Little Chilli (Closed)

今日去炮台山東岸公園，搵到e間，打算一試。味道不過不失，但個個阿姐都係趕頭趕命，比錢個時搵銀仔比，個阿姐大大聲語氣極差甘問：係咪比錢。😮‍💨冇下次 。。。。。。…Read More

晚上路過進來發現餐廳烏煙瘴氣，煙味逼人，竟然有一桌食客公然抽煙，嗆得厲害，店家無視放任這種違法行為。其他食客似乎視而不見在吃著。強烈要求店家遵守法規室內禁煙！！…Read More

聽講北角呢間四川菜好出名，味道正宗，所以順道經過就試下佢嘅午餐😛佢午餐好抵食，大概$40至50都有一個午市套餐，但男朋友堅持要食辣子雞（因為我哋早幾日喺南海x號食咗個超難食嘅😂）所以就要叫冇優惠嘅主餐牌QQ果然名不虛傳，辣子雞一上枱 香氣撲鼻，辣椒滿佈全碟，雞件分量充足。炸漿唔厚，亦炸得非常香口，食到一口接一口 停不了。除了辣🌶也充滿麻香，愛麻者如我吃得津津有味😋都配菜都入晒味，食晒雞之後我同男朋友不停搵啲花生、蔥、蒜頭嚟食，精髓啊～🤤不過服務方面就...操住北方鄉音嘅姐姐成日都扮睇我唔到🤷🏻‍♀️落單叫咗香飯同可樂，兩樣都漏單要追，可樂仲要追兩次🥱 …Read More

嗰日同朋友行完山落北角，朋友話好耐冇食川菜。滿懷期待咁去到小辣椒食水煮魚，因為朋友之前食過都話ok。啲嘢食一嚟到簡直令我大失所望。啲水煮魚差到極點，從來未食過一個咁差嘅，第一次食亦係最後一次食，我對飲食要求都唔係高，但從來未試過近咁難食嘅水煮魚。首先個樣已經唔掂，啲魚肯定係唔知擺咗幾耐嘅急凍貨。另外個香辣豆腐簡直係不知所謂，又係難食到一個點。就咁將豆腐切粒，加冇乜味嘅辣醬。仲嗌左個酸辣粉但係唔熟，硬到不得了。…Read More

當晚叫咗半只麻辣雞煲，上菜時發現雞係已煮熟嘅白烚雞件浸泡在麻辣湯裡，完全唔入味。煲內只發現淡而無味兼嚡口的雞胸並骨連皮嘅雞背，但完全揾唔到雞脾嘅踪影（正常應該有雞上、下脾筒骨，但煲內完全揾唔到），湊唔返半只雞，咁嘅小菜質素承惠佰幾蚊。第一次食所謂正宗四川麻辣雞煲，扣起雞髀係唔係業內行規？食後評語：難食、貴、揾客笨！…Read More

天氣開始凍,大家著多件衫!但我同朋友就唔係咁諗啦!!不如食下辣野暖胃仲好啦!!所以就黎左小辣椒食晚餐!職員好熱心地介紹菜色比我地...面我地都好認真揀左三個主菜兩個小食同兩杯飲品!來過一個暖笠笠既晚上!我地order左以下美食 ! 毛血旺 (咁多樣最辣,出曬汗)酸菜桂魚 (酸酸地好好食...）咕嚕肉 （平衡番味蕾)蒜泥白肉 (清清地,做前菜一流)青瓜 (太辣時食一舊可以繼續辣過)兩杯凍檸茶嘩...食完真係好暖胃!我地仲食到出汗...好似排更毒咁...真係超正!…Read More

黎到北角，試下呢間幾出名既川菜。入到餐廳見裝修好有四川風味，菜牌有酸菜魚，一於試下。4個人，叫左涼伴窩筍，蒜香涼伴青瓜，麻醬涼伴粉皮，椒鹽豆腐，辣子雞，酸菜桂花魚。涼伴窩筍，色水唔夠靚，酸味重筍味唔夠香，可能呢批唔靚，所以唔麻麻地。蒜香涼伴青瓜，好似冇拍過，味道還好冇乜特別。麻醬涼伴粉皮，唔錯，麻醬可以多少少會更好。椒鹽豆腐，炸得唔錯，味道還好，但唔夠熱同香脆。辣子雞，雞肉幾惹味，但有啲咸，唔夠辣同有骨，可能每間餐廳唔同做法，花生幾香脆好味。酸菜桂花魚，夠麻，唔太辣，桂花魚好嫩滑，下面有粉皮，個人覺得好咸。因為我地有自來Cup Cake, 食哂枱面既餸之後，想叫服務員幫忙清枱，當時有位姐姐話收工，見廳面剩返1位年輕男服務員在忙，但佢好好，忙完都有幫我地執枱同抹枱，服務態度好好，值得一讚。整體餐飲體驗唔錯，下次應該會再黎，試下其他菜式。…Read More

呢間開咗好多年，真係由細食到大，耐唔耐就會想食一次，真心推介呢度嘅辣子雞，辣子蝦同水煮魚。再叫番支啤酒，真係不得了，鍾意食辣嘅一定要黎試吓，而菜方面我鍾意食干鍋菜花，雖然係有啲油，但真係炒得好香。但今次想試吓新野叫咗酸菜魚，酸菜魚真係一般，個人都係推薦水煮魚。…Read More

今日約咗朋友仔去北角玩～順便睇下有咩好食～～ 由於呢度啲食物太吸引，我地叫多咗，人唔算多，但我地就由下午3點到6點，一路傾計，原本係午餐，而家當食埋晚餐😚😚小食：🐷蒜泥白肉（$55）豬肉唔會太肥，辣油、香醋同蒜泥混埋一齊好好香，唔怕膩，底下仲有粉皮，正😁小菜：🐥孜然炒雞丁（$78）孜然味很重～配上大量我最愛的芫茜。雞肉亦切得細細粒的，味道香口，入口很方便！主食：🦀秘製香辣蟹（$298）隻蟹好大隻呀～啲蟹膏又多！香辣蟹炒得好香，好有鑊氣，用上大量辣椒炒成，辣椒滲透蟹肉內，非常入味，而且辣度剛剛好！🐟酸菜桂魚（$208）食咗咁多重口味野～所以一上菜第一時間飲左2碗湯嚟飲，魚湯味道果然不錯，雖然唔辣，但香濃魚香鮮味配埋桂魚滑溜溜的～份量亦有很多，食極都仲有👏🏻粉類：酸辣粉（$38）薯粉夠嫩滑🍜湯底夠香又好味，配左少量花生碎好惹味🥜太愛了，所以去到哪裡都要點❤️食辣當然要凍飲先夠滿足，朋友飲涼茶，我飲凍檸水🥤加多寶（$9）🍋凍檸水（$12）愛重口味的朋友值得一試😄…Read More

今日去小辣椒🌶食晚餐，辣得惹味人人愛好耐無去北角食野，咁今晚就嚟食番一餐有魚🐟有雞🐔有豬🐖嘅一餐 食番啲兩款開胃小食冷盤先椒麻雞🐔 $55凍食嘅椒麻雞，椒床味勁香濃，雞仲好嫩油，又香又好味 雞絲粉皮🐣 $55粉皮爽口彈牙勁好味，粉皮仲好大塊，麻醬撈雞絲、青瓜絲，真係好正 之後就食主菜，三款就夠哂兩個人食，仲食後好飽酸菜豬肚湯🐖 $68一嚟就飲番個酸菜豬肚湯，勁多酸菜，又多豬肚，個湯酸酸地夠哂開胃，豬肚足料又爽口 糖醋魚片🐟 $78當然要叫多款糖醋魚片，龍脷魚魚質夠滑，仲好厚好大塊，甜甜嘅味道，搞到我食到停唔到口🤭一個人食哂成碟，連啲拌菜(紅椒、綠椒、菠蘿、洋蔥)全部都食清哂😂 藤椒大魚🐟 $148椒味勁香濃，未送到枱上已經聞到好香啦，辣得過癮，魚質嫩滑不腥，如果加埋個飯一齊食，一定勁好味 食川菜一定唔少得飲品，又酸又辣又甜，要配番杯 凍朱古力🍫 $12 及 兩大支哈爾濱啤酒🍻 $17 x2；咁就係最滿足嘅一餐，極之滿足 小辣椒🌶 (北角)北角北角道33號…Read More

今日約咗朋友聚舊，朋友公司附近有間川菜館—小辣椒，我地本身都幾鍾意食辣野，所以決定入去食晚餐😍秘製香辣蟹 ($298)- 香辣蟹一上枱就香氣撲鼻，超級吸引- 香辣蟹好新鮮，食落好鮮甜- 肉質結實，食落啖啖肉，好滿足- 蟹膏好多，食到舔舔脷水煮牛肉地鍋 ($208)- 牛肉份量十足，配料都好豐富，有乾辣椒、花椒、酸菜等等- 辣味適中，豐富咗成個味道層次- 牛肉嫩滑，食落好有咬口，但一啲都唔老，好好味雞絲粉皮 ($55)- 份量都okay，配料都好齊全，有青瓜絲、雞絲，好滋味- 醬汁好好味，鹹鹹甜甜，花生味好突出南瓜餅 ($28)- 三件餅都大大件，煎到金黃色，表面香脆，內餡香軟- 南瓜餅香香甜甜，作為甜點一流檸檬茶 (凍) ($12)- 甜度適中，味道酸酸甜甜奶茶 (凍) ($12)- 茶底香濃，味道香甜，係食辣嘢嘅絕配餐廳內部設計以中國風為主題，配合番川菜菜式，有燈籠作裝飾，別具一番風味。地方都幾闊落，坐得好舒服😆員工都幾nice，同埋整體食物質素都幾高質，下次行經會再encore 😍…Read More

以前喺北角返工，間唔中都會和同事來「小辣椒」吃午飯，餐廳午市以粉、麵及客飯為主，價錢非常經濟，幾十蚊已經有交易，而且要仲免收加一，十分抵食。今晚約咗朋友聚舊，佢建議來「小辣椒」開餐。太好了！又可以重溫餐廳嘅滋味小菜。店舖雖然係以川菜作主打，不過其實餐牌上還有很多不辣嘅菜式，所以就算不嗜辣者也不用擔心。友人向來識飲識食，所以今次點菜嘅任務，就交由他發辦。先嚟兩杯凍飲同兩款冷盤。雞絲粉皮賣相唔錯，粉皮晶瑩剔透，面頭鋪滿了青瓜絲和雞絲，入口味道非常清新，蘸上滋味濃郁嘅麻醬，口感更加滑溜，吃起來別有一番風味。蒜泥白肉亦很值得一試，五花腩片厚薄適中，食落爽彈入味，而且不會太肥膩，能嚐到豬肉的嫩香。蒜泥汁微辣帶甜，配腩片吃，口感極佳。主菜點咗枸杞鱸魚湯、鐵板黃鱔 同 松鼠鱸魚，哈哈，全魚宴， 估唔到友人同我口味一樣，都是愛魚之人。枸杞鱸魚湯 ($128)  和 鐵板黃鱔 率先送上，鱸魚湯湯頭熬至奶白色，味道非常鮮甜，材料除咗有一整條鱸魚外，還配有嫩滑的豆腐、明目的杞子和養生的木耳，絕對是窩心暖胃之選。鱸魚肉亦相當美味，魚肉雪白豐厚，肉味鮮嫩，入口完全沒有腥味。另外個鐵板黃鱔 ($138)  亦做得很有水準，上檯時仍然滋滋作響，熱辣辣、香噴噴。鱔絲條條長短相若，入口軟糯而不失彈性，加上均勻地沾上醬汁，食落夠濃又夠香，好惹味！壓尾送上嘅松鼠鱸魚 ($138)  賣相真係一流，昂首翹尾的松鼠造型，刀工如神，絕對係呢道菜的精粹所在。最抵讚就係外層炸到脆卜卜，入面嘅魚肉仍然滑捋捋，加上醬汁嘅味道酸甜適中，非常開胃，為這頓晚飯完美作結。…Read More

朋友知道我鍾意食川菜，介紹左一間係北角既正宗川菜餐廳小辣椒俾我。聽到個名就知道夠晒辣🤣 我地唔敢挑戰太辣，全部菜都點左小辣。毛血旺$188不得不說呢個毛血旺真心大盤，直程可以用King size黎形容。用料豐富，有黃鱔、豬紅、牛柏葉、仲有大量豆芽金針菇。十分野味，係正宗川菜味道👍👍👍辣子雞$138之前係內地食過辣子雞，一試難忘。於是決定試下呢間小辣椒既辣子雞！真係超正！配料有大量花生同乾辣椒。辣味香濃，雞肉炸得香脆彈牙，好食又唔油。我食晒成碟！！！！😆😆😆蒜泥白肉 $55冷盤黎講真係好大份！！腩肉肥瘦均勻。底層仲有涼皮，味道幾特別，酸酸辣辣😆，與眾不同。南瓜餅店家仲推介左我地食南瓜餅，好似我細細個時嬤嬤煮既味道，好懷念呀☺️☺️☺️。店家服務好好，知道我地第一次黎食，主動推介菜式俾我地食，每一道菜都好好味呀！下次再黎幫襯☺️☺️…Read More

小辣椒，聽到它的名字已經估到是一間川菜舘，川菜的“七滋八味”都能夠在這裡嚐得到。所謂七滋是指：甜、酸、麻、辣、苦、香、鹹；而八味是指：魚香、酸辣、椒麻、怪味、麻辣、紅油、薑汁和家常。這裡的數十種菜式大部份都是我們熟悉的四川料理，當中不乏辛辣的代表菜，但同時也會提供多款不辣的家常的小菜迎合不同客人的需要。夫妻肺片（HK$55)👍👍👍👍這個是四川經典的涼菜 - 夫妻肺片。這裡用了滷水牛肚和牛𦟌，加入麻辣的醬料，香辣可口，伴以的青瓜，既解辣又清新。涼拌萵筍絲（HK$45)👍👍👍👍清爽的萵筍絲，不需要過多的調味，簡單清炒更能突出萵筍鮮甜的原味。辣子蝦（（HK$138)👍👍👍👍這道辣子蝦加入大量的辣椒乾和花辣提味，經過爆炒的海蝦，帶有微微的椒麻和濃濃的辛辣感，麻中帶辣的味道更刺激食慾。毛血旺（HK$188)👍👍👍👍整鍋赤紅色的毛血旺，給各色各樣的辣椒乾覆蓋著，表層浮著一層琥珀色的紅油，光是看著也感受到那種辣度。材料方面有豬紅、牛栢葉、豬腰、黃鱔、大豆芽和水晶粉，十分豐富。泡椒鱸魚煮蜆(HK$168）👍👍👍👍這個泡椒鱸魚煮蜆，雖然加入了泡椒，但味道不算太辣。用了魚湯浸著整條鱸魚和蜆，魚肉仍然保持鮮嫩，蜆肉浸在奶白色的魚湯內，味道就更加鮮上加鮮。可樂（HK$9)Storefront Interior Menu…Read More

今晚來到位於北角33號的(小辣椒)食四川菜，客人已坐得滿滿，店舖的設計十分懷舊好親切，值得一讚是廚師的烹調手法，好像去了四川的地道小店，今晚吃得很有驚喜。香辣蟹用咗大肉蟹來做，推廣價為$198非常抵食。香辣蟹(大肉蟹)當店員拿來放上枱面時，賣相十分震撼，肉質結實又鮮甜的大肉蟹配上大量花椒、芹菜爆炒後食到香味及辣味，好夠鑊氣，十分醒胃。辣子蝦，喜歡食蝦的我通常是食白灼蝦，今次叫了這味辣子蝦，食起時十分惹味，值得一試。酸菜桂花魚$208份量十足，魚肉嫩滑，加上芫茜同酸菜的味道，整煱湯底酸酸甜甜十分夠味，要飲多兩碗。蒜泥白肉$55一層皮、一層肥一層瘦加埋蒜泥一起食，不會太肥膩。…Read More