天壽和食屋 (Closed)

呢一日係聖誕，小新同愛麗絲準備去大棠睇楓葉🍁 於是就係元朗食個lunch先入去喇🎅🏽呢到係一間叫天壽既日本餐廳，肚餓既我地，一入到去就嗌野食喇🤓 愛麗絲叫左個燒鯖魚烏冬餐，而小新就揀左個泡菜豚肉鍋烏冬餐。先泥既係兩份日式煎餃子，外層好脆，涵料好足，而且熱辣辣，食落個胃即刻暖哂☺️ 之後就泥左兩份刺身，呢個刺身正呀😍 有三文魚丶帶子同甜蝦各兩件，成個餐約$70可以食到新鮮而質素唔差既刺身真係抵😍 然後就好快泥左愛麗絲既燒鯖魚烏冬餐喇。首先鯖魚係好食既，皮脆脆地，魚肉亦都好滑。至於烏冬呢，個湯係有蛋花既，幾特別，好少食蛋花湯底既麵haha🙈跟住就係小新既泡菜豚肉鍋烏冬餐。泡菜湯好香，個餐一泥已經傳來泡菜個種香辣既味道，所以食落個湯係微辣既，不過都幾香，可以一試😉

雖然佢係一個，我覺得都幾偏o既地方，但佢星期五，六，日都要等位架，我覺得幾好食，同好抵食！，，但大家要留意佢個59蚊連湯o既三文魚腩碎飯，係有大量洋葱碎，佢無寫架，我食個時先知，好彩我係勁鐘意食洋葱，如果唔鐘意食/唔食得o既叫左，都幾麻煩，所以我覺得佢應該寫返比人睇（我朋友唔食洋葱的），佢個海鮮拉麵好豐富，重有鮑魚，佢話個湯底好飲，我試飲左兩啖，係幾好味，個軟殼蟹卷，就算凍左，“突”出黎個部份都脆o既，甜蝦夠大隻之餘重唔係“梅”o既，，埋單都係192蚊，真係抵！p.s個三文魚腩碎飯我重帶走左一半，因為真係好多，齋食佢都會好飽😹

聽聞呢間＜天壽＞係＜田中＞拆夥兄弟出黎開既…所以兩間既style應該差唔多...由於田中長期人龍湧現..所以朋友今次特登要黎呢間天壽試試...要發掘另一個新天地...呢度同樣有抵食既lunch set...不過朋友話咁大碗食一個就飽...難以試出味道來...所以就散叫...sashimi夠哂凍...鮮甜肥美...蝦頭仲可以炸熟...有少少肉食...鰻魚幾厚身...無骨...幾好味...壽司飯唔散...串燒都ok...雞餃子啖啖香口入咪…牛舌好有咬口…餃子皮薄而超脆…肉餡比較細小…仍有d肉汁…冬菇亦非常香口有菇味…整體感覺…比較起田中…食物質素都算新鮮大件…價錢合理…唯地理位置唔係位處於市中心…比較輸洩…

之前成日都想去呢間野試下，但次次都好多人，今次見到好似可以即刻入去，就去左試喇！ 個個都話呢間野係之前大馬路田中個老闆開既，唔知係唔係，不過D 野食就好似既。今日我地叫左一個三文魚腩碎飯，一個泡菜三文魚頭煱同埋一客芝士軟殼蟹卷。我覺得好好食呀！個三文魚腩碎飯好足料架，我最中意將D 紫菜夾埋D 飯呀三文魚呀一齊食，好好食呀！佢個飯送埋個湯，足料架，你睇下，有好大舊魷魚架！ 不過個湯就咸左D。泡菜三文魚頭煱就辣辣地既，個賣相好靚架，味道都唔錯，三文魚頭都好有咬口。芝士軟殼蟹卷好好食，我不嬲都好中意田中既卷物，如果佢地真係同一間既話，我覺得佢進步左添，D 野整得仔細左。如果下次又唔係點使等位，我都會再黎食呀！ 如果食日本野黎講，呢度真係唔係好貴，下次再同朋友去食。

吾好以為改左名我就吾認得你⋯⋯麵鼓湯就麵鼓湯，最多加啲蘿蔔海帶，海鮮都加埋，唔係你仲有邊個？整三文魚腩碎飯時，三文魚碎裡面會加大量洋葱碎，令人食到咁感動⋯⋯唔係你仲有邊個？魚生飯份量會大到好似備準比地盤佬食咁⋯⋯唔係你仲有邊個？雖然你改變左形象比以前更高貴舒適，名亦都改埋，但我大大話話識左你十幾年喇！米以為整左容，我條脷就會吾認得你呀！

Went to a small street at Yuen Long, found this amazing small japanese restaurant with my friend. The restaurant is too small, actually I don't even realize there was a Japanese restaurant until my friend took me there. Eel Sushi - a fat eel and big portion, just $28 for two pieces, omg, really surprising! Taste really fabulous and really regret how come I didn't realize there is a good quality restaurant just near where I've always been to. Scallop Sushi - Textile is soft and huge size, this is

之前上網見到人地post 話天壽好抵食, 所以今晚就決定去試下經過左間鋪都唔知原來已經到左, 因為天又黑佢地個門面又黑, 好彩一早search 左係邊jar, 唔係真係有排搵入到去唔算大, 不過我21:15先去到, 所以都有好多位揀, 如果dinner time 黎到應該要等位啦先黎個蟹籽沙律, 好, 青瓜絲好爽甜, 份量又多叫左佢每日精選既刺身~ 象拔蚌 & 鮑魚刺身, 好鮮甜本身麻麻地炸物, 因為出面好多都係勁厚炸漿, 不過呢度個吉列炸蠔唔錯, 唔厚炸漿, 蠔又juicy, 不過個大蝦就麻麻地, 食落有少少"梅"最後再叫多左個炸軟殼蟹卷, 好得, 有d 一上枱d 軟殼蟹已經淋, 佢仲可以keep 住脆埋單都係$239, 份量多又抵食

聽聞係舊田中老板開.之前好想去試.但某某一路都reject,到今日連其他地方都reject埋,都唔强迫人,自己去試,地方不算大,老板是個好禮貌的人,每次送食物來都多謝,今次點了午餐魚生飯加鰻魚壽司,魚生飯有點似中田,送4片紫菜包魚生食,件件大大件好新鮮,送薯波,老板私人送多2粒,麵豉湯入面好豐富,有貝殼類物體,蘿蔔,紫菜鰻魚壽司36元,原條上2大厚條,啖啖肉,烤得好好味,總結平,大碟,服務一流,值得再去,今次得一個人試唔到出名活鮑魚刺身

元朗呢排唔知點解多左好多日本食肆，經過呢間門口超迷你的天壽和食屋，我即刻諗咁細間舖都開到。入面得十幾二十個位，真係好細，而且仲爆晒場。但見佢竟然有元朗出名日本食店「田中」的三文魚腩碎飯，咁就外賣左返屋企食。一開個飯真係好足料，三文魚腩碎好似仲多過田中，而且同田中一樣有三樣刺身、味噌湯同紫菜跟埋。同田中唔同佢唔俾北寄貝，係蟹子魷魚，仲正。隻甜蝦就無田中咁大隻，但都好鮮甜。味噌湯竟然有原隻蜆，味道都OK~

細細間不起眼, 新開的入去博一博吧~雖然舖頭細細但有不少人入座, 只是差不多七時正已差不多坐滿了, 大約有二十多個坐位.我們都事不宜遲快快點餐吧~~先來刺身, 十分新鮮, 跟我在日本吃的新鮮程度接近八成!!!!三文魚腩肥美, 壽司都算頗大舊的十分飽肚~~另外帶子和海老都十分新鮮, 海老的蝦頭還炸了出來, 真的不錯啊~~~~沾烏冬十分少見我亦未曾吃過所以一試, 牛肉普普通通沒有什麼特別, 烏冬頗爽口, 但醬汁十分鹹, 重口味~~吃了沒有一半先很膩....還剩下了一半吃不下去了~三文魚不算太多, 味道亦比較淡口, 附送的麵豉湯亦沒有什麼特別都是沖劑來的.整體來說除了刺身和壽司帶給驚喜之外, 其餘只是普通至失望的貨色, 味道有點像過山車滿一樣~~