Xiao Wang Beef Noodle (Closed)

兩人點了3樣野，打正旗號叫牛肉麵心諗一定唔會差得去邊，點知就瀨晒野！兩碗牛肉麵一齊到，先試一啖湯，咦！二人都覺得唔夠熱又無味但色水十足架！算繼續吃，大家都點了幼麵，啲麵淋到唔使牙咬都得。牛腩同牛根同牛肚都夠淋，但唔知點解全部都無味架囉！自問已經唔係重口味嘅人，如果口味重啲都唔知點算。好彩蚵仔煎係熱嘅，味道又係 淡茂茂，所以一定要點佢跟比你嗰個醬先好食。好耐都未遇過難食嘅店鋪，呢間可算係難得一遇。員工態度都ok，環境可接受嘅，只係食物真係差差差…Read More

因為趕時間，又因為佢係附近，見佢寫住11:30開門即刻來食，到達時11:25，見到閘門開到一半，唸住行去第二間都係需要時間，遂企係門口等。等到11:30仲唔開，小小攰，唸住行入去同個姐姐講我坐係入面等。點知一入到去，個姐姐先係對我視而不見，等我“唔該”之後，一面行一面大大聲嗌“未開呀！”。我仲想問多一句，個姐姐同成班師傅係入面隔住十米遠，完全唔聽我講嘢，成班人大大聲嗌“未開呀未開呀”，其中一個仲做曬搞怪表情，我覺得好侮辱。就算係乞兒，你唔俾人嘢食尚且唔曬搞到咁，而家係個客俾錢來食嘢，你地晒唔晒咁喔！賣碗牛肉麵賣到咁大晒咩！…Read More

前排去完台灣，返到香港繼續食牛肉麵，試下有咩唔同！好耐冇黎黃埔原來開左好多唔同食店，星期六晚去唔洗等位，即刻有得入。一眼睇落去樓面員工唔係好夠，得2個人負責全店，不過態度依然好好，冇漏單，好快就上到菜。😋😋——-半筋半肉麵$60牛筋牛肉各半，份量好多，加左酸菜好開胃。湯底唔肥膩，味道岩岩好。麵底份量岩岩好，我地要左粗麵，中意佢彈牙啲🤣，但就唔夠幼麵咁掛湯啦。牛筋炆得好淋又入味，牛肉中間有筋，肉質爽口，唔會炆到一夾就散晒，咬落好有質咸。———三寶牛肉麵$70三寶即係牛肉，牛筋，牛肚。份量依然十足，牛肚入味有咬牙，好食😋——-2個人嫌食麵太寡仲叫多左2個小食。香辣牛肚絲伴涼皮$33睇埋細細碟，份量食落都好多。面頭係麻辣醬，惹味得黎唔辣！牛肚切左絲更加吸收到醬汁，食落又方便。底下舖左涼皮，吸收左牛肉汁同辣醬，好好食，可以當係涼伴麵食添！———烏醋伴雲耳 $26雲耳爽口，撈左醋酸酸地好開胃，又唔會好似其他餐廳咁好多辣油係上面，相對較健康。——2人晚市埋單200，算幾抵食。…Read More

我諗好多人都食過「小王」，就算我都唔係第一次食。每每以為牛肉麵先係招牌菜，一定好食。有冇諗下其他野仲出色？呢個人人都會試一次既牛肉麵，牛係主角，除左夠「霖」之外，仲覺得平平無奇，冇特別留下深印象，下次再去都未必再叫。所以我今次試新嘢，食鹽酥雞粒肉燥飯，又幾好食喎，I mean雞粒，肉嫩又大碟，即炸，係就係喊左少少，不過食得鹽酥雞就抵得喝。要改善既係肉燥，太乾，不過可能有人鍾意食乾身掛。Lunch Hour去，1點就滿座，最好早d去。…Read More

附近真係太多好野食, 經常都會行經呢個位置,但即使係繁忙時間都唔多人, 我都唔知點解一次都冇食過… 今次lunch就比個機會佢~試試佢啦!!入去求其搵個位坐低左, 鋪唔笠大, 一眼睇得哂, 但唔知點解, D侍應好似好忙咁(但唔知佢地忙乜) 叫極都冇人落單, 再過一陣, 終於叫左一個半筋半肉麵(幼麵) 同埋一份一口鹽酥雞半筋半肉麵-$47. 自己個人喜好比較喜歡食幼麵. 麵質軟硬度適中, 湯底香味濃郁,有點中藥味,唔會好油膩; 牛筋牛肉燜得都夠入味, 但就唔係好稔好稔嗰種,而係有咬口嘅牛筋牛肉…湯底掛上麵, 好有台灣地道的牛肉麵的感覺!一口鹽酥雞- $29. 份量不多, 炸得有點硬, 不過好香... 雞肉比想像的薄, 所以咬落去其實係食炸皮多於炸雞...有點少失望！好一般嘅台灣野... 附近美食多的是, 再加上服務散慢, 有D明白點解唔係咁多人...…Read More

第二次來，第一次叫了牛肉麵，覺得還不錯。今次點了份鹽酥雞湯麵。湯底還可以，不算濃郁，屬於清淡的一種，但麵本身沒有吃到湯的味道，有點寡口。麵質有點過淋黏口。雞扒賣相吸引，但一咬就知出事，炸皮好厚好硬，雞肉好薄唔多汁，期望的台式炸雞應該係啖啖肉，多汁鬆軟，味道都唔見得好，椒鹽唔香。賣相大大份，整體感覺麻麻，唔推薦。香港台式餐廳蠻多，這次的食物完全不合格。外賣小食店的雞扒質素都很高，在香港一般都容易找到好吃而且價錢相宜的炸雞扒，上次牛肉麵的感覺比較理想。…Read More

是日晚餐, 一人一份肉燥飯另加小食. 肉燥飯份量正常, 但是小食份量真係少得有點過份. 6片台灣腸盛惠HK$29 大元. 呢6片台灣腸合併埋大概可以成為"一條"完整嘅腸. 另外一份手抓餅係由"一塊"薄餅疊成. 上枱嘅一剎那我真係好希望侍應係擔心我地食唔晒浪費先會出現呢份咁嘅portion size.…Read More

今日第三次喺小王食 lunch。頭兩次都係食原汁牛肉麵。第一次覺得個湯底好濃牛味帶啲辣椒嘅甜味，牛肉好稔，好味。隔咗兩個月再去，叫埋同一個牛肉麵。誰不知… 咁就中了伏。嗰次個牛勁韌，個湯濃到羶。嗰次最後我要去附近啪個魚柳包。一年後，由於同事好想食牛肉湯麵而小王最近所以抱住中伏嘅心理準備（加上對同事嘅大愛），再步入哩間餐廳。你話我偏見又好，唔敢再嘗試都好，我唔會再點牛肉麵。望住個 lunch menu，最後叫咗台式肉燥炸大排飯。肉燥好味道，唔太咸。肥豬肉唔多所以唔會覺得一口油。有啲餐廳會為咗令個肉燥香啲而將肥豬肉嘅比例加多… 係會香啲但係一口油添囉。所以小王嘅肉燥值得一贊嘅，除咗食完口渇到旱荒咁之後。大排係豬扒。雖然係急凍豬扒但係食唔到雪味。醃得好入味丶炸得好乾身。豬扒唔 Juicy 但係由於塊豬扒唔薄又炸得鬆脆。基於針無兩頭利，50幾蚊有咁大碟…係幾唔太差㗎喇。抱歉喺衞生方面俾唔落分因為負責上菜嘅店員陣汗味好似喺隔離個 gym 做咗成朝運動咁。…Read More

偶爾會喝洛神花茶或山渣茶，兩者味道都是酸酸的，但這杯珍珠洛神花山渣茶卻產生了負負得正的效果，兩種酸的東西下去竟然酸味微弱卻甜得反感，珍珠粉感重，欠彈性，飲料又不夠冷，差得我忍不住要求侍應換一杯。侍應做不了主，找來一個貌似是高級職員，我向她要求換一杯不同口味，看她嘴臉也知道不願意，而且也懶得聽我把話說完，只是說句給我換就拿走我手上那杯。結果只是重新做一杯一樣的，當然依然不好喝，但放的冰比之前多，味道沒有之前難受。用餐過程中，看見這位高級職員對員工黑口黑面、粗聲粗氣，我跟同行人說現在飲食業找工作挺容易吧，換是我用不着屈就自己在這裡打工。這是一家台灣菜餐廳，我不曉得何謂正宗牛肉麵，但這個湯底做得不得我歡心。說它難吃倒不至於，它的味道讓我聯想到肉骨茶，它有着近似是藥材，但又還不到藥材的味道，卻沒有像肉骨茶那樣散發着藥材香，同行人表示這股味道讓他覺得麵吃起來很淡。對我來說，那不是太淡，而是一股要苦不苦的味道打亂了味覺。牛腩非常軟腍，但因為湯底的問題，味道不怎麼樣，而且給很少。在我們的飲食習慣裡，較多接觸潮州粉麵或車仔麵，相比常吃的粉麵類，這個所謂的幼麵一點都不幼了。我以為這個粗度吃起來會像油麵柔軟中富有咬口感，實情卻是純粹的軟，不喜歡。原汁牛筋粗麵放上很多牛筋，與牛腩幼麵的份量形成鮮明對比。 牛筋非常軟腍，但牛筋麵用上與牛腩麵一樣的湯底，所以又是同一個問題，味道並不吸引。粗麵闊如闊條麵，但比闊條麵厚，以麵來說，這種粗幼度過硬了，不過它畢竟只是麵粉做出來的東西，不會有難以咬開的問題，但是咀嚼起來有種阻力，沒有吃麵條的順暢感。然而，相比軟乎乎的幼麵，我寧可選擇這種過硬的，麵條一但軟過頭總是向嘔心的感覺奔去，分別只是有多嚴重。晚上曾經過這家餐廳，門口堆着一群等候的人，下午來卻是一半未滿，差別很大。這家店，食物不行，服務不行，就是環境比較好，裝修簇新，整齊乾淨，此行二人可佔四人座，坐得舒服。然而，即使環境再好，食物與服務不行已是死症，永別。…Read More

其實紅磡好多餐廳，好多美食～但台式牛肉麵心癢突起，而下午茶的時段剛好經過「小王」，隨即光顧。店內環境偏暗，但裝修不錯，座位也很闊落。由於下午茶的時間沒什麼人，座位被安排到卡位，很好！招牌叫小王牛肉麵，點餐一定要揀牛肉麵吧！$46未計加一，包飲品一杯，冰茶走冰，沒有冰粒去淡化冰茶也不會過甜，清甜，算不錯。牛肉麵上檯賣相就很一後，因為小棠菜都墊底了，放面會有美感點吧？師傅也沒點誠意。湯不會太熱，但只喝了一口，因為味道其實麻麻地，完全沒有台灣的味道，層次感不夠，又不夠濃郁，沒有令人想喝多一口的衝動。後悔選擇了幼麵，沒想過如此糟，麵條煮得太過火了，腍腍的，一點生命力、一點口感都沒有，彈牙？車邊都跟不上啦。偷試了朋友碗中的粗麵，口感完全兩回事，可能粗麵太粗，泡煮需時，不會致過腍。但師傅是否要衡量各麵條的粗幼，去釐定泡煮的不同時間呢？說真的，米線口感比幼麵更好，以此家幼麵作評論。牛肉...不是傳統的一片片一塊塊，而是港式的牛腩外形一舊舊，台式風味何在？肉的質感還可以，比較腍，咀嚼不用費勁，味道和湯一樣味一樣屬普通。寫食評的過程才意會到小王牛肉麵原來已有8間店那麼多，犀利！但質素麻麻，也只怪自己選擇了連鎖店式的制作與味道，平平無奇，但又總會有間在左近。沒有衝動的下次。…Read More

小週末跟友人第一次來到黃埔食飯，黃埔餐廳種類繁多，各式餐廳任君選擇。友人提議台式料理，於是便選了小王牛肉麵。我們被安排了一張角落的卡位，所以較為舒適。餐牌跟其他分店一樣，我們分別點了酢雲耳、半筋半肉牛肉麵、煎蝦餅和浸高麗菜。酢雲耳爽脆，酸味恰好，十分醒胃。煎蝦餅外皮香脆，蝦肉彈牙、但稍為焦了一點，比較像炸蝦餅。半筋半肉牛肉麵湯底當歸香味濃郁，非常足料，不太油膩，牛筋和牛肉未有燜煮得太稔，較有口感和肉味，實在不錯，粗麵有韌性。高麗菜的上湯濃郁，有蝦仔，高麗菜鮮甜爽口。服務員有禮，環境舒適，是晚消費每人約$110，價錢合理。…Read More

係黃埔行完街，買左一大堆野，咁就想搵間坐得舒服啲既餐廳食少少野，跟住朋友話聽過小王個名幾次想試下，就揀左呢間，但之後真係超後悔。。。個日假日，但唔算多人，多空位既，咁兩個人安排坐單邊位，本來平時就問題不大，但個日買左好多野，問佢可唔可以比張櫈放野，店員就叫將啲野放地下，即係咁。。。食譚仔呀姐見人地揹背囊，都會比張櫈人地放野，呢間叫你一袋二袋，就叫你放地下，感覺超差。之後叫野，老實講，野食就係失望，個滷水拼盤，淡到一個點。。。麻醬a菜，無話o唔ok既，連呢個都差就。。。仲有個手抓餅就無意見。咁就仲叫左啤酒同一個都唔記得係芒果咩既飲品。如同之前既網友講，無服務可言，野食又唔好，請都唔會再去。ps,個個男性化既女店員，態度真係。。。…Read More

經過了無數次的小王牛肉麵，今日午餐可以一試。個餐牌係一張A5過膠紙，點菜時用蠟筆自行填寫。職員話咁樣可以重用，唔需要浪費紙，幾環保!牛肉麵(粗麵) 牛肉有三條，炆得幾腍;牛筋麵(粗麵)牛筋份量都多, 湯底有牛肉味台式肉燥飯飯量足, 一般男士都夠飽, 肉燥同汁既味道配合得唔錯, 唔太咸, 都合格午餐奉送一杯蜂蜜綠茶, 但係就只有凍飲。 建議可以提供熱飲比客人。座位尚算舒服寬敞，部分較年輕職員就肆無忌憚咁大聲傾閒計，有食客叫佢地聽唔到…雖然小王牛肉麵不至於為高級餐廳，但基本服務態度應該要有。…Read More

琴晚原本叫左四道餸，結果尼左兩道餸，尼左個牛肉麵同碟菜，明明個滷豬手同排骨湯麵已經係個menu度寫左1字，個waiter好似發雞盲睇5到甘都算，同其他waitress講左漏單5使再追(因為都5係好好食)，say 個sorry就算，果兩個waitress仲好似當d客5係到甘，自己兩個係度大傾特傾，工作態度超差!以後一定5會再去…Read More

牛肉麵麵質有點軟，口感不太好牛肉根不會好難咬湯有一點中藥味，有點像台灣的珍珠奶茶珍珠好好口感，甜到適中炸雞炸得好香口手捉餅如果煎碎啲方便食，一大塊食到成面都係😅😅…Read More