之後，我哋黎到平發食潮州菜！雖然話已經食左少少野，但係我地都依然叫到一枱都係野食呀！食潮州野當然唔少得食滷水，我哋叫左個雙拼，生腸拼墨魚。生腸好爽脆呀，點埋個醋，又幾好味喎，更加醒胃。墨魚都唔錯，唔會好韌，滷得啱啱好！豆卜大豆芽菜都好食呀，d芽菜吸晒d汁，唔會好草青味，豆卜就唔洗講啦，吸晒d精華，正！至於湯呢，就唔少得胡椒豬肚湯！個湯好香咸菜味，再配有胡椒，豬肚同豬腸亦洗得好乾淨，完全無豬臭味，好好飲呀！朋友大力推介蠔仔湯米粉，真係無介紹錯。份量大唔在講，米粉面頭舖滿晒肥美嘅蠔仔，淨係個賣相都已經相當吸引。蠔仔的確新鮮，而且無沙，配埋個湯同米粉，令人食唔停口呀！最後又點少得蠔仔煎餅，我哋叫左一個大嘅，有成四塊咁多！蠔仔又多又肥美，有少少五香粉，唔點魚露都已經好好食。點少少加少少咸味，又係唔錯嘅。依度份量整體都算大嘅，好啱一大班朋友嚟食，我哋都食得非常盡興！

呢間新開無耐嘅打冷舖，今晚就比個機會試下佢眾所周知，打冷其實一啲都唔平，不過自己又鍾意食，見佢新開張，同朋友一於嚟幫襯下。滷水鵝片，是我打冷必點餸菜之一，108元，份量不多，而且片得比較薄身，無啖啖肉食得過癮的感覺⋯⋯有點可惜！滷水三拼（生腸、大腸、墨魚），牙菜墊底太多，慶幸生腸爽、大腸香、墨點彈，好快就俾我哋K.O.晒！再嚟一個小的炸蠔餅，呢個真係得，蠔嘅份量同大細都恰到好處，呢個份量都唔少，兩個人食啱啱好。叫多個椒𢇁腐乳通菜，送飯送粥一流。呢個豬紅係佢哋送俾我哋兩個食，可能係新張關係，真係物輕情義重，都幾開心嘅。兩個人食咁多野，埋單大約300零蚊左右，都OK呀，大家可以參考一下！

拍低架車，見到呢一間食潮州打冷，又咁啱呀仔話想食，諗住試吓啦，真意想不到的驚喜⋯⋯食物好好吃，每一樣都很美味，食完唔會口渴，服務細心，員工很有禮貌，冇諗過長沙灣區會有咁嘅服務，唯一冷氣不夠勁，我們食完都一身大汗😂😂，但都真心值得推介