Tariushi STONE GRILL (Closed)

去深水埗行電腦商場，目標係Switch 遊戲碟，之前先醫肚。高登、黃金一帶坐得較為舒適嘅餐廳唔多，最終揀了「多利牛石焼き」。同其他深水埗的地舖餐廳一樣，室內面積細小，餐枱及座位數量唔多。為了進一步節省空間以擺放更多座位，另一方面又可節省人手，「多利牛石焼き」採用了自助售票機。餐牌款式選擇較另一間同樣採用自助售票機的石燒牛扒專門店「神石焼き」少，但就較為先進，採用全觸控式屏幕，點餐設計也較為 user-friendly。疫情下，政府限制餐廳客人數量，本來擠迫的座位編排反而變得較為合理。共有六款不同部位牛肉及一款西班牙杜洛克豬扒，又可因應胃納選擇不同重量。本來以為「神石焼き」已經算定價合理，但「多利」更平⋯⋯ 是不折不扣的平民版石板燒。又有一張海報詳細介紹牛扒不同生熟程度的狀態。廚師建議五至七成熟。每個座位前貼有用餐指南，指導新手如何運用石板煎牛扒或豬扒。最窩心之處，就是每個座位設有獨立不鏽鋼煙管，聲稱可以排走油煙；不過，經過手感測試，實在感受不到任何排風力度？雖然只是平民版石板燒，但醬汁選擇也相當齊全。沙律醬汁有柚子醋及日式芝麻醬；肉類就有黑胡椒、粉紅岩鹽、日式燒肉汁及黃芥末。中午時段，另外還有兩款特價優惠套餐，分別係牛肉薄切及豬肉薄切。小公主揀了石燒美國 IBP 肥牛片（$68），分量較少，正好適合兒童或者減肥中的女士們。其中一位員工姐姐服務態度雖然有點粗魯，但其實很熱心，不停提醒小女兒小心石板燙熱，甚至主動幫小女兒煎熟所有肥牛片，又提醒小孩最好食全熟。加點海鹽、加點黑椒，煎熟後味道同凍肉公司的薄切肥牛差不多，很一般。安格斯牛小排(200g)（$128）套餐包含一條新鮮香草及已經烘乾了的蒜片，先將兩款香料放在石板上，隨着熱力即逼出了陣陣香氣。牛小排的脂肪分布也幾平均，200g 的份量、加上白飯一碗，已足夠一個普通成年人飽餐一頓。煎第一輪牛小排時，由於石板夠熱，每邊煎半分鐘左右已經剛好七成熟。加點海鹽及黑椒、煎熟後再蘸一點燒肉汁，接近日式燒肉或韓式烤肉的風味，但就缺少了明火燒烤的焦香。牛肉味較石燒美國 IBP 肥牛片濃郁，雖然並非什麼美國USDA Prime 級別牛肉，但性價比高。豬肉難熟，同安格斯牛小排全生肉上枱不一樣，西班牙杜洛克豬扒(200g)（$128）先煎香兩面及四周邊緣、再直接放在石板上，望落去以為已經煎熟，切開才見到原來只是一至三成熟，仍然需要自己動手用石板再煎。煎豬扒更容易體驗到石板降溫很快，兩、三分鐘後已經沒有了「滋滋」聲。唔想換石板（雖然可以提出要求），更加唔想煎唔熟豬扒；索性一次過將整塊豬扒切條，全部煎至七成熟。咬落有油脂香氣，肉質鬆軟冇渣、但又唔會太腍；雖然唔夠濃，但也算有豬肉香味。以性價比來說，已很難挑剔。牛肉質素有待改善，及不上「神石焼き」，但相對來說，「多利」定價也更抵食、牛肉質素稍為有所不及也可以理解。…Read More

近年多了很多小型的石燒店。上星期六，行經深水埗，發現開了一間新既石燒牛店，於是便試吓。店內裝修行日式簡約風，令人忘記處身在深水埗。與其他石燒店一樣，全店自助式只賣幾款招牌肉。佢哋有六款牛同一款豬。是日點咗個安格斯翼板，200g連湯丶飯都係$128，好抵。之前去過第一代的石燒店，油煙頗大，食完成身燒烤味。呢間多利勝在每個位都都抽氣位，感覺上簡單而舒適。牛扒端來了，厚厚實實既牛扒躺在石板上發出滋滋聲，色香味聲俱全，喚醒我嘅味蕾，如果以此肉份量及質素，在一般西餐廳起碼$250，現在只需$128，性價比極高，況且自己控制牛的熟成度，唔使睇廚師手勢，有得玩有得食。環境7/10服務7.5/10食物7.5/10衞生8/10…Read More

首先，d野食係ok嘅，但入面嗰位短髮女服務員態度差到冇人有，好似我比錢求佢比野我食咁。入面一枱客都冇，得我一枱都可以對我呼呼喝喝～由一開始喺部機入單果一刻已經比面色我睇，講野已經好唔友善，到坐低食野仲衰～全程比人命令式待侯，一路食個心就一路嬲緊，我全程唔該前唔該後睇下係咪佢一時心情唔好，點知我係錯嘅，根本就係個人問題，已經唔係我一個post咁講，嬲到我要出post 鬧你真係第一個。大家如果想試下比人當狗咁喝就試下嗰位西裝頭短髮女服務員嘅招呼啦。好抱歉我要比哂全部一星，因為佢嘅態度已經令我無視哂味道環境等所有野…Read More

唔使錢俾你都唔好去。直接去垃圾桶服務員態度差、食品份量太少。飲品收咗錢、你唔提就唔攞俾個客。兩個員工做嘢。白飯都跟餐上。實情係咪唔想做。而家疫情都可以這樣做，實在令人太費解。如果你係老細就快啲去睇吓、如果唔係、間間鋪都係咁出品、睇快你都好做夠數啦，應該唔使再辛苦受的客人氣啦。祝你事業成功、更上一層樓。我就一定唔會再要你辛苦啦。如果有曰聽到貴店真係成為名店、都唔覺得出奇。所謂事出有因，若然未到、都係時間問題姐。…Read More

第一次嚟呢度食好失望:(雖然啲嘢食唔算差，我哋嗌咗四個餐，兩牛兩豬，味道算好不過有啲貴。呢啲都係其次，最重要嘅係服務態度真係好差，有一個女職員，態度好差諗住自己點餐，問吓阿囡個餐會唔會跟飯，個職員插嘴話：「啱啱已經講咗會跟飯」個態度超級唔耐煩，但係其實我完全冇諗住問佢！跟住諗住唔麻煩人哋，自己倒返杯水飲，嗰個職員好惡話：「我幫你浸得啦！」態度好差唔係特登寫佢差評，而係今次第一次嚟呢度食嘢個服務態度已經咁樣，我講嘅每一句都係真話，大家衡量一下再諗吓去唔去呢度食:(…Read More

星期日嚟到深水埗逛逛街， 買下電腦用品， 趁住時間尚早， 在黃金商場附近 搵嘢食。 見到有間食石燒牛肉的舖頭。之前都有食過類似的， 但見到呢間比較特別， 每個座位都會有獨立抽風， 可以吃得乾淨俐落。門口的poster吸引著 , 有我最鍾意的 安格斯牛小排 , 之前試過其他鋪頭都冇得揀牛小排, 一於入去試下。 不過好可惜 ，偏偏最想要的就是得不到。。。。。牛小排真係好好食㗎， 肉味香濃，而且油脂分佈比較平均又有咬口， 可惜偏偏得不到。。。。。唔緊要都可以試下其他嘢食，安格斯三角肥牛+安格斯翼板每款都係嗌咗300 g， 大大件大大份， 熱呼呼的熱石， 放上香噴噴的牛肉。兩件當中我比較鍾意食安格斯三角肥牛， 肉質彈牙， 肉味香濃， 油脂充足， 唔會嚡口夠滑。安格斯翼板， 比較有咬口， 油脂比例均勻 ， 先嘅時候要比較快手， 五成熟就啱啱好。飲品好多選擇， 最鍾意日本樽裝飲品， 白桃汁果味香濃而且有粒粒果。 蜜瓜汽水夠爽口， 碳酸夠強勁。…Read More

今晚嚟到深水埗呢邊探朋友，夜晚見到深水埗有咁多好食嘅餐廳😍見到呢間鐵板燒幾正😆就入嚟試吓～一入餐廳職員會講解有唔同種類嘅鐵板燒，主打係牛肉，有唔同種類嘅牛，職員會解釋佢嘅口感同埋肉質有咩分別，跟住再揀，可以揀200g, 300g或者400g,跟餐會包飯,沙律,湯同飲品👍🏻安格斯肩胛翼版300g $168好大件嘅安格斯牛肉🥰肉質好嫩滑☺️幾新鮮😍而且咬落啖啖肉😆比較多肥肉🙈不過食落好爽口😋而且唔會覺得好膩，口感唔錯👍🏻三角肥牛300g $178十分之juicy😍一咬啲肉汁就出晒嚟💕好rich～而且冇咩肥肉🤣好有咬口~配埋醬汁,將牛肉嘅美味昇華😋牛肉湯店員話熬製咗幾日嘅牛骨湯☺️飲落有好濃郁嘅牛肉味😋惟一缺點係有啲油浮係面🙈不過成碗湯幾香，幾正👍🏻沙律沙律菜幾新鮮👍🏻配埋柚子醋，酸酸甜甜☺️仲有芝麻醬，幾好食😋蜜瓜梳打第一次飲😂幾鍾意梳打水🥰係日本出品☺️有好香甜嘅蜜瓜味😋仲有梳打嘅泡泡😍飲完好飽🤣…Read More

今日去福榮街，一逛便逛了幾小時，霎眼間又到晚飯時間，所以上網望望附近有乜嘢好食，見到有間食石燒牛都唔錯，而且食牛扒還包沙律、飯、湯等，性價比好高！食肆內有不同的醬汁，食牛扒時用來提味，梗有一款啱自己口味😋！沙律菜都幾Fresh，可以自己加上沙律醬，味道就冇咁寡。安格斯翼板油花分布均勻，肉質有膩嫩口感，富有自然肉香和鮮甜多汁，七分熟味道最佳！安格斯三角肥牛肉質柔軟可口，不太油膩，肉汁多，非常適合用來石燒。整頓晚飯邊談邊燒，真是好玩又好味！😋…Read More

呢間石板据扒一向都知出名， 經過深水埗點可以錯過呢～今日就同朋友一齊食夜晚飯~🐮同其他餐廳嘅鐵板牛扒唔同，牛扒上碟時係微微熟左表面，切開一塊塊肉時就仲有些少血水，呢個時候就可以加配醬汁煎成唔同嘅熟度，而餐廳提供左不同嘅醬汁：芝麻醬 芥末醬 燒肉醬 適合唔同口味嘅人選擇😋雖然我就揀左最平嘅西冷牛扒，但唔代表平嘢就冇好嘢!!內質都鬆軟得黎帶有牛味，第一口無加配料原汁原味，佢嘅牛油味好香!! 又係一間平民牛扒嘅好選擇👍🏻…Read More

石燒牛都興左一段時間, 感覺間間都咁上下, 今日出到SSP見到好多人排隊等依間石燒, 見好耐冇食, 就買完野排埋一份食個晚飯。一個餐有湯有沙律有飯, 有D唔同既係依度唔洗自己走出去裝飯同湯個D, 幾款既調味醬汁都用高架放好係面前, 望落都幾企理。安格斯三角肥牛三角肥牛好似比較少見, 就叫泥試下。300G份量睇落好豐富, 上既時候3成熟左右, 肉質札實彈牙, 而且都幾JUICY, 只要自己控制住唔好煎到OVER左就好好食! 唔洗加好多醬, 少少SALT AND PEPPER已足夠好味。西班牙杜洛克豬扒豬扒唔會好乾身, 正正常常啦, 建議大家食番牛, 特別D又好食D。特別想提下佢個湯, 唔係普通麵豉湯而係用牛,蕃茄同蔬菜煲出泥, 特別好味! 而飯面亦加上飯素, 食既時間多D味, 我自己係幾中意既。…Read More

牛扒種類有成6款咁多，無論你鐘意咩口感，梗有一款啱你心水，最平$88就食到啦，如果唔食牛肉嘅，呢到仲有西班牙杜洛克豬排，各位食肉獸去開深水埗記得試下啦套餐包沙律、湯同飯，個湯係自家熬製牛骨湯，唔係普通麵豉湯調味料好齊全，有粉紅岩鹽、黑胡椒、燒汁、日式柚子醋、日式芝麻醬同黃芥末店員教路炒香蒜片同香草之後加少少鹽同黑胡椒，再切開一塊塊牛慢慢燒就最易控制火候啦安格斯翼板($168/300g)即係牛嘅肩胛位，因為運動量多，肉質比較結實，油花分佈均勻，雖然有筋，但都係啲細筋嫩筋，口感好有嚼勁黑安格斯肉眼($160/300g)肉質鮮嫩多汁，同脂肪比例平均，油花豐富，牛味香濃突出，唔洗點調味已經好好食值得一讚係呢到每個位都有條獨立抽油煙喉管，食過好幾間石燒牛都係第一次見，好難得食完燒肉件衫都完全冇油煙味，仲有即棄圍裙同紙袋比你裝口罩…Read More

唔想比肉汁彈到？快啲著起圍裙啦操作簡單，方便落單。之後會有職員帶位，係等候期間，安格斯肩胛翼版300g -食得唔好浪費喔300g足夠男仔食量係等緊嘅期間可以清潔雙手,然後可以用石鹽同胡椒讓熱食吸收，順便可以用蒜頭炒一炒。會更加入味然後再將塊扒煎一煎，根據你喜愛食扒嘅程度😋😋再加多小許石鹽同胡椒會更加驚喜。另外每個座位都設計抽風系統，所有客人都唔使擔心食完會一身肉味而且可以放心周圍去啦。沙律可以配芝麻醬白飯可以配日式柚子醬酸酸甜甜撈飯一流最後點解我會再返嚟幫襯嘅原因,係因為佢哋對食物有要求，而且佢哋希望客人都同樣尊重食物食得唔好嘥呢種精神我非常之欣賞加油！！…Read More

今日去咗深水埗食牛扒石板燒，我哋叫咗一份肉眼300g，一份安格斯肩胛翼板300g呢度同坊間嘅石板燒有少少唔同，入門口之後經過自助落單機落單，然後會有店員上菜，而飯同埋沙律都係包埋嘅，不過就只限一份，並非任食，而飲品都係要另外加錢嘅。另外呢度每個位都有一個獨抽氣喉，所以食完都唔會成身油煙味道。安格斯肩胛翼板油花多，嫩度適中，而且富有牛肉嘅味道，口感都非常之唔錯。店員就教我地要將香草擺喺底，然後加上黑胡椒同埋鹽，再煎一煎塊牛扒，咁樣牛扒就可以吸收到香草嘅味道，食落更加好味。側邊位置會比較偏肥少少，但中間位置嘅口感非常唔錯。朋友叫咗一份肉眼扒，口感更加淋，不過比較多筋少少…Read More

今日要去深水埗黃金商場買嘢，順便約朋友見吓面😎朋友話想吃石燒牛，就Search 吓Openrice 有乜巧介紹，發現了「多利牛石燒」 ...就決定這間，因為就在黃金商場後面街😝「多利牛石燒」是自助落單，門口和店內各有一台落單機，用電子付款，幾方便😁落單後店員安排座位，然後就湯，沙律，飲品，飯送上來，最後當然是主角（牛石燒）..店員亦很細心敎我們應該怎樣燒，怕我們會燒燶🤣🤣🤣還有提醒我們要穿一次性圍巾🤓石燒上枱時，牛扒是大約3-4成熟...然後我們可以按自己喜歡的生熟程度而燒，調味料有粉紅岩鹽，黑胡椒，燒汁，黃芥末等提供，不過因為肉質鮮嫩，只需用岩盬和黑胡椒就已經可以吊出牛味了😋😋西冷牛扒（300g）$138，西冷牛扒很厚，筋位少，份量足，肉質鮮嫩多汁，牛味亦很重🥳黑安格斯肉眼扒（300g)$160 , 牛香味很重，而且肉質鬆軟鮮嫩😋😋除了主角，「多利牛燒」的湯也不差，而且飯亦很不錯，配有飯素..總括各樣也很好👍🏻👍🏻…Read More

朋友話佢上次食過牛石燒幾好食，又想再去食過，咁人係深水埗就上網搵下附近有咩揀啦，搵到呢間很多好評的多利，經過門口都幾多人喎，入面基本上七成入座，話晒都兩點幾，真係估唔到下午茶都咁多人食牛！？呢條街都好多野食，但多利似乎最多人圍。入到舖頭，先在點餐機揀食物同買票，可用八達通比錢很方便。之後就會有店員安排座位，每個位上面都有一系列調味料，可自行選用。店員亦會送上口罩紙袋同圍裙，記住一收到後就好用啦，如果唔係會阻住店員上菜㗎～店員會等你戴好圍裙先送肉上黎，免得油煙彈到衣服嘛。同朋友點了一人一份牛再加了飲品，自己揀左烏龍茶，朋友揀了西柚特飲。烏龍茶是日本貨，雪凍了正好配石燒牛。朋友的西柚飲甜中帶少少苦，佢話可以去牛膩喎，哈哈。朋友點的安格斯三角肥牛，300g睇落好大塊呀，睇見都吸引。朋友話佢習慣先切好，大概五成熟就拎開，食嘅時間先回石塊返燒。試左佢份牛，好重牛味，因為有脂肪位所以好甘香，好好味呀～自己點左牛柳，同樣300g，大大件牛柳好想食呀！先試口五成熟嘅先，無朋友件咁重牛味，但好淋無筋，後來燒到七成熟都唔會韌，大口大口食真係好滿足。附上的沙律同湯，店員強烈要求用胡麻醬配沙律，佢話咁先夾㗎，哈哈，本身都係麻醬fans，梗係用麻醬啦。個湯好有牛味，超濃郁，好好想添飲啊。仲有白飯，牛扒配白飯正到暈呀～無加一。…Read More