Tin Hung Restaurant

今日入嚟元朗去呢間天鴻燒鵝食個午飯，午餐時段到店，坐無虛席，等位等咗幾分鐘，好不容易搵到張二人枱坐低，好快就有人嚟搭枱。原本想點個燒鵝拼醺蹄飯，但今日冇醺蹄，咁就只好要個燒鵝飯。一陣碗燒鵝飯就送上，仲跟碟酸梅醬添。熱辣辣既燒鵝新鮮出爐，皮脆肉嫰，肉味十分之濃郁，一d都唔羶，碗飯加咗d鵝汁，好味到痺，仲有d椰菜，只賣$62蚊。整體非常滿意。[米饭]口味：🥚🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…Read More

第一次食天鴻堂食半隻燒鵝288$ 基本乜全鴨部位都可以試晒頗juicy 啖啖汁 本身調味都夠肉唔算太多 完全冇異味 主要都係皮有厚有薄 薄個d真系好正 但食多都係有d濟 蘇梅醬解膩一流環境就普通茶餐廳feel …Read More

我今天去依間店買下莊燒鵝，收費$160買下莊竟然會有鵝頭，鹵水雞翼，但肉得2，3塊，全部骨黎，放上碟成堆垃圾敢（有圖有真相）大家自己去判斷依間店點做生意諗住有人話好吃就試下，點知原來係敢做生意你賣曬咪同我講聲囉，仲要照收足錢俾埋啲垃圾人勁無良，用呃人手法去做街坊生意，大家認住呢間天鴻，小心d選擇燒鵝又唔係得你一間有得賣，元朗大把選擇你當街坊是傻仔嗎？我最多只傻一次但你會少左好多街坊生意囉，自己諗下敢樣做生意岩唔岩啦，簡直係劣評…Read More

性價比非常非常非常低！燒鵝係急凍的，啲肉係實還是靭，而且肉是黑色的，外皮唔脆.呢次唔係第一次買，因為住元朗，之前都買過兩三次，覺得係唔好食，不過今日母親節，附近有冇什麼選擇！比較好嘅都係市區，諗住試多次,點知比之前還差!每次買都係講要半隻!唔係唔賣!其實都冇所謂，平時出街食飯平均消費都有二$300一個，就算食唔晒都算啦！只要正常就好！我依個係外賣自取$288半隻，都應該係正常價格唔係特別便宜，點知…..質素見圖!…Read More

前排先知道呢間燒鵝店頗有名氣，今日既然嚟到元朗，當然要會一會佢啦。燒鵝飯（$60）好好彩，斬咗隻上脾位，燒鵝份量比預期中多，有八舊，而且斬得大大舊。燒鵝溫熱，鵝皮脆口，鵝肉紮實，醃味剛好唔會好咸。白飯唔算大碗，另外仲有啲椰菜。燒鵝瀨粉（$60）呢碗就斬咗胸位及背位，一樣有八舊，舊舊都有皮有肉，唔會得啲骨。燒鵝同樣溫熱，鵝皮脆口，鵝肉紮實。瀨粉份量足，質地夠彈性，唔會一夾就斷。凡惠顧燒味飯/瀨粉，冷熱飲品加$7。喺整個用餐期間，一直都有客人堂食或外賣，九成都係要燒鵝，不停見到師傅係廚房拎啲脹卜卜嘅燒鵝出嚟，雖然自己已經食緊，但睇見都流哂口水。PS：只收現金。…Read More