富園冰室

Open Now

Now Closed

送完小朋友返學 行多兩步過來嘆返個早餐呢間商場d食肆轉來轉去得呢間茶餐廳堅持到依家仲要keep住好生意 都幾難得舖頭乾淨整潔 地方闊落 卡位又多d侍應都好好招呼 次次來食早餐一定會嗌沙爹牛肉公仔麵湯底濃郁 不過偏鹹小小牛肉軟淋入味 公仔麵軟硬適中奶茶又香又滑 再配埋酥脆嘅牛角包 真係一流！

WE GO Mall 自開業以來, 商場內的食店不停易手, 這家冰室卻一直以來穩守商場雙邊鋪位, 好有理由相信其食品及服務質素有一定水準。今次來個一個人CHILL早餐, 入座見冰室大概有六成滿客, 店員指示我坐個大窗邊卡座, 心裡暗叫萬幸^^ 餐桌玻璃底下夾有餐牌, 早餐款式有極多選擇,  有港式, 歐陸式, 英式, 三文治式, 粉面式等等。1. 煙肉炒蛋炒蛋份量十足, 口感嫩滑不老身, 相當不錯; 面包是丹麥酥包, 鬆鬆軟軟的, 有驚喜。要投訴的是煙肉的肥膏太多, 而且煎得非常硬身, 乾柴柴的, 不吸引。2. 雪菜肉絲米粉米粉口感一般, 湯底略嫌太清, 無甚味道, 還幸雪菜餸雖然量少一點, 但勝在有味道, 整體來說是合格。3. 熱阿華田 正正常常, 有攪混

前一陣子，為了健康，會行一兩個港鐵站，才去搭車返工。最遠的一次，我行到去 We Go Mall。當時，也餓了，而且離9點鐘也有一大段的時間，足夠我去慢活地吃一個早餐。而就在我面前，有這一間座無虛席的《富園冰室》。反正有時間，而小巴站、巴士站也就在這茶餐廳的門前。那就簡單地，食返個公仔麵早餐先返工。對，早上有時間，總會喜歡食碗公仔麵。雖不太健康，但這會是一個保證溫飽的早晨餐。是日的選擇是雞扒肉丁公仔麵。湯底帶點香甜啊，似乎是一個雞精湯底，再加上有五香肉丁的味道在點綴，令湯底及整個麵餐多了幾分的香辣。而且，五香肉丁是大大舊的啊，不會碎上麵湯內，非常之好。而連皮肉厚的雞扒，也是好味道，只是醃製時放了黑椒令我覺得有點點的不喜歡。早上的我，一定要一杯熱奶茶。這茶餐廳的餐茶是令人感滿意的。因為其味道濃郁，香香的奶荐夾雜著濃烈而不澀的紅茶味道。飲後，精神一震，令飲用者充滿正能量，可開始忙碌的一天。不錯的早餐。而我也相信，這也是一間不錯的茶餐廳。因為幾年前來過這商場晚飯，想進這家店時，竟然是滿座要等位。當時我們吃了旁邊的另一家餐廳。

尋晚約咗幾個好耐冇見嘅中學同學，成班麻甩佬就決定去茶記或者冰室度食餐飯吹吓水。以前中學係馬鞍山，所以大家決定揀一間餐廳跟住馬鞍山。呢間餐廳環境其實唔錯，衛生方面亦都唔錯，員工亦有禮貌，但係呢間餐廳都冇想像中咁好食，失望為主😔富園冰室 (馬鞍山)馬鞍山保泰街16號We Go Mall地下G05舖冰鎮咕嚕肉 $158呢個冰鎮咕嚕肉，聽個名好似好巴閉，但係出到嚟嘅效果冇想像中咁勁。呢個咕嚕肉份量雖然好多，但係每一舊肉都做唔到外脆內軟嗰種口感，而冰鎮都只不過放啲冰係底，唔太明個效果想帶出咩口感，啲冰融左反而好影響個熱食口感😓。而且仲放左啲士多啤梨，爆珠係上面，唔講以為自己食緊甜品🫠椒鹽鮮魷 $85呢個椒鹽鮮魷同我所認識嘅椒鹽鮮魷有啲出入，外面嘅椒鹽鮮魷，炸粉會完全包裹魷魚。但係呢度嘅椒鹽魷魚炸粉同埋魷魚中間有空間，唔係完全包裹。所以都幾新奇。但質素就平平無奇，唔會特別深刻。雞煲(一隻) $298雞煲方面，店員好細心會幫我哋打理個雞煲，但係呢個雞煲食落嘅感覺唔似有一隻雞，配料仲多過隻雞，而且雞肉亦都偏老，無個種滑嫩嘅口感。真係有啲失色芝士蝦球焗伊麵 $98呢個芝士蝦球焗伊麵性價比最高，價錢相宜，

呢間冰室我的踩單車朋友 介紹咗好多次話每一次踩單車，都會嚟呢度食，今日到我同朋友到馬鞍山郊游踩單車，做完運動一於呢度試吓先見到呢間冰室 食物種類選擇繁多 花都眼亂我哋因為太肚餓先點咗個快餐 雞肉炒蛋飯很快就黎了 碟飯個樣平平無奇 不過食落口非常香口 雞蛋炒得嫩 雞肉唔鞋口亦唔癡牙 香氣十足我就係眾多選擇入面揀咗牛雜河粉上枱時個色水都炆得好靚 佢係可以套餐選擇郊外油菜或者飲品我今日就選擇咗後者河粉質地都好滑溜 美中不足嘅就係嗰件腸太肥了 吃不到其他牛雜好似牛肚，牛肺都炆得香軟入味的Overall都可以encore🌹期待下次再來試其他菜式

話說七月十四嗰晚去咗馬鞍山行夜山👻，出發前喺 We Go Mall 入面嘅富園冰室食咗個下午茶。對呢間店印象最深刻嘅係地方乾淨企理又寬敞，呢度有分加👏，另外就係牆邊放咗好多書，當中竟然有儒林外史😲，喺街坊茶記見到呢類書，有一刻以為自己去咗文青 cafe😂。天氣又熱，又唔想食咁飽驚獲利回吐，於是叫咗個法式焗吞拿魚多士配沙律。呢個餐嘅沙律份量比想像中多，正合我心意，除咗罐頭雜果，仲有薯仔同紅腰豆等等，都算豐富；多士有三塊，上面鋪滿吞拿魚，烘得幾香脆，唔錯，食完唔會飽到撐住個肚，啱啱好👍。

wego mall喺馬鞍山近年新起嘅商場，老實講個商場真係冇乜嘢行，但我平均一個星期都會去一次，都係為咗食富園冰室。老實講佢唔係乜嘢神級滋味，但係就做到正宗茶餐廳嘅水準，講就好容易，但我想講出面好多茶餐廳，好似食垃圾一樣。起碼每一次嚟到，杯凍檸茶都係調得啱啱好，少甜每次都做到，茶味夠龍濃唔會太夾。今日午餐食咗豉椒味菜魷魚配白飯，好嘢未。豉椒味菜簡直係送飯一流，味道唔會太過濃烈，魷魚份量都幾多，亦都唔會太軔執底濃度適中，唔會杰撻撻一餅野，亦都唔會少到唔夠撈飯食。呢間餐廳每逢午市都要排隊，成個商場基本上最旺場就係佢，可想而知品質的確唔錯。

第一次到這間店舖，吃冰鎮咕嚕肉，真係令我非常感到驚喜， 賣相非常靚，真材實料， 份量超多一家四口都食唔晒！ 最欣賞隻碟，底部下面分開咗啲冰溶咗嘅水，可以令啲餸菜 原汁原味 ,真係令我值得一讚職員非常有禮貌,環境清潔另外鹹豬手,值得一讚,非常之脆口其實每一日嘅份量,真係好大碟

住馬鞍山既朋友強力推介富園冰室，係一間新式既冰室，一入到去就覺得樓底好高，裝條好有品味，坐位闊落，岩晒一家人或者同老友聚餐。打開餐牌，就會見到好多唔同菜式，有中西美食、打邊爐、雞煲、海鮮等等。我地今日預訂左海鮮餐，包括有豉椒炒蟶子、椒鹽賴尿蝦、姜葱粉絲肉蟹煲、冰鎮咕嚕肉，老闆仲送左個老火湯比我地，樣樣都好正，員工服務態度又好，今餐食得好滿足。䜴椒炒蟶子蟶子超大隻，足足有成半尺咁長，非常之新鮮，味甜肉厚，加豆䜴和青椒炒至剛剛好，非常夠鑊氣，離遠就聞到䜴椒味，蟶子吸收晒d汁，非常juicy！椒鹽賴尿蝦賴尿蝦中等size，用椒鹽方式泡制，有少少微辡，但係又唔會好似避風塘煮法咁遮蓋左海鮮本身既鮮味。賴尿蝦同樣地非常新鮮，啖啖肉，又甜又鮮美，我地連果堆椒鹽都唔放過，打包左拎返屋企餸麵姜葱粉絲肉蟹煲呢個姜葱粉絲肉蟹煲用了個大瓦煲盛放，一打開煲蓋我地不約而同地嘩左一聲，真係不得了，隻蟹勁大隻，一隻蟹已經夠我哋四個人share，部長話落左成斥葱去煮，好香好惹味！個蟹鉗成個拳頭咁大，見到一絲一絲既蟹肉，味道超鮮甜！食完蟹就食埋d粉絲，吸收晒香葱同肉蟹既精華，而且一d都唔會過咸，好味！冰鎮咕嚕肉最後出場既

🍛舒適茶仔🍛推介指數 ❤️❤️❤️❣️🤍原來馬鞍山唔止叫美食沙漠，仲有人叫佢做劣食沙漠，搵食艱難！咁試下遠離沙漠中心嘅商場-We go mall，商場以民生生意為主，皆因附近沿海濱路都有8個屋苑同寵物公園。食肆亦唔少選擇，仲有好大個supermarket！去咗間港式冰室，食物種類好多，有煲仔菜、炒粉炒麵炒飯炒公仔麵、中式小菜、港式all day breakfast、早餐午餐常餐、特色小食都有。咁就同朋友一個飯一個粉麵，止唔同嘢。🍛咖喱汁雞扒、煎蛋、豬柳漢堡飯配凍飲 HKD63✨原本只係叫咖喱雞扒飯，店員話不如自選雙拼扒飯餐，可以揀多兩個餸，多啲嘢食。✨咖喱汁係出色，質地濃稠適中、鹹甜剛好仲有椰子味香濃。雞扒係香煎過再切件，雞蛋有雞汁，豬柳漢堡都有煎過，絕不馬虎。🍜五香牛什米配油菜 HKD48米粉熱辣辣、腩汁都唔少、牛什軟腍，加埋紅醋同辣椒渣，整體平穩。環境光猛，卡位位舒適，位置之間有一定距離。總結：-食物 ❤️❤️❤️❣️🤍環境 ❤️❤️❤️❤️❤️服務 ❤️❤️❤️❤️❤️.··餐廳：富園冰室 (馬鞍山)地址：馬鞍山保泰街16號We Go Mall地下G05舖

點餐時，給了一個下午茶的餐牌我，結賬時，又話沒有此下午茶餐，要比原價，我說這個餐牌是你們的同事給我的，應該照餐牌上的價錢付款，他說比錯餐牌我們，今日沒有這個餐，一句唔好意思都沒有，而且態度十分惡劣！只於食物方面，啲潮洲粉麺不夠熱，而且唔夠味，啲河粉又粗又不夠滑，啲牛腩又唔夠味道，唔會再來食

@kan.teen港女大愛港式茶記❤️我真係太鐘意食港式嘢啦😭茶餐廳嘅西多士、港式奶茶☕️、菠蘿油😍、甚至晚市嘅小炒......通通我都好鐘意食啊🤤🤤當然唔少得港式扒餐/常餐🍜呢啲啦‼️今次去嘅呢間茶記 繁忙時間都幾多人🤔算係區內好食少少嘅餐廳....👅歐陸早餐 $50 餐有：田園雞扒🐣雞肉嫩滑Juicy💦個邊好香脆 仲有啲燒汁味 有驚喜😋多士唔係用普通方包 反而用丹麥酥脆多士🥪特別啲😜我覺得仲正🤪牛油味濃 更邪惡！口感好酥（騷）淫賤丹麥酥🤤我再追加多個通粉 湯底連味精都唔比多你🥲無味架！但好彩佢地嘅辣椒油🌶️好岀色🔥刺激，香辣，嗆口。.👄總結住呢邊嘅街坊👀諗唔到食咩可以黎呢度喎🤤良心茶記要你哋嘅支持啊💛～但如果係港島嘅朋友 又唔洗專登過黎🤣食翻個邊啲良心餐廳就得🌼———📍富園冰室 (馬鞍山)馬鞍山保泰街16號We Go Mall地下G05舖#kanteen香港 #kanteen馬鞍山 #kanteen良心幫襯 #kanteen茶記

Wego Mall受地理位置影響，所以成個商場都冷冷清清，唯獨商場入面嘅富園冰室長期多人，午飯時間仲要排隊，原因都係呢到嘢食幾有水準，而且門外有位停車，望實就唔驚抄牌啦。今日嚟到已經2點幾，有下午茶，叫咗泰式金邊粉$40加凍檸茶（$3）。雖然係下午茶但份量都唔少，男士都夠食。金邊粉配上豆乾、韮菜、芽菜、蛋絲、蝦仁做配料，都幾有誠意唔會太單調。味道酸酸甜甜跟足泰式風味，又有少少魚露香味。可惜無泰式辣椒粉去配，唔係就真係perfect！檸檬茶有水準，夠茶味檸檬亦新鮮。我叫少甜有做到，我俾85分！

今日去左WE GO MALL 睇下有咩食呢間好似好多人排 就排埋一份試下有咩好食午餐都係$50 幾包野飲 價錢好合理A. 香辣肉燥豬扒飯$54一上台嚇親 超級大盤超多肉燥係港式肉燥味道 好岩口味我個人就麻麻地台灣口味個D肉燥呢個真係好正 份量又多忍唔住都食哂D飯C.菠菜忌廉汁焗雞皇飯$54焗飯係新鮮出爐 好熱好熱菠菜忌廉汁都好多但好似無咩菠菜加埋有D芝士 都係好送得飯 好大碟熱奶茶都好有茶味 係好食的茶記水準

#43富園冰室 係美食沙漠中覓食，錦岩係We go mall見到間冰室就去左試下。富園金牌牛腩馬鞍山勁勁勁好食既牛腩，牛腩冇起渣，又烹煮見到剛剛好既火喉，有入口即溶既感覺，加埋個牛肉汁，火候岩岩好，真係估佢唔到。宮庭醬烤豬軟骨有菠蘿嘅酸味搭配豬軟骨既爽脆，超級match，又唔會太酸又甜味。芹菜腰果雞肉超級夠鑊氣，雞肉軟淋淋配爽脆腰骨，加埋菜，幾倍滋味。青椒甜酸排骨用砂鍋保持排骨既熱度，酸甜味同排骨既香味夾得非常好，令人想加多碗白飯！