川味閣

Open Now

Now Closed

今日下晝行過，入去食。無掃 安心出行，而係留下聯絡資料。入口有探熱、消毒抹手液。枱頭有隔板，醬料：醋、辣椒油，糖、牙籤。筷子可選擇即棄或環保的膠筷。有得揀當然會比較放心。落單等5~分鐘倒，就有得食。份量好多，大碗抵食。點左2餸。牛脷、腩肉，各$6。配米線，小辣。仲有好多小食揀，之前食過皮蛋、口水雞、青瓜都唔錯。腩肉係偏瘦既個種，有少少硬，牛脷好食。個酸辣湯底裡邊既料，肉碎、芽菜、酸菜都好味。$39一碗，好夠飽。之前試過...炸醬、肥牛、豬頸肉、牛肚、豬大腸、鴨胸都好食架！餸既選擇係比其他米線店多！每樣餸都有5舊左右，係足料既。一碗食完就好飽。米線係偏爽口、硬既口感，夾起唔會斷。都滑口。係會間中食既元朗米線。價錢相宜，CP值高，好多學生放飯會食，經過成日都見到滿座。

食物好味 平時得閒都會自己嚟。但今日8點幾同男朋友嚟，嗌好曬所有野。上齊枱，自己唔小心倒左杯凍檸茶係枱，又多口問左個職員 ‘可唔可以補個杯’，佢答要問吓（咁個心諗住 有就有 無咪加錢要多杯）。然後佢就問我‘正常定少甜’。我見你問得我就會無所謂咁補比我啦。結果，個樓面就行入廚房話‘咁大個人都倒瀉 咁補法我咪蝕錢’，其實出面咁少客 你地又咁大聲講 多謝曬喎。唔想咪出聲囉 自問自己做飲食業 都唔想撞到啲橫不講理嘅客。我同男朋友都講左唔好意思。講完都無胃口食 自己又唔鋸條氣，出去比錢 同個收錢講 岩岩倒瀉左杯野 你加返落去，走人。雖然多一張枱嘅客唔賺得幾多，但以後都唔會再嚟 幾好食都無用

👆（麻辣湯）紅薯寬粉 $26（推薦指數：★★★★★）叫得咩川咩閣咩雲☁️都係以食紅薯粉+米線🍜為主啦。這裡的紅薯粉有粗幼之分，我個人喜好來說比較喜歡吃寬的，因為更有口感而且有吃都吃不完的感覺😆這次我沒有點任何的配料，因為下午茶嘛就補補胃而已，紅薯粉裡面有很多種配料，有大量酸菜、豆芽菜，豬肉碎等，豬肉碎的味道最為突出，很濃！基本來說，價格便宜是無庸置疑，味道也是不錯的，麻辣做得很夠勁，適合非常喜歡吃辣的朋友。但是不足之處就是店員態度惡劣，要理不理的，點餐也絲絲然，看到當沒看到的！👎

紅薯粉絕對係窮人恩物，呢間位卡元朗既紅薯粉說係我食過份量最多價錢最平既紅薯粉。位置都幾好搵，就係大坑渠馬會附近。野食方面，淨係紅薯粉都有幾款選擇，咁我今次就揀左最常見既紅薯粉條🤗✨酸辣炸醬紅薯粉條，小麻辣，配蘿蔔、豬頸肉，$37✨酸辣炸醬紅薯粉，酸小辣，配豆卜、小麻辣腩肉，$37✨豆漿$5酸小辣竟然被小麻辣更辣！配料份量都合理，唔會太多太少，味道亦不錯，豆卜同蘿蔔索完辣汁更加香口。最正係炸醬，令到成碗粉更有咬口同更香！ 紅薯粉份量十分驚人，食極都食唔曬，係平時tam仔既兩三倍，但比較軟身，無咁好口感。

川味閣喺新界有三間分店， 做薯粉嚟講佢都算係比較做得出色， 湯底味道比較濃味， 但又不會太過油膩， 腩肉做得比較鞋， 小食方面就普普通通， 豬耳做得 比較淋， 吃豬耳是應該爽口的， 有待改進！

如果你問我，元朗薯粉有咩好介紹？我一定會話俾你知，去川味閣啦！選擇多，價錢抵，又好味，真係無得輸架！由中學食到宜家，味道都無變，一樣禁正！＄26 撈幼薯粉除左湯薯粉，佢仲有撈薯粉！薯粉分幼／中／粗，如果唔鍾意薯粉，可以揀米線／拉麵／河粉，淨係麵底都有超過10個選擇！餸方面，個人鍾意豬頸肉，腩肉，魷魚，只係加＄5-6！重點係佢超級大碗，女仔甚至可以兩個人share! ＄38 口水雞 （小）呢個份量絕對係關絕全港，＄38 有超過十件啖啖肉既口水雞，味道岩岩好，唔會太辣，口水味好香！佢仲好貼心，有個碗仔比你放骨架！雖然元朗食店越開越多， 但有d舖頭係無論選擇幾多，都一定會翻去，唔單止係食個份味道，更重要係個份回憶！

出面大部分食酸辣粉面既鋪頭啲薯粉都係幼身既。而呢間川味閣就有厚身少少既寬薯粉。個人比較中意寬薯粉多啲，更煙韌同有咬口。配餸質素都幾好，腩肉係多肉少肥，食多幾舊都唔怕，蘿白清甜無渣。間唔中來食下都幾好👅

位置：3 / 5餐廳位於元朗大馬路近元朗廣場西站元朗站是但坐部輕鐵都到輕鐵係豐年路站落往商會中學方向到燈位轉左 直行去到大渠前就見到環境：4.5 / 5中午去到 無咩人堂食但好多人叫外賣空間好闊 好多枱味道：4 / 5今次叫左湯河,口水雞,豆漿個湯河份量係勁多 又多料 而個酸菜真係好好食 可以叫比多小小加左份雞翼 正正常常啦 叫左個例牌口水雞 雞肉好滑 最好味係雞下面既芽菜吸唒所有汁同雞既精華豆漿唔似出面咁甜 唔知係味自家制價錢：4.5 / 5價錢真係好平 而且學生重有得平 相對大集團果批 呢間既市營率都唔低

川味我細細個就已經成日食架啦，細個唔食辣，只係中意食佢既酸菜加炸醬。好懷念 哈哈而家大左開始食辣就叫個中辣，唔算好辣，係可接受程度。我覺得酸味辣味都夠，而且大大碗，夠平又夠飽！

初七下午無無聊漫遊教育路，本來食君悅海南雞米缐，點知未開仍然休息。過對面一哥點心，又鬼死咁多人，門口有人球...再返對面馬路，一直未有機會試川味閣，有位，正，正入。餐牌簡單唔復雜，唔洗點餐都好似考試咁。見到有熱拌米缐中辣，加豬皮加豬腸。豬皮好多件，無毛豬腸夠入味果日天氣凍，我問可唔可以要碗湯，服務員友善地話可以埋單$37第一次食米線食得咁滿意

喺元朗揸車都好難搵位食飯，有一日想祭五臟廟嘅時候行過教育路路邊見到有吉位就即刻停埋一邊，諗住是是但但搵一間餐廳食，川味閣門口嘅餐牌就吸引咗我嘅視線，我叫咗個腩肉腐皮撈米線，佢撈嘅汁同其他嘅川味系米線店唔同，佢呢個係帶少少辣味，同埋重香料味。以佢嘅米線都煮得啱啱好唔會太硬，再加埋店內提供嘅醋，撈埋就可以食一碗好好味嘅酸辣撈米線。如果唔想食米線都可以嗌其他種類嘅面，驟眼睇拉麵同紅薯粉都唔錯，大家可以不妨一試。

呢間話明係四川紅薯粉專門店，咁梗係食紅薯粉啦！紅薯粉都有幾款畀您揀，有寬條有幼條，可揀湯粉或撈粉，之後就可以隨意加餸。呢間店平日午市時間坐滿客，大部分都係附近中學生黎食lunch，價錢合理扺食！酸辣炸醬紅薯粉條($26起)紅薯粉份量好多，呈螺旋形的紅薯粉，不但煙煙韌韌仲可以將湯掛上薯粉，湯頭不會過鹹，加配了魷魚、豬腸及雞翼。豬腸比較多肥膏，雞翼稍為有鹵過但肉質較鞋。而酸辣湯粉的配料，包括：炸醬、酸菜、芽菜、蔥花、芫茜，落到足架！有幾十款餸可供加配

星期六有時間去元朗做完野好肚餓，由於非常肚餓，連上網做research 都等唔到，隨便入咗間諗住填飽個肚就算。川味閣價錢實惠，$25已經有一個酸辣粉，每個餸加$5，我地三個揀黎揀去唔知加咩餸好，我望到餐牌有個花雕醉雞，我建議加半隻雞大家share 食。一人叫一碗麵，再加半隻花雕醉雞。我揀咗醉辣炸醬紅薯粉條，個粉我覺得酸咗少少，如果多少少辣就好啦😜個花雕醉雞有驚喜！！！半隻都幾大份，好入味，好多材料下，而且雞肉質感都嫩滑👍🏻👍🏻下次可再encore 花雕醉雞！

星期一晚無飯食，家人話想食米線，我又唔鐘意食三哥，上來search 左2間米線比我家人揀。大約8點左右來到，店內坐左一半人左右，裝修無乜特別，但比我想像中環境清潔！筷子不用我狂抹先敢用，可能食物好多用到辣油，出面食過好多米線店地方，餐具都比較油。有些連張menu都油淋淋，佢依到就沒有此問題。有2位員工，態度良好，可能食過其他米線店太麻麻無乜禮貌，食碗幾十蚊唔駛好好服務，只要態度唔好差已經覺得好好我們叫左個一碗酸辣湯米線，一碗撈米線，一份細的口水雞。我未食過撈米線，心想會不會好乾唔好食。結果我試左幾啖，好驚喜好好味我自己碗酸辣湯米線就正常，無乜特別。而口水雞（細），細都好大份。本來都無打算寫食評，一心諗住食個普通米線所以無乜影相，不過個撈米線的確比到驚喜，要比個好評！

有人一生只想搵個陪佢食M記既女人，而我男友就想搵個可以成日陪佢食川味閣既女人，姐係我。平時無咩特別野想食或者大家都糧尾既時候，川味閣既米線就係我地既恩物！係咁多間川味閣入面，佢覺得最好味既就係元朗分店，呢日我地去元朗郊遊，所以即刻把握時機食返碗米線。男友叫左酸辣米線中辣多酸，佢話郊遊會消耗多d能量，所以叫左3餸：豆卜、豬耳同豬大腸。我就叫左酸辣米線小辣多酸（平時無叫多酸，見佢成日叫都叫黎試下），2餸：魚皮餸同豬耳。其實我覺得每間米線鋪既餸都差唔多，差別係個湯底，而呢間個湯底，我地都覺得味道好豐富，不但酸中有辣仲有少少甜味（可能黎自酸菜）。另外，值得一讚既係呢度既姐姐好細心，遞杯插左飲管既豆漿俾港女既我咁個嘴就唔使掂到個杯啦~