川味辣蟹·串燒·烤魚·雞煲·專門店 (Closed)

收到一位住九龍嘅foodie線報，喺尖沙咀金巴利道開咗一間食海鮮、串燒同埋雞煲嘅餐廳，第一個念頭系：呢個時勢都仲開到餐廳咁犀利😱真係唔簡單。第二個念頭系：一間餐廳能夠做到集海鮮、串燒同埋雞煲於一身嘅，真系非常難得，真係要去試吓。不得不讚，餐廳嘅食物種類真係非常多，最主要嘅豬牛雞都分成好多種，另外仲有海鮮同埋蔬菜。揭到餐廳後面戈頁，又有另外一啲野食，有丸子、粉麵、廚師推介等等，價錢都算ok喎。🐑燒內蒙羊扒4件 $80🐟 燒鮮白鱔(厚切) $68首先叫咗份羊扒同埋燒白鱔，本身我真系極少食羊，因為真系好驚戈陣「羶」味，不過男朋友講到好似真系好正咁一於試吓🤤食落個口感又真系同平時啲羊吾同，幾鮮味，同埋冇我食開戈陣「羶」味~燒白鱔系都燒得幾香口，同平時戈啲日式鰻魚好吾同啊。🐡 日式雞泡魚乾 $40🖤 燒墨魚香腸 $15雞泡魚乾喺日式餐廳就食得多，喺港式餐廳真系好少見😳真系燒得幾好，個濕潤度系啱啱好，吾會太硬，甜甜哋咁，點埋沙律醬幾好食😋仲有一份燒墨魚香腸本身好似系台灣菜？我本身都幾中意食，呢度嘅墨魚香腸個樣麻麻哋😅食落質感結實，都feel到啲墨魚味嘅。🍆 招牌金銀蒜燒原條茄子 $40依家越來越多

本身都好鍾意食烤魚雞煲之類嘅食品，今次就去咗一間係尖沙咀嘅新店試吓！餐廳都幾特別，要落地庫嘅，地庫環境都寬敞，有好多各式各樣嘅燒物，見到佢有烤魚，見到即刻心心眼好有興趣！燒魽魚$200除咗佢個魚真係好香滑之餘，仲有好多唔同嘅配菜，包括一啲薯粉，好有彈性，最鍾意就係佢芫荽分量充足，芽菜等等都係最佳配搭。 我哋揀咗嘅小辣真係少少辣，但係佢嗰種辣其實都係幾香辣嘅 。唔會食到好口乾，兩個女仔輕鬆食得晒，都飽咗有一半以上。五花腩$28燒雞軟骨$22燒雞皮$22加多幾款唔同嘅燒烤物品，五花腩我就覺得口味比較濃郁，而且比較大件都幾有口感，。雞皮同埋雞軟骨我都誠意推薦，有充足鹹香，而且口感香脆。下次如果出開尖沙咀，呢間都係不二之選，而且價錢合理呢

口痕好想食雞煲，今晚嗌外賣嗌呢間雞煲，真係食完仲回味梗。可能太耐冇食好野，今次點了熱氣既串燒和辣辣既雞煲，令平凡既日子帶來新意。香辣雞煲 168外賣包到靚一靚，用了保鮮紙真係好穩陣。過了一個鍾，返到屋企仲係暖既不用加熱。家中煮了飯，送飯食真係一流，有大中小辣揀，我點了小辣。很多紅油，除左有20件左右既雞件仲有唔少配菜，個津白吸哂雞味真係好正。值得一試。串燒類：可揀辣或不辣，我點了不辣，全部都好味。燒茄子$40好多蒜好正，連皮俾我地清哂燒菠蘿好甜，係新鮮菠蘿秋刀魚 $30香口司華力腸 $25加左蜜糖燒，好好食。雞柳

因為疫情關係，都少咗出街食飯，今日約咗朋友食飯緊係搵間可以坐耐d，又有特色野食嘅餐廳啦，我同我朋友一向都鍾意食辣野，所以就選擇咗呢間餐廳，因為呢間d食物都好多種類嘅菜式。睇睇餐牌呢間辣蟹、雞煲、四川串燒、水煮菜式等等……因為我地2個女仔所以冇叫辣蟹，我地叫咗幾串串燒同一個水煮豬雜。首先串燒黎先，一放上枱已經香噴噴嘅孜然同辣粉嘅味道，聞到都流口水，呢度有得比你簡辣定唔辣，辣都有分好多程度比你選擇，我地全部都叫中辣，佢地d串燒燒得好甘香，我地分別叫咗燒豬腸、燒蒿荀，燒韭菜、燒雞皮同燒茄子。燒茄子上面勁多蒜泥，好香，個茄子唔會燒過頭而乾晒，仲好juice，呢度d茄子都好厚肉，好抵食。燒雞皮好少地方有得食，而燒豬腸完全冇酥味，清得好乾淨，全部都燒到脆卜卜，一d都唔肥,食落好甘香。我覺得燒菜係最考功夫，所以我叫咗燒蒿荀同韭菜試吓，果然唔錯，完全唔會燒到乾晒，好惹味，仲保持到菜嘅爽口。我最鍾意嘅水煮鍾意黎啦，好大盤，睇睇d料，真係好足料，好多豬利、豬腸、豬肚、豬腩肉，除咗呢d豬雜外，仲有唔少菜喺入面，要黎吸收醬汁，食落勁惹味，而d豬雜都煮得好入味，呢度嘅水煮真係好幾好味。

最近政府終於宣布放寬限聚令，星期尾可以四人同枱吃飯了！趁著放寬前兩天，我跟朋友來到了這雞煲串燒店，以避過放寬後打邊爐的人潮！位於尖沙咀金巴利道的地舖，啲名非常長，簡單敘述了店家主打賣的東西位於地牢的店很大，我們點了些串燒菜跟花膠雞煲一個，營養非常均衡食物：燒茄子$40非常大條而且很夠闊，蒜蓉跟蒽的份量很多，把稔軟的茄子調得超有味，吸味的茄子味道頓時提升不了！蒜芯$15見到中間的孔就知道是串燒燒完，脫籤上碟，味道濃郁無渣，很出色！秋葵$15好吃！外皮爽脆，裡面的黏液很養胃，吃辣之前護一護胃很不錯川味雲耳$30還以為很細碟原來大大一碟！又有手拍青瓜也有雲耳，少少的醋酸，正！招牌川味花膠雞煲$198（小辣）這個價錢有半隻雞也有花膠，實在很抵！花膠沒有剪開，只是魚肚的樣貌，但口感煙韌也是不錯半隻雞浸在紅紅的辣油當中，非常惹味！份量有夠多，辣味也不會欺場， 不過愛辣的我覺得不太夠辣， 問店員拿了一瓶辣椒粉，那真的很不錯！性價比滿高的，值得推介

之前疫情晚止冇得堂食川味辣蟹有個海鮮鍋，全港都有送貨服務諗都唔駛諗就嗌返個試下，都係第一次嘗試呢啲外賣海鮮服務！送到黎仲送埋蠟燭同湯可以加熱最鍾意佢個蟹同鮑魚，外賣都仲keep到鮮味貝類連埋啲蒜茸粉絲薯粉食簡直係絕配推介蟶子大大隻爽口無沙👍🏻👍🏻份量係兩個人份量，但其實我覺得3-4人食都可以海鮮非常足料！！而且都好新鮮，送到的時候仲係熱辣辣的。味道有得揀大中小辣，但我怕辣就咁蒜蓉味已經夠好食😋

放工過後，我咗尖沙咀食晚飯，由於好耐冇食過串燒，所以就揀咗呢間新舖頭試試佢。一入到去，第一個感覺覺得好闊落，坐得都幾舒服。食物選擇非常多，主打川味食物，串燒，仲有雞煲。雖然得兩個人，但叫咗好多串串燒，有牛舌心，雞腎，金菇牛肉，雞心，厚切大鱔，蘆筍仔，韭菜。有得揀唔同辣度，或者蜜糖燒。我揀咗BB辣，個人覺得都夠啦。個人比較推薦雞心同厚切大鱔，蔬菜會揀蘆筍仔。雞心有四粒，粒粒size都算大，調味粉濃郁，食落去仲有水份。厚切大鱔價錢雖然較高，但勝在有質素。肉身感覺非常實在，食落仲有少少彈牙，味道當然係好啦。蘆筍仔燒得唔錯，個人覺得蔬菜比較考功夫，蘆筍仔乾身得來唔會鞋。另外我仲叫咗酸辣粉，如果想試試嘅話，可以叫迷你版本，因為我叫咗正常size，份量偏多。此外仲叫咗燒烏頭，呢個叫咗唔辣，但都有附送泰式辣醬另外上，燒魚功夫ok，外皮脆內肉軟，由於叫咗唔辣，所以好睇條魚本身嘅鮮味，烏頭來講，合格以上。總結：我會覺得依間舖頭，好適合一班兄弟去食串燒飲啤酒。

門面睇落唔大，主要係地下一層，落到去就覺得幾寬落一啲都唔侷促，仲見到有幾間房，可以遲下疫情好轉成班朋友一齊聚聚。服務好好，非常貼心。而食物選擇有好多，兩大頁揀，價錢唔貴。今日兩人叫一個雞煲同四款串燒食，平均每人$150。招牌川味香辣雞煲 (半隻) $168望落唔大，但食落就覺得份量唔少，食完已經飽飽地。呢個雞煲同其他有少少唔同，其他係乾身，呢個係湯煲住，但煲完啲雞肉仲係好滑，仲吸收左湯，好香既辣味，但食落唔會好辣。燒韭菜 $15好好味，食落唔乾仲好爽口，面上孜然粉同烤汁帶有甜甜地既味道。燒特色孜然羊肉 $28孜然配羊肉是完美配搭，相當惹味，羊肉無乜膻味，無燒到乾爭爭。燒豬頸肉 $26一咬好Juice好香口，但一啲肥膩感都無，豬頸肉有少少彈牙口感。招牌金銀蒜燒原條茄子 $40呢個食串燒必點既一款，濃濃蒜香，大量蒜蓉炸蒜係茄子面到，底同邊都好有味道，茄子啲肉夠鬆，好易就夾到。

最近晚餐都係外賣為主，今次食左呢間新餐廳～首先叫左串燒；燒蒜心$18 燒娃娃菜$15 燒五花腩$28 燒韮菜$15 燒特色孜然羊肉$26可以揀辣，要左bb辣～調味料好夠，好惹味，燒得香口，返到屋企食一樣咁正，下次可以挑戰小辣！招牌川味鮑魚雞煲$18本來諗住返到屋企再用煲煲住食，打開發現仲好熱，所以就就咁食了～鮮鮑魚有兩隻，仲有半隻雞，雞腿嫩滑無雪味，仲有通菜同娃娃菜，吸晒湯底好正！即時煮左左個烏冬加落去食，如果餐廳有得加粉麵類配雞煲就好，懶得就懶。總之今次外賣串燒雞煲嘅體驗非常好，大家放心叫啦～

放咗工relax下, 食下串燒，飲杯啤酒，啱曬!有很多串燒選擇， 掙扎了一輪之後我們點了好幾款。有燒秋刀魚，燒魷魚鬚，蘆筍肥牛卷，燒雞柳，燒雞軟骨，燒安格斯牛小排粒，燒得香口，調味適中。 比較推薦安格斯牛小排粒,燒得剛剛好,保留肉汁之餘, 肉質保持嫩口。飽肚嘢點了四川酸辣粉， 紅薯粉煙韌，酸辣適中。還有蛋花炒飯， 新鮮即炒 ，簡簡單單，很大碟。串燒當然要配冰凍啤酒啦。百威啤酒一大支$28， 凍啤酒加熱串燒，冰火交融。

呢間位於金巴利街新開串燒店幾吸引，是日晚上堂食只到晚上9點，所以決定外賣回家慢慢食。眼見餐牌除串燒外，還有招牌辣蟹、雞煲、烤魚、水煮、滷水同餐前小食類等。最特別還有供應海鮮大咖服務外送，不過要預先致電訂購。店家表示所有串燒都即燒，需等約15-20分鐘左右。叫左兩款涼盤小食 川味海蜇手撕雞$48有海蜇、青瓜同雞肉，調味可以但食落唔係好覺有辣味。日式芥辣鮮八爪魚$38同平時食芥辣八爪魚壽司的一樣口味，不過底部墊了青瓜，口感更好，整碗更有份量。燒油花牛舌心$35牛舌厚度算薄，燒得惹味唔會柴或韌。燒內蒙羊架2支骨 $60呢個個人覺得幾抵食，大大支油香感很夠。中意食羊有少少羶味會好滿意。燒五花腩 $28 燒得都唔錯，外賣變一塊塊上，有6-7件都幾多。燒鮮白鱔 （厚切）$68 呢個必食推介，厚肉彈牙有鮮味。

同朋友黎呢間串燒店貪佢可以坐耐啲食下講下你知啦疫情期間，幾耐無得同朋友見面揀左好幾款串燒都係肉類比較多無法，始終燒肉係最吸引人嘅燒五花腩同自己韓燒嘅完全唔同人地燒出黎，脆邊㗎😭😭好正！燒牛舌，又係好好味夠爽，但其實好柔軟調味又夠，香香辣辣🤤🤤🤤雞腎好咬口，少少孜然香味牛小排粒好軟嫩🤤食左肉類，又燒下時蔬燒茄子，好味，勁蒜香～翠肉瓜勁多汁，好鮮味！燒甜薯勁粉勁甜🤤🤤估唔到最尾呢個川味烏冬先最驚喜勁有穫氣，出晒煙！勁大份，超值！配料雖然唔係咪好特別嘅材料有啲午餐肉，芝士腸粒但一齊食好好味！食食下我中途離開左15分鐘但返轉頭，個烏冬都仲有煙㗎！真係好勁！

這天想了很久，我也決定前往尖沙咀吃飯，全因為這天我真的等了很久，就是晚市重新開放，雖然尖沙咀和我的家現在有一點點的距離，但地理上還算方便，全因為有港鐵的支援，餐廳距離地鐵站，路程只需要8分鐘左右，地理上十分容易找到。本來我打算吃辣蟹，但一個人吃，好像有點heavy，所以我安排了自己吃一頓藥膳雞煲，沒想到味道還不錯，最重要真材實料，半隻雞份量一個人絕對足夠，再配合白飯，更有另一種味道。 另外，餐廳也令我十分安心，全因為防疫功夫做得絕對足夠， 酒精搓手液，量度體溫，每位店員更佩戴口罩。

行過見到屋企附近開咗一間新嘅餐廳辣蟹為主打另外仲有烤魚同串燒由於冇得堂食嘅關係決定買啲串燒返屋企試吓 燒羊架燒得啱啱好 鎖住咗咗羊架本身嘅肉汁 食落去好Juicy 連住骨側邊d肉都可以好輕鬆地食埋蒜蓉燒茄子茄子好大條 食落去完全冇渣可以連皮食茄子吸晒蒜蓉嘅味道 10分惹味 串燒雞軟骨燒得好香口 配合調味粉飲酒一流燒雞中翼雞中翼燒得10分出色外脆內軟 肉質鮮嫩食到停唔到口整體而言 估唔到呢間新開嘅小店咁出色而且佢串燒選擇非常之多下次可以再encore 👍🏻👍🏻👍🏻👍🏻👍🏻

#嫩滑川味雞煲-四川食肆 成行成市 要留住大家個胃 實力一定要 我唔係尖沙咀區嘅街坊 但仍然樂意跨區幫襯呢間川館 咪就係為咗個雞煲-#🐓🥘招牌川味鮑魚雞煲 ($188）由唔辣到勁辣 自由選擇 四川辣椒粒🌶大蔥再加香料 足料原味 再將半隻白雞斬件上 浸喺辣湯中🥣 肉質鮮嫩無比 原隻鮑魚🦪埋藏當中 爽口好食-#🍢燒鷄軟骨 ($22）鷄軟骨軟中帶爽 飯前做小食 為牙齒做熱身運動-#🍄🥓日式金菇肥牛卷 ($28）我嘅必吃串燒 金菇爽口 肥牛肉同脂肪分佈均勻-#🍢燒牛舌心 ($35)厚切牛舌夠咬勁 食落仲帶啲油脂嘅甘香-#🍢燒豬頸肉 ($28）豬頸肉厚薄適中 外面燒得微焦 有肉汁又夠香口-#🍢燒司華力腸 ($25）珍寶燒腸俾小朋友👧👶餸飯食 一定受歡迎-📍川味辣蟹-串燒-烤魚-雞煲-專門店#尖沙咀金巴利道58-60號金碧閣地舖