TAI HING (Fit Fort)

即使每次都要在門外排隊等位，我們也甘心坐電車過來午飯！能驅使我們到来的便是這裡的八寶燒味！八寶燒味包括鹹蛋、燻蹄、墨魚、白切雞、紅腸、燒鵝、叉燒、及燒肉。因為怕生吞白飯會太乾所以轉作湯米！餐廳毫不吝嗇地提供白醋、芥末、辣椒油及蔥油作調味！感覺豐盛， 十分滿足！當中的燒鵝真不愧為這裡的招牌菜，燒得外皮香脆，肉質鮮嫩，入味非常！另外，最近新推出了滿燻燒鵝系列的午餐，有燒鵝絲炆米及雪菜燒鵝絲湯米。下次一定要試試！…Read More

不是算好好食🤨🤨，但又不是唔好食🤔🤔，我覺得d油菜ok ，但係我見個餐牌上的相片個樣好吸引就叫左個小菜，😭😭😭但黎到發現，跟相中的差別有點兒😓😓😓下次都唔會食呢個小菜😑😑…Read More

菲傭姐姐放假, 家裡唔煮飯, 夜晚三口子出街食飯, 夜晚八點來到健威坊太興, 剛好未到繁忙時段。左了四人卡位, 點左咖哩牛腩飯, 瑞士汁炒牛河, 粟米魚塊。三個餐分三次上, 前後都等了一段時間。咖哩牛腩做得唔錯, 咖哩汁夠濃, 少少辣, 牛腩炆得腍, 薯仔最好味, 煎過再腍, 配咖哩汁送飯一流! 炒河, 粟米魚塊亦唔錯。 **想食小菜, 近近地去太興食晚飯幾好。:)…Read More

今日行完大運已經近兩點，來這裡已是下午茶時間，等了一陣才有位，星期日無計大都牛肉麵，牛𦟌夠淋，麵條夠煙韌，但湯味淡星州炒貴刁，只是普通的茶記出品，用料不足，只有兩隻蝦和數粒叉燒欖菜肉鬆炒飯，欖菜和菜粒爽脆，飯粒香口，但畧為油膩，都算合格每個餐都加配飲品一款…Read More

星期日同女朋友打完波，去醫肚剛遇上下午茶時段。 發現如果叫燒味飯，感覺上好似同午市比冇乜點平到。 今次點了一個<<五星級燒肉飯>>。 不過燒肉入口整體上太腍，外層的皮更加係唔脆。如果師傅唔將D汁淋在燒肉上可能會好D。 另外飯如果再熱一點會更好。 加3蚊轉了杯<<冰鎮奶茶>>，奶茶入口係滑，但好甜。如果唔係冰鎮可能會好D。飲完後，成個人整天沒有食慾，因為太濟。 食完飯，呀姐好快收哂D野，感覺到被人吹。香港地想食完飯坐多陣都好有壓力。…Read More

因工作関係, 近排經常於香港區(北角)工作。近這兩個星期, 有好多日都係太興食lunch, 貪佢好快上菜及杯奶茶幾好味。今日時日午餐係咸旦蒸肉餅, 味道不錯, 當然梗係整杯奶茶嘆吓啦。…Read More

今日重陽節要拜祭祖先，走去太興買咗啲燒肉和切雞供奉。本來想買兩條燒腩骨，因重陽關係，早已售光，唯有買半隻雞和半斤燒肉.切雞斬得很工整，雞頗滑但味道道略鹹，附送的姜蓉也用不上，如果味道能淡一些就好。燒肉很廋，如果是腩骨應該淋滑些，皮也頗脆，燒得燶咗啲，但味道幾好不太鹹。還送片豬脷。負責斬料的員工態度不錯。…Read More

想試呢碗餐蛋面好耐，為何可以值四十幾蚊，麵底應該係出前一丁，煮得唔算好諗,當然唔Expect佢會將個面過冷河。炒蛋都算香滑，不過可以多落幾粒鹽吊下味？而午餐肉就普普通通，平時食開果隻，唔算厚切，咸咸地送出前一丁剛好。真係選無可選先會叫呢碗餐蛋面...…Read More

太興食燒未出名，就試下佢個下午茶，呢碟野賣相好好好似叫做棉花糖花生裝多士，真係有的新鮮感，好，一啖咬佢，死火，第一啖感覺，勁甜，甜到冇朋友，又將又朱古力又棉花糖，好甜，喜歡食甜既朋友就試啦冬零茶就不過不失啦:)…Read More

識食梗係去太興嘆下午茶餐啦，佢哋嘅叉燒飯配埋冰鎮奶茶簡直係。下午茶時間最抵，平過晒午餐同晚餐，所以一定要去試下。去到太興梗係要叫佢哋最出名嘅叉燒飯啦！我每次一定會叫半肥瘦叉燒飯，就算唔指明肥瘦，都唔會差得去邊。叉燒有又多汁又入味，食過返尋味。平時去茶餐廳叫凍奶茶就要好快飲晒，想同friend傾多兩句都唔得。啲冰話咁快就就用溶，杯奶茶唔使幾分鐘就淡晒。太興ge冰鎮奶茶就唔同，冰同茶分開，可以一邊傾計一邊嘆茶，一邊嘆叉燒飯，簡直係一樂也！…Read More

今日係北角上堂，但附近冇野食。去左距離上堂地點十五分鐘既太興。去太興食飯，正路食燒味最安全。不過，都係冇我想食既乳豬飯，最後叫左個星州炒米，連凍飲$61。份量偏少，賣相正常，但只係得黃色，淡茂茂完全無味，食左等於冇食，事後仲要出去溝貨……又貴又難食加埋零招呼，無下次……如果肯屈就去上堂地點附件比較多麻甩佬既茶餐廳，唔使比咁多錢，但肯定好食過佢..........…Read More

今日下午茶時段大約14:00去食飯，因為係平日又過咗午飯時間， 人唔算多，一入去就有位。以前入到去循例都會有人問下你幾多位，今次人都冇個，都冇所謂，始終太興只係一間茶餐廳，自己搵位都好正常。我哋3個人坐低咗，因為諗住隨便食D嘢，叫咗炒河， 炒米同炒飯，落單時間係14:11。飲品好快就到，我哋就一邊玩手機一邊等嘢食啦。等咗15-20分鐘，炒河同炒米到咗，仲以為佢係即炒所以耐少少，點知碟嘢只係暖暖哋，食落去一般啦，本身都唔覺太興D嘢好好食。食到咁上下，個抄飯都仲未到，睇睇時間都已經14:36，當然就叫伙記追追。點知個個伙記見到你叫佢就即刻拎轉面，好似扮睇唔到就唔使做咁。終於叫到個經理追單，佢就話幫我哋跟跟，之後都聽到佢同廚房講。我心諗：應該係漏單，算數，唔緊要，再等等。之後我哋兩個都食完，見廚房有碟抄飯出，諗住終於到啦，點知係另一枱新客嘅。睇睇時間，都成14:49分，一個下午茶炒飯有冇咁耐呀，再想叫伙記追追，又係十問九唔應，明明人客就唔算多，又坐唔滿，樓面有4/5個人都扮到好似好忙咁。見到廚房又有嘢出，如果都唔係就走人。結果都唔係，算，我哋已經唔想再等，就去收銀取消個餐。去到收銀都阿姐講，阿姐話可以取消個餐但係你柸飲品飲咗要計翻錢。我哋就緊係唔制啦！你個餐等極都唔到，其實唔係貪你柸飲品，但係你個餐等極都唔到，追又唔理，你仲好意思同我計？而家唔係比唔起，係唔值得比，你個餐連飲品，而家嘢食又唔嚟，$50個餐你話柸嘢$49都得架啦！同佢理論咗一陣，收銀就"叫"經理幫我咃取消未到個餐錢，只係收兩個餐。經理就話唔好意思，已經叫咗廚房跟跟，我就話新單都出，漏單都仲唔即刻補比人。經理都冇再出聲，比完錢收銀阿姐就話下次唔會架啦，我就同佢講咗句仲有下次？另外中途都有其他事發生，有個伙記冇啦啦大大聲同另一個伙記/收銀係度嘈，經理之後出聲問佢咩事先收聲，D伙記有幾專業可想而知。同埋見到隔離枱都幾唔滿意，佢哋同我哋差唔多時間到，有叫一份炒河，等咗都幾耐先到，點知個牛河似都冇件，佢就想話換，點知伙記話冇哂河粉，一係叫另一個，客人就話再叫又等唔知幾耐，一係再炒D肉另外上，客人就話都涷哂啦，幫佢炒多次好過，攪完一輪要有得食。佢哋都同我哋講話個炒河成$50個，肉都冇好過份，又要叫極D伙記都另歪面扮睇唔到。我唔係一個唔講道理嘅人，但係漏單係你唔啱，比咗時間你補救都唔做，想人唔燥都唔得啦。其實早兩三個月去過，服務已經開始差，下午茶收人$5X 一個，最基本嘅嘢都做唔到，食物質素又唔係特別好，我覺得大集團唔應該係咁。真係以後都唔會再去呢間太與！…Read More

早餐時間！去到都唔使等位！地方光猛乾淨！我們坐近門口大圓枱！太興好努力提升形象，想做到高級茶餐廳，雖然餐牌選擇都係平時茶餐廳嘅早餐，不過餐牌精緻啲，相片影得技巧啲！枱面餐具同調味料放得整齊啲，有要求係好事！感覺舒服！叫咗：頂級午餐肉炒蛋公仔麵（E):我平時好少食午餐肉，覺得好粉好咸，又唔似肉！呢度嘅頂級午餐肉中間有肉碎，唔會過咸，味道真實啲，午餐肉煎過，但浸湯又唔會好脆！炒蛋好滑！中間juicy!公仔麵淥得ok,唔會好淋！湯底係一丁湯底！加咗少許辣椒油（幾香唔嗆喉），微辣仲好味！菜心ok ！熱檸茶正常！不過有個小意外，可能太興店員對自家奶茶好有信心，落單時我未講飲乜，佢已經幫我落了熱奶茶，來錯之後我更正了！就來返啱！店員勤快！亦有禮，唔錯！…Read More

Lunch,吃太興當然吃燒味，打開餐牌, 食物不多，價錢約40-60蚊,，本來想叫乳豬飯，但是限量，遲左所以冇。最後跟同事叫了油雞燒鵝飯和八寶飯， 油雞燒鵝飯好食, 油雞嫩滑又夠味， 燒鵝肉滑, 鵝味重, 皮有點肥但甘甜, 味道吸引. 飯也吸收了燒鵝的汁味幾好食。飲品我叫了杯柚子蜜，據聞柚子皮順氣、去油解膩、可以清清熱氣。至於八寶飯呢，裡頭有油雞, 燒鵝, 燒肉, 叉燒, 魷魚, 紅腸, 咸蛋, 燻蹄，份量都唔算細。油雞夠味﹑燒鵝燒得好味﹑叉燒夠淋好味，成碟飯都好有水準加埋咸蛋有成隻切一半很適合咸蛋送飯，真係好抵食價錢合理。…Read More

在港式連鎖餐廳中，我覺得太興是挺好的選擇，環境乾淨，服務熱情，還沒有加一，食物水準也比較穩定。雖然價格比大家樂美心等稍微貴一些，但整體來說還是更值。週末早餐吃得比較晚，導致午餐時間也順延，索性去吃下午茶。太興的下午茶很多跟午市是一樣的，但價格便宜十塊錢。我們點了梅菜扣肉飯和羅宋湯通粉配日式四式卷，其中梅菜扣肉飯是午餐也有的。分別配老火湯和cappuccino。先到的是梅菜扣肉飯，梅菜很足，肉有四五片。肥瘦適宜，很入味。梅菜也很多，很下飯。最下面墊了兩條芥藍，吃了油膩的肉之後吃點蔬菜會比較舒服。不過BF覺得肉不夠軟，不夠肥，還有點干。可能每個人的口味不同吧。羅宋湯通粉還不錯，用的是mini通粉，分量比較小。日式四氏卷就是我意料之外的了，本以為是三文治類型的，但實際上是油炸蟹肉棒那種，皮很像腐皮。作為一個不愛吃油炸食物的人，看到這個卷就望而生畏了。不過BF覺得它挺好吃的。老火湯和咖啡做得也一般。因此整體來說今天用餐並沒有很滿意。但對於太興的印象還是沒有受到影響的，只是自己點菜太失誤了。…Read More