孖發冰室

餐廳內環境同食物都感受到鑊氣，現場滿桌，出餐速度有效率，四人點三個餐已經夠飽，店員醒目上菜前俾定碗碟方便分食杏仁奶茶 第一口似飲緊杏仁霜，好有杏仁奶香，有港式奶茶的順滑口感，飲到底先比較飲到奶茶味揚州炒飯 飯粒粒分明，有蛋香、蔥香，叉燒有豬肉味，餸足料牛肉炒意粉 上色均勻，意粉爽口挺身有蔥香，肉嫩甜，應該是豬肉，整碟意粉稍為油膩但惹味廈門炒米 米粉乾身略碎，叉燒沒什麼味道，芽菜火腿蔥叉燒各個元素似乎合唔埋，好似分開炒咁，不過番茄膏上色均勻，各材料鹹甜平均，只是對比炒飯和牛意粉較失色…Read More

之前的老闆兩公婆退休了，轉了手給一個原本在碼頭開小食店的老闆，裝修了幾個月，今天人日重新開張了。早餐就點了個沙爹牛肉煎蛋通心粉，加杯熱齊啡，正常茶餐廳水準。埋單40蚊，呢個價錢已經算是坪洲最經濟的其中一間食店了其他午餐，下午茶就慢慢搵時間再去試…Read More

我哋兩個街坊去食，同行叫沙嗲牛麵。等咗三個字，點知來咗碗無醬嘅麵，牛肉得幾片舖咗碗面三分一。問返先知無晒沙嗲牛，但中途完全無人講聲，自動幫我哋換咗碗鮮牛麵。除咗無醬少料，湯底都只係滾水，所以碗麵基本無味。連熱飲承惠 $36。我就點咗雞肉湯米。餐牌無，但呢味我舊時都點過幾次，印象幾好，貪唔使食咁飽又平過碟頭飯，而味道都算過得去。清湯米粉配雞油同薑茸，加上雞件舖面，呢間來講算唔錯嘅配塔。埋單先知原來佢收我連熱飲 $56，等同碟頭飯餐嘅價，令我有啲錯愕。印象中以前唔係呢個價，貴極粉麵餐都唔會過五十蚊。但既然餐牌無，都只能任佢叫價，畀佢賺埋我今次算咯。埋單時老細收我 $94，我起初唔知價，以為平均一人四十零蚊咁，所以無再多問。同行發覺唔對路，先知原來我碗湯米咁矜貴。另外，就算計碟頭飯價，都係 $36 加$56 等於 $92，始終畀佢收貴咗。我入返去問清楚個價，老闆語氣有啲唔耐煩，話雞肉湯米咪 $56 咯，又話 $36 加 $56 啖 $94 咯。我指出佢計錯，佢先粗聲粗氣話咁畀返兩蚊你咯，完全無表示歉意。收錯數都咁嘅態度，都唔知係真計錯定側側膊。服務方面就算數喇。除咗落單混亂，阿姐抹枱又倒瀉半杯奶茶，道歉都無聲。好彩無濺到我哋身上啫。我見其他枱都有出錯單，估佢做慣離島街坊生意，遊客一多就踢晒腳。總之唔會推薦，寧願你去買麵包買小食都唔好幫襯。…Read More

舖頭內有多張民建聯海報舖頭內有多張民建聯海報舖頭內有多張民建聯海報午市有七個選擇唔使諗全部都係垃圾。海南雞唔海南，油飯又凍又唔油。涼瓜老過人瑞，兩碟飯得嗰幾舊斑腩係熱的，但是啲油好老，食埋啲萬年油落。唯一推介比啲想慳錢嘅人，因為食完呢餐幾日都唔會想再食嘢。舖頭內有五個卡位位置有啲窄，唔適合四個人食。衛生環境來講非常差，張櫈痴住嘅飯仲多過我嗰碟。個人建議去對面嗰間比較多人排嘅冰室食，起碼啲嘢食係熱的。…Read More

這是坪洲一間好地道的茶餐廳，多數是坪洲人幫襯，因為門面較普通，遊客大多忽略了，他們除了供應一般茶餐廳的食物，最特別是有鷄湯飯吃，其實只是白切鷄再加鮮鷄湯泡飯，雖然是冰鮮雞，但入口頗有鷄味，再配合那手刴的薑蔥粒，特別可口，如不喜歡泡飯，有白切鷄飯供應，另外一款是蕃茄薯仔排骨湯通粉，入口不太覺有味精，好像媽媽煲的味道，通粉口感輭硬適中，雖然賣相普通，但真係好好味，這是外面的茶餐廳吃不到的，除此之外，紅荳冰也不錯，但不是常有的。…Read More