天壽和食屋 (Closed)

食左個安格斯一口牛雖然有小小韌 但好有牛肉味之後係黑松露炒什菌68蚊 好抵食又正 真有黑松露加拿大海膽魚生飯 成隻手指公甘長 超正！堅抵食清酒煮蜆勁入味 味道同岀面好唔同 蜆肉都大隻 值得一試

去左食晚餐食左個蟹肉蟹子沙律 真係好正 係堅有蟹肉係入面岀面好多舖頭都係流既 跟住仲食左牡丹蝦 大隻又抵食又新鮮 都只係38蚊 抵呀 下次一定encore 最後就係海鮮炒烏冬 入面有班片虎蝦帶子 真才實料呀 不得了 又大碟喎 住附近有得成日食 正

今日约左個friend去元朗，佢話有間日本小店D野好抵食又平，一於去試下啦！我地兩個人叫左清酒煮蜆，燒牛舌同埋芝士炸虾卷，清酒煮蜆D蜆好新鮮， 湯味好濃，有蘿白喺入面，蘿白入左D湯味好好食，店長介绍我地食燒牛舌，佢話加D芥茉子酱會更令牛舌味道更加正，果然真係無介绍錯喎！不過最令我有驚喜就係芝士虾卷，虾炸到脆卜卜，而且虾卷上D芝士燒到半溶化再加埋D蚧子在上面，我一入口已經……嘩！我即刻唸起我细個睇果套卡通片天才小廚師成日講果句……好味呀！好有層次感呀！不過一碟得四件真在太少啦！埋單都係2佰幾蚊無加一，真係幾抵食喎！

以前的巨型壽司變成迷你壽司；定食價格上漲；三文魚壽司薄到好似紙鮮度一般；已呢個價格同呢個質素，完全失去以前的競爭力。例如燒鰻魚壽司，火炙三文魚卷都下架。以前的特色完全消失。不會再光顧！

佢轉老細之前我是經朋友介紹去食，當時認為超級抵食，仲周圍介紹人去....事隔一個月，今日買外賣返屋企，見佢menu 少左好多款式，問佢點解，佢答「係呀我地轉左」，咁我地諗住佢店名冇轉，價錢又同以前差唔多，就不以為意。返到屋企現啲壽司既size 竟然比以前 細左一半，以前係勁大舊，依家變到同爭鮮既尺寸差唔多，我地叫左一客三文魚刺身，仲有帶子/三文魚/甜蝦壽司，加埋牛油果軟殼蟹卷，盛惠$240！ 呢間野絕對要black list, 根本就係搵笨，呃人！ 唔會再去，亦會周圍同人講唔好去！

之前店舖突然關門幾日，今日見佢有開，諗住走入去食個肥美魚生飯（平時有幫襯開），點知就出事。門面冇變，入到去發現平時貼滿牆身既menu全部冇唒，再睇吓枱面張menu，又唔同咗。既然想食魚生飯，唯有叫紙上面既「角切魚生飯」。落單時問店員：「你地係咪轉咗手呀？」佢答：「我地轉咗廚。」但睇真啲店入面個個都好生面口。 好啦，個飯到咗，雖然心入面已有「角切」既準備，但個飯俾我好大衝擊。啲魚仲碎過爭鮮外賣魚生飯，從啲魚粒既型狀大小睇得出係啲頭頭尾尾，上面仲有啲完全唔啱味既疑似櫻花蝦碎。啲魚食落口冇鮮味，啲魚粒仲要切到痴唒刀（如圖）。要我俾88蚊食碗咁既飯，我寧願用同樣價錢去爭鮮買返十零廿件壽司，起碼我去得爭鮮，已經預咗唔好對啲食物有期望。一句講唒，食物唔得，店員講大話（轉手同轉廚分別太大），冇下次。

店舖名同裝修都冇改.但係轉左老細,廚房既師傅都轉埋.餐單都改左好多.冇以前咁多野食.同以前完全吾一樣了.食物質素差左.份量少左勁多.三文魚手卷由從前既厚4塊變到而家得一塊.反卷細舊到要啖食完.少到直頭係肉酸囉.又保留吾到以前個種味道.服務態度都還可以.店員全部都轉曬人.冇左最想食既大佬卷!!!!!!好失望啊!!!!!!!!以後都吾會再返黎食了.見佢地已經冇乜客.心裏面覺得好可惜.以前真係好好食!!!!!

上openrice專登搵間有壽司食嘅餐廳，見comment都幾好，不妨一試，點知一坐底就後悔了，好想走一心想食壽司，點知睇完menu，老闆居然話整唔切，(已經忘記佢地咩原因整唔切) , 所以得返三文魚同油甘魚，仲有三款反卷可以叫，有無搞錯，點解岀面睇緊menu 時唔講明? 但已經坐底唯有照order啦, 當我地仲睇緊menu，佢地就企係到好似催我地咁，我地唯有快快order咗兩份壽司先，之後先再order, 點知個侍應一句dup埋黎，一次過講埋啦! 態度真係差，因為我地只係坐底都無幾分鐘於是，我地話鬼知佢，order 咗幾樣先三文魚可以叫刺身同壽司刺身六片，只係58蚊，而且好厚 (見隔離台)但呢兩件就要28蚊，想點呢....燶咗嘅鰻魚飯...有啲苦請問鰻魚汁好貴咩? 點解個飯可以咁dry牛舌ok牛油果軟殼蟹反卷都無心機影了啲飯好黏 一pat咁...軟殼蟹得丁屎咁多令我忍唔住要上黎俾負評嘅除咗食物，仲有佢地嘅態度!!間餐廳已經好細，只可以用一條走廊黎形容佢嘅大細，係餐廳最入面 有大概兩張四人台，不過要落幾級樓梯先得，可怕嘅事就係呢幾級樓梯係<落>樓梯前就岩岩放咗一張四人台

第一次黎太多人等, 食唔到...第2次黎明明唔係休息日都無開門...第3次!!!!!!!! 終於見無乜人等就去等下啦~~ 都等左15分鐘 首先係門口到會比張餐紙你圈低食咩再幫你出單~食物款式其實唔算好多, 壽司種類都較少叫左個雜錦~有8件~~之前聽朋友講呢間好抵食, 食過先知...原來呢到D壽司都幾大件.....!!!!長長既三文魚, 長長既鰻魚, 大大舊飯~~~加左價~$84蚊8片~ 厚切呀!!!!!!都幾新鮮, 如果再甜d就好啦大大碗蟹籽沙律, 青瓜絲好爽, 但係唔夠沙律醬呀!!!!!!!><火焰芝士鰻魚卷~ 抵食!!!好濃芝士味, 一入口同鰻魚融埋左一齊....會ENCORE~~~~~~!! 下次試下個5式壽司先! 本身以為係小卷? 原來係5款帶子Mix其他!!不過小店環境逼左少少.....唔適合坐低慢慢傾慢慢食~~

辛苦的一天工作後，當然要對自己好一點，但是心想已經是晚上9點....仲有咩好食呢！靈機一閃說想起天壽，因為平時晚餐時間有好多人等位...所以就想去碰運氣，點知去到真的有位....但其實入到去都坐滿晒客呢....真係 好旺場....見到有餐牌有好多選擇，但最後我係揀在鍋燒鰻魚烏冬，湯底不是豬骨湯，而是加在蛋花同麻油...別有一番風味，同埋見到有差不多成條既鰻魚，有點驚喜....，好彩食落冇魚骨..而且都有豐富醬汁，加上鰻魚都唔係太薄身....所以都冇扣分啦⋯⋯

蟹子沙律勁大碗 好難完全撈混食 不過沙律醬好細心枝側邊 可以按自己喜好去撈幾多醬 同埋有原條蟹柳 其實同其他鋪食嘅差不多 以份量取勝 餃子雞翼燒得好香好甜 好惹味 入面釀嘅肉都幾match 可以一試迷你海膽飯 海膽轉左馬份海膽，價錢收平左，海膽新鮮冇異味雜菜三文魚頭鍋 份量好足，魚頭新鮮，亦都炸得好好火焰芝士鰻魚卷 唔知點解幫我加左豉油，搞到好咸芝士野菌 兩個人食既話會太多，頭幾口好有芝士味，但食多就會好咸服務很好，會不停加水環境完全感受到香港地少人多既特色

平時經過都冇咩留意呢間餐廳，今日同屋企人食lunch(其實係brunch,差唔多3點先食😂）去到好彩唔駛等，因為佢地話平時晚飯時間都好多人排隊。weekend lunch time就容易搵位d。不過我地坐左大概45分鐘，都不斷有人黎，似乎呢間餐廳都幾受歡迎！所以我地食飽飽就即刻埋單讓坐啦。3個人叫左2個餐，再加4件壽司，都已經好飽。Set lunch好足份量! 我食左刺身飯，都幾新鮮，下次可以再encall😋 如果食量唔大同唔多人，叫1，2個餐再叫小食share,份量應該岩岩好！

因為落大雨關係，同女朋友無特別去搵嘢食，而且我記得呢間評價唔差，所以入咗天壽食，點知令我後悔莫及⋯⋯我叫咗燒牛舌、芝士野菌、吉列豬扒烏冬同雜錦刺身⋯ 熟食好好食，除咗個味精烏冬湯底～吉列豬扒同野菌值得一讚呢個時候，我唔小心倒瀉咗個烏冬湯（因為兩人share），成枱同我條褲都濕晒。有個後生仔侍應行過嚟，本來以為佢會幫我手，就算畀紙巾我都好⋯點知佢講：「你個鍋仲要唔要？」結果，由頭到尾都無人幫手，連枱我都自己抹！問候一句都無！算了，我只係想快啲食完走！點知另一惡夢開始⋯刺身到，賣相幾好～不過一食赤貝⋯心知出事！好腥！點解仲有人話啲刺身好新鮮？我望一望四周，個個都叫嗰個鰻魚卷，我究竟係咪中伏呢？好！再食帶子⋯又係唔新鮮⋯轉食三文魚，諗住穩陣，又係唔新鮮⋯好彩，海膽唔錯～甜蝦算係咁！好啦，世事永遠係咁，畀啲希望你，再令你絕望！一山還有一山高，最終Boss係油甘魚！個味酸㗎！係「縮」㗎陣味！最後，當然食淨好多⋯到埋單，我問點解刺身你有兩個價錢？一個$228，一個$238？當然佢哋會話未改價錢啦⋯⋯最後令我最難忘，我出舖頭門口時，因為落大雨⋯我企喺門口只係2，3秒準備打開把遮，個中年女人侍應一句飛

襯住好天就去元朗行下街, 行下山, 所以就去元朗搵下好野食啦! 入左一間小店, 見食日本野既, 所以試一試啦!點了芝士饅魚卷, 實不相瞞, 呢種配搭原先以為係一個伏, 點知又有驚喜! 芝士味非常重, 鰻魚係燒過的, 但唔會因為要夾係壽司就完全無晒鰻魚味而且, 鰻魚本身有燒汁配合, 融合於壽司當中, 真係好正! 芝士與鰻魚的配搭原來係咁完美既另外, 就係生蠔啦! 唔知大家有無試過食一杯杯的生蠔呢? 呢個食法我都真係第一次見! 原汁原味, 而且絕對新鮮! 蠔唔會好重海水味, 一啖一口的感覺真係好正!

星期日晚上，同朋友2個人約左去元朗食飯，稔起之前經過呢間餐廳，見有好多人排隊，所以就去睇下多不多人。大概8點9左右去到，要等3張枱，就係門口等位同稔定食咩，等左2，3個，字就有位我朋友叫左一碗魚生飯定食，我就叫左三文魚腩大佬卷、芝士鰻魚反卷同埋店員推薦的生蠔刺身。魚生飯定食好似$80幾，刺身都幾大片，但就不是特別高級，可以算是重量而不太重質，所以我説是比較"平民化"三文魚腩大佬卷，真係食到好似打大佬咁，好大件，好飽。味道有7/10分，但我覺得真係太大件，飯太多。芝士鰻魚反卷就無咩特別，都係大大件，但鰻魚就不多最值得一提係店員推薦的生蠔刺身，性價比真係好高。$60幾蚊就食到6隻生蠔係幾抵食。雖然係冰鮮急凍既生蠔，但味道都不錯！總括來說，我覺得我會用"大件夾ok抵食"來形容。Overall 所有食物的份量都比較大份，多，但質量就普普通通。