King Ludwig Beerhall (Murray House) (Closed)

閒日想休閒揾間清靜地方午餐，赤柱這間相當好食燒豬手二人套餐真係好味，即叫即整熱辣辣豬手，肉軟的味道啱啱好，有酸菜薯條，套餐有餐飲和甜品😆仲有任食自助沙律Bar 同餐湯價錢唔貴，平日有coupons 平成一佰蚊，環境又舒服有海景，平日離又靜，職員都有禮貌服務，邊食還有小雀仔有時飛離企住陪你食餐…Read More

週日前往赤柱散散心，恰巧遇上好天氣和美食，心情更靚Book咗位食Tea Buffet $248 per one未連加一，呢個位置嚟講真心好抵，建議坐outdoor望海景，有去咗Miami嘅感覺☺️當日on top加咗每人$30 free flow drink (包汽水、果汁、茶、咖啡)整體食物質素幾好，特別推介餐廳signature嘅脆豬手、前菜嘅泰式撈粉絲、忌廉汁青口、慢煮三文魚。雖然種類唔多，但overall係幾出色，甜品都唔伏👍🏻食完仲見到兩隻麻雀BB 喺度搵嘢食，好得意🤣🤣…Read More

餐廳地處赤柱美麗樓，室內裝修充滿德國巴伐利亞風情，感覺身處德國，可令人暫時忘卻正身處香港。如果天氣宜人，可選擇坐室外，欣賞赤柱無敵海景。菜品為正宗德國菜品，推薦鹹豬手、麵團及香腸拼盤。鹹豬手烤得時間恰到好處，粗壯的豬手要三百六十度受熱均勻。金黃色的外皮卜卜脆，趁熱從四面八方一口咬下去，咬破脆皮後緊接着就接觸到軟爛的脂肪，跟着遇到口齒的是扎實幼滑、肉汁豐盈的瘦肉，層次融合，鹹香惹味。墊底的酸菜酸爽可口，配合鹹豬手口感相當平衡，掃清豬手油膩之感。上菜時店員會先講烤好的鹹豬手整支端上讓食客欣賞，然後端到一旁分割成小塊，視覺與味覺雙豐收。特別注意的是，餐廳為德國菜式，食材基本以豬肉為主，若完全不食豬肉，請小心選擇。…Read More

德國菜餐廳🍖🍖🍖是日到訪了一間位於赤柱嘅德國菜餐廳餐廳內充滿德國式氛圍用膳地方分別有室內和室外室外可以飽覽碼頭景色Set Dinner $255：頭盤～三文魚蟹肉鐽及雜菜沙律餐湯～磨菇湯主菜～德式酥炸雞伴紅莓汁及炸薯條Pasta $165：意大利粉配煙肉片，豬牛肉丸，蕃茄醬汁Dessert $80：傳統德國黑森林蛋糕今次雖然沒有選擇德國咸豬手，因為每次食德國菜都必食，哈哈，但整體食物質素ok，座位寛敞，環境舒適，服務員有禮友善，品嚐美食，欣賞優美海景，伴隨微微海風，相當寫意😚…Read More

今次試試位於赤柱美利樓2/F King Ludwig Beerhall德國餐廳🍽我們隨意點了👇1.鮮牛油果配豬肝血腸沙律伴脆炸魚柳 ~ 牛油果和沙律好新鮮，豬肝血腸是第一次食，口感好淡，炸魚柳熱辣辣香脆可口。2.焗蟹肉釀薯皮~ 蟹肉配薯蓉好夾好香再配上咖哩汁無得彈😋3.美式香辣焗海鮮飯 ~ 有三文魚🐟中蝦🦐魷魚🦑超級勁辣🌶🌶🌶🥵喜歡勁辣的朋友不妨一試。…Read More

-🚩 帝樂 - 德國餐廳 (赤柱)赤柱美利樓2樓202號舖—————————————————————🤍餐廳推薦度：🤍🤍🤍🤍🤍（5/5）❇️每人平均消費：$150 (lunch）⭐️打卡指數：🦖🦖🦖🦖（4/5）🤡服務：🦖🦖 🦖🦖（4/5）🍭味道：🦖🦖🦖🦖🦖（5/5）鍾意食德國豬手嘅你，一定唔可以錯過呢間老字號德國餐廳🍴雖然呢間餐廳有幾間分店，但我每次都會嚟赤柱呢間，順便食埋個海景🤭聖誕節諗住同男朋友計劃去赤柱行吓，點知上網又俾我哋見到有聖誕buffet優惠，兩位+1夾埋都係$600，仲要係任食食到你飽到_🤣雖然新年都過埋，但係我覺得點都要介紹啲間餐廳俾大家識🤍✏️德國豬手咁多年的鎮店之寶，再配上一絲絲嘅鹹酸菜，同埋餐廳嘅黃芥辣，包你食過都會黎幫襯第二次，同埋豬手既皮非常之脆，啖啖肉，性價比非常之高✔️除咗德國豬手之外，當日buffet仲有好多唔同嘅小食，仲有沙律吧，大量甜品，不過德國腸同豬手已經搶晒foul，試唔到咁多🤭我地仲咁岩有機會同聖誕老人影相添🦖餐廳久唔久都會有buffet優惠，大家可以密切留意下順便去享受下海邊食傳統德國餐🇩🇪🦖以上食評只代表本人意見🐷…Read More

環境氣氛一流，食物質素唔錯，好適合慶祝生日、紀念日。坐出面可以望下海景，但當日食飯好凍同大風，雖然佢出面有暖爐，但最後都簡左坐入面。倒數當日晚上去食，佈置都幾有氣氛，打卡一流，佢仲每張枱有啲頭飾俾客人，仲有SPECIAL MENU，但唔岩食冇叫到。🔥脆皮燒豬肘配酸椰菜及脆炸薯仔 $250★★★★☆呢個菜式係呢間餐廳嘅必點皇牌，真係幾乎每張枱都會叫一隻。豬手好大隻，佢會幫手切埋，所以如果想影相記得同佢講聲。個豬手個皮做到好香脆又薄，食落好似薯片咁。Ｄ肉除左多之外都夠哂咸味，豐富膠質之餘，完全做到外皮酥脆內嫩多汁！但食完2大件真係會濟濟地同有啲膩，大家可以配佢個德國風味嘅酸椰菜一齊食，酸酸地得黎又開胃。超愛食佢個脆炸薯仔，好香脆又濃薯仔味，比起食薯條更爽！呢個菜式如果3-4人分享會好啲，如果唔係必定食唔哂要打包帶走，但都好值得一試！🔥法式油鴨腿配鳳梨、薯仔餅及蘋果醬 $175★★★☆☆油封喺法國古老嘅食物保存方法之一，將肉類先經過鹽醃，再封存係油入面。經過封存嘅肉可以保存耐啲時間，肉質都會較酥軟，味道香濃啲。呢道法式油鴨腿嘅肉質唔係特別滑嫩，唔係超重鴨油香，好似冇再煎番香佢。味道較為清淡少少，唔算特別惹味，要配埋蘋果醬一齊食。但我比較欣賞薯仔餅，煎到好香帶微脆，啱哂鍾意食香口野嘅我。🔥小食拼盤 $190★★★★☆有雞翼、德國腸仔、薯條、炸豆呢幾款炸物。即叫即炸，上枱仲係好熱辣辣。2-3條德國腸仔唔會太咸食落岩岩好，薯條粗身但唔算好重薯仔味，我比較鍾意連薯仔皮個啲多。4隻雞翼炸到好酥脆，炸皮好薄身亦有調味，入面雞肉仲係好鮮嫩多汁，食落個雞翼入味之餘仲好惹味，超級好食。佢仲有幾粒肉丸，望落都似IKEA瑞典肉丸，食落都有啲似，似係豬肉混牛肉呢個肉丸，咬落都幾JUICY，大家仲可以點埋佢配埋嘅芥末類似芝士醬汁，正！🔥香濃薯仔配雞肉湯(1人份) $75 ★★☆☆☆飲落第一啖係普通係白汁雞肉湯，比我想像中冇咁濃郁，本來以為會好重薯仔味，但白汁個味完全蓋哂，有雞肉、薯仔等配料，算足料。但$75一人份黎講呢個價錢會對佢期望更出色嘅表現。🔥Pina Colada $88 ★★★★☆叫左佢士多啤梨嘅Pina Colada，飲落唔重酒精味好易入口，更似一杯SMOOTHIE。飲落有好FRESH士多啤梨味同淡淡椰子香，加左冰一齊打，入口好細滑，帶少少打碎左嘅士多啤梨果肉，好正。🔥Sea of Star $78★★★☆青蘋果糖漿、菠蘿汁、汽水溝成，正常有汽果味嘅飲品，唔算太特別，但飲落都係解渴，唔係太甜，同埋有啲乳酸爆珠。🌟總括：份量偏多，幾適合一家大細去完赤柱行下，之後食，中午時間食仲可以坐出面望住個海寫意又舒服。食物質素中上，都唔錯，未食過可以一試。價錢上都合理，因為份量偏大份。…Read More

十分之難得喺平日和三個朋友一齊放假，所以我哋入咗去赤柱飲嘢，當時係happy hour，所有飲品都係買一送一，每杯飲品為返大概$30至$40左右，朋友形容仲平過Starbucks。最正就係望住個無敵大海景，餐廳亦都冇其他客人，我哋可以瘋狂影相，同埋感覺上自己在包場。其實有時可以搵個地方，坐低同朋友傾吓計，望住大自然療癒的感覺，已經十分之寫意。最開心就係平日一齊放假，完全唔使同其他人迫，又唔使排隊。而家諗起都覺得好放假㗎。…Read More

從海洋公園站開始，經南港島環島步道步行至赤柱美利樓，沿途風景優美，到達美利樓後，不能不上這一間餐廳的自助餐。這間餐廳自助餐假日成人每位268 ， 另加一，但又前菜、湯、主菜至甜品，全都非常美味，值得推介！…Read More

美利樓是位於赤柱的歷史建築物，影相當然好靚。今次揀左最出名的King Ludwig，裝修非常有德國風，一路望住海景一路食勁舒服，仲可以打卡!自助餐是逢星期六日限定！2:30pm開始，每位$2XX+10%，另外可以加$30任飲果汁/汽水。自助餐的食物種類繁多，應有盡有。主要緊係食德國鹹豬手啦。雖然自問食量唔大，但就咁計個單點菜式，就住就住咁食隻德國鹹豬手都要2百幾，加點多個小食同意粉，價錢其實已經要同食自助餐差唔多，咁就緊食揀食自助餐!!! 推介食物："最愛"德國鹹豬手 (皮脆肉嫩、鹹度適中) (已經食左人成隻豬手)、青口、凍蝦熱食：有德國鹹豬手、德國洋腸、炸天婦蘿 (冬菇、秋葵等等)、寬條麵丶雞翼丶三文魚、白汁青口沙律吧：有6-8款選擇，簡簡單單，已skip。餐湯今日係薯仔湯甜品：都好十多款蛋糕仔、生果、同埋雪糕…Read More

食物有水準🥩，侍應服務態度非常好，熱心有禮！餐廳環境一流，坐擁無敵大海景，可以chill足一個下午，打咭之選！仲有6小時免費泊車，有充足時間漫遊赤柱市集！👍🏻一定會再次光顧😋…Read More

📍King Ludwig Beerhall #KingLudwigBeerhall#MFJ赤柱 #MFJ西餐 #MFJ德國菜人均消費: HKD350每次去美利樓都會去一樓食西班牙菜，今日心血來潮去左二樓食德國菜 @kingludwigbeerhall ！咦！有驚喜喎！餐牌選擇好多，真係花多眼亂😵⭐️ 德國麵包圈配牛仔肝醬 $35食德國菜點都要食返個Bretzel 🥨 我本身對Bretzel冇乜興趣，不過佢熱辣辣，再加牛仔肝醬真係好香好正😋💯 匈牙利牛肉濃湯 $210Beef Goulash! 我好鍾意Goulash 夠厚夠濃味，而且有啲菜粒唔會太寡！佢哋呢個夠晒濃味，有好少好少嘅辛辣香，正！⭐️德國風乾肉拼盤配德國麵包圈 $225拼盤有Black Forest Ham 同Pork belly，有啲沙律菜同 Bretzel，仲有Bavaria Blue Cheese 德國藍芝士 同 Camembert 金文拔芝士！Black Forrest Ham我幾鍾意，芝士的話我prefer Camembert ，貪佢軟身無咁濃！Pork belly 同Bavaria Blue Cheese 我就麻麻🤣💯德式薯仔沙律配瑞士蔥 $60唔係講笑，真係好好味！ 😲 佢係好細粒嘅薯仔，但係佢好滑好香，越食越想食，又唔會飽㗎喎！⭐️ 海鮮小食拼盤 $210海鮮拼盤有炸魚柳，中蝦，青口，魷魚圈，炸薯條，我鍾意個中蝦同魷魚圈，夠熱又有口感，點埋他他醬簡直一流！大人細路都啱食⭐️ 卡邦尼意大利粉配半熱蛋釀大菇及煙肉 $175成日都話西餐食卡邦尼好難難食，咁佢又真係幾好好味嘅😂 個汁啱啱好，唔會太多或太少，除咗煙肉粒，佢仲有兩大條煙肉！比較特別嘅係去過半熟蛋釀大菇，隻大菇都好好味！⭐️ 德式香腸拼盤 $280香腸有紐倫堡豬肉腸，牛仔腸，豬肉脆皮腸等等，再配酸椰菜同脆炸薯仔！香腸就正常啦，不過佢個酸椰菜超好味，唔會好似好多德國菜咁好勁酸，反而越食越開胃！⭐️ 脆皮燒豬肘配酸椰菜及脆炸薯仔 $250又點少得德國豬手呀！個豬皮脆卜卜又有口感，但又唔會太硬！豬肉食落有少少風乾嘅感覺，微微帶喊，雖然已經好飽，但點都要食返一兩舊！佢個炸薯仔又同其他唔一樣，有啲似麥當勞過年嗰種炸薯角，好味💯 烤紐西蘭羊架配焗菠菜忌廉薯 $240呢個真心驚喜！估唔到食德國菜可以食到咁好味嘅樣架！見到個粉紅色嫩肉已經流晒口水！啲肉嫩到不得了，微微帶羶，超正！連佢下便面啲焗菠菜都勁好味！OMG⭐️火焰雪山配杏仁芭菲及鮮果 $125象徵式都食個甜品啦！揀咗個火焰雪山，大家見到點火多幾過癮 😂 啱晒鍾意食甜嘢嘅人！今次真係好驚喜，估唔到佢哋做得咁出色！餐廳環境又有氣氛又舒服，仲有無敵大海景，$350一個人真係好抵食 ✅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #westernfood #westerncuisine #germanfood #germancuisine #相機食先 #赤柱美食 #西餐 #德國菜 …Read More

10月係我最愛嘅月份，因為所有最美好的事都發生響十月，包括本人生日月、大閘蟹之季、萬聖節...同埋瘋狂嘅啤酒節呀！趁好天氣，當然要去chill一下，才不枉夏天的美好～首選當然是chill到不行嘅赤柱，明媚陽光下，微微海風吹送，我地坐響美利樓King Ludwig 帝樂德國餐廳對海位置，歎歎德國特色美食，飲杯啤酒，也太爽了吧？！最驚喜係，今次#Oktoberfest #德國啤酒節 絕對啱親子遊，因為只要有一張「啤酒節通行證」，就可Enjoy啤酒節主題自助餐、即燒即食嘅德國小食攤位，仲有小朋友想興奮嘅嘉年華攤位遊戲添呀～#德國啤酒節自助餐著名嘅德國餐廳King Ludwig，座落歷史古蹟響美利樓入面，原來已經20年，呢度嘅裝修由德國同歐洲購入，全部都好有格調，我地就揀咗望海室外位置，吹住海風咁食野，真係chill到不行～～自助餐除咗一系列冷盤、熱葷外，仲有甜品同dryers雪糕任食！不過重點係自助餐包美食攤位2款期間限定小食，同埋玩4款遊戲 100%地道風味 + 200%節日氣氛！♡呢個自助餐勁抵食，1130至230果轉要$348一位，我地揀咗230至430呢轉呢，只係298咋，抵食~3-11歲小童只係加$100，帶一個林小就回本了！#德國麵包圈配傳統芝士醬 $45 （期間限定小食～）鹹鹹麵包圈送酒一流！外脆內軟帶點煙韌，而且又香口，我係十分喜歡食♡蘸傳統芝士醬同吃，就更加香口又清新啦。#德國風乾火腿芝士筒 $70 （期間限定小食～）最iGable名物♡大大個餅乾筒裡面沙律有菜、德國風乾火腿、鵝肝醬、芝士，仲有我最愛酸青瓜添，串住食真係好爽啊～！！#烤熱熔瑞士芝士配薯仔酸青瓜及德國腸 $120 （期間限定小食～）即場即熔芝士，香到不行，見到都流曬口水♡仲要配上酸青瓜及德國腸，口感更有層次♡香中加點酸仲可以無咁漏！食多啲都無問題啦～#傳統德式薯餅配手撕豬肋肉及蘋果蓉 $60 （期間限定小食～）又圓又厚嘅香脆薯餅，小朋友好啱食！伴碟有香口清新嘅清甜蘋果蓉配手撕豬肋肉，勁match勁夾啊～#啤酒節通行證今年亦會於網上餐飲平台「OpenRice」增設了網上購證服務，包含 10 杯 (0.5L) 世界頂尖品牌的啤酒，共有 5 款口味選擇，$540就買到，方便快捷！另外，只要儲起今次活動所購買的全數「啤酒節通行證」，憑最多通行證即可參加通行證鬥多大賽。儲起得越多，越有機會拎獎品！只要於10月28日前拍下所有「啤酒節通行證」上載並填寫參與表格即可參與。參加者可留意 King Ludwig Beerhall 社交平台 專頁更新之排名。#啤酒皇舉杯耐力賽啤酒節期間 (9 月 16 日至 10 月 29 日)，餐廳每晚安排有獎攤位遊戲及「舉啤酒耐力賽」， 舉起啤酒最長時間者均可贏得「啤酒通行證」一本(價值港幣$520)。各分店的紀錄保持者 (共 3 位) 將晉身 10 月 29 日的 BEER KING 啤酒耐力皇終極賽！ 今年「啤酒耐力皇」一名可贏得由神秘奬品一份及景樂集團 Royal Card 會籍 1 年！亞軍一名可獲得全年指定啤酒日日免費飲及景樂集團 Royal Card 會籍 1 年，其餘兩名總決賽參加者亦可獲得景樂集團 Royal Card 會籍 1 年～!…Read More

嚟到赤柱一定要去美利樓，呢座歷史建築物影相好靚好有feel 㗎，我哋揀咗帝樂德國餐廳King Ludwig Beerhall食嘢，餐廳係度坐落左20年啦！裝修由德國同歐洲購入，非常有氣氛～打卡一流！10月有「德國啤酒節」自助餐，係逢星期六日限定！#三歲以下免費🤩小童都係$100咋‼️抵食呀！🍻有好好食嘅德國即燒即食小食🤤鍾意啤酒🍻嘅嘆一口勁爽！仲有多款甜品、Dreyer’s雪糕、沙律、熱食等⋯一路望住海景一路食勁舒服呢✨餐廳仲有迷你攤位遊戲玩～同小朋友一齊贏獎品🎁有得玩有得食呀🤩🤤德國即燒小食🤤供應期去到10月29號（逢星期六日）！千祈唔好錯過👉🏻👉🏻 超推介好好食‼️⭐️傳統德式薯餅配手撕豬肋肉及蘋果蓉⭐️薯餅好有口感好香脆，粒粒薯仔粒！配埋豬肋肉鹹香好夾😋⭐️德國風乾火腿芝士筒⭐️外型打卡一流！配上鵝肝醬同芝士，好濃郁！⭐️烤熱熔瑞士芝士配薯仔酸青瓜及德國腸⭐喺門口已經聞到浸芝士濃香味🤤超級好食！⭐️特色麵包焗原隻火腿肩配秋葵芥末醬⭐️估唔到個醬汁同火腿肩好夾～⭐️德國麵包圈配傳統芝士醬⭐️麵包有咬口，送啤酒一流！…Read More

9月份的閨蜜日，除了享受美食外，還想欣賞維多利亞時期色彩的建築物-美利樓，大樓原址位於香港島中環花園道與金鐘道交界，建成時任軍械局長的美利爵士命名。於1982年拆卸時，政府已預先將美利樓3,000多件的花崗岩，編上了號碼，在1998年於赤柱，重建遷往赤柱海傍。我選訂了位於赤柱美利樓2樓的帝樂德國餐廳，想一嚐德國風情的「德國鹹豬手」，在兩個多星期前訂位，侍應告訴我，假期有提供自助餐，每位＄288（未加一），由中午11:30-2:30，任食3小時，不包飲品丶啤酒。但如自問食量不大，全枱可考慮散點，用餐時間兩小時，因為想試不同種類的食物，所以選擇了自助餐，以及在室內，有冷氣的地方用餐（怕熱丶落雨和有蚊）我相約閨蜜們在香港站，搭6X巴士，直達赤柱廣場下車，通過廣場的扶手樓梯，行過對面，就是美利樓，即使天氣炎熱，也不怕曬黑！我們在指定時間，前5分鐘便到達餐廳，侍應生很快速地安排入座，引領到室內卡位位置，姊妹們分頭行事，到自助餐區取食物，我慢慢欣賞餐廳特高的樓底和別緻的裝飾，（藍白色的彩旗丶水晶燈丶牆上的盾牌丶啤酒掛飾），餐廳正播放節奏輕快的音樂，跟眼前的侍應生穿着劃一藍白 / 紅白格仔恤衫，配上短身工人褲，穿梭於人群中，幻想自己身處德國！姊妹們陸續回來，我也走到自助餐區，尋找自己喜歡的美食，竟發現餐廳的不同位置，也有兩級樓梯，所以大家在搵食之餘，一定要安全至上！小心梯級自助餐的食物種類繁多，應有盡有，不能盡錄，但憑記憶，有：甘荀忌廉湯、炸咖喱角丶炸天婦蘿 （秋葵， 冬菇， 南瓜）丶三丶四款冷盤沙律丶寬條麵意粉丶雞翼丶蘿蔔絲丶三文魚， 咸火腿丶十多款各類甜品丶兩款雪糕推介食物薯餅（不油膩）丶德國鹹豬手（皮脆似食薯片丶豬肉肉嫩丶鹹度適中）、炸雞粒（肉質鮮嫩多汁）丶翡翠螺（鮮甜彈牙）、焗藍青口（有鮮味）丶凍蝦（新鮮丶爽口）原先每人＄288（未加一），推廣員見我們一枱4人，建議先付＄1030入會做會員（會籍一年），可即時享用及扣減＄400美食券丶全單85折，兼四人同行一人免費，由於我們也預計會在1年內，去齊兩間（四人同行一人免費）餐廳食午餐，才有著數，所以便選擇入會最後，埋單＄1480，每人較原先多付＄54，付款後，推廣員告知我們如何使用電子會員卡內的其他優惠券，並提醒1年內，光顧集團其下20間餐廳，均可獲85折優惠。原來餐廳在2:30後，還推出另一時段自助餐，由於該時段的客人不多，我們埋單後，把握機會，在餐廳不同位置打卡，亦走出室外長廊拍照，當天天氣雖然有點熱，但陽光不算太猛烈，仍有微微的海風，感覺很舒適！…Read More