川亭 (Lun Fat Street)

Open Now

Now Closed

川亭最出名既就係佢既正宗重慶酸辣粉～鍾意佢既辣味唔會好過火位（小辣唔會食到流哂鼻水咁，係舒服既辣度），同埋最緊要係唔會成碗都係紅油滿滿，所以食落感覺會比較輕盈啲。酸同辣既比例恰到好處，好開胃～薯粉入味而有彈性～整體協調得唔錯～麻辣口水雞食過好多次，今次想清少少轉下新口味要左香油鹽水雞～比口水雞更加食到雞既原味。個雞望落好似甩皮甩骨咁，但係份量十足而且又好食架喎，同埋都係雞髀位所以好夠滑～麵加雞加飲品先收60蚊，喺灣仔lunch 嚟講性價比真係唔錯～所以每次 lunch time 到勁多人幫襯～要食又唔想排隊就要趁早啦～

🌸小編經常食既餐廳之一，佢支持好多外賣平台，之後同餐廳待餐傾偈先知openrice外賣係最抵，我之後就成日經openrice買，真係好抵啊👍🏻👍🏻-𝐅𝐨𝐨𝐝 𝐑𝐞𝐯𝐢𝐞𝐰 食評 🐤川亭口水雞雞好滑，辣度剛好，薯粉好掛湯，好有川味，食落辣得黎幾過癮👍🏻👍🏻-加左份小食 沙薑雞腳 $25，好入味好好食，雞腳好有咬口，又唔會過韌👍🏻-紅油牛肚 $40覺得呢道菜還好，牛肚有少韌，味道都唔係我預期既味道，不過可能係小編個人口味，有興趣都可以試下📍川亭灣仔聯發街13號地舖環境：🌸🌸🌸味道：🌸🌸🌸🌸服務：🌸🌸🌸衛生：🌸🌸🌸性價比：🌸🌸🌸🌸

呢間啲水準好浮動，次次我叫嘅野都一樣已經食過好多次無寫食評。呢次又寫係因為砂礓雞腳大進步好惹味🤤 而且酸菜魚多咗酸菜仲新加左大片大片嘅菇，啲料好足多過之前好多✔️✔️✔️可能配料唔同左味道好似無咁正宗，我記得正宗會有「芽菜、豆卜過湯，放碗底，再加蔥花及乾辣椒」，anyways 湯底都仍然好酸菜魚，都唔錯👌🏻最勁係天氣咁凍外賣送到上門仲係熱辣辣，打開外賣蓋每兜都仲係冒緊煙嗰隻💯所以我影啲相張張都檬檬地😆

▪️口 水 雞 招 牌 套 餐 $63𝑺𝒂𝒍𝒊𝒗𝒂 𝑪𝒉𝒊𝒄𝒌𝒆𝒏 𝑺𝒆𝒕 𝑴𝒆𝒂𝒍.Their special chili sauce is always good that they blended the Sichuan pepper, dried chili and other spices so well and topped with a bit of sesame. It actually makes you mouth-watering with its sweet, savory and spicy flavors. The chicken is tender and not too fat. Matching well with the sour and spicy noodle.A drink is included in this set. I always pick the big bottle of soymilk to reduce the heat that builds up during the course.---▪️重 慶 酸 辣 粉 𝑪𝒉𝒐𝒏𝒈𝒒𝒊

係灣仔返工，lunch有同事介紹話 川亭的酸辣粉好好吃😋鍾意食辣的我當然要試下。由於公司與川亭都有啲距離，就唔選擇堂食，怕等位返到公司遲到。所以預先係OpenRice 叫定外賣自取，去到川亭門口，有一個幾層高的外賣架，差唔多都放得滿滿的，我根據OpenRice的編號拎完餐就快快返公司。返到公司，一小時的lunch時間都冇左一半，但都好值得甘來來回回。因為真係好好吃！😋😋叫左個沙薑雞套餐$53，有沙薑雞一份，酸辣粉一碗和跟一份飲品(揀左豆漿，不單止支裝方便，仲可以解辣👍🏻)。沙薑雞好滑好夠味！而且咪睇佢好似細細碗，入面都好多件雞。酸辣粉係湯麵分開2碗裝，我就揀左小辣，類似譚仔3小辣左右，個辣度同酸度好岀！好惹味，而且啲紅薯粉好彈牙掛汁，而且仲有啲配菜如炸豆、榨菜、豆芽，加埋又多啲口感。真係好吃到一啖接一啖，飽左都忍不住再吃多幾啖。不過最後都係吃唔曬，因為份量都係好夠！係灣仔區黎講我覺得性價比好高！好好吃再加份量大🙌🏻🙌🏻

我一直都好鍾意食水煮魚，但係去親嘅都唔知點解係一大兜二人或者四人份量，終於比我搵到一間係一人餐啊♥️味道超級嘢惹味，辣都仲可以揀大中小辣，啱晒唔食得辣嘅我。相比起好出名嘅段純貞，性價比高好多，佢嘅價錢平三份一，但係份量多三份一。以口水雞為例，成隻雞髀斬件嘅份量啖啖肉，但係肉質唔夠滑(段純貞得5小片肉但超級滑)，只可以講一分錢一分貨。✔️而且呢度叫餐加10幾廿蚊就可以要多個餸，真係超級無敵抵食呀💯

諗緊中午食咩好，朋友介紹話呢間都幾好食，所以決定買黎試下叫左個小辣口水雞薯粉估唔到真係幾好食！口水雞唔係十分辣，有啲麻，係有層次的辣，個辣醬做得好好啲薯粉都好好食，唔係淋曬一舊個種外賣自取仲有折，真係物超所值👍🏻

川亭應該係灣仔都小有名氣 每次晏晝去拎外賣 個外賣架都常滿 仲有好多講普通話嘅OL幫襯 應該都算正宗掛之前成日食酸菜魚 有次食過紅燒牛肚絲麵 覺得佢紅燒陣味都做得唔錯 今次食佢個大碗麵 有 牛腩 腩肉 同 豬腸牛腩 未去到好淋 半肥瘦 但其實都唔錯腩肉 原來係好似燒肉咁嘅形狀 食得米線多 以為係一片片嘅腩肉 佢係肥瘦相隔咁 但有小小柴豬腸 佢係有d肥膏係腸入面個隻 我本人就鍾意呢款多過腸入面無曬肥膏嗌左上海麵 湯底揀左香辣 微辣總括黎講 抵食又大份

川亭地址: 灣仔聯發街13號地舖灣仔有間有間隱世餐廳一定要介紹比大家聽😏，餐廳雖然比較細但性價比好高，絕對超值之選🤣。今次我就食咗招牌套餐-川亭口水雞+重慶麻辣薯粉(小辣) 🍜＄63，大大份口水雞十分惹味😎，件件雞唔單止滑嫩十足而且仲好夠香辣😚，再配上酸酸辣辣地重慶麻辣薯粉，好開胃，正。#nicefoodie灣仔----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #dinner #restaurant #hk #香港 #香港美食 #美食 #灣仔美食 #打卡  #灣仔 #香港口味  #隱世美食 #隱世小店 #半價優惠 #人氣餐廳 #人氣美食  #重慶 

外賣包得好好，好夠熱。臨近晚餐時段，但因爲是 6 點前下單，所以點的都是下午茶 menu。分量好足夠，薯粉有好多。其他料也好足。用 Openrice App + Openrice Pay  + 信用卡優惠訂餐好抵。兩個餐兩個人食，先 $72。

openrice外賣自取有九折紅油皮蛋 $28係金色嘅半流心皮蛋上面加淋左秘製嘅辣椒油 食其香品其辣 以香取勝 個人非常推薦留返用個紅油撈麵 保證有另一番體驗口水雞麻辣湯麵 $53個麻辣湯麵 嗌咗中辣 我本身食得辣嘅都覺得幾辣下 唔係太食得辣嘅朋友 建議最多少辣 面我揀咗上海麵 今次煮得軟硬適中 唔錯 個口水雞本身個雞唔係特別滑又唔係特別鞋 正常水準 上面淋左紅油皮蛋嘅特製紅油 絕對將個雞嘅層次提升咗 p.s. 溫馨提示 口水雞轉雞髀 唔使加錢

突然之間想食辣嘢 又唔想落街就上網睇吓有咩外賣叫然後比我見到呢間有酸辣粉食就即刻叫咗叫咗一個口水雞酸辣粉套餐連一罐汽水再叫多咗一碗麻辣小面，麻辣牛展同埋皮蛋全部都夠辣夠麻夠香叫咗咁多嘢食都只係二百幾蚊下次想再食辣嘢都一定會再叫😍😍😍

📸 川亭 @chuen_ting_sichuen 灣仔唔可以唔識既川菜之一✨鋪頭細細間 但好多人排隊鋪面大概有6-7張2人枱仲有得外賣自取 🤩今次第一次食咩都想試吓就揀咗個二人餐 $1781️⃣川味雞 三選一口水雞 ✅ 鹽水雞沙薑雞2️⃣小食 三選一紅油牛肚豬耳 ✅椒泡鳳爪3️⃣涼菜 三選一手拍青瓜（蒜泥/麻辣/酸辣）酸辣雲耳 ✅油菜4️⃣主食 任選2款白飯擔擔麵酸辣粉 ✅麻辣小麵重慶涼麵第一次食怕太辣 淨係揀咗微辣但感覺上無咩辣度下次要改為食小辣試試🤩口水雞份量都唔少 口質嫩滑醬料又香又惹味 唔會得死辣豬耳有心思 切得好薄 調味又惹味雲耳就比較偏酸 無辣味個人中意辣多少少酸辣粉真係好大碗😂 配料又多真係食唔曬套餐仲會附送汽水/豆漿/紙包飲品地址：灣仔聯發街13號地舖#wwh食勻灣仔#wwh必食之選#wwh川菜

招牌套餐-川亭口水雞酸辣米線（小辣）口水雞份量算大份 醬汁十分惹味 夠曬香辣 而且可以充分地滲到雞件 舊舊都滑嫩十足 至於米線本身嘅湯底小辣得黎真係幾辣 不過就不太酸 配料都不少 Sa妹最鍾意D榨菜 口水雞涼麵（微辣）涼麵味道相對上較酸辣米線淡 可能因為微辣嘅關係 份量都不少 Sa妹試過用口水雞醬拌入去食更滋味 麻香升級 不過佢鋪面比較細 坐得會比較辛苦 繁忙時間要搭檯同人坐對面（但無隔版）

呢間餐廳雖然比較細 但佢入面食既酸辣粉真係好食過開係大街嗰啲餐廳酸辣粉 配雞 再有飲品 首選緊係豆漿啦價錢黎講 係灣仔 絕對超值之選一路食都見到餐廳有好多外賣單 啲職員係咁包啲餐出黎