Fulum Palace (Closed)

友人約吃飯，今日大家都想吃中菜，講到吃，友人最厲害，她會搜羅很多美吃，我當然信任她啦！收工問她去哪裡吃，她話吃富臨。唔好玩啦！又唔係屋企人生日宴會，吃酒樓？她陣陣有詞的說，你吃過黃油蟹嗎？我話：未！甘我就輸左啦！富臨都唔係第一次吃，不過黃油蟹聽落去好期待。乳豬外表脆，肥而不膩，這是我認為好吃的乳豬。加上一如既往的醬料，絕配！花生配茶，等待其他食物。鮑片好入味，又不會很鹹，生菜很爽脆.有水準。xo醬爆蝦球炒蚌片微辣的XO醬令食物更加惹味，加上新鮮的西芹，與蝦球也是很好的配搭，蚌本身沒有甚麼味道，於是也很適宜較為濃味的做法。魚不能蒸太久，又不能太生,要蒸到剛剛好，坊間有許多種說法，說到底就是火候的控制，說來容易，除了火後，時間也是很關鍵的，缺一不可，我最欣賞的是酒樓的魚，又嫩又滑。非常好味。來到主角，黃油蟹，我第一次吃，顧名思義是黃色的糕，甘甜，沒有腥味，加點醋進去更加錦上添花。總括而言，非常滿足的一餐中餐，能夠享受才是美好。…Read More

大清早起身,家人話要去飲茶,咁就去飲啦.....好彩時間都仲早唔需要等位其實時間都早所以胃口都唔算大,唔肚餓,不過就好想飲下野係咁易食少少野醫下肚,食幾樣點心就夠,志在大家坐下飲杯茶食個包架JA開心就係咁簡單喇,一起飲飲食食入到去飲兩杯茶睇左陣叫左4樣野春卷,釀茄子,义燒包,鳳爪鳳爪--夠晒入味,慢慢食,""倫""下骨咁,豆豉味令到成碟野差好遠,好食好多春卷--個皮都叫做脆既,不過唔夠香口,可以再炸多一陣令到令香口,入面既料都OK既釀茄子--煎得幾香口,不過就油左少少....茄子係吸油都無計,如果唔怕油既話係幾好食既义燒包--包皮無濕到,因為個人好怕食包個陣因為有倒汗水而令到個包既皮濕左既包,因為個質感會好差....而D料都OK,好香既义燒醬同义燒味道…Read More

黃油蟹乳豬做晚餐 = 抵食早就聽說富臨出左個抵食套餐，唔只有黃油蟹，仲有乳豬食呢款期間限定的出品，既然去小西灣探朋友，梗係帶埋大家一齊去食啦！極品黃油蟹餐 - 4人份量；上到黎，睇落可以食6人咁多！超值！半隻脆皮乳豬真係好脆，食到卜卜聲；個女勁話香口，唔錯，肉都幾香嫩/////清蒸頂級黃油蟹：4個人分2隻，唔算大的SIZE；但係份量就超級，多膏又多黃；極之有味道，好香好鮮，抵呀/////古法蒸龍躉腩：味道都唔錯，龍躉腩蒸得幾入味，配埋D紅棗，又幾甜噃/////原盅燉響螺湯：作為媽媽，一定睇煲湯足唔足料呢個燉響螺湯就超水準啦，因為豬肉、雞肉、響螺、淮山、仲有杞子，全部都好養生，成啖湯都好好味/////XO 醬爆蝦球蚌片：XO 醬已經夠惹味，而蝦球夠大隻，蚌片亦切得夠薄夠彈牙，配飯都幾好食/////蠔皇花膠扒翡翠：呢味D汁幾香，花膠可以再厚身D，整體有水準/////生煎菜肉包：熱辣辣肉包，2分鐘唔洗食晒，阿女食得好滋味/////富臨味道真係幾唔錯，下次飲茶，再幫襯先/////…Read More

由細到大都未吃過黃油蟹，見富臨出了黃油蟹套餐，4人都是$1480，有半隻蟹，又有魚、海鮮等等，比起坊間800 - 1000元一隻黃油蟹，實在十分化算。 那我們剛好4個人便點這個4人套餐了。四人黃油蟹套餐，$1480乳豬半隻乳豬分了兩排的擺位，燒得有點燶但夠脆口，乳豬較瘦，適合健康的香港人。原盅燉響螺湯老火湯很足料，響螺湯內還有瑤柱仔、老雞、豬𦟌等等。響螺的乾海鮮味很特出很香。XO 醬爆蝦球蚌典型的飲宴菜式 - 兩熱葷之一。西芹唔老，加了XO 醬很惹味。 蝦球比我朋友掃哂，應該好好食，佢先會咁自私！ 古法蒸龍躉龍躉蒸好後淋上豉汁，龍躉蒸得過咗少少火喉，但材料本身好味搭夠！蠔皇海花膠扒翡翠花膠份量幾多，多到食唔哂！ 花膠忟得軟軟的，少少黏口。杰身的蠔油獻更是我的最愛。黃油蟹爆膏好嚴重，蟹膏好軟。軟到好似獻汁咁。好香口。連蟹腳的肉都是黃色的！生煎菜肉包沒有美點雙輝，但有菜肉包，更特別。熱辣辣的包子很暖胃。…Read More

父親節正日以防冇位,提早BOOK定去到見到有個SET不過最後都冇叫SET改左食散叫最後ORDER左以下幾個菜澳洲龍蝦加伊麵上湯焗,椒絲腐乳通菜豉絲涼瓜牛肉,菠蘿生炒骨,大海星斑極品燒鵝皇,豉椒炒花蛤澳洲龍蝦加伊麵上湯焗都算新鮮不過價錢就好貴喇椒絲腐乳通菜味唔算濃應該係淡口豉絲涼瓜牛肉幾好味菠蘿生炒骨味道都算OK大海星斑清蒸魚黎講唔鞋口蒸既時間咁大條都控制得好好,食落好正極品燒鵝皇全晚咁多樣食品中最正一味,多肉汁皮又脆豉椒炒花蛤質地唔掂,係無沙既不過食落就唔好食…Read More

我個好朋友生左小朋友，今日去柴灣探佢地一家，好日都吾會走入柴灣，今日就破例入左去，一早去到傾下計，不經不覺就到晚飯時間，佢suggest 我地去食富臨，叫餸食飯都okay我地叫左份琵琶豆腐，木桶雞，炒通菜，薯仔牛柳粒琵琶豆腐total 都有10舊到，大份夠食，個豆腐都幾實，幾有味，個汁係面幾惹味，熱辣辣好食啊木桶雞，富臨d雞不嬲都幾好食，d雞好有雞味，吾會話好肥，又夠大隻,so nice炒通菜，不過不失啊，幾好，煮到岩岩好薯仔牛柳係我至愛，呢個matching冇得頂，薯仔夠淋身，牛柳都係，個味就都夠甜嘅今餐整體都好滿意…Read More

個日入左柴灣拜山, 順便落小西灣富臨食早飯。由於六點鐘就黎到, 所以唔洗等位, 有好多位淨。呢間富臨感覺都幾醒目, 無咩異味, 都幾光猛。我地一行4人都點左唔少野食。 叫左花膠北菇鵝掌煲, 乳鴿, 薑蔥焗桶蠔, 海味銀絲煲, 生炒骨。菠蘿生炒骨$68正常水平, 酸酸甜甜, 都幾多肉食。海味銀絲煲$68呢碟味道比較清, 海味唔算多, $68咁上下啦! 銀絲比較多~~幾好味, 唔會話太碎。都幾入味...薑蔥焗桶蠔$128呢碟係我點既, 果然無令我失望。薑蔥發揮到作用, 少少腥味都無, 桶蠔好肥!花膠北菇鵝掌煲$98呢個都幾抵食的, 又花膠又鵝掌都係98蚊, 都幾足料~~都入味, 不過花膠應該要浸耐少少。乳鴿$38 (呢度2隻)呢個正, 好惹味呀! 熱辣辣咁上~ 唔貴~…Read More

上星期六又去左屋企同阿公最鐘意既富臨到食野特別係我阿公 佢好鐘意食富臨因為佢覺得富臨既小菜都好出色唔一定係乳豬 魚翅個D所以佢特別偏愛呢到既小菜 多款又成日好新野呢個星期新MENU就有個韓式部隊鍋!!所以我唔係同阿公食 我諗我都會好奇試下個部隊鍋 哈哈不過阿公不嬲唔鐘意食韓國野所以都係叫返D小食 始終今次係佢生日 緊係佢話事啦我地叫左幾道菜 整體都不錯先講下個蒸蝦呢個幾乎每次黎富臨都會叫因為我地屋企平時比較少食海鮮同埋呢到既蝦份量好多 好抵食!!除左海鮮... 都係海鮮..我地仲叫左個炒蜆呢個都幾足料 配料好多傳菜時已經好香噴噴!!…Read More

舊同學從美國回港探親,相約四人聚餐,近香港柴灣出名的好食又抵食的中式菜,立即想到富臨皇宮酒樓。坐下後,點了幾款美味必食之選菜式,波士頓龍蝦孖寶 ,有上湯焗 / 芝士焗 (伊麵底),我本人無芝不歡,當然選芝士焗伊麵底,芝士香濃麵軟滑,龍蝦鮮嫩肉質彈牙,味道一流令人回味無窮。花膠燒豆腐 $78,花膠鮮嫩口感彈牙,燒豆腐吸收了特製醬汁十分惹味,豆味香濃,唯一美中不足是花膠火炆得不夠腍。菠蘿生炒骨 $68,青椒爽脆、波蘿鮮甜,炒骨外表酸甜香脆,内裏肉質鮮嫩,美國朋友都讚那邊無一間中國餐館可食到咁地道的生炒骨。京式片皮鴨 $148/隻,鴨外表燒得香脆,油脂不太多,肉質十分鮮嫩,令人驚喜的是外皮每張連吸油紙一張,使外皮不會互相黏着,可慢慢品嘗這菜式的真味道。龍躉2味 $228,包括清蒸龍躉頭腩和西蘭花炒龍躉球,清蒸味道鮮甜炒龍躉球肉質鮮嫩兼口感一流,因魚肉受高温油炒後肉質因收緊而令咬口更豐富,口感更上一層樓。…Read More

今日係一個特別嘅日子，就係屋企人生日啦。通常老一輩都喜歡到茶樓慶祝。呢度茶位每位$10，小食都係$10一碟，侍應不時過來添水，服務態度十分良好！首先點咗一碟餸粟米魚塊＄88，菜式非常之多汁，個芡汁就比較杰身，比較適合撈飯嚟食。汁除咗粟米之外，亦有少量蛋花。 魚塊炸得非常香脆，肉質尚可以，有點鬆散，而味道就一般般啦，有點膠味。點了薑蔥焗肉蟹＄78 x2，呢個就比較特別，一定要兩隻以上先可以嗌。薑蔥味非常之濃郁，整體調味嚟講算係重。唔好睇少呢隻蟹，以為佢咁瘦一定冇乜肉，但事實上好肥美，肉非常多而且鮮嫩多汁，能夠真真正正吃出佢蟹香味，一人半隻都唔係好過份啫。極品燒鵝王＄20 之前(稻X) 好興一蚊雞，富臨都唔輸蝕，推出平價燒味。呢隻燒鵝(例) 只係20蚊，真係一定要試。鵝肉非常之多汁，而口感方面可以話係啖啖肉，燒鵝嚟講佢算係偏肥夾大隻，香噴噴嘅燒鵝未真係令人無法抵抗。仲叫左翡翠炒六感＄68，6樣菜埋，真係好正Q_Q 好健康之餘，仲要唔鹹，必試！屋企人話係白飯就真係hea咗啲，所以我哋決定呀一個炒飯share. 櫻花蝦海皇炒飯＄88,每粒炒飯都粒粒分明，而且炒得乾身，食落去非常之有口感。特別鍾意口感非常之香脆且可口嘅櫻花蝦，再配上蛋花，令整個炒飯嘅色香味唔同咗，提升了味道的層次感。有機會會再來。…Read More

活在現今的社會，生活忙碌，工作壓力大，平日，BeautySearch 喜歡行街 Shopping、食飯、睇戲來減減壓，相信，不少忙碌的都市人都像 BeautySearch 那樣，為生活加加油。 但不知是否太愛 Shopping 的關係，早年，BeautySearch 早年竟入職某大地產發展商，並於旗下商場作推廣工作，而其中一所我負責的商場，便是藍灣廣場。轉眼間，已離開這公司多年，當年共同作戰的戰友，過半數已另覓發展，唯獨我的上司仍然謹守崗位。 早前，BeautySearch 剛巧在附近接了job，完成工作後，便道也探望一下舊同事，可惜面目全非。相隔數載，難得再見，於是大家便一同往酒樓去共聚晚餐。 由於老頂較忙，未能即時放工，我與兩位舊同事先到《富臨皇宮》坐下，開定位，等候駕到。 等候期間，除了吃點花生，我們還點選了一客涼拌 ~ 「涼伴高山耳」邊吃邊等。「涼伴高山耳」相當大碟，不過，木耳的熱量低，而且具膳食纖維、多醣體和抗凝血物質三種成分，多吃有益，也能用來控制體重。加上以醋烹調，味道鮮美中帶點酸酸辣辣，十分開胃。 看看餐牌，選擇可不少，而且還有精美的照片作參考，真的越看越叫人肚餓，幸好，不一會，老頂駕到，我們可以正式點菜。 舊老闆請食飯，又怎可失禮，龍蝦當然不可少，我們點選了「波士頓龍蝦孖寶」，除了龍蝦，還可併另一款菜餚，更可享合併優惠，於是，我們揀選了龍蝦併「金裝拼盤」HK$258。 龍蝦已有我最愛的伊麵底，還可選上湯焗或芝士焗，幸好大家都是『芝士控』，因而揀選了芝士焗。其實，BeautySearch 也有一段時間沒有來酒樓，酒樓風味的芝士焗龍蝦更是久違了，甫上桌，即被那濃濃的芝士香氣吸引著，加上每一條伊麵都沾滿了芝士的醬汁，香滑芳香，龍蝦肉質鮮嫩彈牙，久違了的超級「芝」味即時湧現，令人回味無窮！ 「金裝拼盤」 搭配亦相當豐富，其中包括兩款金黃美食：炸豆腐及素鵝，另外還有鴨胸、燒肉等，款式多，份量也相當豐富。拼盤中素鵝是 BeautySearch 的最愛，外皮酥脆，餡料豐富，而且又不會過於油膩，口感蠻不錯。 另一 BeautySearch 懷念的酒樓菜餚，是「京式片皮鴨」HK$148/隻，由於太耐沒有見，舊老細給我自行發辦，我當然忍不住點選自己喜歡的...... 片皮鴨的重點除了落在鴨的外皮上，另一賣點當然是即場片皮表演！鴨的外皮燒得香脆，沒有過燶，油脂亦不算太多，雖然黏附在鴨皮上的鴨肉不算多，肉質卻十分鮮嫩。最貼心的是，用作包片皮鴨的是皮竟每一片均用上一張墊紙作分隔，平日的皮很容易便會黏在一起，這麼一隔，大家可以慢慢品嚐也沒問題喔！ 另外，我們還點選了「龍躉 2味」 HK$228，2味包括：「西蘭花炒龍躉球」和「清蒸龍躉頭腩」。「西蘭花炒龍躉球」十分香口，香煎過的龍躉，肉質爽口彈牙，搭配西蘭及菇品，別有一番滋味。 另一款「清蒸龍躉頭腩」，味道鮮甜，肉質相當鮮嫩細滑，龍躉下還墊了不少木耳，十分有益。龍躉 2味各有千秋，口感與味道截然不同，真叫人難以選擇，兩款也不能錯過喔！…Read More

​ 藍灣半島好似得一間酒家，同老人家去食一定要揀中菜， 所以富臨皇宮亦不失為一個平價的中菜選擇。 有得打邊爐GA...~ 每次去親酒樓都要選擇龍蝦伊面，加上大家都係食肉獸，就叫左一個套餐。 波士頓龍蝦孖寶+金裝拼盤＄258 波士頓龍蝦可以選擇上湯煮或者芝士，老人家唔可以食芝士咁高膽固醇，所以就揀咗上湯。 龍蝦方面都幾大份，好多已經切好晒一件件，容易進食，基本上唔需要用鉗。 裏面啲肉好肥美， 十足海水鮮味，而且肉質爽彈，就係中式果種芡汁，好香。伊面份量都幾大，而且好有水份，唔會乾爭爭，面質比較林。 金裝拼盤就有4樣野..~燒肉，煙鴨胸，炸豆腐和炸素菇，能保持水分真難能可貴！ 燒肉的皮很脆香，認真不錯。 菠蘿生炒骨＄68 生炒骨每一粒都圓轆轆，肥肉佔嘅比例比較少， 主要都係瘦嘅豬肉，肉質唔會痴牙，外皮就比較脆。 隔離啲菠蘿是想甜甜非常開胃。 紅燒乳鴿＄38 x 2 每一隻紅燒乳鴿都會分開兩邊，個外皮又係燒得勁香， 啱晒食肉怪，裏面啲肉仲好嫩，建議皮同埋肉一齊食。 極品燒鵝王＄20 呢個真係超抵食， $20就有咁多燒鵝，有啲位置就比較多肥膏， 不過整體都係多肉，質感唔錯，真係燒鵝。外面嗰層皮都好香脆呢！ …Read More

星期日又係同屋企人出街食飯嘅時候，咁岩去完附近行下街，購物，之後就食餐晚飯。藍灣半島就有一間好大嘅酒樓，富臨皇宮。原來都有好多嘢食揀，包括任食火鍋，不過我哋都係鍾意傳統中式食品，選擇單點菜式。木桶豉油雞＄18 (每台限一隻)好似真係成隻雞，大大隻，豉油都好入味，不過顏色就 唔會太深。鹹香十足，而且雞的質感亦非常滑嫩，要來送飯一流。＄18簡直非常抵食，如果唔揀佢嘅話都可以選擇燒鵝，燒鵝就＄20。金蒜銀絲蒸鮮帶子海皇冬瓜盅 $178以上兩款食品＄178係種價錢，帶子每一粒都大大粒，而且用咗蒜蓉同埋粉絲，香氣迫人。粉絲完全索哂蒜蓉和豉油的香味，美味非常。再加埋帶子中間切開一刀，熟度剛剛好，而且蒜蓉夠入味，口感夠彈牙，實在不錯。海皇冬瓜盅超級大，有好多唔同嘅海鮮和肉，包括魷魚和豬肉，冬瓜湯非常鮮味，可以同時食冬瓜，大概可以整到十碗有多，好抵飲呢！龍躉兩味＄228其中一味係比較濕，聽講龍躉去鱗都幾麻煩，所以自己平時屋企都唔會整。龍躉應該係沙巴，非常之肥美，而且魚皮充滿骨膠原，肥而不膩。旁邊都有啲雲耳，幾吸引。另外一味就是西蘭花配上去骨龍躉肉，肉質非常肥美之餘好少肥膏，成件都是啖啖肉。真的非常豐富，而且調味也是剛剛好，西蘭花就是普通熟了的西蘭花～茶位每位＄10 ,小食兩位總共有一碟，也是收費＄10。收費公道，而且菜式的味道和品質都有保證，值得推介一下的酒家！…Read More

呢間酒家遍佈港九新界，總有一間係左近，太方便了，今晚就去食富臨皇宫。打開menu相當吸引，講得係價廉物美，我喜愛食清淡一Ｄ，照餐牌上有營之選選擇包冇錯，蔬菜我order左高山耳〈雲耳〉鮮茄浸菜心苗及蝦乾蒸勝瓜，海鮮就有凊蒸沙巴龍躉班同果皮蒸鮑魚。仲有拼盤tim😄😄。高山耳鮮茄浸菜心苗，幼嫩菜心苗及鮮茄浸入清淡鮮湯，不油不膩，味道又鮮，健康之選！仲有蝦亁配勝瓜，勝瓜爽口，蝦亁咸咸哋，煙煙unun👍👍講到海鮮類，條凊蒸沙巴龍躉，一斤左右，还有蒸鮑魚，師傅手勢唔錯，緊緊熟，魚肉質嫩滑，鮑魚非常有口感至於拼盤，我最buy。 有四類配搭，燒腩仔，鴨胸，炸豆腐及炸腐皮卷。燒腩仔肥瘦適中，卜卜脆外皮，回味無窮！鴨胸做法特别，師傅用燻來烹調,既可瑣住肉汁，仲帶出肉嘅鮮味。炸腐皮卷同豆腐，外脆內滑，熱辣辣，好新鮮，送酒一流！食到攬住個肚，都只係每位百零蚊左右！真係超值，值得試試！😀😀😀😀…Read More

今晚與家人為媽媽慶祝生日，我們點了大閘蟹和龍蝦伊麵還有幾個小菜。今晚客人唔多職員都好清閒，但一直都冇人過來清枱，見到人清枱喇又收啲唔收啲。等咗45分鐘先蒸起6個壽包，重要唔比筷子同碗，係張放滿垃圾的枱面上食壽包。…Read More