尚君如夢 (Closed)

位於天樂里的尚君如夢，離遠已看到他的招牌，非常突出。除了因為招牌相當大之外，本身尚君如夢呢四隻字，都令人若有所思。初次看到這招牌時，想著這究竟是一間什麼樣的食店？上網查看後，才知道是一間懷舊風的茶餐廳。今日終於有機會去試一試，原來除了門口四隻大字吸引外，內部裝修都相當特別，是兒時康樂棋的圖畫，對於00後應該不會知什麼叫康樂棋了。食物方面都係一般茶餐廳食物，不過不失，價錢以銅鑼灣區來說，相對比較平。

今日因為要過海搞公司既野，所以就同大股東過左海🌍見好耐冇食過茶記，就決定去搵間食，咁岩見到呢間茶餐廳係前面，所以就碌左入去喇🤗因為今日行左好多路，所以特別肚餓，所以我地就叫左好多野食:- 香蔥碎牛炒蛋牛角包🥐- 邪惡生炸雞脾配美式粗薯條🍟- 星洲炒米- 奶油多多奶首先黎既係奶油多多奶，黎到既時候，佢真係漏緊奶架(Sorry，有啲兒童不宜😎)，熱辣辣唔諗喇，食左落先，個多士真心脆，岩左我呢d鍾意食甜奶多既人🤤然後係香蔥碎牛炒蛋牛角包🥐，其實真係好少港式茶記會有牛角包食，加上香蔥碎牛炒蛋🥚，非常新鮮既姐合👍炒蛋好滑，味道剛好，配上鬆軟既牛角包，冇得輸，堅好食🤩再黎既邪惡生炸雞脾配美式粗薯條🍟，雞脾好大隻，大隻到要2份食，薯條亦係港式茶餐廳既味道🤗不得不提佢地既飲品🥤，真係超大杯，即係好似人地啲茶餐廳飲品加Mode咁，但唔駛加錢喎，呢個係重點黎，無論熱飲同凍飲都係大大杯，咁就唔會怕唔夠飲啦😆總結: 有港式茶餐廳既感覺，但亦都有新既元素，香蔥碎牛炒蛋牛角包係呢間餐廳既靈魂，第1下食落去，即刻好似啲老人家👵🧓講好好食，飲品亦都比我想像中大杯，所以係性價比高，如果得閒過海，不妨去試下啦🥰

以前好鐘意專登揀d舊式既茶餐廳，覺得咁先有風味。但家下人大左加上疫情關係，都唔會再敢去舊式既茶餐廳，因為好多舊式茶餐廳既up dup係用左好多年積塵浸妖出黎🤣特別d卡位，要鼓起很大勇氣先敢zip入去🤣人大了，只能吃乾淨的東西，wakkaka個人喜好姐，而家我都係只會去d裝修乾淨光猛既茶餐廳，呢間就係灣仔飯堂之一。其實第一次經過，心諗間野個招牌都幾奇特，尚君如夢而中間有隻刺蝟公仔，but anyway，lunch time求其有野食算who care ~個次lunch time 快食，佢有個全日早餐，好抵食，自次之後時不時都會黎。餐廳非常乾淨光猛，6點前黎仲有下午茶，下午茶同晚餐都好吸引，不得不提下午茶好扺食。邪惡流心西多士$30西多面灑上糖粉，賣相一流，色香味俱全，冰凍嘅牛油面加上一切開就流心嘅花生醬同埋脆脆嘅粒粒花生內餡，好好好好食！邪惡生炸雞髀配薯條$34生炸脾入味，無雪味，雞脾應該去雪同洗得乾淨，入面唔會有一條條既血絲，薯條新鮮熱辣脆，伴碟仲有d醃蘿蔔，加分。紅豆奶茶（特飲+$10）必叫特飲！超級大杯既紅豆奶茶，茶㡳濃郁香滑，紅豆淋，應該就算唔配奶茶，紅豆冰都會好好飲，佢仲可以選

擁有溫潤人情味的茶餐廳-港式料理注入了新靈魂 每道餐點都是由主廚和他的團隊協力完成 一吃就知道什麼叫做深厚功夫🍜原汁注侯牛腩湯麵 以龍蝦熬製的湯頭 與一般牛肉湯麵味道不同 細麵吸附了湯的精華 讓人忍不住一口接一口🍚臘味滑雞煲仔飯飯粒站上了醬汁 鹹度適中 配上雞肉一起食用 整道餐點更上一層樓了 ⚠️建議要拍照的朋友 可以先請店員拌開煲仔飯 否則容易操灰搭🍖蠔汁蒸鳳爪 🦐金箔鮮蝦餃每一粒蝦餃都有一整隻蝦子 內餡紮實鮮甜🥠極品流沙包類似奶黃包的口味 撕開外皮 內餡真的就像流沙一樣滴下來 整體味道甜鹹摻半 我超級愛❤️🍞漏奶華·西哆士 上頭灑上阿華田粉 一切開內頭的奶醬和阿華田融合 像岩漿一樣流出 吃起來有點像蜜糖吐司 我也超級愛❤️🫔秘製脆脆腸粉🥩豉汁蒸排骨🥠招牌迷你冰火菠蘿油🍡醬淋麻辣魚蛋配上特製咖喱淋醬 辣度適中🥛忌廉溝鮮奶雪碧配上煉乳 很涮嘴 想嚐鮮的人可以試試看☺️🧋絲襪奶茶偏苦但耐喝-

"話說有個海之戀嘅朋友，約食早餐，你知啦！呢啲高級商場好多舖頭都係起碼12點先開，早餐選擇唔多，所以#食嘢唔好分顏色。我哋今次就去左一間好受歡迎嘅日式西餐#尚君如梦 ，呢度早餐餐牌得一頁，主要係食日本西式早餐，加少少香港茶餐廳元素。#尚君如梦，有港式元素都好合理嘅。法蘭克福腸、牛乳炒滑蛋 廿一肉醬濃湯公仔麵 (走湯) 叫廿一肉醬，好有興趣知道個肉醬係肉醬意粉嘅味道，定五香肉丁嘅味道，所以今次要求走湯撈麵。公仔麵見到用#東和招牌麵 ，麵好爽，配香草肉醬，茄汁味道配爽麵好夾，所以今次係肉醬意粉🍝嘅味道。呢度話用日本蛋，炒蛋話落牛乳，炒得好滑，又有牛油香味，幾好。法蘭克福腸唔算太特別，不過早餐呢個價錢有，係唔錯嘅。北海道帆立貝漬物(柚子) 阿姐話只要肯加錢，早餐都可以叫。攞餐果陣見到係白烚嘅元貝，之後廚房攞一支日本柚子醋淋面，就係漬物啦！漬物係凍嘅，仲有少少腥，柚子醋真係好好用。跟餐芬達橙汁尚君如梦湾仔天乐里6-18号恒安大厦地下D&E号舖

見到openrice其他食評啲食物相咁吸引，本身非常期待，點知我買到嘅實物同啲相有好大差距😩完全係普通茶記水平，好失望5cm蛋治肯定冇5cm,  隻蛋仲要超乾、過熟、蛋黃蛋白都冇打好。寫返普通蛋治好過啦，冇5cm就唔好改個5cm蛋治嘅名，貨不對辦！香蔥醉牛炒蛋牛角包個餡係ok但個牛角包又凍又淋，明顯冇整過，整返脆有咁難咩？裝修幾靚，以為食物質素會好過，普通茶記唔同，點知仲衰過普通茶記，blacklisted

之前行過見到店舖門口招牌有隻小刺蝟🦔圖案，印象特別深刻。咁啱想食茶餐，見評價不錯，就去試試。整體來說是用心小店，價廉物美😋流心西多士，用上粗粒花生醬，香而不膩。本來對涷朱古力沒有期望，想不到十分香濃，飲到最後冰融化後仍然濃郁。喜歡這小店即使平凡的餐飲也用心製造，更見心思。❤️生炸雞髀皮又脆又薄，令人聯想到乳豬皮 - 每啖精華所在！食物分量十分慷慨，感覺一份脾也抵得上一份午餐哈哈！可惜最後我食得太滿足，薯條完全食唔晒。希望之後有機會再去食，不過下次會走薯條🍟，更惜食😋

行過呢間懷舊裝修設計很特別的茶餐廳，就忍唔住入走拜訪下。同朋友叫左香蔥碎牛炒蛋牛角包🥐，招牌芫荽餐肉滑蛋三文治以及生炸雞中翼同童年時最中意既懷舊紅豆冰😋 佢地既三文治雖然個名叫碎牛，但牛肉大大件，配以香蔥炒蛋的牛角包又好香脆！更值得讚絕對是芫荽蔥餐肉滑蛋三文治同生炸雞中翼^_^芫荽好多，餐肉都很厚身，食起來好有口感。生炸雞中翼一碟有4隻，香濃既南乳味，香脆得黎，雞肉好入味😍係茶餐廳食完最後飲杯紅豆冰實在完滿💓💓-香蔥炒蛋碎牛牛角包 $28-招牌芫荽餐肉滑蛋三文治$28-生炸雞中翼$22-紅豆冰$26A traditional Hong Kong style cafe that provides quality sandwiches, croissant, snacks & drinks 🍹  Taste good and price is reasonable. Really worth to bring friends to try out their dishes!

早幾日收工好肚餓🥹 搵間茶記食個快飯，經過呢間茶記 ，見裝修幾特色，懷舊得黎又帶點少女味💖 一於試下佢🤩5CM蛋治👍🏻👍🏻 $20一上枱真係比佢嘅氣勢震懾咗，好有份量，麵包軟熟，5cm嘅炒蛋，熱辣辣，超香蛋味，仲帶有少少牛油味，好耐未食過咁高質嘅蛋治🤤奶醬多多奶 $16名乎其實，真係多多奶，流哂出嚟🤣 烘咗底，熱辣辣脆脆地，入面啲花生醬都幾多，味道唔算好濃，十分適中，仲有粒粒花生粒，口感好正😆 生炸大雞脾🍗 $26成塊面咁大，炸到好脆，一咬開已經有啲肉汁滴出嚟，肉都好嫩滑，簡簡單單嘅調味已經好好食👍🏻吉列龍脷柳飯配燶邊太陽蛋 $42佢呢度啲食物全部都大大份😂 條魚柳大到好似航空母艦咁🤣 又係炸到鬼死咁脆，魚肉嫩滑就梗㗎喇，但食落又唔會好油，我地揀咗配忌廉白汁，超重芝士味！😍 成件事食落好惹味，仲加配咗隻太陽蛋，又係好香蛋味，好滿足🥰黑牛 跟餐+$16呢個真係童年回憶，維記朱古力雪糕+可樂，係兒時嘅味道🥰茶餐廳嚟講，食物質素相當唔錯，唔係hea你嗰啲，價錢又抵🤩 事隔幾日，我哋已經掛住個蛋治啦🤭5粒為滿分味道 ⭐️⭐️⭐️⭐️性價比 ⭐️⭐️⭐️⭐️⭐️餐廳地點 ⭐️⭐️⭐️餐廳舒適度 ⭐️⭐️⭐️⭐️翻喫指數⭐️⭐️⭐️⭐️

喺灣仔經過應該會見到呢間新派冰室裝修勁特別, 牆上面除咗有d 懷舊餐牌外仲有動物嘅數字棋我哋叫咗香蔥碎牛炒蛋牛角包同5cm 蛋治牛角包夠鬆脆, 配埋嫩滑嘅雞蛋, 口感岩岩好😋蛋治D蛋真係有5cm咁高🤣就算咁高, 都仲好滑身👍🏻另外都叫左煎蛋肉醬燴意粉同炸雞扒飯肉醬差唔多有半碟咁多, 肉醬偏甜上面仲有隻流心蛋 😌雞扒勁大塊, 又炸得好酥脆醬汁偏深色, 黑椒味香濃最後仲叫咗雪糕紅豆冰依家唔係好多地方會喺紅豆冰上面加雪糕雲呢拿加埋椰奶好香口整體來講, 冰室新舊交融, 勁有特色

懷舊茶餐廳❤️成世人都未食過芫荽炒蛋！今日同朋友就特登去試吓❤️叫咗呢個餐肉芫荽蛋三文治，都係$28。冇諗過會係咁好食，而且蛋嘅份量仲要好大份，一式兩份，早餐絕對夠飽。另外叫咗一個牛肉炒蛋牛角包🥐好似中西混合，但係一啲都唔會怪，牛肉同炒滑蛋夾埋味道好好👍🏻絕對推介呢兩個包同埋三文治另外叫咗兩個常餐第一個就係叉燒公仔麵配奄列蛋；另一個沙嗲牛肉米線配奄列蛋。可以揀羅宋湯或者老火湯，我哋兩個都揀咗老火湯，老火湯有好香嘅蘿蔔甜味！真心有誠意。叫咗一杯奶茶同埋一杯好立克。好立克味道夠香濃👍🏻👍🏻其實我最鍾意就係呢度嘅環境，個設計好有心思，仲有好多插畫，好有童年回憶🥰見到啲貓貓都覺得好開心

以前認識’懷舊’兩字都係要睇返啲八九十年代嘅港產片 竟然比我喺林林總總嘅餐廳入面搵到間做懷舊主題❣️5CM蛋治 $20中間夾住食指長度咁厚嘅🥚大嚿到用手食真係一路食一路跌 要用刀叉食先搞得掂雞蛋好實在 喺港島區賣咁嘅價錢真係超抵食❣️ 香蔥碎牛炒蛋牛角包 $28🥐唔係一般做法就咁叮翻熱就算 一口咬落去酥脆到直頭成個解體 餡包比例1:1 蔥香怖滿成個雞蛋 再撈埋啲碎牛一齊炒 更加惹味❣️ 香蕉法蘭西多士 $26法蘭西多士就食得多 但夾住🍌流心嘅真係未試過 熱辣辣嘅西多淋埋糖漿 切開中間嘅香蕉蓉流滿成隻碟 唔太甜嘅果蓉中和返面頭嘅糖漿 食晒成份都唔會話漏❣️ 生炸大雞髀 $26大過手掌嘅🍗不論店內店外都寫住必食之選 即叫即炸等候時間20分鐘 酥炸嘅外皮入邊包住滑捋捋嘅雞肉 做成強烈對比 完全係口痕必食❣️鮮茄牛肉飯 $38下午茶嘅價錢估唔到可以咁大份 洋蔥🧅菠蘿🍍蕃茄🍅牛肉🥩樣樣齊 牛肉片數量極多 驚仲有一隻蕃茄咁多嘅分量 紅卜卜嘅蕃茄鮮嫩多汁好鮮味

黎到灣仔 估唔到都有咁高質素經濟實惠嘅茶餐廳 下午茶仲有西式邪惡系列 講到咁犀利梗係要邪惡一下 叫左個邪惡流心西多士 西多士面積足足成塊面咁大！入面既芝士花生醬係澎湃咁湧出黎 再加埋牛油糖漿 好擔心食完之後會爆血管🤣 食落口真係好高質 勁好味口感極豐富 另外餐飲跟凍檸茶 大熱天時真係爽晒！介紹一下 呢度嘅下午茶款式眾多，其實樣樣都想試 可惜胃就得一個 有好多炸雞皮同埋其他食物等着試 唯有下次再試埋佢其他邪惡系列 呢間一定有encore

晚餐唔一定食小炒、打邊爐或者放題先會飽，假如budget有限，茶記都係好選擇呢間好有特色嘅冰室，夜晚都仲有開邊個話蛋治一定要晨早食？5cm厚嘅蛋治，到咗夜晚都抗拒唔到，又厚又滑，唔知用咗幾多隻蛋呢？碟頭飯係又平又飽肚嘅選擇呢碟嘅雞扒大塊到你唔信，而且皮脆肉嫩太陽蛋又流心洋蔥汁好有兒時情懷生炸大雞扒一樣勁大嚿，唔食隻齋食佢都好夠飽，肉量好多，但炸得唔嚡，皮又夠脆西多士通常都係花生醬餡，呢個非常特別係香蕉蓉餡唔算太甜，但香蕉味滿滿呢間嗌乜都份量巨大，就連嘢飲都大得出奇一杯奶茶都比外面大杯好多，但又唔會好淡

📍#尚君如夢 (灣仔)灣仔天樂里6-18號恆安大廈地下D&E號舖♡推薦程度: 🌕🌕🌕🌕🌑🔺🔺🔺🔺🔺🔺🔺🔺🔺🔺🔺🔺🔺餐廳裝修好特別，一邊長身充滿着貓貓遊樂場數子棋設計，另一邊充滿舊日香港情懷既食物圖片，果然係新舊交融。而佢哋嘅食物亦富有懷舊特色，如: 黑牛、白牛、龍鳯檸樂，懷舊滾水蛋，仲有雪糕紅豆冰等等，價錢都好相宜。❣️#各式雙併多士 💰$21雙拼多士，我哋揀左粒粒花生醬同果占，多士烘得幾香脆，咬落脆卜卜。❣#招牌芫荽餐肉滑蛋三文治 💰 $30一上枱已經聞到好香，雞蛋幾嫩滑，中間夾雜着啲芫荽，幾香👍🏻 ❣#邪惡生炸雞髀配雜果沙律💰 $34如其名，呢個生炸雞脾真係勁邪惡！雞髀肉好容易就切得開，而且雞肉口感都幾滑，唔會好乾身。最值得一讚既係個雞皮好香好脆口！味道有少少似燒豬腩塊皮😍好正！❣#雪糕紅豆冰💰 $28夏天必選既飲品 而家好少茶餐廳飲紅豆冰有得加雪糕🥹 溶溶地嘅雪糕溝埋椰奶都唔會太甜。❣#檸檬洛神花蜜💰 $22養生之選 檸檬同同洛神花茶都帶有微酸嘅味道，非常醒胃。🔺🔺🔺🔺🔺🔺🔺🔺🔺🔺🔺