Video
9-min walk from Exit A, Yuen Long MTR Station
continue reading
Opening Hours
Mon - Sun
10:00 - 20:00
Public Holiday
10:00 - 20:00
Public Holiday Eve
10:00 - 20:00
Above information is for reference only. Please check details with the restaurant.
搬咗黎元朗成三個月，都未認真行去雞地睇吓有乜嘢好嘢食。之前都聽人講雞地嘢食多，今日難得放假同老公去睇吓。海南雞近幾年開到成行城市，咁岩見到有間賣海南雞既舖頭叫小屠夫，見過名咁搞笑，就去試吓先。餐廳標榜佢所有雞都係清遠雞。見到佢疫情期間出咗一個三送飯套餐，只需要$28 ，小編覺得真係好抵食。仲可以選擇黃姜飯。小編揀咗雞扒，蒜香骨同埋魚肉蓮藕餅。雞扒正正常常冇乜特別。蒜香骨煮得幾林幾入味，抵讚。魚肉蓮藕餅係比較厚身，雖然放咗一段時間，但仍感受到有小小嘅香脆。特別稱讚喺黃薑飯，平時我出去食嗰啲，嫌佢哋比較淡未，但估唔到今日$28嘅價錢，可以食到一個比較濃味嘅黃薑飯，覺得真係好開心。小屠夫除咗雞之外，仲有好多麻辣小食，我相信下次可以返轉頭再買黎試下。今日講住咁多先！
continue reading
之前都有聽過呢間小店，話說見到open rice 有外賣自取優惠，所以即刻係open rice 落單外賣自取，諗住支持下小店。本身諗住打電話去confirm張外賣單，點知電話號碼又冇，乜嘢聯絡方法都冇。半個鐘頭後，到達舖頭打算攞餐嘅時候，show 俾佢睇OpenRice嘅訂單之際，舖頭有位年青女店員，態度好惡劣咁講：「我哋冇你張單喎，我哋冇OpenRice嗰部機，唔會收到單，你取消咗張單佢啦。」然後就無視我，淨係招呼其他客人，眼見店舖裏邊仲有好多其他店員，但完全冇人出嚟幫手，解決呢個問題，我只有好無奈咁樣企喺度。之後我問店員可唔可以你現場買用返OpenRice 個價（外賣自取九折優惠）佢話可以。但係點知到俾錢嘅時候佢就話要用返正價買，真係好無奈。全程好似俾人玩緊咁，店員服務態度又差。總括而言，不！會！再！試！
continue reading
之前喺網上睇到小屠夫嘅廣告，咁啱琴日路經此地，就小牛試刀買一隻試吓啦手工糯米蛋$12/隻；$30/3隻買返嚟已經凍咗，隻蛋已經熟咗，即刻食都得，職員教我用電飯煲蒸15分鐘味道會最好。返到屋企我就剝殼食，冇再返熱，好淋嘅糯米飯，根據之前上網睇到嘅資訊，糯米蛋原名叫五福蛋，裏面有五種材料，包括：臘腸、粟米、冬菇、鹹蛋、糯米飯。其實隻蛋咁細隻入邊裝咁多材料，實際得2啖，都唔食得出幾多野，個人認為個糯米飯太淋太濕，食到底部先食到鹹蛋黃，啲新鮮野幾得意呀，試下無妨。我見舖頭仲有其他好多出品嘅，有機會就試埋其他食物不過如果真係肚餓，就正正經經買碗糯米飯食會好啲
continue reading
28蚊就有兩餸飯，可以點豬扒或雞扒，再加涼拌小食（鵝腎同雜菜）或蒜香骨或蓮藕餅，我點豬扒涼拌鵝腎黃薑飯，豬扒正常味，反而涼拌夠晒辣入味，黃薑飯都有驚喜。28蚊有咁嘅質素，絕對無投訴。下次會再試下涼拌牛肚，涼拌牛展，仲有豬腳仔。早前蘋果日報有介紹他們的手工糯米蛋，細細隻咸蛋釀糯米飯，真喺心機功夫菜，出面好少見到，下次我一定會幫襯。經濟環境不景下，後生仔老闆local店小本經營，作為街坊一定要多多支持。
continue reading
行過見到間新面孔，就入去睇吓有咩食。主要都係食雞飯，老闆話開咗一個月左右，呢排仲有抗疫優惠，每個飯減$10，幾抵👍🏻多飯多餸，本人唔好炸菜，掉哂。黃薑飯，雞都唔錯，不過都係中意無骨海南雞多啲。其實都唔可以叫海南雞飯，因為佢可以點嘅汁係姜蓉，所以我覺得佢只係白切雞配黃薑飯😂海南雞飯（ $45減$10 ）雞幾入味，不過唔好彩，食背脊，無咩肉食。鹽焗雞飯（$45減$10）不過不失，$35都ok啦，下次試下無骨嘅飯，可能會飽啲😂
continue reading