大師傅粥品 (康威大廈)

清清腸胃食粥最好 !    行經北角找到  大師傅粥品, 下午茶時間, 人流仍多.  大家立即內進搵位.  粥店面稹大, 裝修光猛, 座位整齊舒適, 牆上有食物照片, 容易點餐. 熱柜內的油炸鬼, 牛利蘇, 煎堆, 大大件, 剛剛炸起, 好香脆.  餐牌印制非常清晰,  食物選擇多,  粥分:  即熟粥, 生滾粥.   傳統小食有油器, 炒麵, 粽, 腸粉.   重有飲品.    經濟實惠,  適合街坊. 檯上醬汁, 芝麻, 齊備.  抽櫃有筷子, 紙巾.  好衛生.我們叫齊自己喜好.    一息間熱辣辣便送到.  擺滿檯.牛利蘇    炸得香脆,  外酥內軟.  送粥,  一流好食. 凍豆漿,  豆味香濃,  好滿意.   配上 鹹肉粽, 吾錯.鹹肉粽  飽肚之選.   糯米煙韌, 蛋黃鹹香, 加上優質豬肉, 食得回味.蝦米炸兩腸:   好大碟, 腸粉皮薄薄粉質細滑, 柔軟,  加上蝦米及香蔥, 非常可口.   腸粉內包裹著脆脆油條,  淋上豉油, 甜醬, 辣醬和麻醬, 再灑上芝麻.  吃得有層次. 生滾粥:   手打肉丸粥 + 黃沙豬膶  只加 $5.   粥底軟綿綿又鮮甜,  黃沙豬膶 夠肥美, 口感爽脆.  手打肉丸彈牙, 配上香蔥一起吃,  好味.朋友也叫了生滾粥:   窩蛋鮮牛粥 + 鮮鯪魚球,  只加 $5,  內藏有一隻生蛋.先找出雞蛋,  好金黃色.把蛋刺穿拌勻,  粥立即變得更醒神,  粥底又綿又滑, 滿滿蛋味牛味, 加上鮮鯪魚球的魚香, 配搭得非常好. 粥靚料多, 配上香港傳統小食, 食得開心.  服務理想, 坐位 舒適, 吾錯啊!…Read More

隔咗一排, 終於有時間同屋企人食LUNCH, 又再去咗我地嘅抵食飯堂「大師傅」, 呢度價錢親民, 而且份量足, 可說是性價比過。餐廳環境光鮮企理, 全日堂食不設加一, 吸引不少附近街坊幫襯。供應多款粥品、腸粉, 油物等….價錢抵過買料自己煮。【艇仔粥】HK$26 (+$4 追加豬紅)粥底綿密滾熱辣, 食材豐富又足料, 包括有瘦肉絲、爽口魷魚、豬皮、牛肉碎, 粥底綿密熱辣辣, 啖啖粥都食到配料, 好有層次, 而追加嘅豬紅, 口感彈滑。【豬紅粥】HK$23 (+$4 追加碎牛)錦密粥底配上彈滑豬紅, 再追加了碎牛, 增加點點肉香。【蝦米腸】HK$17蝦米腸滑嫩柔軟, 稍吸了些少豉油, 配搭蝦米、蔥粒食, 增添一點香口。【蝦米炸兩】HK$20蝦米腸包住了香脆油炸鬼, 自行加咗芝麻醬、甜醬同埋芝麻, 內脆外軟又美味。【炒麵】HK$15炒麵炒得好香, 不會過於油, 大大碟, 好抵食。【白糖糕】HK$5白糖糕口感帶點濕潤, 甜甜地, 不錯的甜品。…Read More

閒時食番碗粥，對於腸胃有好大益處。粥品容易消化，能補充水分和能量，調養脾胃。今日就去附近搵間粥店幫櫬一下。鹹肉糭充滿着鹹香與糯米飯的軟糯口感，非常豐富。鹹蛋黃是鹹肉糭的靈魂，有一種鹹鮮濃郁的風味，與肥瘦腩肉和糯米結合得恰到好處。內層綿綿細膩嘅綠豆蓉，香味十足。北菇滑雞粥 + 碎牛層次豐富，有滑嫩的雞肉、鮮香的北菇、以及帶有薑味的粥底。雞肉經過醃製，口感滑溜，北菇香氣濃郁，薑絲嘅辛辣味道喚醒味蕾。追加了碎牛肉，增添鮮甜口感。…Read More

今次同大家介紹呢間港式粥品店 —「大師傅粥品」🤩🤩餐廳主打多款新鮮生滾粥同小食，價錢唔貴之餘性價比又高！而家天氣食返碗熱辣辣的粥就啱哂啦♨️♨️🥣艇仔粥✨粥底綿滑充滿米香，加上魷魚、豬皮、瘦肉絲、牛肉碎等食材，十分足料！另外仲加咗半隻鹹蛋，味道更豐富😋😋🍝豉油皇炒麵✨份量十足！麵條炒得乾身，啖啖豉油香～我就鍾意加甜醬食，食落更加惹味！！🥖油條✨油條好大條，炸得金黃酥脆，好香口！仲可以揀原條/碎上，夠哂貼心❤️❤️🥤豆漿✨豆漿口感滑順，入口帶濃郁的豆香！味道又唔會太甜，唔錯呢👍🏻👍🏻…Read More

好耐冇食粥啦經過大師傅好多人食試下先價錢唔貴 選擇都幾多 ✨豉油王炒麵炒麵夠乾身 豉油都好入味✨蔥花炸兩腸軟滑腸粉包住香脆油炸鬼口感豐富 點豉油更加好食✨鮮蝦腸粉每條都有兩大隻鮮蝦蝦肉非常彈牙 配搭軟滑嘅腸粉同豉油非常惹味✨狀元及第粥即叫即滾 非常入味材料好多 有豬肉丸、粉腸、豬肉、豬肚等等✨艇仔粥同樣材料好多 粥底夠晒棉 有碎牛肉、魷魚、豬皮另外追加半隻皮蛋 味道更香✨食粥當然要配搭牛利蘇加埋粥一齊食 牛利蘇吸哂粥嘅香味 正啊最後加埋未甜嘅白糖糕同豆漿 好飽啊…Read More