宏力飲食中心

WhatsApp 落單經常不回覆，之后搞個網上落單又唔睇單，次次去到攞外賣先知有單，廢到不知怎形容，今日網上落單又係冇睇單，去到才做，等了差不多20分鐘，最㷫係外賣回到公司打開又搞錯我份外賣，真係不知所謂。…Read More

今日叫咗幾個燒味飯义燒係白色番煮,沒有燒過,懷疑過夜,質素極差仲話九龍灣最好嘅燒味,午餐嘅炒粉麵飯都ok,以後唔會再嚟食燒味飯,質素欠奉,座位狹窄,應該冇下次！！！…Read More

九龍灣工業區有唔少餐廳，但好似都搵唔到一間食餃子嘅舖頭，今日係11月21號，路過食神宏力飯堂，剛剛好係佢哋第一日推出餃子餐，等我呢個(唔) 專業嘅foodie試下咩料先😁😁🤗👍香茜馬蹄豬肉餃拼沙爹金菇肥牛餃🐷🐮🥟$52大隻飽滿，肉料豐富，餃子皮比較薄身，易入口。香茜馬蹄豬肉餃比較好食，芫茜味道好出，新鮮包起同埋冇overcooked先做到呢個效果，呢隻餃唔會比其他餃子專門店輸蝕。沙爹金菇肥牛餃，金菇同肉嘅比例做得唔錯，如果沙嗲同牛肉份量增加多一點，應該會更好食😁😁😍😍🥳花膠豬骨雞湯底幾好飲，明顯唔係普通嘅例湯，係有用時間煲過嘅老火湯，食到個底嘅時候仲見到兩嚿花膠仔，開心！😀😀👍店員睇落應該做咗好耐，好殷勤咁介紹佢哋嘅餃子畀我，我喜歡呢種小店，員工對舖頭嘅熱誠，會真心推介食品畀客人，呢種凝聚力買少見少✨✨✨👍👍👍🤩…Read More

轉咗新工都半年了，而家喺九龍灣返工，嚟屋企都係3個地鐵站，勁近，可以瞓多9個字，車$又平咗，贊！原來九龍灣有好多隱世美食，我講既當然唔係商場入面嗰啲啦😏，係我公司附近，每日lunch都觸發起我既選擇困難症😹 仲越嚟越嚴重囉🙄今日去咗一間叫宏力既茶餐廳，門口隱蔽，麻甩但環境乾淨，冷氣夠，坐得都舒服ok，對我嚟講最緊要係嘢食好味😋叫咗芝士蕃茄焗豬扒意粉。姐姐送到嚟，嘩！勁香囉，又多汁，豬扒有兩塊，有一塊仲要帶骨！小妹我咁鍾意lun 骨，痴骨既肉係最好食🤤啱晒👍🏻 如果兩塊都帶骨就好了，下次request吓先😆豬扒半肥瘦，軟熟但唔似係用棚沙粉乸到咁，否則一定帶陣味，勁憎😒個汁係重點之一，我係超級汁怪，對汁要求特別高，呢個汁唔係太多芝士而且唔濃芝士味（啱我，我唔太受到濃芝士but又學人食🤭），有蕃茄味之餘仲食到美極味，好特別。阿哥（team manager)話呢啲係舊式茶記既味道，買少見少了，因為好多都已經接晒☹️意粉仲可以有啲Al dente ，勁！無發漲無淋晒，仲應該事先用個汁炒過再加汁同芝士去焗，唔會乾鯁鯁或痴埋一舊，加分啦。佢有勁多選擇，下次食佢既燒味先，見多人食，仲好大碟餸🫢…Read More

返新工喺九龍灣搵食，第二次去呢間野。見其他食評燒味相望落幾吸引，試左個六寶飯。賣相同味道都唔太好，雞冇雞味，叉燒唔入味。另外叫左干炒牛河，過左七八分鐘d姐姐先黎話冇河粉，轉叫上海粗炒，等左接近三十分鐘，中途吹左三次，呢度既侍應個個都唔理其他侍應落既單，問第二個係完全唔會幫你跟進。櫃檯收銀一味話整緊，最後差唔多九個字，飯都食哂仲未黎唯有起身走。埋單仲要一句對唔住都冇，仲要收你正價凍飲錢。呢度服務真係垃圾到九流，一定唔會再黎！…Read More

九龍灣工廠區除左megabox外就比較少選擇，呢間茶記係附近就比較多人食，而且價錢又幾抵食呢個六寶飯真係好抵食入邊有叉燒，燒鴨，燒肉，白切雞，紅腸，咸蛋，相當豐富，又岩哂我咩都想試既人燒肉個皮烤得香脆，帶少少肥膏，食落咸咸地且油脂香呢到既炒粉面相當有質素，好有鑊氣除左干炒牛河，呢個黑椒牛柳炒意粉都係第二選擇意粉炒得爽口彈牙，黑椒味好香濃但又唔會嗆口，食落辣辣地幾開胃，仲有唔少牛柳絲，好足料總括黎講食物質素唔錯，價錢適中，附近食個平靚正既lunch既好選擇…Read More

又到午餐時間，今日選擇平平哋，食一間男人飯堂，呢間飯堂位置一啲都唔顯眼，唔係識途老馬，都唔會識得食。內部環境飯堂嘅環境見仁見智，有人覺得坐得舒服，有人覺得坐得逼夾餐牌嘢食嘅選擇真係多籮籮，中式西式燒味常餐蒸飯車仔麵等等等等等等，一應俱全每日仲有四款精選午餐添，呢度食嘢，勝在平平哋，份量夠大份，話明係麻甩佬飯堂，絕對係名不虛傳枝竹斑腩炒米（$46）大男人食都絕對夠飽，斑腩嘅數量一啲都唔小，每一件都油泡過，支竹亦都好林好入味而最好食嘅係個炒米底，好考功夫，成個米粉餅掉落油入邊炸，炸都好香脆，其他餐廳都好似好難食得到凍杏仁霜（$6）你茶餐廳梗係飲啲平時出邊好少飲到嘅嘢，凍杏仁霜夠晒滋潤。…Read More

Lee 排落雨天，日日都出唔到去食飯，唯有叫外賣啦，同事成日食宏力，所以我今日都試下啦，都出唔到去食。我叫左 "芝士蘑菇汁意粉", 睇落好似好細個但我就覺醒好膩, 食少少就飽左。…Read More

今日喺公司lunch叫外賣，同事勁推介宏力嘅燒腩仔，見佢誠意拳拳咁推介我就試下啦！果然真係幾好食喎，塊皮燒得好脆，肥膏比例剛剛好，唔算好油，腩仔份量算多，總括嚟講就係平！靚！正！…Read More

之前因工作關係都嚟過呢間就腳飯堂,燒味飯都算可以,但今次就真係又驚又有氣啦。。。今日上嚟嘅目的只係唔想再有人做錯決擇。話説今天唔想再食燒味,叫咗炒米粉轉下口味,䣓離就叫咗炒河粉。點知两個碟頭到後就知出事!D河粉睇落意為落咗好多豆豉,點知睇真原來係炒粉送大把揮之不盡嘅鍋撈。即刻無晒胃口。睇埋碟炒米粉仲想跳起……,燶底兼𤓓味。唉…最慘係問到D呀姐仲話你知炒粉炒河係咁架啦,好似我要多謝D加料咁!真係有驚又有氣啦。大家記住去到唔熟識嘅地方唔好亂叫抄粉麵啦,除非你唔介意想試下D重口味出品啦。比星?今次若有负分就易辧啦。…Read More

平常好少跟同事外出食午餐因較愛買回公司吃剛巧當日同事只得一人就著我一同午餐無奈下只好同行想不到會發現一間不錯的茶餐廳呢度價錢大約40元左右定價亦算合理特別係呢個我選的全餐只需36元就有齊飲品,湯粉,炒蛋麵包一個餐就有咁多野食,幾抵我點了'茶走'即是用煉奶沖奶茶甜度剛好湯米線味道不錯但鮑片太少,好像太清淡火腿炒蛋炒得不錯包包亦正常總括來說,不用40元一個午餐真的超值…Read More

3：15是好多人忙裏偷閒，吃下午茶的時間，我的同事都不例外—今日難得有人請食下午茶了！而同事們下午茶指定食「宏力」的。其實宏力在哪裏，我也不清楚呢，只是同事些都寫上自己的選擇後，便交附我打電話叫外送下午茶了。接到這個任務後，立即做了小統計，致電到宏力。聽到接電話的是一名成熟的女性聲音，然後我逐一講下下午茶編號，她在另一邊廂，很快記下了；如果有甚麼「甩漏」，例如某一個下午茶餐有幾款選擇，她也立即提醒我，可見她應該是熟手呢。點過外賣，大約是3：55吧。4：30，同事見外賣點過了，等了良久仍未送來，於是命我打電話催促。再打電話問，說速遞員已經在外送。幸好，4：35，外賣來了，是一名老年男性，立刻給我送上單據。終於可以吃東西啦！首先有炸蝦多士拼薯條、凍奶茶（$26+$2）。奶茶同樣是用小粒冰的，這樣很好，攪拌時可以更快溶解，使奶茶更「冰鎮」！不過奶茶奶味較多呢！薯條是我最愛的「波浪薯條」，但很遺憾，可能因為炸完後再外送，在那段時間已經令薯條放冷了，變相一點也不脆！這就是沾上沙律醬的蝦多士了。其實，光看已看到，蝦真的不多，所以小小的炸蝦多士，也食之無甚蝦味，惟獨不算油膩。另外還有錦鹵雲吞拼薯條、凍朱古力（$26+$2）。錦鹵雲吞較少在市面上找到，所以這一次希望一試—原來只是附上「錦鹵汁」，它另外用小密實袋封着，不過倒出來則較麻煩了，而且還裝得很滿，不少心的話可能沾到手或者衣服…幸好沒有。雲吞很大粒，其實雲吞皮佔最多，但過了一段時間，反而仍很脆呢！至於餡料，一般，少得沒甚麼味道。錦鹵汁，只能說點上後的確那酸酸，微甜的味道，可以提升雲吞的味道。薯條同樣不脆。朱古力夠凍，夠濃味夏天解渴之選！哈哈，在辦公室點外賣下午茶，不過因為點的數量多，令食物變得不夠新鮮，質素下降了。然而，值得一讚的是接電話「柯打」的那位女士，真的很「醒目」！速遞員也很勤懇，大熱天氣下拿着幾十個外賣送到辦公室，真是辛苦了！…Read More

炸雞肶是我的最愛。今天被同事帶往距離辦公室十分鐘路程的宏力吃午飯，無意中看到常餐一個選項，羅宋湯螺絲粉 + 炸雞肶 + 牛油方包 + 火腿奄列。老實說，羅宋湯是金寶湯開的，那不是我那杯茶，反而那隻炸雞肶，一吃傾心：那同樣是生炸的，雖然不算特別大，但份量是足夠的。外皮炸的香脆，咬下去肉汁豐盈。至於火腿奄列，沒有太大特別，不特別好吃，也不會難吃。四十元，吃的飽飽。日月星距離辦公室太遠了，想吃雞肶時，還是跟同事多走幾步吧，反正單叫的話也不用二十元。…Read More