Video
Above information is for reference only. Please check details with the restaurant.
凍凍地緊係打邊爐，最近就係附近既富源，$128 火鍋任食個半鐘重要全包，抵! 其實佢地個價錢成日變，好似海鮮價，試過食$128+茶介，可能無人食又減返價! 普通湯底唔駛加$，叫左個蕃茄薯仔湯底，OK!點左火煱料得既有雜菇、新鮮既海蝦、炸芋頭、豆腐、粟米、芋絲、娃娃菜、鮮支竹、雞片、豬頸肉及蔬菜。唔得既有好雪味既九肚魚、叫鯇魚腩但係黎左魚片及頭、貢丸、有好雪味既芝士丸。飲品要了一罐啤酒及一罐汽水。 其實食材大致新鮮，價錢合理，只係服務好唔合格。配料點左有D有，有D無黎，任食係咁架啦! 老細個樣已經話你知……唔好要求咁多，比D咩你，你咪食LAW!!! 由開張至今，早、午、下午茶及晚巿都試過，結論是自討苦吃！老闆長期黑面、大力放下牌及食物，到收銀果時又係黑面唔出聲手指指。其實如果覺得$128火鍋任食收費不合理，大可加價！！唔想做可以唔做！我都以為自己有問題，定係食得太多。 隔離的婆婆加朋友，叫茶都比人呼喝乜你睇唔到我幫你收緊野呀！就算在對食物及服務無要求下，可能都好難有下次。
continue reading
今(26-2-2012 Sun)朝同男友起身後,同佢食早餐,好耐冇食點心喇,就同再o黎呢o度,入到去o岩o岩剩返一張未執o既卡位,只有兩男一女o既樓面做到踢晒腳,老闆娘都有幫吓手.我o地叫o左:5. $15.00o既蜜汁叉燒腸粉呢個第一個o黎到,食吓先,只係暖暖地,內裡有芫荽,叉燒鬆軟,配埋甜豉油幾好食,不過唔夠熱就失敗o左啲.味道: 4分4. $12.00o既安南鹹水角呢個好熱,同腸粉成為強烈對比,我一咬落去,外皮好夠煙韌,但點解個餡係黑色o既?唔係畀錯豆沙角啊?睇真啲,原來係冬菇,再繼續食落去,有啲豬肚o既野,成個鹹水角都唔惹味,差o左啲喎.味道: 2.5分6. $12.00o既薑汁蒸軟糕尋晚男友問有冇甜品,我又冇買到,o係o度見到有呢款同$10.00o既杞子桂花糕,好奇之下就剔呢款.o黎到,哈哈,有啲似千層糕,不過係啡色o既.呢個又係熱辣辣,梗係啦,如果凍o左就唔軟o架喇.食吓先.嘩!薑汁都幾辣,唔係幾夠甜味,糕身又軟又煙韌,都唔錯.男友話即係用煮湯丸o既糖水蒸成糕,不過佢大讚好味.味道: 4.3分以下三種o係同一時間到o黎:1. $18.00o既富源蝦餡皇一籠得三粒,真係冇諗到,人o地間間都係四粒o架嘛.食吓先,味道好正常,內裡o既蝦都好爽同新解,男友話食到有三隻蝦,不過要$6.00一件就太貴啦.味道: 5分2. $16.00o既四寶滑雞扎隻碟冇乜汁o既?雞扎有雞肉,芋頭,魚肚同冬菇,呢個都係正常冇乜問題,不過魚肚同雞肉都算大件,魚肚重要有差唔多1厘米厚,而且唔係太腍,唔錯.味道: 4.5分3. $12.00o既香菇雞包仔size唔太細,內裡o既雞肉同菜都充足,味道都正常.味道: 3.8分服務:我坐低後,發覺張枱對住o既冷氣機開o左,啲風吹到正一正,諗住頂住算啦,但都係頂唔住,見到另一張卡位冇人,就想轉枱,個年輕男樓面話知道我凍,o岩o岩熄o左.咁我o地唔轉枱啦,佢真係好細心啊.佢重話如果覺得凍可以叫佢o地熄,唔使轉枱.我答驚佢o地熱嘛.佢就答唔會.而其他樓面都勤力,不過我覺得呢個男仔好啲,老闆娘要加佢人工啊.環境:我留意到原來唔係卡位,其他枱o既空間都幾充足,坐得幾舒服.
continue reading
上年四月開了富源點心小廚,剛好在我家樓下。還記得那裏以前是銀行,到現在已經變成屋邨中唯一一間酒樓了。我經常到那裏吃飯,最近也去了兩次,分別一次火鍋和小炒。店舖本是銀行,現在變了酒樓,有點擠迫,但也可接受,亦算舒適,通風也好。先說火鍋,每人才78,2人起,加埋醬料,兩人才177這算是平了,食物十分新鮮,最好的是,所提供的火鍋錦盒內的蒜,辣椒,蒽也可以任加食物方面,食物也算多,也十分新鮮,品種亦算很足夠。還有免費的罐裝飲料無限提供。最後時間方面,每人可以坐一個半小時,過時加20,但本人雖然過時,老闆也沒有加錢。可惜是火鍋在一月中已經停了!另一個推介是小炒。小炒款式也有很多,個人認為比很多大酒樓還要好。如果菜單中的菜色不合自己心意,亦可以叫伙計推介組合及自己選擇。員工服務態度很好,很有心。個人覺得小炒很多也很好。那天6個人去吃,有一碟蝦仁炒蛋,茄子魚腩煲,琵琶豆腐,四季豆炒滑牛,蜆芥鯪魚球和腐乳炒菜,連6碗白飯和茶芥才458。剛打算走,才看見老闆娘送上兩碟糕! 是免費贈送的甜品!最後付款時不須加一。個人認為這間小廚的食物是物有所值的。總之就好!其他食物,例如極力推介的富源水晶雞,金絲欖角骨等,因篇幅及相片數量所限,亦未能盡錄,大家要試一次才知道!
continue reading