我地今日預訂左海鮮餐，包括有豉椒炒蟶子、椒鹽賴尿蝦、姜葱粉絲肉蟹煲、冰鎮咕嚕肉，老闆仲送左個老火湯比我地，樣樣都好正，員工服務態度又好，今餐食得好滿足。
䜴椒炒蟶子
蟶子超大隻，足足有成半尺咁長，非常之新鮮，味甜肉厚，加豆䜴和青椒炒至剛剛好，非常夠鑊氣，離遠就聞到䜴椒味，蟶子吸收晒d汁，非常juicy！
椒鹽賴尿蝦
賴尿蝦中等size，用椒鹽方式泡制，有少少微辡，但係又唔會好似避風塘煮法咁遮蓋左海鮮本身既鮮味。賴尿蝦同樣地非常新鮮，啖啖肉，又甜又鮮美，我地連果堆椒鹽都唔放過，打包左拎返屋企餸麵
姜葱粉絲肉蟹煲
呢個姜葱粉絲肉蟹煲用了個大瓦煲盛放，一打開煲蓋我地不約而同地嘩左一聲，真係不得了，隻蟹勁大隻，一隻蟹已經夠我哋四個人share，部長話落左成斥葱去煮，好香好惹味！個蟹鉗成個拳頭咁大，見到一絲一絲既蟹肉，味道超鮮甜！食完蟹就食埋d粉絲，吸收晒香葱同肉蟹既精華，而且一d都唔會過咸，好味！
冰鎮咕嚕肉
最後出場既係冰鎮咕嚕肉，係呢度既招牌菜。咕嚕肉完全無骨，肥瘦均勻，酸酸甜甜非常開胃。部長話切成細件炸香會比大件好食d，仲教我地食之前係冰上look幾look，果然十分之脆口！
1
1
